រៀបការហើយក៏ដោយ ស្រីៗត្រូវរក្សារឿង ៤ នេះឱ្យបាន ទើបខ្លួនឯងរឹងមាំ និងរក្សាចំណងអាពាហ៍ពិពាហ៍បានល្អ

ជាទូទៅមនុស្សម្នាក់ៗក្រោយពីរៀបការហើយ​ មនុស្សស្រីអាចនឹងមានបន្ទុកធ្ងន់បន្ដិចក្នុងការរក្សាចំណងអាពាហ៍ពិពាហ៍ ដើម្បីឱ្យគ្រួសារមានក្ដីសុខ និងសុភមង្គល។ ប៉ុន្តែអំឡុងពេលនោះ មនុស្សស្រីមិនត្រូវប្រែខ្លួនមកជាទន់ជ្រាយ ដោយរស់នៅក្រោមអំណាច ​និងចាំរំពឹងលើស្វាមីជ្រុលពេក​ឡើយ។ ដូច្នេះថ្ងៃនេះ AMS សូមចែករំលែកជូន​រឿង ៤ យ៉ាងដែលស្រ្តីរៀបការហើយគួររក្សាឱ្យបាន៖

១. បន្ដតាមចាប់ក្ដីសុបិន្ដ

ស្រ្តីភាគច្រើននៅពេលរៀបការហើយតែងតែលះបង់ខ្លួនឯង ដើម្បីគ្រួសាររបស់ខ្លួន ហើយក៏លែងអើពើនឹងក្ដីសុបិន្ដដែលខ្លួនឯងធ្លាប់ប្រាថ្នាចង់ធ្វើដែរ។ យ៉ាងណាមិញត្រូវគិតមកវិញថាបើទោះបីជាយើងបានបញ្ចប់ភាពនៅលីវពិតមែន តែយើងមិនបានបញ្ចប់​ខ្លួនឯងក្នុងការតាមចាប់ក្ដីសុបិន្ដនោះទេ។ ម្យ៉ាងវិញទៀត ការសម្រេចបានក្ដីសុបិន្ដគឺប្រៀប​ដូចជាការ​រកប្រាក់ចំណូលមួយចំណែក បង្ហាញភាពរឹងមាំ និងមិនចាំបាច់រស់នៅក្រោមការគ្រប់គ្រងរបស់នរណាម្នាក់ផងដែរ។

២.​ រក្សាមិត្តភក្ដិជិតស្និត

គ្រួសារមានសារៈសំខាន់ ប៉ុន្តែក្នុងនោះយើងគួរតែមានមិត្តភក្ដិជិតស្និតនៅក្បែរខ្លួនដែរ។ ពេលខ្លះបន្ទាប់ពីរៀបការរួចមិនប្រាកដថាប្ដីរបស់យើងទទួលស្ដាប់រាល់ការត្អូញត្អែរនោះទេ ដោយគេអាចនឹងមានភាពនឿយហត់ពីការងារ ឬសម្ពាធផ្សេងៗជាដើម។ ដូច្នេះយើងអាចយកបញ្ហាមួយចំនួនទៅចែករំលែកជាមួយមិត្តភក្ដិជិតស្និតណាមួយដែលអាចទុកបាន ដើម្បីឱ្យបានធូរស្បើយអារម្មណ៍។ បែបនេះហើយក្រោយរៀបការយើងមិនគួរផ្ដាច់ទំនាក់ទំនងជាមួយមិត្តភក្ដិទាំងស្រុងនោះទេ។

៣. រក្សាអាកប្បកិរិយាល្អ

ការរក្សាអាកប្បកិរិយាក្នុងគ្រួសារគឺរឿងចាំបាច់មែនទែនដែលធ្វើឱ្យសមាជិកគ្រួសារមានភាពងាយស្រួលចូលជិត និងប្រាស្រ័យទាក់ទងជាមួយ។ ប្រសិនបើយើងតែងតែ​បញ្ចេញអាកប្បកិរិយាមើលទៅដូចជាធុញទ្រាន់ ចូលចិត្តស្ដីបន្ទោស និងបង្ហាញអាការៈដែលប៉ះពាល់ដល់ទឹកចិត្តអ្នកផ្ទះ នោះអាពាហ៍ពិពាហ៍ក៏នឹងរងផលប៉ះពាល់តាមនោះដែរ។ ដូច្នេះហើយនៅពេលមានបញ្ហាណាមួយកើតឡើងរវាងអ្នកទាំងពីរ ចាំបាច់ត្រូវរក្សាអាកប្បកិរិយាជាមុន សឹមស្វែងរកដំណោះស្រាយតាមក្រោយ។

