ប្រាសាទចំណាស់មួយដែលពលរដ្ឋប្រទះឃើញក្នុងព្រៃ ក្រោយចម្ការអ្នកភូមិ ពេលនេះត្រូវបានក្រុមការងារអាជ្ញាធរអប្សរាចុះត្រួសសម្អាតហើយ។ ប្រាសាទដ៏កម្សត់មួយនេះមានឈ្មោះថាប្រាសាទ ក្ងោកគ្រៀវ។

ក្រោយមានការចែករំលែកដំណឹងជាហូរហែពីប្រាសាទបុរាណពុំស្គាល់ឈ្មោះ ដែលស្ថិតនៅភូមិអូររូង ឃុំតាសៀម ស្រុកស្វាយលើ ខេត្តសៀមរាប ដែលពលរដ្ឋបានប្រទះឃើញនៅខាងក្រោយចម្ការរបស់ពួកគាត់ ពេលនេះត្រូវបានក្រុមការងារអាជ្ញាធរជាតិអប្សរាបានចុះត្រួសសម្អាតព្រៃ និងបរិស្ថានជុំវិញប្រាសាទហើយ។ អាជ្ញាធរបានឱ្យដឹងថា ការងារនេះត្រូវបានធ្វើឡើងជាប្រចាំ ដើម្បីលើកតម្លៃ និងថែរក្សាប្រាសាទបុរាណនានាចៀសផុតពីហានិភ័យផ្សេងៗ។
មួយទៀត អាជ្ញាធរអប្សរាបានបញ្ជាក់ថាកាលឆ្នាំ ២០២៤ ក្រុមការងារបានចុះទៅបោះបង្គោលកំណត់ព្រំដែនទីតាំងបុរាណដ្ឋាន និងបានដាក់ស្លាកសញ្ញា។ បន្ថែមពីនេះ អាជ្ញាធរក៏បានអំពាវនាវដល់ប្រជាជនរស់នៅតំបន់ជុំវិញនោះឱ្យចូលរួមថែរក្សាប្រាសាទបុរាណមួយនេះទាំងអស់គ្នាផងដែរ៕











រូបភាព ៖ អាជ្ញាធរជាតិអប្សរា






















































Account
Security
Favourite Content