ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ការពិតដែលវត្តមានលើកម្រាលព្រំក្រហមរបស់សិល្បករ និងបុគ្គលល្បីៗទទួលបានទាំងការសាទរ និងពាក្យនិន្ទាលើបណ្តាញសង្គមហ្វេសប៊ុក ដែលធ្វើឱ្យរឿងនេះក្លាយជាប្រធានបទក្តៅរយៈពេលប៉ុន្មានថ្ងៃចុងក្រោយ។
អ្នកជំនួញអនឡាញល្បីឈ្មោះ ម៉ាដាម ដា ក៏ជាមុខព្រួញសំខាន់ដែលគេផ្តោតទៅលើ តាមរយៈពាក្យថា អ្នកលក់ឡេបានដើរកម្រាលព្រំក្រហម ព្រោះលោកស្រីជាអ្នកជំនួញអនឡាញតែម្នាក់ដែលបានចូលរួមដើរកម្រាលព្រមក្រហមឆ្នាំនេះ ដូច្នេះចង់មិនចង់ត្រូវតែទទួលស្គាល់ពាក្យរិះគន់ដោយត្រង់ៗ។ ទោះការរិះគន់មើលទៅសម្បើមខ្លាំងបែបណាក៏ដោយ ម៉ាដាម នៅតែញញឹមបកស្រាយចំៗរឿងគេសួរថា ហេតុអ្វីអ្នកលក់ឡេបានដើរកម្រាលព្រំក្រហម? ជាប្រធានបទដ៏ក្តៅគគុកដែលគេវែកញែកពេញបណ្តាញសង្គម។
ស្រ្តីខ្លួនតូចចិត្តធំ សៀន សូលីនដា ហៅ ម៉ាដាម ដា បកស្រាយចំពោះមុខក្រុមអ្នកសារព័ត៌មានសិល្បៈនៅច្រកចេញព្រលានយន្តហោះ នារសៀលថ្ងៃនេះថា គ្រប់ចលនា គ្រប់សរសៃឈាមរបស់ប្រទេសនីមួយៗគឺត្រូវការគ្នានិងគ្នា។ ជាក់ស្តែង ការងារតារាគ្រប់រូបអាចរលូនទៅមុខបានដោយសារការ sponsor ហើយអ្នក sponsor នោះគឺម្ចាស់ផលិតផលនេះឯង។ ដូច្នេះ យើងមិនអាចវាយតម្លៃថា តារាម្នាក់នោះជាអ្នកលក់ឡេ ម្នាក់នោះជាអ្នកសិល្បៈនោះទេ ព្រោះពួកយើងសុទ្ធតែមានភាព unique រៀងៗខ្លួន។
ម៉្យាង ទោះបីលោកស្រីជាអ្នកលក់ឡេក៏ពិតមែន តែកន្លងមកលោកស្រីធ្លាប់បានចូលរួមការងារសិល្បៈច្រើនណាស់ ហើយក្រុមហ៊ុនអ្នកស្រីក៏បានចូលរួមជ្រោមជ្រែងផ្តល់ការងារដល់សិល្បករ-សិល្បការិនីច្រើនណាស់តាមរយៈការងារទូតសុឆន្ទៈ និងអ្នកប្រម៉ូតផ្សព្វផ្សាយផលិតផល រួមទាំងការថតស៉្បតពាណិជ្ជកម្មជាដើម បើគិតជាទឹកប្រាក់មិនតិចនោះទេ។ បច្ចុប្បន្ន លោកស្រីក៏មានបង្កើតជាផលិតកម្មផ្ទាល់ខ្លួន ដើម្បីផលិតរឿងខ្លីៗផងដែរ។
អ្នកជំនួញរូបនេះ រួមទាំង អូលីវ៉ា និង ទៀន គីមចេង បញ្ជាក់ច្បាស់ៗថា ការរិះគន់ទាំងអម្បាលមាណមិនអាចបញ្ឈប់គំនិតជាតិនិយមរបស់អ្នកទាំង ៣ បានឡើយ ហើយអ្នកទាំង ៣ ក៏គ្មានថ្ងៃឈប់ផ្សព្វផ្សាយពីកម្ពុជានោះឡើយ ទោះគ្រប់គ្នាមើលឃើញថា ការស្លៀកពាក់មើលទៅចម្លែកសម្រាប់កម្មវិធី តែក៏ពេញចិត្តដែលបានឆ្លៀតស៊កបញ្ចូលអ្វីដែលជារបស់ប្រទេសយើង។
លោកស្រីសង្កត់ធ្ងន់ថា ដោយសារការប្រៀបធៀបរវាងអ្នកលក់ឡេ និងអ្នកសិល្បៈ ដូច្នេះលោកស្រីមានបំណងសិក្សារៀនសូត្រសព្វគ្រប់បែបយ៉ាងពីវិស័យសិល្បៈ និងភាពជាសិល្បករ ដើម្បីវៀសឱ្យផុតពីការប្រៀបធៀបនេះទៀត៕
Account
Security
Favourite Content