[Diary អ្នកដើរ] បងខុសពីគេ ទៅហាងកាហ្វេ ព្រោះចង់ជួបថ្លៃ

ជឿហើយ…ពាក្យគេថា «នឹងមាន​មនុស្សម្នាក់​ ដែលអាចកែប្រែយើងបាន»!

ខ្ញុំពីមុន មិនចូលចិត្តទេ ចេញក្រៅទៅអង្គុយរៀន ឬធ្វើការនៅហាងកាហ្វេអីហ្នឹង ព្រោះចេះតែមានអារម្មណ៍ថាមានកត្តារំខានច្រើនជាងនៅក្នុងផ្ទះក្នុងបន្ទប់ខ្លួនឯង។ តែក្រោយពីថ្ងៃចៃដន្យនោះមក…ខ្ញុំក៏ប្រែ។

មិនចាំថាជាថ្ងៃខែឆ្នាំណាច្បាស់ទេ តែចាំថា វាជាថ្ងៃ Deadline ត្រូវផ្ញើកិច្ចការឱ្យគ្រូ ហើយនៅផ្ទះ ក៏ស៊យដាច់ភ្លើងឡើងយូរមិនឃើញមានវិញសោះ។ Wifi​ ក៏អត់ ទូរស័ព្ទ និងLaptop ក៏អស់ថ្ម!!! ជម្រើសល្អបំផុត គឺមានតែទៅញ៉ាំកាហ្វេ​ ១កែវ អង្គុយកន្លះថ្ងៃ។

ទើបតែចាប់អារម្មណ៍ថា ក្បែរផ្ទះខ្ញុំមានហាងកាហ្វេតូចមួយ រៀបចំបែបតិចនិយម (Minimal) ពេលដើរចូល មិនអាចឃាត់ដៃមិនឱ្យលើកទូរស័ព្ទមកថតបានឡើយ។ ការតុបតែងទាំងការ៉ូ ជញ្ជាំង និងសម្ភារៈតែងលម្អភាគច្រើន ប្រើពណ៌សជាគោល ធ្វើឱ្យមានអារម្មណ៍ស្រស់ថ្លាប្លែក!

មិនបង្អង់យូរ ខ្ញុំសម្លឹងរកមើលកន្លែងណាដែលនៅកៀនៗគេ ហើយមិនសូវមានមនុស្សដើរកាត់ច្រើន។

«បងអញ្ជើញម្នាក់ឯងទេ?» បុគ្គលិកថ្ពាល់ខួចសក់ពណ៌ត្នោតបែកមាសរួញចុងតិចៗចូលមករាក់ទាក់ខ្ញុំ

«បាទ៎!» ខ្ញុំតបខ្លីៗ ហើយធ្វើជាងាកមើលឆ្វេងស្តាំ ដើម្បីគេចពីភ្នែកមានមន្តស្នេហ៍១គូនោះ

«ចង់រកកន្លែងដាច់ពីគេមែនបង? សូមអញ្ជើញខាងនេះ» នាងនិយាយជាមួយស្នាមញញឹមយ៉ាងស្រស់ រួចដើរនាំផ្លូវទៅកាន់កន្លែងតាមតម្រូវការរបស់ខ្ញុំ

បន្ទាប់ពីទទួលការកុម្ម៉ង់របស់ខ្ញុំហើយ «កញ្ញាថ្ពាល់ខួច» ជារហស្សនាមដែលខ្ញុំលួចហៅគេក្នុងចិត្តម្នាក់ឯង ក៏ចេញទៅបំពេញការងាររបស់នាងបន្តទៀត​។ ខ្ញុំក៏ប្រញាប់បញ្ចប់កិច្ចការក្នុងដៃ ដោយយូរម្តងៗ លួចមើលនាងហើយញញឹមម្នាក់ឯង។

«បងមានត្រូវការអ្វីបន្ថែមទៀតទេ?»

