បង្ហាញមុខ Content Creator នារីកម្ពុជាល្បីៗ ៥រូប ស្អាតៗ ពូកែរក Concept ប្លែកៗ ជួយដល់សង្គមទៀត

មាតិកាកម្សាន្តបង្កប់ការអប់រំ និងជួយទៅដល់សង្គមបានទៀត យើងឃើញថាមិនសូវជាមានច្រើននោះទេ ចំពោះអ្នកដែលព្យាយាមស្វែងរកគំនិតបែបនេះ ដើម្បីផលិតមកបង្ហោះនៅលើបណ្ដាញសង្គមនានា។ អ្នកបង្កើតមាតិកាទាំងនេះចាត់ទុកថាជាធនធានដ៏ល្អនៅក្នុងសង្គម ដែលជាការចូលរួមចំណែកលុបបំបាត់នូវមាតិកាទាំងឡាយណា ដែលអាចជះផលអវិជ្ជមានទៅដល់សង្គម ជាពិសេសយុវជនវ័យក្មេង។ ដូច្នេះនៅថ្ងៃនេះ AMS-Infotainment​ សូមចម្រាញ់យកអ្នកបង្កើតមាតិកា និងជា Influencer ដ៏មានប្រជាប្រិយភាពផ្នែកនារី ៥រូប មិនត្រឹមតែមានរូបសម្រស់ស្អាត​នោះទេ ពួកគេមានស្នាដៃល្អៗផ្សព្វផ្សាយនៅលើបណ្ដាញសង្គមទៀតផង។

១.នីគី នីគី

អ្នកទាំងអស់គ្នាស្គាល់គាត់ដំបូងតាមរយៈបទចម្រៀង POP ពីរោះៗ អត្ថន័យល្អៗ ជាមួយនឹងទឹកដមសំនៀងពីរោះប្លែកពីគេ។ ប៉ុន្តែបច្ចុប្បន្នប្រជាប្រិយភាពរបស់តារាស្រីរូបនេះ កំពុងឡើងស្រឺតៗ មានអ្នកគាំទ្ររាប់លាននាក់ តាមរយៈវីដេអូខ្លីៗដែលនាងបានផលិតជាមួយនឹងក្រុមការងារ និងវីដេអូទោលជាច្រើន។ អ្វីដែលធ្វើឱ្យយុវវ័យចូលចិត្ត នីគី នីគី នោះ គឺខ្លឹមសារនីមួយៗនៃវីដេអូរបស់នាង សុទ្ធតែបានផ្ដល់សារល្អៗ និងតម្លៃអប់រំ ព្រមជាមួយការលើកទឹកចិត្ត តាមរយៈបទពិសោធដែលនាងបានឆ្លងកាត់កន្លងមក។ រាល់ការបកស្រាយរបស់ នីគី នីគី គឺច្បាស់ៗ ចំៗចំណុច ងាយយល់ ងាយទទួលបាន និងធ្វើឱ្យយើងមានអារម្មណ៍ធូរស្បើយក្នុងចិត្តពេលស្ដាប់ហើយ។

២.ជា ស្រីនា

មកដល់គូដណ្ដឹងរបស់លោក ហេង វិសាល គឺ ជា ស្រីនា ឬអ្នកទាំងអស់គ្នាស្គាល់យុវតីរូបនេះ តាមរយៈបណ្ដាញសង្គម SreyNea Nea។ ស្រីនា ចាប់ផ្ដើមមានប្រជាប្រិយភាពខ្លាំងឡើងៗ នៅពេលដែលនាងបង្កើតនូវមាតិកាល្អៗជាច្រើន ប្រកបដោយភាពច្នៃប្រឌិត ធ្វើឱ្យអ្នកទស្សនាទទួលបានចំណេះដឹងល្អៗ បទពិសោធល្អៗ ដែលនាងបានចែករំលែក។ ស្រីនា ជាអ្នកបង្កើតមាតិកាបែបកម្សាន្ត ចម្រុះ សំបូរបែប ប៉ុន្តែរាល់វីដេអូរបស់នាងតែងបង្កប់សារអ្វីមួយទៅកាន់អ្នកទស្សនា។ មិនថាជាការចែករំលែកទាក់ទងនឹងការសិក្សា ការថែរក្សាសម្រស់ គន្លឹះ តិចនិកល្អៗជាច្រើនទៀត។ ពាក្យសម្ដីពីរោះ មានអត្ថន័យ មានខ្លឹមសារ មាតិកាប្លែកៗ ធ្វើឱ្យយុវតីរូបនេះមានអ្នក Follow រាប់ម៉ឺននាក់ទាំង FB & IG។

