ជីវិតតួស្រីរឿង F4 និងអតីតស្វាមី ក្រោយលែងលះ ប្រែប្រួលខ្លាំងសឹងមិនគួរឱ្យជឿ

យោងតាមប្រភពព័ត៌មាន Nate បានឲ្យដឹងថា ជីវិតរបស់អតីតគូស្វាមីភរិយាកូរ៉េ តារាស្រី Goo HyeSun និងតារាប្រុស Ahn JaeHyun គឺមានការប្រែប្រួលខ្លាំងស្ទើរមិនគួរឱ្យជឿ ជាពិសេសទាក់ទិននឹងបញ្ហាហិរញ្ញវត្ថុ ស្របពេលដែលការរស់នៅប្រចាំថ្ងៃក៏មើលទៅហាក់មានការលំបាក និងស្មុគស្មាញផងដែរ។

តារាប្រុស Ahn JaeHyun បានទម្លាយឲ្យដឹងថា លោកបានទទួលរងឥទ្ធិពលយ៉ាងខ្លាំងពីស្រា។ លោកញៀនស្រា និងហូបមិនបានគ្រប់គ្រាន់ ព្រមទាំងមានបញ្ហាផ្លូវចិត្ត បន្ទាប់ពីការលែងលះ។ តារា​សម្ដែង​រូប​នេះ​បានឲ្យដឹងទៀតថា ​ ​ក្រៅពីអាហារពេលព្រឹក លោក​ទទួល​ទាន​អាហារតែមួយពេលប៉ុណ្ណោះ ​ក្នុង​មួយ​ថ្ងៃ។ ដូច្នេះហើយ រយៈពេល ៤ ទៅ ៥ ឆ្នាំ ចុងក្រោយនេះ ស្ថានភាពសុខភាពរបស់លោកហាក់មានការអន់ខ្សោយ។

មែនទែនទៅ ដើម្បីថែរក្សាសុខភាព លោកត្រូវចំណាយប្រាក់ហោចណាស់ ៥០ ម៉ឺនវ៉ុន (៣៧០ដុល្លារ) ជារៀងរាល់ខែ ក្នុងការទិញ វីតាមីន និងអាហារមានជីវជាតិ សម្រាប់ទ្រទ្រង់រាងកាយ។ អ្វីដែលធ្វើឲ្យមហាជនភ្ញាក់ផ្អើលនោះ រូបរាងរបស់ Ahn JaeHyun ហាក់មានការប្រែប្រួលច្រើន និងមើលទៅហត់នឿយគ្មានកម្លាំងកំហែង។ អាជីពរបស់លោកមានភាពរង្គោះរង្គើ ក្រោយការលែងលះចម្រូងចម្រាសជាមួយអតីតភរិយាតារាស្រី Goo HyeSun។ រឿងនេះដែរ ក៏បានក្លាយជាផ្នែកមួយធ្វើឲ្យប៉ះពាល់ដល់ស្ថានភាពផ្លូវចិត្ដរបស់លោក។

ក្រឡេកមកមើល តារាស្រី Goo HyeSun វិញ ជីវិតរបស់តារាស្រីរូបនេះក្រោយលែងលះជាមួយអតីតស្វាមី ក៏មិនមានភាពល្អប្រសើរឡើយ។ ជារឿយៗ រូបនាងតែងត្រូវគេរិះគន់ ដោយសារការសម្ដែងលែងមានគុណភាព។ មួយវិញទៀត រូបនាងតែងត្រូវបានគេលើកឡើងថា សម្ដែងទាមទារយកនូវចំណាប់អារម្មណ៍ ដោយថ្មីៗ នេះ នាងបង្ហាញខ្លួនក្នុងកម្មវិធីរបស់ស្ថានីយន៍ទូរទស្សន៍ tvN ព្រមទាំងលើកឡើងថា នាងគ្មានផ្ទះនៅ និងត្រូវរស់ស្នាក់នៅ គេងលើរថយន្ដ ឬនៅបណ្ណាល័យ។ ការហូបចុកក៏ពិបាក ត្រូវទទួលទានតែ មី និងបាយ ហើយលុបមុខមាត់ដោយប្រើកន្សែងសើម។

