ក្រោយក្លាយជាម្ចាស់ពាន Cambodian Idol កាលពីពេលថ្មីៗនេះរួចមក តារាចម្រៀង គី សាវីន កំពុងតែមមាញឹកក្នុងការផលិតបទចម្រៀងថ្មី។ ដោយកាលពីសប្ដាហ៍មុន សាវីន បានទៅថតសំឡេងជាមួយអ្នកនិពន្ធ THO MEET រួចរាល់ហើយ ដែលដំណឹងនេះធ្វើឲ្យអ្នកគាំទ្រលោករំភើបចិត្ត ព្រោះអាចនឹងមានបទថ្មីឆាប់ៗ។

ក្រៅពីការងារថតសំឡេង ត្រៀមផលិតបទចម្រៀងហើយនោះ សាវី ក៏មមាញឹកនឹងការងារសិល្បៈផ្សេងៗទាំងផ្នែកចម្រៀងបែបបុរាណ និងសម័យ ដែលនោះគឺជាការងារស្នូលតាំងពីមុនលោកចូលប្រឡងកម្មវិធីលំដាប់ពិភពលោក Cambodian Idol រដូវកាលទី៥ទៅទៀត។ តារាប្រុសដែលមានប្រភពមកពីខេត្តបាត់ដំបងរូបនេះ មានទីផ្សារខ្លាំង តាំងពីជាប់ជាម្ចាស់ពានកម្មវិធីដ៏ធំនោះរួចមក។ ដូចថ្ងៃរៀបអាពាហ៍ពិពាហ៍របស់តារាសម្ដែងប្រុស ប៉ាន់ខែមម៉ានូ ក៏ សាវីន ជាអ្នកចម្រៀងភ្លេងខ្មែរ ក្នុងកម្មវិធីនោះដែរ។ ក្រៅពីការងារច្រៀងសម័យ និងបុរាណតាមបណ្ដាកម្មវិធីមង្គលការហើយធំ តារាប្រុសវ័យ ២៣ ឆ្នាំរូបនេះ ក៏មានចេញច្រៀងតាមខនសឺតទាំងនៅតាមខេត្ត និងកម្មវិធីក្នុងរាជធានីភ្នំពេញ។
គួរបញ្ជាក់ផងដែរថា គី សាវីន គឺជាកូនកំព្រា ដែលឪពុកបានលាចាកលោកតាំងឆ្នាំ ២០១២ និងម្ដាយជាអ្នកទំនុកបម្រុងដល់ការរៀនសូត្រ។ សាវីន មានស្រុកកំណើត ភូមិអូរគគី ឃុំអូរដា ស្រុកកំរៀង ខេត្តបាត់ដំបង។ សាវីន មានបងប្អូនប្រុសស្រី ៤ នាក់ ហើយលោកគឺជាកូនពៅ៕



រូបភាព៖ FB គី សាវីន

























Account
Security
Favourite Content