៣.ពេជ្រ ពិសី

ដោយឡែកមកដល់អ្នកបង្កើតមាតិកាកំពុងផ្ទុះប្រជាប្រិយភាពស្ទើរទប់មិនជាប់នេះវិញ ក៏សមគួរដែលឱ្យយើងលើកយកនាងមកនិយាយដែរ។ ថ្វីដ្បិតតែនាងចូលចិត្តស្ទីលតែងខ្លួនបែបសិចស៊ីបន្តិច ប៉ុន្តែមួយរយៈចុងក្រោយនេះ ពេជ្រ ពិសី តែងបង្កើតមាតិកាបែបកម្សាន្តហើយថែមទាំងជួយទៅដល់មនុស្សជុំវិញខ្លួន អ្នកដែលកំពុងជួបការខ្វះខាតជាដើម។ វីដេអូនីមួយៗរបស់ ពេជ្រ ពិសី មានអ្នកទស្សនារាប់លានដង និងតែងទទួលបានមតិល្អៗពីអ្នកទស្សនាចំពោះខ្លឹមសារដែលនាងបានចែករំលែក។ ភាពកំប្លុកកំប្លែងនៅក្នុងវីដេអូនីមួយៗ បង្កប់អត្ថន័យបែបអប់រំ នាំអ្នកទស្សនាទៅដល់កន្លែងផ្សេងៗ ព្រមទាំងសកម្មភាពប្លែកៗ ទាំងនេះហើយដែលនាំឱ្យ ពិសី ទទួលបាននូវប្រជាប្រិយភាពយ៉ាងឆាប់រហ័ស។

៤.Jasmine Hang

ផ្ដើមចេញពី Vlogger មួយរូប ពេលនេះ Jasmine Hang ក៏បានវិវត្តន៍ខ្លួនមកជាអ្នកបង្កើតមាតិកាវីដេអូល្អៗជាច្រើន ហើយក៏កំពុងទទួលបានការគាំទ្រខ្លាំងគួរឱ្យកត់សម្គាល់។ វីដេអូរបស់ក្មេងស្រីម្នាក់នេះ គឺផ្ដោតទៅលើ Challenge​ ផ្សេងៗ ដែលបង្កប់នូវគំនិតច្នៃប្រឌិត ការបង្កើតថ្មី ក្នុងន័យផ្ដល់ឱ្យអ្នកទស្សនាទទួលបាននូវភាពរីករាយ ហើយក៏ទទួលបានគំនិតល្អៗដូចគ្នា។ វីដេអូនីមួយៗរបស់ Jasmine មានលក្ខណៈបែបសប្បាយៗ ធ្វើឱ្យអ្នកទស្សនារីករាយ និងស្រស់ស្រាយ ជាពិសេសគំនិតថ្មីៗដែលនាងរកនឹកឃើញមកបង្កើត ពិតជាគួរឱ្យសរសើរ។

