ឆ្នាំមុនស្ទើរតែចូល Top 15 ឆ្នាំនេះ CIM & CSNJ ពួតដៃពង្រឹងគុណភាពជយលាភី ត្រៀមបំបែកកំណត់ត្រា

ជាការពិតដែល កញ្ញា សំណាង អេលីណា Miss International Cambodia 2023 ស្ទើរតែជាប់ Top15 ទៅហើយក្នុងការប្រកួតអន្តរជាតិកាលពីឆ្នាំមុន តែដោយសារស្ថាប័នអន្តរជាតិសម្រេចជ្រើសរើសយកអ្នកជាប់ vote ​៣នាក់ ធ្វើឱ្យពិន្ទុរបស់នាងធ្លាក់ទៅចំណាត់ថ្នាក់លេខរៀងទី១៦ (Top16) ទៅវិញ។ ទន្ទឹមការសោកស្តាយនេះ​ អេលីណា បានធ្វើឱ្យហ្វេនៗ និងអ្នកស្នេហាវិស័យបវរកញ្ញាសប្បាយចិត្តវិញពេលដឹងថា កម្ពុជាបានជាប់ Top7 Best in National Costume ក្នុងការប្រកួតអន្តរជាតិនេះ។

ដោយឡែក សម្រាប់ឆ្នាំ ២០២៤ ក្រុមហ៊ុន Cambodia International Models (CIM) បានត្រឡប់មករៀបចំការប្រកួត Miss Cambodia 2024 សាជាថ្មី ដើម្បីស្វែងរកម្ចាស់​ជយលាភីដ៏ល្អស័ក្កសមសម្រាប់តំណាងកម្ពុជាទៅប្រកួតលើឆាកអន្តរជាតិ ក្រោមការឧបត្ថម្ភធំពីហាងពេជ្រ CSNJ របស់លោកឧកញ៉ា ចិន សំណាង។

លោក ម៉ែន និមលរតន៍ CEO ក្រុមហ៊ុន Cambodia International Models បញ្ជាក់ក្នុងពិធីសន្និសីទសារព័ត៌មានថា CIM នៅតែរក្សាជំហរក្នុងការរៀបចំការប្រកួត Miss Cambodia 2024 ដោយផ្តោតសំខាន់ទៅលើសមត្ថភាព ចំណេះដឹង និងទេពកោសល្យរបស់បេក្ខភាពដែលមកដាក់ពាក្យប្រកួត។ សំខាន់ជាងនេះ បេក្ខភាពត្រូវមានភាពឆ្លាតវ័យ អាចបត់បែន និងមានពេលវេលាគ្រប់គ្រាន់សម្រាប់ធ្វើការជាមួយក្រុមហ៊ុនក្រោយជាប់ជាម្ចាស់ជយលាភី។ នេះបើតាមការបញ្ជាក់បន្ថែមរបស់ លោក អេង ស៊ីម៉េង នាយកគ្រប់គ្រង CIM។

លោក ម៉ែន និមលរតន៍ និង លោក អេង ស៊ីម៉េង សង្ឃឹមថា យើងនឹងអាចចម្រាញ់យកបេក្ខភាពម្នាក់ដ៏មានសមត្ថភាព ដើម្បីតំណាងកម្ពុជាទៅចូលរួមប្រកួតកម្មវិធី Miss International 2024 នៅទីក្រុងតូក្យូ ប្រទេសជប៉ុន នាពេលឆាប់ៗខាងមុខនេះ។

ជាការលើកទឹកចិត្តដល់ម្ចាស់ជយលាភី Miss Cambodia 2024 លោកឧកញ៉ា ចិន សំណាង ម្ចាស់ហាងពេជ្រ CSNJ មិនត្រឹមតែឧបត្ថម្ភឈុតខ្សែកពេជ្រ និងមកុដច្នៃតាមលំនាំប្រាសាទព្រះវិហារជាមួយត្បូងរតនគិរីដ៏មានតម្លៃប៉ុណ្ណោះទេ លោកថែមទាំងប្រកាសផ្តល់រថយន្តមួយគ្រឿងតម្លៃខ្ទង់ម៉ឺនដុល្លារ និងសំបុត្រយន្តហោះ business class ផងដែរ។ 