៤. បន្ដការរៀនសូត្រ និងលូតលាស់

មិនខុសនោះទេមនុស្សស្រីដែលបានរៀបការមានគ្រួសាររួចហើយ នៅពេលមានអាយុច្រើនបន្តិចនឹងចាប់ផ្ដើមបោះបង់ចោល​គោលដៅ និងការអភិវឌ្ឍន៍ផ្ទាល់ខ្លួនជាមិន​ខាន។ ប៉ុន្តែបច្ចុប្បន្ននេះសង្គមគឺកាន់តែរីកចម្រើន ដូច្នេះមនុស្សគ្រប់គ្នាមិនថាប្រុស ឬស្រីនោះទេគឺត្រូវតែដើរឱ្យទាន់សម័យកាលដែរ។ ប្រសិនបើយើងបញ្ឈប់ដំណើរត្រឹមនេះ នោះប្រៀបដូចជាយើងកំពុងដើរថយក្រោយ ឬនៅទ្រឹង​មួយ​កន្លែង​ដូច្នេះដែរ។ បែបនេះហើយ ដើម្បីជៀសវាងភាពលំបាកគួរតែព្យាយាមរៀនសូត្រពីអ្វីថ្មីៗ ដើម្បីភាពរីក​ចម្រើន​របស់ខ្លួន៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

អាជីព HyunA រងការរង្គោះរង្គើកាន់តែខ្លាំង ក្រោយប្រកាសរៀបការជាមួយ Yong Junhyung

តារា​ចម្រៀងខេប៉ុប HyunA កំពុងប្រឈម​​ការ​រិះគន់ខ្លាំង​ពី​អ្នក​គាំទ្រ​ បន្ទាប់​ពីមាន​ការ​ប្រកាសថានាងនឹង​រៀប​ការ​នៅ​ខែ​តុលា​ ជាមួយមិត្តប្រុស Yong Junhyung ជាអតីតតារាខេប៉ុប

ម្ចាស់បទ «នឹក» បកស្រាយឈ្មោះ Kwan ជារឿងនឹកស្មានមិនដល់

អ្នក​គាំទ្រ​បាន​ស្គាល់​ម្ចាស់​បទ «នឹក» Kwan ត្រឹម​ជា​ឈ្មោះ​ហៅ​ក្រៅ​ប៉ុណ្ណោះ និង​កម្រ​មាន​អ្នក​ដឹង​ឈ្មោះ​ពិត​ឡើយ លើកលែង​តែ​មិត្ត​រួម​អាជីព​​ស្និទ្ធជាមួយ។ អ្នក​គាំទ្រ​ចាប់ផ្ដើម​ស្គាល់​ឈ្មោះ​ពិត​របស់

ស្រមោលខ្មៅស្ទើរពេញមួយជី​វិត! Kim JaeJoong ត្រូវអ្នកគាំទ្ររោគចិត្ដលួចចូលផ្ទះបំពានខ្លួនប្រាណ

Kim JaeJoong ជាតារាប្រុសខេប៉ុបដែលល្បីល្បាញម្នាក់ លោកធ្លាប់ជាអតីតសមាជិកក្រុមចម្រៀងល្បី TVXQ និងជាសមាជិកក្រុមចម្រៀង JYJ នាពេលបច្ចុប្បន្ន។

ញាក់ណាស់! ទេព បូព្រឹក្ស ទម្លាក់រូប១សន្លឹកឱ្យតម្រុយបទថ្មី

ត្រឹម​រូប​មួយ​សន្លឹក​របស់​កំពូល​តារា​ចម្រៀង​លេច​ធ្លោ​ ទេព ​បូព្រឹក្ស​ ក៏​អាច​ទាក់​ចិត្ត​មហាជន​ និង​ហ្វេន​ឱ្យ​ចូល​ខមិន​សរសើរ​​ និង​ទស្សន៍ទាយ​​ ​MV​​ ដែល​អ្នក​នាង​នឹង​ទម្លាក់​នា​ពេល​ឆាប់​ៗ​ខាង​

