មាតិកាតន្ត្រី

AMS INFOTAINMENT

មាតិកាតន្ត្រី

Music

ដោយសារតែន្ត្រីគឺជាកម្លាំងដ៏មានឥទ្ធិពលសម្រាប់ភាពល្អ និងជាភាសាសកលដែលមានសមត្ថភាពបង្រួបបង្រួមមនុស្ស និងវប្បធម៌នៅជុំវិញពិភព ទើបការផលិតមាតិកាតន្រ្តី គឺជាមាតិកាដ៏សំខាន់ ហើយគួរឲ្យចាប់អារម្មណ៍បំផុតរបស់AMS Infotainment ដែលត្រូវបានដាក់ជាគោលការណ៍សម្រាប់អនុវត្ត។ មាតិកាតន្រ្តី របស់AMS នឹងផ្ដោតចម្បងទៅលើការតែងនិពន្ធថ្មីទាំងទំនុកច្រៀង និងទំនុកភ្លេង ហើយសម្រឹតសម្រាងយកនូវរសជាតិចម្រុះទាំងបែបយុវវ័យ និងមជ្ឍឹមវ័យ ហើយនឹងត្រូវបានដាក់ប្រើប្រាស់យ៉ាងទូលំទូលាយសម្រាប់ការផលិតមាតិកាផ្សេងៗទៀតរបស់AMS ជាពិសេសគឺមាតិកាភាពយន្ត។ អ្នកនិពន្ធទំនុកភ្លេង និងទំនុកច្រៀង ត្រូវផលិតជាបទចម្រៀងសម្រាប់ប្រើប្រាស់នៅក្នុងស្ទូឌីយូ និងការរៀបចំសម្តែងតន្រ្តីផ្ទាល់នៅលើឆាក។ ជាមួយគ្នានេះដែរ ការថែរក្សានូវរសជាតិនៃសាច់ភ្លេង និងទឹកដមសំនៀងដ៏ក្រអួនក្រអៅរបស់ចម្រៀងមរតកដើម ក៏ជាមាតិកាសំខាន់មួយទៀតដែលនឹងលើកយកមកបង្ហាញ និងផ្សព្វផ្សាយក្នុងបែបផែនច្នៃប្រឌិតថ្មីមួយ ធ្វើឲ្យអ្នកស្ថាប់ និងអ្នកទស្សនាគ្រប់វ័យ អាចផ្សារភា្ជប់ក្ដីស្រមៃពីអតីតកាលមកកាន់ពេលបច្ចុប្បន្ន។

ស្ទូឌីយ៉ូ១១ គឺជាកម្មវិធីប្រកួតបទចម្រៀងថ្មីមួយប្លែក សម្រាប់យុវវ័យដែលចូលចិត្តចម្រៀង អ្នកចម្រៀង អ្នកផលិតចម្រៀង ហើយអាចដាក់ពាក្យចូលរួមប្រកួត បទចម្រៀងរបស់ខ្លួនបាន តាមរយៈគេហទំព័រ និងបណ្ដាញសង្គមរបស់ក្រុមហ៊ុន អប្សរា មេឌា សឺវីស (AMS) ។

Studio 11

AMS INFOTAINMENT