«អត់ទេ! អរគុណច្រើន»

«បងចូលចិត្តអានសៀវភៅដែរហ៎? នៅខាងនោះ យើងមានបណ្ណាល័យសាធារណៈ​តូចមួយ បងអាចអានសៀវភៅទីនេះក៏បាន ឬក៏ខ្ចីទៅអានក៏បានដែរ។ ហើយបើមានសៀវភៅចង់ exchange ក៏បានដូចគ្នា»

«អូខេ…ចាំរួចដៃ ចាំទៅរកមើល។ អរគុណ»

ទាល់តែចប់ការងារសព្វគ្រប់ ទើបខ្ញុំមានពេលក្រលេកមើលបរិយាកាសជុំវិញខ្លួនបានពេញភ្នែក។ ហាងកាហ្វេនេះស្ងប់ស្ងាត់ល្អ មិនមានអ្នកជជែកខ្លាំងៗ មិនមានចម្រៀងចាក់លឺៗ មិនដូចអ្វីដែលខ្ញុំធ្លាប់គិតឡើយ។ បើនិយាយពីបុគ្គលិកវិញ សែនរួសរាយរាក់ទាក់…

ចំពោះរសជាតិកាហ្វេ ខ្ញុំមិនហ៊ានថាម៉េចទេ ព្រោះញ៉ាំមិនសូវរើស។ហើយទោះបីមានជម្រើសភេសជ្ជៈច្រើនដែលយើងមិនស្គាល់ បុគ្គលិកនឹងសាកសួរ ហើយណែនាំអ្វីដែលត្រូវនឹងចំណូលចិត្តយើង។

ចំណែកម្ហូបវិញ ខ្ញុំឡើងជាប់ចិត្តនឹងស្ប៉ាហ្គេទីតុងយ៉ាំនៅហ្នឹង។ និយាយមែន! ជាម្ហូបប្រចាំហាងតែម្តង! ពិបាកបរិយាយណាស់…តែដឹងថា​ រសជាតិប្លែកមាត់ជាប់ចិត្ត។

ចាប់ពីថ្ងៃនោះមក ឱ្យតែមានពេលទំនេរ ខ្ញុំនឹងទៅអង្គុយលេងនៅហាងកាហ្វេនេះ រហូតដល់ក្លាយជាម៉ូយប្រចាំបានកាតសន្សំពិន្ទុ និងជាមិត្តជិតស្និទ្ធនឹងកញ្ញាថ្ពាល់ខួច ដែលខ្ញុំទើបដឹងថាជាម្ចាស់ហាង ក្រោយពីទៅបាន២-៣ដង ហើយនាងមានឈ្មោះថា «ស្រីខួច»។

———–

ចុះអ្នកអានវិញ? ធ្លាប់មានអនុស្សាវរីយ៍ភ្លេចមិនបានអ្វីនៅហាងកាហ្វេណាមួយដែរអត់?


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Ture guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​

ថ្ងៃចូលរោងការ ស្រីនា និង វិសាល ព្រះនាង ជេនណា យាងចូលរួម ថែមទាំងមានកាដូភ្ញាក់ផ្អើលទៀត!

កាលពី​រសៀល​ថ្ងៃ​ទី ​២៧ ​ខែ​មីនា​ ឆ្នាំ​ ២០២៤​ ព្រះ​នាង​ ​​នរោត្តម ​ជេន​ណា​ បាន​យាង​​ចូល​រួម​ជា​ភ្ញៀវ​កិត្តិយស​ក្នុង​ពិធី​មង្គល​ការ​​​ ហេង​ សុខ​វិសាល​ និង​ជា ​ស្រី​នា​ ថែម​ទាំង​មាន​កាដូ​មក​ Surprise​ គូ​

Lisa បង្ហាញផ្ទះ និងរថយន្ដ តម្លៃខ្ទង់លានដុល្លារនៅថ្ងៃខួបកំណើតវ័យ ២៧ ឆ្នាំ

សមាជិកកូនពៅរបស់ក្រុម BLACKPINK គឺ Lisa បានឈានចូលវ័យ ២៧ ឆ្នាំហើយ នៅថ្ងៃទី ២៧ ខែមីនា ឆ្នាំ ២០២៤ ខណៈសមាជិក BLACKPINK និងអ្នកគាំទ្រជាច្រើនបានជូនពរដល់រូបនាងក្នុងថ្ងៃកំ