លោកឧកញ៉ាបានមានប្រសាសន៍ថា លោកនៅពុំទាន់អស់ចិត្តដែលកាលពីឆ្នាំមុនកម្ពុជាយើងមិនទាន់អាចទម្លុះចូលវគ្គ Top15 បាន ដូច្នេះទើបឆ្នាំនេះលោករៀបចំរង្វាន់ជាច្រើន ដើម្បីលើកទឹកចិត្តដល់ម្ចាស់ជយលាភី Miss Cambodia 2024 ដែលនឹងត្រូវជ្រើសជា Miss International Cambodia 2024 បន្ទាប់ពី សំណាង អេលីណា។ លោកមានជំនឿចិត្តថា កម្ពុជាយើងនឹងអាចបំបែកកំណត់ត្រាចូលវគ្គ Top ចុងក្រោយបាន ព្រោះលោក និងក្រុមហ៊ុន CIM រួមទាំង អេលីណា មានការប្តេជ្ញាចិត្តខ្ពស់ក្នុងការពង្រឹងគុណភាពម្ចាស់ជយលាភី។

សូមជម្រាបផងដែរថា ក្រុមហ៊ុន Cambodia International Models នៅបន្តទទួលពាក្យប្រកួត Miss Cambodia 2024 ពីថ្ងៃនេះរហូតដល់ចុងខែកក្កដា ឆ្នាំ ២០២៤ ហើយការប្រកួតផ្តាច់ព្រ័តនឹងធ្វើឡើងនៅថ្ងៃទី៣០ ខែសីហា ឆ្នាំ ២០២៤ ខាងមុខ។ សុភាពនារីទាំងឡាយ ដែលមានបំណងចង់ដាក់ពាក្យចូលរួមប្រកួតកម្មវិធី Miss Cambodia 2024 អាចទំនាក់ទំនងទៅកាន់ទំព័រហ្វេសប៊ុកផ្លូវការ Cambodia International Models និង Miss Cambodia៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

តារាចម្រៀង-សម្ដែង អ្នកផលិតមាតិកាល្បីៗ ទទួលលិខិតសរសើរពីយូនីសេហ្វ លើការងារសង្គម

សិល្បករ​ សិល្បៈ​ការិនី​ តារា​សម្ដែង​ តារា​ចម្រៀង​ និង​អ្នក​ផលិត​មាតិកា​ក្នុង​ស្រុក​ជា​ច្រើន​រូប​ទទួល​បាន​លិខិត​សរសើរ​ពី UNICEF Cambodia ក្រោយ​ចូលរួម​យ៉ាង​សកម្ម​នៅក្នុងទិវាកុមារពិភពលោកក្នុង​ខេត្ត​មណ្ឌលគិរី​​។

ពីក្មេងប្រុសម្ចាស់ពាន The Voice Kid សំឡេងផ្អែម ឥឡូវ ទេព ពិសេដ្ឋ ល្បីឈ្មោះខ្លាំងតាមរយៈបទរ៉េប

ក្មេងប្រុស ទេព ពិសិដ្ឋា ក្លាយ​ជា​ម្ចាស់​ពាន The Voice Kids Cambodia រដូវកាលទី២ នៅឆ្នាំ ២០១៨ ដែល​គ្រា​នោះ ទើប​មាន​វ័យ​ត្រឹម ១៤ ឆ្នាំ​ប៉ុណ្ណោះ។ ការ​តស៊ូ​ឡើង​មក​ប្រឡង​នៅ​រាជធានី​ភ្នំពេញ ពិតជា​មិន​ខក​បំណង​ឡើយ

សោកនាដកម្មក្នុងវិស័យខេប៉ុប៖ នៅពេលដែលភាពជោគជ័យ ដើរទន្ទឹមគ្នានឹងអត្តឃាត

ស្របពេលដែលខ្សែជីវិតនៅលើវិថីខេប៉ុបកំពុងតែមានដំណើរទៅកាន់ភាពជោគជ័យ តែសិល្បករមិនតិចរូបទេបានសម្រេចបញ្ចប់អនាគតបស់ខ្លួនត្រឹមវ័យជាង ២០ឆ្នាំ។ ហេតុអ្វីបានជាតារាខេប៉ុបទាំងនេះសម្រេចចិត្តធ្វើ

ស្វាមីសាន់ឆាយបញ្ជាក់ច្បាស់ៗថាអ្នកណាជាអ្នកទទួលកេរ្តិ៍មរតកដ៏មហាសាលរបស់ភរិយា

កាលពីថ្ងៃទី៦ ខែកុម្ភៈកន្លងទៅនេះ តារាចម្រៀងកូរ៉េ DJ Koo ស្វាមីរបស់តារាសម្ដែងតៃវ៉ាន់ Barbie Hsu ឬតួសាន់ឆាយ បានចែករំលែកសារ​លើ​បណ្តាញ​សង្គមដោយ​បង្ហាញ​ពី​ទុក្ខសោក​ចំពោះ​ការ​បាត់បង់​ភរិយា

