គ្មានសំណាង! Kim SooHyun និង Hara ជួបឳពុកម្ដាយមិនខ្វល់ពីកូន ស្រឡាញ់តែទ្រព្យសម្បត្ដិ

តារាសម្ដែងប្រុស Kim SooHyun និងតារាស្រី Goo Hara ត្រូវបានមហាជន និងអ្នកគាំទ្រជាច្រើនលើកឡើងថា ជាតារាដែលគ្មានសំណាង ដោយសារបានជួបឳពុក និងម្ដាយ ដែលមិនចេះស្រឡាញ់ថ្នាក់ថ្នម ថែមទាំងបោះបង់ចោលតាំងពីនៅតូចៗ រហូតដល់មានកេរ្ដិ៍ឈ្មោះបោះសំឡេងសល់ទ្រព្យរាប់លានដុល្លារ ទើបឳពុក និងម្ដាយ វិលត្រឡប់មករកវិញ។

១.Kim SooHyun

បច្ចុប្បន្ន Kim SooHyun ត្រូវបានគេចាត់ទុកជាតារាសម្ដែងប្រុសដែលមានភាពលេចធ្លោម្នាក់ក្នុងវិស័យសិល្បៈកូរ៉េ។ ភាពជោគជ័យផ្ទួនៗ ធ្វើឲ្យលោកក្លាយជាតារាសម្ដែងប្រុសដែលមានប្រាក់ឈ្នួលថ្លៃខ្ពស់កប់ពពកម្នាក់ផងដែរ។ ក្រោយបង្ហាញខ្លួនក្នុងរឿងភាគ “Queen Of Tears” លោកកាន់តែទទួលបានការគាំទ្រថែមមួយកម្រិតទៀត។ និយាយដល់រឿងគ្រួសាររបស់លោកវិញ ហាក់មានភាពចម្រូងចម្រាស ខណៈលោកធ្លាប់ត្រូវបានគេរិះគន់ជាកូនអកត្តញូ រហូតដល់ដឹងរឿងសព្វគ្រប់ទើបមហាជនហាក់មានអារម្មណ៍អាណិតអាសូររូបលោក។ តារាប្រុស Kim SooHyun មិនមែនជាកូនអ្នកស្តុកស្ដម្ភឡើយ ឳពុករបស់លោកគឺ Kim ChungHoon ជាតារាចម្រៀងម្នាក់ក្នុងប្រទេស។ ឳពុក និងម្ដាយរបស់លោកបានលែងលះគ្នា តាំងពីលោកនៅវ័យក្មេង។

លោកត្រូវបានរាយការណ៍ថា បានរស់នៅជាមួយម្ដាយកម្សត់កម្រតស៊ូជាមួយគ្នារយៈពេល ២០ ឆ្នាំ ស្របពេលដែលឳពុករបស់លោកបានចុះចេញពីផ្ទះទៅបង្កើតគ្រួសារថ្មី និងមានកូនស្រីម្នាក់ឈ្មោះ Kim JooNa។ ឳពុករបស់លោកជាបុគ្គលមិនដែលខ្វាយខ្វល់ពីសុខទុក្ខរបស់កូនប្រុស ស្រាប់តែលើកឡើងថា កូនប្រុសរបស់លោកជាមូលហេតុធ្វើឲ្យលោកមានការតស៊ូ។ ការលើកឡើងនេះ គឺក្រោយពេលដែលតារាប្រុស Kim SooHyun ចាប់ផ្ដើមមានឈ្មោះល្បីល្បាញប៉ុណ្ណោះ។ ក្រឡេកមកមើលប្អូនស្រីម្ដាយខុសគ្នារបស់លោកវិញ បានលើកឡើងថា ខ្លួនមានទំនាក់ស្អិតរមួតជាមួយបងប្រុសខ្លាំង កំឡុងពេលចូលរួមកម្មវីធីប្រកួត Produce 101។ ការលើកឡើងរបស់ឳពុក និងប្អូនស្រីរបស់លោក បានធ្វើឲ្យរូបលោកទទួលបានការរិះគន់យ៉ាងខ្លាំង ដោយត្រូវបានគេចង្អុលថា ជាមនុស្សគ្មានចិត្ត មិនទទួលស្គាល់ឳពុក និងប្អូនស្រី។ តែផ្ទុយទៅវិញ លោកមិនមានភាពជិតស្និទ្ធជាមួយឳពុក និងប្អូនស្រី ដូចដែលបានរៀបរាប់ឡើយ។ លើសពីនេះ តារាប្រុស Kim SooHyun បានចេញមុខនិយាយថា លោកមិនចង់រំឭករឿងទាំងអស់នេះគឺមិនចង់ឲ្យម្ដាយរបស់លោកពិបាកចិត្ដ។

២.Goo Hara

តារាស្រី Goo Hara ជាសមាជិកក្រុមចម្រៀងខេប៉ុប Kara។ នាងក៏ជាសមាជិកក្រុមខេប៉ុបជំនាន់ទី ២ ម្នាក់ដែលជោគជ័យខ្លាំង អាចរកប្រាក់ចំណូលខ្ទង់លានដុល្លារអាមេរិក។ នៅពេលដែលរូបនាងធ្វើអត្ដឃាតក្នុងឆ្នាំ ២០១៩ ដោយសារមានជំងឺបាក់ទឹកចិត្ដធ្ងន់ធ្ងរ រូបនាងត្រូវបានគេរាយការណ៍សល់ទ្រព្យសម្បត្ដិច្រើនជាង ១០ លានដុល្លារអាមេរិក។ អ្វីដែលធ្វើឲ្យមហាជនមានការហួសចិត្ដនោះ ស្រាប់តែម្ដាយដែលបានបាត់មុខ បោះបង់កូនចោលអស់រយៈពេល ៩ ឆ្នាំ របស់ Hara ត្រឡប់មកវិញ ក្នុងគោលបំណងទាមទារយកទ្រព្យសម្បត្ដិរបស់នាងពាក់កណ្ដាល។ មុនធ្វើអត្ដឃាត តារាស្រី Hara មិនបានធ្វើបណ្ដាំមរតកឡើយ ជាហេតុធ្វើឲ្យម្ដាយរបស់នាង មានឱកាសក្នុងការដាក់ពាក្យប្ដឹងទាមទារយកទ្រព្យសម្បត្ដិ។

ការប្ដឹងទាមទារយកទ្រព្យសម្បត្ដិ បានក្លាយជាដើមចងបងប្រុសរបស់តារាស្រី Hara លោក Goo HoIn បានស្នើឲ្យមានច្បាប់ Hara ដែលច្បាប់នេះធ្វើឡើងដើម្បីឲ្យអាណាព្យាបាល ឬឳពុកម្ដាយទាំងឡាយណា ដែលបោះបង់កូន ឬវាយធ្វើបាបកូនតាមរយៈរូបភាពសាហាវព្រៃផ្សៃ មិនអាចមានសិទ្ធិក្នុងការទាមទារយកទ្រព្យសម្បត្ដិរបស់កូនឡើយ។ នៅឆ្នាំ  ២០២០ ម្ដាយរបស់តារាស្រី Hara ត្រូវបានរាយការណ៍ ទទួលបានទ្រព្យសម្បត្ដិរបស់នាងយកមកក្ដោបក្ដាប់ ៤០ ភាគរយ ដែលគិតជាប្រាក់ប្រមាណជាង ៤ លានដុល្លារអាមេរិក។ នៅខែ មេសា ឆ្នាំ ២០២៤ ច្បាប់របស់ Hara ត្រូវបានអនុម័តឲ្យប្រើប្រាស់ ដែលធ្វើឲ្យ អាណាព្យាបាល ឬឳពុកម្ដាយគ្មានទំនួលខុសត្រូវទាំងឡាយគ្មានសិទ្ធិប្ដឹងយកទ្រព្យសម្បត្ដិកូនៗ របស់ខ្លួនទៀតឡើយ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កូនខ្មែរកាត់រុស្ស៊ី ឌៀប សុហ្វៀរ៉ា សិល្បករស្រករក្រោយ កំពុងត្រូវប៉ាន់ការងារសិល្បៈ

ប្រិយមិត្តអ្នកនិយមតាមដានរឿងរ៉ាវសិល្បៈពិតជាបានស្គាល់ កូនខ្មែរកាត់រុស្ស៊ី យុវតី ឌៀប សុហ្វៀរ៉ា ដែលនាងជាសិល្បករ​ស្រករក្រោយម្នាក់ កំពុងផ្ទុះការចាប់អារម្មណ៍យ៉ាងខ្លាំង​ក្រោយឈ្នះ

មកស្គាល់បុរសនៅពីក្រោយ ការបង្កើតតុក្កតាចម្លែក Labubu ដែលកំពុងពេញនិយម

ប្រិយមិត្ដជាច្រើនប្រហែលជាបានឃើញតុក្កតាបិសាចចម្លែកមួយប្រភេទ ដែលកំពុងពេញនិយមលើបណ្ដាញសង្គមមានឈ្មោះថា Labubu។ Labubu ជាតួអង្គតុក្កតាមួយ​បង្កើត​ឡើងដោយ

សិក្ខាសាលាផលិតវីដេអូកុមារលើកទី១ របស់ SEAVFC ២០២៤ បញ្ចប់ដោយក្ដីរីករាយពីឪពុកម្ដាយ

កាលពីថ្ងៃទី១៦ ខែមិថុនាកន្លងទៅនេះ «មហោស្រពភាពយន្តវីដេអូសម្រាប់កុមារអាស៊ីអាគ្នយ៍» (Southeast Asia Video Festival for Children - SEAVFC) បានរៀបចំ

សន្ទុះគាំទ្រខ្លាំង! ភាពយន្តខ្មែររឿង «​បណ្ដាសានាងរាត្រី» រកចំណូលបានច្រើនបំផុតនៅតៃវ៉ាន់

សន្ទុះ​នៃ​ការ​គាំទ្រ​​ភាពយន្ត​ខ្មែរ​រឿង​ «​​បណ្ដាសា​នាង​រាត្រី​» បាន​បំបែក​កំណត់​ត្រា​ប្រវត្តិសាស្ត្រ​ក្នុង​ប្រទេស​តៃវ៉ាន់ ​​ក្លាយជាភាពយន្តដែល​រក​ចំណូល​បាន​ច្រើន​បំផុត​ពី​ការ​លក់​សំបុត្រ​ចូល​

Stray Kids ត្រៀមវាយលុកតារាងតន្ត្រីកូរ៉េ និងពិភពលោកជាមួយអាល់ប៊ុមទី៩

កាលពីថ្ងៃ១៩ ខែមិថុនា ផលិតកម្ម JYP Entertainment បានប្រកាសឱ្យដឹងថា អាល់ប៊ុមទី៩ របស់ក្រុម Stray Kids មានចំណងជើងថា "ATE" ដោយនឹងបង្ហាញពីថាមពលរីករាយរបស់

សុភាពនារីមាន ៣ ចំណុចនេះ អាចដាក់ពាក្យចូលប្រកួតកម្មវិធី Miss Cambodia 2024 បានហើយ!

ស្របពេលដែលកម្មវិធីប្រកួត Miss Cambodia 2024 នៅបន្តបើកទទួលពាក្យជ្រើសរើសបេក្ខនារី រហូតដល់ចុងខែកក្កដា ឆ្នាំ ២០២៤ សំណាង អេលីណា Miss International Cambodia

ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់

គូស្នេហ៍ យ៉ាងគួ សៀវឡុងនី កំពុងត្រូវសង្ស័យដើរដល់ផ្លូវបញ្ចប់ ក្រោយរៀបការ ៨ ឆ្នាំ

កាលពីឆ្នាំ ២០១៤ រឿងភាគល្បី The Romance Of The Condor Heroes បានធ្វើឲ្យតារាសម្ដែងប្រុសចិន Chen Xiao និងតារាស្រី Michelle Chen ដែលជាតួឯក បានលង់ស្រឡាញ់គ្នា និងចាប់ដៃគ្នាចូលរោងមង្គលសាងគ្រួសារយ៉ាងមានសុភមង្គល។

បាត់មួយរយៈ ពេលនេះ Kara ប្រកាសត្រលប់មកឆាកតន្ត្រីវិញនៅខែក្រោយ

ក្រុមចម្រៀងស្រីខេប៉ុបជំនាន់ទី២ដ៏ល្បីល្បាញ Kara បានប្រកាសត្រលប់មកឆាកតន្ត្រីវិញក្នុងខែកក្កដា ដែលជាការ Comeback លើកដំបូងក្នុងរយៈពេលមួយឆ្នាំ និងប្រាំបីខែ

Fan Page ទទូចឱ្យ ឈុំ ចាន់ដារ៉ា ចូលប្រកួត Miss Cambodia 2024 ក្រោយខកឱកាសទៅប្រកួតនៅប៉ូឡូញ

បវរកញ្ញារូបស្រស់ ឈុំ ចាន់ដារ៉ា បានខកខានឱកាសតំណាងកម្ពុជាទៅប្រកួតកម្មវិធី Miss Supranational 2024 នៅប្រទេសប៉ូឡូញ បាត់ទៅហើយ ធ្វើឱ្យហ្វេនៗ និងអ្នកនិយមគាំទ្រ