ហេតុ​អ្វី​បាន​ជា​អ្នក​តែង​តែ​ពន្យារ​ពេល​ក្នុង​ការ​ធ្វើ​អ្វី​មួយ?

មនុស្ស​គ្រប់​គ្នា​ ឬ​មនុស្ស​មួយ​ចំនួន​ធំ​សុទ្ធ​តែ​ធ្លាប់​និយាយ​ថា​ ចាំ​បន្តិច​ទៀត ចាំ​ថ្ងៃ​ស្អែក ចាំ​ខែ​ក្រោយ ចាំ​ៗ​រហូត​ដល់​មិន​ធ្វើ​ពេល​ខ្លះ​។ ការ​ពន្យារ​ក្នុង​ការ​ធ្វើ​អ្វី​មួយ​ យើង​តែង​គិត​ថា​ដោយ​សារ​តែ​ភាព​ខ្ជិល​ តែ​ពេល​ខ្លះ​ទៀត​ហេតុ​អ្វី​​មនុស្ស​ពន្យារ​ពេល​ក្នុង​ការ​ធ្វើ​រឿង​សំខាន់ៗ​ បើ​ថា​វា​​ដោយ​សារ​ភាព​ខ្ជិល​ ដូចជា​មិន​មែន​ទេ។ យ៉ាង​ណា​យើង​មក​ស្វែង​យល់​ពី​ហេតុផល​បែប​ចិត្តវិទ្យា​៥ ​អំពី​ការ​​ពន្យារ​ពេល​ក្នុង​ការ​ធ្វើ​អ្វី​មួយ។

១ អ្នក​ជា​មនុស្ស​ឥត​ខ្ចោះ​និយម (Perfectionist)

ពេល​ខ្លះ​ការ​ក្លាយ​ខ្លួន​ជា​មនុស្ស​ឥត​ខ្ចោះ​និយម​ជួយ​ឲ្យ​កិច្ចការ ឬ​ផលិតផល​របស់​អ្នក​មាន​ភាព​គុណ​ភាព​ និង​ល្អ តែ​យ៉ាង​ណា​ការ​ក្លាយ​ជា​មនុស្ស​ឥត​ខ្ចោះ​និយម ក៏​នឹង​ជំរុញ​ឲ្យ​អ្នក​គេចវេះ​ពី​ការ​ធ្វើ​កិច្ចការ​ ឬ​ពន្យារ​ពេល​ធ្វើ​ដោយ​សារ​តែ​អ្នក​បារម្ភ​ថា​លទ្ធផល​ចេញ​មក​មិន​បាន​ល្អ​ឥត​ខ្ចោះ។ នៅ​ក្នុង​ការ​ស្រាវជ្រាវ​មួយ​ក្នុង​ឆ្នាំ ២០១៧ ក៏​បាន​បញ្ជាក់​ថា​ មនុស្ស​ឥត​ខ្ចោះ​និយម​តែង​តែ​ពន្យារ​ពេល​ក្នុង​ការ​ធ្វើ​កិច្ចការ​អ្វី​មួយ។

២ ខ្លាច​បរាជ័យ

មនុស្ស​ដែល​ទុក​កិច្ចការ​​ត្រូវ​ធ្វើ​ ឬ​ចង់​ធ្វើ​ចោល ដោយ​សារ​ពួក​គេ​​មាន​អារម្មណ៍​សុវត្ថិភាព​ហើយ​ទំនង​ គិត​ថា​ខ្លួន​នឹង​មិន​ប្រឈម​​ការ​បរាជ័យ។ នរណា​ក៏​មាន​ដែរ ​ភាព​ភ័យ​ខ្លាច​ក្នុង​ការ​បរាជ័យ​ តែ​ការ​ភ័យ​ខ្លាច​រហូត​ដល់​ទុក​រឿង​ដែល​ចាំ​បាច់​ចោល​មិន​មែន​ជា​រឿង​ត្រឹម​ត្រូវ​ឡើយ ផ្ទុយ​មក​វិញ​បើ​​ខ្លាច​បរាជ័យ​អ្នក​គួរ​ខិតខំ​ធ្វើ​ឲ្យ​កាន់​តែ​ខ្លាំង​វិញ​ទើប​ជា​ការ​ប្រសើរ។ ក្នុង​លោក​នេះ​មាន​តែ​មនុស្ស​ដែល​មិន​ដែល​ធ្វើ​អ្វី​ថ្មី​ទេ ដែល​មិន​ជួប​បរាជ័យ។

