ផឹកទឹកក្នុងពេលទាំង ៦​ នេះជួយទាំងពង្រឹងភាពស៊ាំ ស្បែកថ្លា និងសម្រកទម្ងន់

មនុស្សទាំងអស់សុទ្ធតែដឹងហើយថាការទទួលទានទឹកឱ្យបានគ្រប់គ្រាន់ក្នុងមួយថ្ងៃពិតជាមានសារៈប្រយោជន៍យ៉ាងខ្លាំងចំពោះសុខភាពទាំងសុខភាពរាងកាយ និងសុខភាពស្បែកនៃដងខ្លួន។ ​អ្នកទាំងអស់គ្នាដឹងអត់ថាទឹកក៏ជាចំណែកមួយដែលចូលរួមសម្អាតជាតិពុលក្នុងរាងកាយថែមទាំងជួយដល់ការសម្រកទម្ងន់បានទៀតផង។ ប៉ុន្តែការទទួលទានទឹកក៏ត្រូវមើលពេលណាគួរញ៉ាំដែរ មិនមែនឱ្យតែញ៉ាំគ្រប់ពេលសុទ្ធតែល្អនោះទេ។ ថ្ងៃនេះ AMS នឹងចែករំលែកពីពេលវេលាញ៉ាំទឹកណាខ្លះទើបត្រឹមត្រូវសម្រាប់សុខភាព។

១. ញ៉ាំមួយកែវក្រោយក្រោកពីគេង

ក្រោយពីការគេងអស់រយៈពេល ៨ ម៉ោងហើយរាងកាយរបស់មនុស្សជាទូទៅនឹងថយចុះនូវកម្រិតជាតិទឹកក្នុងខ្លួនជាមិនខាន។ ដូចនេះក្រោយភ្ញាក់ពីគេងត្រូវផឹកទឹកយ៉ាងហោចណាស់មួយកែវដោយសារវាអាចនឹងជួយឱ្យ​យើងមានអារម្មណ៍ស្រស់ស្រាយ និងស្វាហាប់ជាងមុន។ មិនតែប៉ុណ្ណោះ ការទទួលទានទឹកមួយកែវក្រោយក្រោកពីគេងក៏អាចជួយដល់ប្រព័ន្ធរំលាយអាហារ បន្ថែមថាមពល និងធ្វើឱ្យរាងកាយមានតុល្យភាពទៀតផង។

២. ញ៉ាំទឹកមុនពេលបាយ

សម្រាប់អ្នកដែលចង់សម្រកគីឡូហើយមិនចង់ញ៉ាំច្រើន នេះជាវិធីដ៏ល្អបំផុតដោយសារតែទឹកអាចធ្វើឱ្យយើងមានអារម្មណ៍ឆាប់ឆ្អែត​ មិនឃ្លានខ្លាំង ហើយវាក៏ជួយដល់ប្រព័ន្ធរំលាយអាហារបានយ៉ាងល្អនិងមិនប៉ះពាល់ដល់សុខភាពទៀតផង។ ការញ៉ាំទឹកមុនពេលបាយ ៣០ នាទីក៏ជាវិធីល្អមួយសម្រាប់អ្នកស្រឡាញ់រាង ឬចង់សម្រកទម្ងន់ផងដែរ។

៣. ញ៉ាំមួយកែវមុនពេលចូលគេង

គ្រាន់តែញ៉ាំទឹកមួយកែវមុនពេលចូលគេងគឺវាល្អគ្រប់គ្រាន់អាចធ្វើឱ្យរាងកាយយើងរឹងមាំបានដែរ។ ដោយសារនៅពេលដែលយើងសម្រាករយៈពេល​ ៨ ម៉ោងជាតិទឹកនៅក្នុងរាងកាយរបស់យើងនឹងថយចុះបន្តិចម្ដងៗ។ ដូចនេះដើម្បីការពារពីជំងឺខ្វះជាតិទឹក យើងគួរតែញ៉ាំទឹកត្រឹមតែមួយកែវមុនចូលគេងដោយសារវានឹងជួយរក្សាកម្រិតជាតិទឹកមិនឱ្យបាត់បង់ច្រើនក្រោយក្រោកពីគេង។

៤. ញ៉ាំទឹកក្រោយពេលបែកញើស

សម្រាប់អ្នកចូលចិត្តហាត់ប្រាណ ឬក្រោយធ្វើការណាមួយដែលតម្រូវឱ្យប្រើកម្លាំងខ្លាំង ជាធម្មតារាងកាយនឹងមានការបាត់បង់ជាតិទឹកខ្លាំងជាងមនុស្សធម្មតា។ មានមនុស្សមួយចំនួនគិតថាទាល់តែហាត់ប្រាណហើយ​ ឬស្រេកទឹកខ្លាំងទើបអាចញ៉ាំបាន​ ប៉ុន្តែការគិតបែបនោះមិនត្រឹមត្រូវទេ។ ក្នុងអំឡុងពេលហាត់ប្រាណអ្នកទាំងអស់គ្នាអាចញ៉ាំបានមួយសើមបំពង់ក​ និងពេលហាត់ប្រាណរួចអាចញ៉ាំតាមចិត្តស្រេក។ ការញ៉ាំទឹកក្រោយពេលហាត់គឺល្អបំផុត​ព្រោះវាប្រៀបដូចជាបំពេញថាមពល​ ជាតិទឹក និងកម្ចាត់ជាតិពុលចេញពីរាងកាយទៀតផង។

៥. ញ៉ាំទឹកឱ្យច្រើនពេលឈឺ

នៅពេលដែលមានអារម្មណ៍ថាមិនស្រួលខ្លួន ឈឺក្បាល ក្ដៅខ្លួន​ ឬឈឺបំពង់ក យើងគួរញ៉ាំទឹកឱ្យច្រើនតាមតែអាចធ្វើទៅបានដោយសារទឹកនៅចូលទៅជួយពង្រឹងប្រព័ន្ធភាពស៊ាំ និងជួយសម្រាលដល់រោគសញ្ញាទាំងនេះបានមួយកម្រិតដែរដូចជាកាត់បន្ថយកម្ដៅ សម្អាតមេរោគពីបំពង់ក និងកាត់បន្ថយអត្រានៃការកើតជំងឺផ្ដាសាយជាដើម។

៦. ញ៉ាំទឹកនៅកន្លែងដែលមានមនុស្សច្រើន

នៅពេលដែលយើងទៅសួរសុខទុក្ខអ្នកជម្ងឺនៅមន្ទីរពេទ្យ ឬនៅកន្លែងណាដែលមានមនុស្សច្រើន យើងគួរតែញ៉ាំទឹកឱ្យបានញឹកញាប់ដោយសារតែយើងមិនអាចមើលឃើញនឹងភ្នែកថាម្នាក់ណាមានមេរោគនោះទេ។ ដូចបានរៀបរាប់នៅចំណុចទី ៥ គឺទឹកអាចជួយពង្រឹងប្រព័ន្ធភាពស៊ាំបានឱ្យកាន់តែប្រសើរ ដូចនេះអត្រានៃការឆ្លងជំងឺផ្សេងៗក៏ទាបដែរ។ លើសពីនេះទៀត ទឹកក៏អាចជួយកាត់បន្ថយភាពនឿយហត់ អស់កម្លាំង និងភាពតានតឹងបានទៀតផង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​