ការរិះគន់ជាហូរហែរ ធ្វើឲ្យតារាស្រីរូបនេះចេញបកស្រាយថា មូលហេតុដែលនាងគ្មានផ្ទះ ដោយសារតែនាងកំពុងសាងសង់ផ្ទះថ្មី ហើយនាងកំពុងផ្ដោតលើការសិក្សាផ្នែកសិល្បៈ។ ផ្ទះដែលនាងកំពុងសាងសង់គឺមានទំហំធំ កែច្នៃឲ្យមានភាពប្រណីតសិល្បៈ។

Goo HyeSun ត្រូវបានគេចាត់ទុកជាតារាស្រីម្នាក់ដែលមានទ្រព្យសម្បត្ដិច្រើនម្នាក់។ ភាពល្បីល្បាញរបស់នាងស្ទើរទាំងស្រុងទទួលបានមកពីការសម្ដែងក្នុងរឿង F4 ឬ Boy Over Flower។ នាងត្រូវបានគេរាយការណ៍សល់ប្រាក់រាប់លានដុល្លារក្រោយសម្ដែងរឿងមួយនេះ។ តែទោះជាយ៉ាងណាក្ដី អាជីពសិល្បៈរបស់នាងបច្ចុប្បន្ន ហាក់មិនមានការលេចធ្លោអ្វីឡើយ ផ្ទុយទៅវិញតែងត្រូវគេរិះគន់មិនឈប់ឈរ។

គួរបញ្ជាក់ថា តារាស្រី Goo HyeSun និងតារាប្រុស Ahn JaeHyun បានប្រកាសរៀបការក្នុងឆ្នាំ ២០១៦។ គួរឲ្យសោកស្ដាយ សាងគ្រួសារទើបបានជាង ៣ ឆ្នាំ អ្នកទាំងពីរក៏បានប្រកាសលែងលះគ្នា ខណៈការបញ្ចប់ចំណងគ្រួសារគឺមិនមែនដោយសន្ដិវិធីឡើយ។ រឿងអាស្រូវស្នេហារបស់តារាប្រុសស្រីទាំងពីរក្លាយជាប្រធានបទក្ដៅគគុកក្នុងឆ្នាំ ២០១៩ និងធ្វើឲ្យអ្នកទាំងពីរស្ទើរលែងមានកន្លែងឈរជើងក្នុងពិភពសិល្បៈតទៅទៀត៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កូនខ្មែរកាត់រុស្ស៊ី ឌៀប សុហ្វៀរ៉ា សិល្បករស្រករក្រោយ កំពុងត្រូវប៉ាន់ការងារសិល្បៈ

ប្រិយមិត្តអ្នកនិយមតាមដានរឿងរ៉ាវសិល្បៈពិតជាបានស្គាល់ កូនខ្មែរកាត់រុស្ស៊ី យុវតី ឌៀប សុហ្វៀរ៉ា ដែលនាងជាសិល្បករ​ស្រករក្រោយម្នាក់ កំពុងផ្ទុះការចាប់អារម្មណ៍យ៉ាងខ្លាំង​ក្រោយឈ្នះ

មកស្គាល់បុរសនៅពីក្រោយ ការបង្កើតតុក្កតាចម្លែក Labubu ដែលកំពុងពេញនិយម

ប្រិយមិត្ដជាច្រើនប្រហែលជាបានឃើញតុក្កតាបិសាចចម្លែកមួយប្រភេទ ដែលកំពុងពេញនិយមលើបណ្ដាញសង្គមមានឈ្មោះថា Labubu។ Labubu ជាតួអង្គតុក្កតាមួយ​បង្កើត​ឡើងដោយ