៣ មើល​ស្រាល​កិច្ចការ

មនុស្ស​ទំនង​ពន្យារ​ពេល​ កាល​ណា​កិច្ចការ​មាន​ថ្ងៃ​ផុត​កំណត់​រយៈ​ពេល​យូរ ហើយ​ខ្លួន​គិត​អាច​ធ្វើ​វា​បាន​ក្នុង​រយៈ​ពេល​ខ្លី។ និស្សិត​សកលវិទ្យាល័យ​ប្រហែល​ជា​យល់​ច្បាស់​ពី​ទម្លាប់​នេះ កិច្ចការ​មាន​រយៈពេល​យូរ​សម្រាប់​ធ្វើ​តែ​បែរ​ជា​ជ្រើស​រើស​ធ្វើ​តែ​មួយ​យប់​ដល់​ធ្លាក់​ភ្នែក​ទៅ​វិញ។ ការ​មើល​ស្រាល​កិច្ចការ​ជះ​ឥទ្ធិពល​មិន​ល្អ​ដល់​លទ្ធផល​ការងារ​ ការ​ធ្វើ​ដោយ​ប្រញិបប្រញាប់​មិន​ល្អ​ដូច​ការ​រៀប​ចំ​រយៈ​ពេល​យូរ​នោះ​ទេ ហេតុនេះ​បើ​មាន​ពេល​ធ្វើ​ឲ្យ​ហើយ​មុន​ក៏​ជា​រឿង​ល្អ គ្រាន់​តែ​អ្នក​ត្រូវ​ពិបាក​បង្ខំ​ខ្លួន​ឯង​បន្តិច។

៤ រឿង​ដទៃ​អូសទាញ ឬ​មិន​ចេះ​គ្រប់​គ្រង​ខ្លួន​ឯង

ការ​ពន្យារ​ពេល​ងាយ​នឹង​កើត​ឡើង​ប្រសិន​បើ​វិន័យ​ក្នុង​ការ​ធ្វើ​កិច្ចការ​​របស់​មនុស្ស​​មាន​កម្រិត​ទាប​។ លើស​ពី​នេះ​ការ​គ្មាន​វិន័យ​ក្នុង​ការ​ធ្វើ​កិច្ចការ​ ធ្វើ​ឲ្យ​ខ្លួន​របស់​អ្នក​ងាយ​នឹង​ត្រូវ​បាន​អូស​ទាញ​ពី​រឿង​ដទៃ​។ ស្ថិត​ក្នុង​ពេល​ដែល​ត្រូវ​ធ្វើ​កិច្ចការ​បែរ​ទៅ​ជា​ដើរ​លេង ឬ​ធ្វើ​រឿង​ដទៃ​ ទាំង​នោះ​ហើយ​ជា​ការ​កង្វះ​វិន័យ​ និង​មិន​ចេះ​គ្រប់​គ្រង​ខ្លួន​ឯង។

៥ មើល​ទៅ​កិច្ចការ​ ជា​ចំណោទ​ធំ​ខ្លាំង​ពេក

ឧទាហរណ៍​ថា​ មេ​របស់​អ្នក​ឲ្យ​អ្នក​ត្រៀម​ខ្លួន​សម្រាប់​ធ្វើ​បទ​បង្ហាញ​សម្រាប់​អតិថិជន​ថ្មី​ ប្រសិន​បើ​អ្នក​ចាត់​ទុក​វា​ជា​កិច្ចការ​ដែល​ធំ​ អ្នក​នឹង​មាន​អារម្មណ៍​សម្ពាធ ពន្យារ​ពេល ហើយ​ទំនង​នឹង​គេចវេះ​ពី​កិច្ច​ការ​ទាំង​នោះ​។

អត្ថបទ​មួយ​នេះ​ មិន​មែន​ផលិត​ឡើង​ក្នុង​គោល​បំណង​លើក​ទឹក​ចិត្ត​ឲ្យ​អ្នក​បន្ត​ពន្យារ​ពេល​ធ្វើ​កិច្ច​ការ​អ្វី​មួយ​នោះ​ទេ​ តែ​ជា​អត្ថបទ​ដែល​ជីក​រក​ហេតុ​ផល ឬ​មូលហេតុ​ដើម្បី​ឲ្យ​អ្នក​យល់​ពី​ខ្លួន​ឃើញ​ ដឹង​ពី​មូលហេតុ​ ហើយ​ព្យាយាម​ដោះ​ស្រាយ​វា​ ដើម្បី​ជួយ​ខ្លួន​អ្នក​កុំ​ឲ្យ​ខាត​ពេល​វេលា​មាន​តម្លៃ​របស់​ខ្លួន​ត​ទៅ​ទៀត៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​