លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។ នេះបើផ្អែកតាមការចុះផ្សាយរបស់សារព័ត៌មាន The Star នៅថ្ងៃទី ១៧ ខែវិច្ឆិកា នេះ។

លោកស្រី Prasanna Mukundan បានឱ្យដឹងពីប្រវត្តិរបស់ខ្លួនថា ក្រោយពីបញ្ចប់ការសិក្សានៅសាលា Sacred Heart Convent (SHC) ក្នុងទសវត្សរ៍ឆ្នាំ ១៩៥០ លោកស្រីទទួលបានឱកាសទៅសិក្សាផ្នែកវេជ្ជសាស្ត្រនៅប្រទេសឥណ្ឌា។ ក៏ប៉ុន្តែ ឪពុករបស់លោកស្រីចង់ឱ្យលោកស្រីរៀបការ ដែលធ្វើឱ្យក្តីសុបិនក្លាយជាវេជ្ជបណ្ឌិតរបស់លោកស្រីត្រូវផ្អាកនៅគ្រានោះ។

នៅពេលដែលមានគេចូលស្តីដណ្តឹង លោកស្រីមានអាយុត្រឹម ១៩ ឆ្នាំប៉ុណ្ណោះ។ ស្ត្រីជនជាតិម៉ាឡេស៊ីរូបនេះ បានប្រាប់ថា៖ “ខ្ញុំបានទទូចចង់បន្តការសិក្សា ប៉ុន្តែឪពុកខ្ញុំប្រាប់ថា ខ្ញុំអាចបន្តការសិក្សាបានបន្ទាប់ពីរៀបការរួច។ ខ្ញុំពិតជាខកចិត្ត ប៉ុន្តែនោះគឺជារបៀបរស់នៅក្នុងសម័យកាលនោះ”។

ក៏ប៉ុន្តែ ក្ដីសុបិនរបស់លោកស្រីមិនបានបញ្ចប់ដោយការខកបំណងនោះទេ។ ជាងកន្លះសតវត្សរ៍ក្រោយមក លោកយាយដែលមានចៅ ២ នាក់រូបនេះ បានសម្រេចបំណងប្រាថ្នា ដោយបានបញ្ចប់ថ្នាក់បណ្ឌិតផ្នែកអប់រំ ពីសាកលវិទ្យាល័យឯកជនមួយនៅទីក្រុង Subang Jaya រដ្ឋ Selangor កាលពីថ្ងៃទី ២៤ ខែតុលា កន្លងទៅនេះ។

លោកស្រី Prasanna បាននិយាយថា៖ “ការសិក្សាតែងតែផ្តល់ការបំផុសគំនិតដល់ខ្ញុំ ហើយវាធ្វើឱ្យខ្ញុំមានថាមពល។ ខ្ញុំសប្បាយចិត្តខ្លាំងណាស់ដែលទីបំផុតខ្ញុំបានសម្រេចក្តីសុបិនក្នុងការសិក្សាថ្នាក់បណ្ឌិត”។

ការវិលត្រឡប់មករៀនវិញរបស់លោកស្រី Prasanna គឺចាប់ផ្តើមឡើងនៅពេលដែលលោកស្រីមានវ័យ ៣០ ឆ្នាំ។ គ្រានោះ បើទោះបីជាការចិញ្ចឹមបីបាច់កូនស្រី ៣ នាក់ជាអាទិភាពចម្បងក៏ដោយ ក៏ប៉ុន្តែលោកស្រីមិនដែលបោះបង់បំណងប្រាថ្នាក្នុងការសិក្សាឡើយ។

នៅចន្លោះឆ្នាំ ១៩៧៤ ដល់ឆ្នាំ ១៩៧៨ នៅគ្រាដែលស្វាមីរបស់លោកស្រីត្រូវទៅប្រចាំការនៅទីក្រុងស៊ីដនី ប្រទេសអូស្ត្រាលី លោកស្រីបានឆ្លៀតសិក្សាថ្នាក់វិញ្ញាបនបត្រក្រៅម៉ោងផ្នែកការងារសុខុមាលភាព ស្របពេលដែលខ្លួនមានភារកិច្ចទាំងលើការងារ និងការមើលថែគ្រួសារ។

ក្រោយមក លោកស្រី Prasanna Mukundan បានធ្វើការជាមួយអង្គការមិនស្វែងរកប្រាក់ចំណេញជាច្រើន រួមមានសមាគមជនពិការភ្នែកម៉ាឡេស៊ី និងអង្គការគ្រូពេទ្យគ្មានព្រំដែនជាដើម។ រំលងមកដល់ឆ្នាំ ២០០៦ លោកស្រីបានទទួលសញ្ញាបត្រផ្នែកប្រឹក្សាយោបល់ពីសាកលវិទ្យាល័យ Malaya និងសញ្ញាបត្រអនុបណ្ឌិតលើជំនាញដដែលពីសាកលវិទ្យាល័យឯកជនមួយនៅទីក្រុងគូឡាឡាំពួ ក្នុងឆ្នាំ ២០០៩។

នៅឆ្នាំ ២០១៨ លោកស្រីបានចុះឈ្មោះចូលរៀនថ្នាក់បណ្ឌិត ក៏ប៉ុន្តែគម្រោងនេះត្រូវបានផ្អាកបណ្ដោះអាសន្ន ដោយសារតែលោកស្រី បានរកឃើញជំងឺមហារីកសុដន់ក្នុងឆ្នាំ ២០២០។ យ៉ាងណាមិញ លោកស្រីមិនបានចុះចាញ់នោះទេ ព្រោះនៅក្នុងឆ្នាំ ២០២៣ លោកស្រីបានត្រឡប់មកសិក្សាជាថ្មី។

លោកស្រី Prasanna បានបង្ហាញការប្តេជ្ញាចិត្តថា៖ “ប្រសិនបើខ្ញុំតាំងចិត្តធ្វើអ្វីមួយហើយ ខ្ញុំមិនដែលដកថយឡើយ។ សូម្បីតែពេលព្យាបាល ខ្ញុំតែងតែយកកាបូបសិក្សាដែលមានកុំព្យូទ័រយួរដៃ សៀវភៅ និងក្រដាសកំណត់ត្រាទៅមន្ទីរពេទ្យជាមួយជានិច្ច ដើម្បីសិក្សា និងកត់ត្រាពេលសម្រាកព្យាបាល”។

មានម្តាយជាគំរូ កូនស្រីរបស់លោកស្រីឈ្មោះ Sangeeta បាននិយាយថា៖ “ម៉ាក់បានបង្ហាញថា អាយុមិនមែនជាឧបសគ្គសម្រាប់ការរៀនសូត្រនោះទេ ហើយគាត់បានជំរុញទឹកចិត្តខ្ញុំឱ្យពិចារណាត្រឡប់ទៅរៀនវិញបន្ទាប់ពីខ្ញុំចូលនិវត្តន៍។ ម៉ាក់មិនមានគម្រោងឈប់រៀន ឬឈប់រួមចំណែកជួយសង្គមឡើយ”៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​