៥.A Dose of Cath

ចុងក្រោយនេះ គឺគ្មានអ្នកណាក្រៅពីអ្នកបង្កើតមាតិកាបែបអប់រំ និងបែប Debate A Dose of Cath នោះទេ។ យុវតីរូបនេះអាចចាត់ទុកថាជាស្ត្រីខ្មែរវ័យក្មេង ដែលមានភាពក្លាហាននៅក្នុងការនិយាយជាសាធារណៈ ពាក់ព័ន្ធនឹងសុខភាពផ្លូវភេទ។ នាងជាមនុស្សម្នាក់ដែលនាំឱ្យប្រជាជនកម្ពុជា លែងគិតថាបញ្ហាសុខភាពផ្លូវភេទ ជារឿងដែលមិនគួរនិយាយ។ ការបកស្រាយចំៗ និយាយលះៗ ទាក់ទងនឹងរឿងផ្លូវភេទនេះ ធ្វើឱ្យយុវតីម្នាក់នេះ ទទួលបាននូវការចាប់អារម្មណ៍ជាខ្លាំង។ ក្រៅពីវីដេអូដែលទាក់ទងនឹងចំណេះដឹងផ្លូវភេទ នាងក៏ជាអ្នកដែលតែងតែបញ្ចេញមតិយោបល់ទៅលើព្រឹត្តិការណ៍ ហេតុការណ៍នានា ដើម្បីយកមកវែកញែក រកខុសត្រូវឱ្យអ្នកទស្សនា ចេះវិភាគ និងឈរនៅចំណុចកណ្ដាល។ ក្រៅពីនេះមាតិកាផ្សេងៗទៀតរបស់នាង សុទ្ធតែបង្កប់ន័យអប់រំ សារលើកទឹកចិត្តជាដើម៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ស្ត្រីខ្មែរម្នាក់នេះជាម្ចាស់ quote ក្នុងរឿង «​រាជិនី​សារព័ត៌មាន​» របស់ TVB ហុងកុង

សម្រង់​សម្ដី​របស់​អ្នក​សារព័ត៌មាន​កម្ពុជា​ម្នាក់​ត្រូវ​បាន​ដាក់​បញ្ចូល​នៅ​ក្នុង​​ខ្សែ​ភាពយន្ត​រឿង​«​រាជិនី​សារព័ត៌មាន​» ឬ Queen of News ។ ខ្សែ​ភាព​យន្ត​ដែល​លាត​ត្រដាង​ពី​វិស័យ​សារព័ត៌មាន​មួយ​

បវរកញ្ញា-បុរសឯកកម្ពុជា ២ រូប ឈ្នះជយលាភីពីអន្តរជាតិថែមទៀតហើយ!

បវរកញ្ញា-បុរសឯកកម្ពុជា ២ រូបទៀតរួមមានលោក ធិ ធារ៉ា និង កញ្ញា ម៉ៅ នីង បានសាងមោទនភាពថ្មី សម្រាប់ប្រទេសកម្ពុជាលើឆាកអន្តរជាតិ ក្រោយអ្នកទាំង ២ បានឈ្នះតំណែងជយលាភី

ចាប់ដៃសហការគ្នាម្ដងទៀត! ត្រលប់មកវិញលើកនេះ Kim Woobin និង Suzy សម្ដែងបែបរឿងកំប្លែង

ក្រោយសម្ដែងរឿងរួមគ្នាក្នុងឆ្នាំ ២០១៦ “Uncontrollably Fond” តារាប្រុស Kim Woobin និងតារាស្រី Suzy កាន់តែទទួលបានការចាប់អារម្មណ៍ខ្លាំង។ ប៉ុន្ដែអ្វីដែលធ្វើឲ្យមហាជនហាក់មិនអស់ចិត្ដនោះ គឺចុងបញ្ចប់នៃរឿងមិនបានជួបជុំគ្នា ដែលធ្វើឲ្យអ្នកទស្សនាខ

ស៊ីន ជេននី បកស្រាយរឿងបានទៅដើរលើកម្រាលព្រំក្រហមមហោស្រព Cannes

ឆ្នាំ​នេះ​មហាជន​ពិតជា​ភ្ញាក់ផ្អើល​ពេល​ឃើញ​វត្តមាន​តារា​ស្រី​ជើង​ថ្មី ស៊ីន ជេននី ដែលជា​ប្អូន​ស្រី​របស់​កំពូល​តារា​ស្រី​ប្រចាំ​កម្ពុជា ស៊ីន យូប៊ីន ក៏​បាន​ដើរ​លេង​កម្រាល​ព្រំ​ក្រហម​នៃ​មហោស្រព​ភាព