កំពុងលេចធ្លោខ្លាំង តែ Byeon WooSeok ប្រឈមអស់ឱកាសកាន់ប្រេនល្បីៗ ដោយសាររឿងមួយនេះ

តារាសម្ដែងប្រុសកូរ៉េ Byeon WooSeok បានក្លាយជាតារាសម្ដែងប្រុសដ៏លេចធ្លោក្នុងម្នាក់ក្នុងឆ្នាំ ២០២៤។ បន្ទាប់ពីសម្ដែងរឿងភាគកូរ៉េ “Lovely Runner” អាជីពសិល្បៈរបស់លោកប្រែប្រួលស្ទើរ ១៨០ ដឺក្រេ មិនដល់រយៈពេល ៣ ខែផង បណ្ដាញសង្គមអ៊ីនស្ដាក្រាមរបស់លោក ឡើងពីអ្នកចុចតាមដាន ១ លាននាក់រហូតដល់ជិត ១១លាននាក់ដែលវាចំនួនយ៉ាងច្រើនមួយ។

ទីបំផុតជម្លោះដ៏ក្ដៅគគុករវាង​ ចន ច័ន្ទលក្ខិណា និង​ ម៉េង កែវពេជ្ជតា បានបញ្ចប់ហើយ

គិត​មក​ទល់​ពេល​នេះ​ ជម្លោះ​ដ៏​រ៉ាំរ៉ៃ​រវាង​សិល្បករ​ជើង​ចាស់ ២ រូប ​គឺអ្នក​នាង ​ចន ​ច័ន្ទ​លក្ខិណា​ និងតារា​ចម្រៀង ម៉េង ​កែវ​ពេជ្ជតា ​ដែលអូស​បន្លាយ​​អស់​រយៈ​ពេល​ជា​ច្រើន​ឆ្នាំ​​​​​ រហូត​ឈាន​ដល់​ការ​ប្ដឹងផ្ដល់​ដ៏​

Rosé នឹងបញ្ចេញចម្រៀង សម្រាប់រឿងភាគរបស់តារាប្រុស Lee Minho “Pachinko”

រឿងភាគល្បីរបស់ Apple TV+ គឺ “Pachinko” ដែលចូលរួមសម្ដែងដោយតារាប្រុសល្បី Lee Minho, Kim Min Ha និង Yoon YeoJung ត្រូវបានរាយការណ៍ថា នឹងត្រឡប់មកកំដរអារម្មណ៍

កម្សត់ពេក! បេក្ខនារីម្នាក់ធ្វើឱ្យ Judge កម្មវិធី Cambodian Idol រដូវកាលទី៥ រំជួលចិត្តស្រក់ទឹកភ្នែក

បេក្ខនារី​ដែល​មក​ពី​ខេត្ត​បាត់​ដំបង​​ម្នាក់​​បាន​ធ្វើ​ឱ្យ Judge ទាំង​ ៤ ក្នុង​កម្មវិធី​ប្រឡង​ចម្រៀង​លំដាប់​ពិភពលោក​ ​Cambodian Idol រដូវកាល​ទី​៥ រំជួល​ចិត្ត​ ស្រក់​ទឹក​ភ្នែក​ម៉ាត់​ៗ​​

មកស្គាល់កូនខ្មែរកាត់អ៊ុយក្រែនដ៏សង្ហា លឹម រ៉ូម៉ា ពីក្រោយរូបប្រាសាទស្អាតៗ ជួយផ្សព្វផ្សាយកម្ពុជាទៅពិភពលោក

លឹម រ៉ូម៉ា គឺជាយុវជនរូបសង្ហាមួយរូប ដែលមានឆន្ទះដ៏មុតមាំក្នុងការចូលរួមចំណែកលើកស្ទួយវិស័យទេសចរណ៍ក្នុងប្រទេសកម្ពុជា តាមរយៈការផលិតមាតិការូបភាព និងវីដេអូដ៏មានគុណភាពផ្សព្វផ្សាយនៅលើបណ្ដាញសង្គម

ជីមី បកស្រាយរឿងរៀបការស្ងាត់ៗមិនហៅភ្ញៀវ​អធិកអធមចូលរួមពិធីជយមង្គល

ក្រោយ​បែក​ធ្លាយ​ថា​តារា​ស្រី​រាង​ស្រឡូន​ស្អាត ជីមី ម៉េង និង​គូស្នេហ៍​ដែល​ស្រលាញ់​គ្នា​ជាង ៦​ឆ្នាំ​ចូល​រោងការ​ស្ងាត់​ៗ​កាលពី​សប្ដាហ៍​មុន​នោះ​រួច​មក ព្រឹក​នេះ​ម្ចាស់​ផលិតផល​ផល​ថែរក្សា​ស្បែក​ដ៏​ល្បី​បាន​