អ្នកគាំទ្រត្រៀម! Taxi Driver រដូវកាលថ្មីគ្រោងនឹងចាក់បញ្ចាំងក្នុងឆ្នាំ ២០២៥នេះ ជាមួយសាច់រឿងស៊ីជម្រៅជាងមុន

SBS បញ្ជាក់ថា ភាពយន្តភាគរឿង Taxi Driver រដូវកាលទី ៣ នឹងចេញផ្សាយនៅចន្លោះខែកក្កដា ដល់ដំណាច់ឆ្នាំ២០២៥នេះ ដោយនៅតែរក្សាតួសម្ដែងពីរដូវកាលមុនដដែល តែសាច់រឿងគួរឱ្យចាប់អារម្មណ៍ជាងមុន។

លែងប្រើឈ្មោះចាស់ហើយ! សមាជិក NewJeans ត្រៀមចូលរួមការប្រគំតន្ត្រីធំលើកដំបូងដោយប្រើឈ្មោះថ្មីថា …

បន្ទាប់ពីមានបញ្ហាចាកចេញពីផលិតកម្មមុនកុងត្រាកំណត់ ពេលនេះសមាជិកក្រុមចម្រៀងនារី NewJeans បានសម្រេចបន្តសកម្មភាពដោយប្រើឈ្មោះថ្មី NJZ ជំនួសឈ្មោះដើមរបស់ពួកគេ

ម្ចាស់ពាន Cambodia Idol រដូវកាលទី៥ គី សាវីន ចេញបទដំបូង sad ខ្លាំង ដល់ថ្នាក់ហ្វេនលាន់មាត់បែបនេះ!

បទ​ដំបូង​របស់​ម្ចាស់​ពាន Cambodia Idol រដូវ​កាល​ទី​៥ គី សាវីន ​ធ្វើ​ឱ្យ​បណ្ដា​អ្នក​គាំទ្រ​លាន់​មាត់​សរសើរ​ ថា​ពីរោះ​ខ្លាំង​ខណៈ​បទ​ចម្រៀង​​បែប​យុវវ័យ​មនោសញ្ចេតនាមួយ​នេះ​ បាន​បង្កប់​អត្ថន័យ​ជ្រាលជ្រៅ​នៅ​ពី​ក្រោយ​ស្នេហា​​

ស្ទូឌីយោថតរូបបកស្រាយបែបនេះ ក្រោយធ្វើឱ្យបែកធ្លាយរូបថតរបស់ Taecyeon ក្រុម 2pm និងមិត្តស្រីនៅប៉ារីស

ស្ទូឌីយោថតរូប The Best Photo Paris បានចេញសុំទោស ចំពោះការចែករំលែករូបថតរបស់ Taecyeon និងមិត្តស្រី ដែលនាំឱ្យសាធារណជនមានការយល់ច្រឡំថា ជារូបថតសុំសង្សាររៀបការរបស់សមាជិកក្រុម

មើលត្រឹម Trailer ក៏ស្រៀវសាច់! ភាពយន្ត “Jurassic World” វគ្គថ្មីដែល Scarlett Johansson មកសម្ដែង

ក្រុមហ៊ុន Universal Picture ទើបតែបញ្ចេញវីដេអូ Trailer ដំបូងសម្រាប់កំពូលភាពយន្តដាយណូស័រ “Jurassic World” វគ្គថ្មីកាលពីថ្ងៃទី៥ ខែកុម្ភៈ ដោយវគ្គថ្មីនេះមានចំណងជើងថា “Jurassic World Rebirth”

ឈុតតំណាងជាតិ ៣ នេះ នឹងបង្ហាញលើឆាកអន្តរជាតិក្នុងប្រទេសម៉ាឡេស៊ី

កម្ពុជា​បាន​នាំ​យក​ឈុត​តំណាង​ជាតិ ​៣​ ដែល​ច្នៃ​ដោយ​ស្នាដៃ​កូន​ខ្មែរ​ ដើម្បី​យក​ទៅ​បង្ហាញ​លើ​ឆាក​អន្តរជាតិ​ក្នុង​កម្មវិធី​ប្រកួត ​Kids & Teens Pageant Global នៅប្រទេស​ម៉ាឡេស៊ី​ ដោយ​មាន​បវរកញ្ញា​កម្ពុជា ៣ រូប កំពុង​​ចូលរួម​