សិក្ខាសាលាផលិតវីដេអូកុមារលើកទី១ របស់ SEAVFC ២០២៤ បញ្ចប់ដោយក្ដីរីករាយពីឪពុកម្ដាយ

កាលពីថ្ងៃទី១៦ ខែមិថុនាកន្លងទៅនេះ «មហោស្រពភាពយន្តវីដេអូសម្រាប់កុមារអាស៊ីអាគ្នយ៍» (Southeast Asia Video Festival for Children - SEAVFC) បានរៀបចំ

សន្ទុះគាំទ្រខ្លាំង! ភាពយន្តខ្មែររឿង «​បណ្ដាសានាងរាត្រី» រកចំណូលបានច្រើនបំផុតនៅតៃវ៉ាន់

សន្ទុះ​នៃ​ការ​គាំទ្រ​​ភាពយន្ត​ខ្មែរ​រឿង​ «​​បណ្ដាសា​នាង​រាត្រី​» បាន​បំបែក​កំណត់​ត្រា​ប្រវត្តិសាស្ត្រ​ក្នុង​ប្រទេស​តៃវ៉ាន់ ​​ក្លាយជាភាពយន្តដែល​រក​ចំណូល​បាន​ច្រើន​បំផុត​ពី​ការ​លក់​សំបុត្រ​ចូល​

Stray Kids ត្រៀមវាយលុកតារាងតន្ត្រីកូរ៉េ និងពិភពលោកជាមួយអាល់ប៊ុមទី៩

កាលពីថ្ងៃ១៩ ខែមិថុនា ផលិតកម្ម JYP Entertainment បានប្រកាសឱ្យដឹងថា អាល់ប៊ុមទី៩ របស់ក្រុម Stray Kids មានចំណងជើងថា "ATE" ដោយនឹងបង្ហាញពីថាមពលរីករាយរបស់

សុភាពនារីមាន ៣ ចំណុចនេះ អាចដាក់ពាក្យចូលប្រកួតកម្មវិធី Miss Cambodia 2024 បានហើយ!

ស្របពេលដែលកម្មវិធីប្រកួត Miss Cambodia 2024 នៅបន្តបើកទទួលពាក្យជ្រើសរើសបេក្ខនារី រហូតដល់ចុងខែកក្កដា ឆ្នាំ ២០២៤ សំណាង អេលីណា Miss International Cambodia

ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់

គូស្នេហ៍ យ៉ាងគួ សៀវឡុងនី កំពុងត្រូវសង្ស័យដើរដល់ផ្លូវបញ្ចប់ ក្រោយរៀបការ ៨ ឆ្នាំ

កាលពីឆ្នាំ ២០១៤ រឿងភាគល្បី The Romance Of The Condor Heroes បានធ្វើឲ្យតារាសម្ដែងប្រុសចិន Chen Xiao និងតារាស្រី Michelle Chen ដែលជាតួឯក បានលង់ស្រឡាញ់គ្នា និងចាប់ដៃគ្នាចូលរោងមង្គលសាងគ្រួសារយ៉ាងមានសុភមង្គល។

បាត់មួយរយៈ ពេលនេះ Kara ប្រកាសត្រលប់មកឆាកតន្ត្រីវិញនៅខែក្រោយ

ក្រុមចម្រៀងស្រីខេប៉ុបជំនាន់ទី២ដ៏ល្បីល្បាញ Kara បានប្រកាសត្រលប់មកឆាកតន្ត្រីវិញក្នុងខែកក្កដា ដែលជាការ Comeback លើកដំបូងក្នុងរយៈពេលមួយឆ្នាំ និងប្រាំបីខែ

Fan Page ទទូចឱ្យ ឈុំ ចាន់ដារ៉ា ចូលប្រកួត Miss Cambodia 2024 ក្រោយខកឱកាសទៅប្រកួតនៅប៉ូឡូញ

បវរកញ្ញារូបស្រស់ ឈុំ ចាន់ដារ៉ា បានខកខានឱកាសតំណាងកម្ពុជាទៅប្រកួតកម្មវិធី Miss Supranational 2024 នៅប្រទេសប៉ូឡូញ បាត់ទៅហើយ ធ្វើឱ្យហ្វេនៗ និងអ្នកនិយមគាំទ្រ