មិនធម្មតា! សិល្បករខ្មែរប៉ុន្មានរូបនេះ មានវត្តមានក្នុងកម្មវិធីកម្រាលព្រំក្រហមនៅបារាំង

សិល្បករ​វ័យ​​ក្មេង​ច្រើន​រូប​របស់​កម្ពុជា ​បាន​បង្ហាញ​វត្តមាន​នៅ​ក្នុង​​​មហោស្រព​ភាពយន្ត​ Cannes លើក​ទី​៧៧ នៅ​ឯ​ប្រទេស​បារាំង​​។​ នេះ​ជា​មោទកភាពកម្ពុជា ​ចំពោះ​ការ​បង្ហាញ​គ្រាប់​ពេជ្រ​

ចប់មង្គលការ Tempo Tris បង្ហោះសារមានន័យ ដើម្បីបញ្ជាក់ភាពច្បាស់លាស់ចំពោះគូស្នេហ៍

សិល្បករមួយរូបទៀតហើយ ដែលបានដឹកដៃគូស្នេហ៍ចូលរោងជ័យក្នុងឆ្នាំ ២០២៤ នេះ នោះគឺតារាចម្រៀង និងជាអ្នកនិពន្ធទំនុកច្រៀង Tempo Tris ដែល​មាន​ឈ្មោះពិតថា ដួង រស្មី។ មង្គលការ

ស្អាតដូចព្រះនាង! Yoona និង Han SoHee បង្អួតសម្រស់ក្នុងកម្មវិធីមហោស្រពភាពយន្ដ Cannes

នៅថ្ងៃទី ២០ ខែ ឧសភា ឆ្នាំ ២០២៤ តារាសម្ដែងស្រីកូរ៉េល្បី ២ រូបគឺ Yoona និង Han SoHee បានបង្ហាញវត្ដមាននៅក្នុងកម្មវីធីមហោស្រពភាពយន្ដ Cannes លើកទី ៧៧ នៅឯទឹកដីប្រទេស បារាំង។ វត្ដមានរបស់តារាស្រីឆ្នើមទាំងពីរបានក្លាយ

ជីវិតតួស្រីរឿង F4 និងអតីតស្វាមី ក្រោយលែងលះ ប្រែប្រួលខ្លាំងសឹងមិនគួរឱ្យជឿ

យោងតាមប្រភពព័ត៌មាន Nate បានឲ្យដឹងថា ជីវិតរបស់អតីតគូស្វាមីភរិយាកូរ៉េ តារាស្រី Goo HyeSun និងតារាប្រុស Ahn JaeHyun គឺមានការប្រែប្រួលខ្លាំងស្ទើរមិនជឿ ជាពិសេសទាក់ទិននឹងបញ្ហាហិរញ្ញវត្ថុ។ ស្របពេលដែលការរស់នៅប្រចាំថ្ងៃក៏មើលទៅហាក់មានការលំបាក និងស្មុគស្មាញផងដែរ។

តារាចម្រៀង កែវ ច័ន្ទដាលីន ស្អាតខ្លាំងក្នុងពិធីភ្ជាប់ពាក្យលក្ខណៈគ្រួសារ!

អតីតបេក្ខភាព X-Factor Cambodia  រដូវកាលទី១  និងជាអតីតបេក្ខភាព I Am A Singer Cambodia  រដូវកាលទី​២ បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ក្រោយភ្ជាប់ពាក្យស្ងាត់ៗ

២ ឈុត ស៊ីន យូប៊ីន បញ្ចេញភាពទាក់ទាញ និងភាពទំនើប នៃមហោស្រពភាពយន្ត Cannes

តារា​សម្ដែង​ជួរ​មុខ​កម្ពុជា ស៊ីន យូប៊ីន កំពុង​មាន​វត្តមាន​ក្នុង​កម្មវិធី​មហោ ស្រពភាពយន្ត Cannes លើក​ទី​៧៧។ យូប៊ីន ពិតជា​មិន​ធ្វើឲ្យ​អ្នក​គាំទ្រ​ភ្ញាក់ផ្អើល​នឹង​សម្រស់ ព្រម​ទាំង​ការ​តុប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *