រោគសញ្ញាទាំង ៣ នៃជំងឺវង្វេងរួមជាមួយវិធីសាស្រ្តការពារ

ជម្ងឺ Alzheimer ត្រូវបានគេចាត់ទុកថាជាជម្ងឺមួយដែលបណ្ដាលមកពីជំងឺវង្វេង។ លក្ខណៈពិសេសប្លែកនៃជំងឺនេះគឺអ្នកជម្ងឺឆាប់ភ្លេចភ្លាំងនូវព្រឹត្តិការណ៍ដែលទើបកើតឡើង មនុស្សជុំវិញខ្លួន រួមទាំងអ្នកមើលថែពួកគាត់ដោយផ្ទាល់ផងដែរ។ ក្នុងពេលបច្ចុប្បន្ន មនុស្សជាច្រើនកំពុងប្រឈមជាមួយនឹងការកើតជំងឺវង្វេងមិនថាចាស់ ឬក្មេងនោះទេ។ ដូចនេះតើកត់សម្គាល់បែបណាទើបដឹងថាមនុស្សម្នាក់ចាប់ផ្ដើមមានជំងឺនេះ?​ តើមានវិធីសាស្រ្តអ្វីដើម្បីការពារជំងឺនេះអត់?

១. រោគសញ្ញា

មានបញ្ហាជាមួយលំដាប់លំដោយ៖ ប្រសិនបើអ្នកចាប់ផ្ដើមកត់សម្គាល់អារម្មណ៍ខ្លួនឯង ឬមនុស្សណាម្នាក់នៅជិតខ្លួនថាមានបញ្ហាជាមួយនឹងលំដាប់លំដោយនោះរោគសញ្ញាដំបូងនៃជំងឺវង្វេងលេចឡើងហើយ។ ជាឧទាហរណ៍ នៅពេលអ្នកទើបតែហូបបាយហើយ ឬធ្វើអ្វីមួយហើយអ្នកនឹងមានអារម្មណ៍មិនទាន់បានហូប មិនទាន់ធ្វើនៅឡើយទេ។

មានបញ្ហាជាមួយនឹងអារម្មណ៍ផ្សេងគ្នា៖ ជាធម្មតាក្នុងខ្លួនមនុស្សម្នាក់តែងតែមានអារម្មណ៍ច្រើន ប៉ុន្តែវាមិនអាចកើតឡើងបានក្នុងពេលតែមួយនោះទេ។ មនុស្សដែលមានរោគសញ្ញានៃជំងឺវង្វេងហើយសូម្បីតែការញ៉ាំ​ ហិត ស្ដាប់ និងប៉ះពាល់ក៏ពិបាកនឹងផ្ដោតអារម្មណ៍ដែរ។ ជាក់ស្ដែងនៅពេលដែលគាត់ទទួលទានបាយក៏លែងមានអារម្មណ៍ថាឆ្ងាញ់ដូចមុន នោះសុខភាពគាត់ក៏កាន់តែទន់ខ្សោយដែរ។

មានបញ្ហាជាមួយនឹងការទំនាក់ទំនង៖ ពេលខ្លះអ្នកដែលមានជម្ងឺបែបនេះដឹងខ្លួនថាចង់និយាយអ្វីតែបែរជាមិនដឹងថាគួររៀបពាក្យនិយាយបែបណា។ ជាឧទាហរណ៍ពួកគាត់ប្រើពាក្យគួរសមទេ តែការលើកដាក់សំឡេង ឬការភ្លេចភ្លាំងរបស់គាត់បែរជាធ្វើឱ្យគេយល់ច្រលំថាជាពាក្យគំរោះគំរើយទៅវិញ។ នេះក៏ព្រោះតែខួរក្បាលរបស់គាត់ចាប់ផ្ដើមមានបញ្ហាធ្វើឱ្យប្រព័ន្ធសរសៃប្រសាទចុះខ្សោយនិងអាកប្បកិរិយាអ្នកជំងឺផ្លាស់ប្ដូរ។

២. វិធីសាស្រ្តការពារ

ញ៉ាំអាហារដែលបំប៉នដល់ខួរក្បាល៖ ការទទួលទានអាហារដែលជំនួយដល់ខួរក្បាលក៏ជាចំណែកមួយអាចជួយកាត់បន្ថយហានិភ័យនៃការវិវត្តទៅជាជំងឺវង្វេងបានដែរ។ អាហារទាំងអស់នោះរួមមានអាហារសមុទ្រ ស៊ុត និងបន្លែបៃតងបូករួមជាមួយការកាត់បន្ថយអាហារម្សៅ និងស្ករផងដែរដោយសារអាហារទាំងនេះងាយនឹងបង្កទៅជាការរលាកក្នុងខ្លួន។

ការគេងៈ ជាទូទៅមនុស្សធម្មតាត្រូវគេងឱ្យបានពី ៦ ទៅ ៨ ម៉ោងក្នុងមួយថ្ងៃទើបរាងកាយអាចបញ្ចេញអ័រម៉ូនចាំបាច់បានត្រឹមត្រូវតាមបរិមាណនិងតម្រូវការ។ នៅពេលរាងកាយរឹងមាំនោះខួរក្បាលក៏អាចកាត់បន្ថយភាពតានតឹងអត្រានៃការកើតជំងឺវង្វេងក៏កាន់តែថយចុះតាមនោះដែរ។

ការធ្វើលំហាត់ប្រាណ៖ យោងទៅតាមគ្រូពេទ្យជំនាញផ្នែកសរសៃប្រសាទជាច្រើនបានផ្ដល់យោបល់ថាការហាត់ប្រាណឱ្យបានទៀងទាត់ក្នុងរយៈពេលហោចណាស់ត្រឹម ២០ ទៅ ៣០ នាទីក្នុងមួយថ្ងៃក៏អាចជួយកាត់បន្ថយអត្រានៃការកើតជំងឺវង្វេងបានដែរ។ ចំពោះលំហាត់ប្រាណនោះមិនចាំបាច់ទាល់តែហាត់ធ្ងន់ៗទើបបាននោះទេ គ្រាន់តែការដើរ រត់តិចៗ ធ្វើការងារផ្ទះ ឬដាំដំណាំបន្តិចបន្តួចក៏បានដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​