Dolly Parton និងកេរតំណែលនៃទឹកចិត្តដ៏សប្បុរសដែលពិភពលោកនឹងបន្តចងចាំ

នៅថ្ងៃទី២៥ ខែសីហានេះ គឺជាថ្ងៃមួយដែលពិភពលោកបានបាត់បង់នារីដ៏សប្បុរសម្នាក់ ឈ្មោះថា Dolly Parton។

Dolly Parton មិនត្រឹមតែជាតារាចម្រៀងដ៏ល្បីល្បាញប៉ុណ្ណោះទេ ប៉ុន្តែគាត់ក៏ជាសប្បុរសជនដ៏សកម្មបំផុតម្នាក់ក្នុងពិភពសិល្បៈ ដោយបានប្រើប្រាស់ភាពជោគជ័យរបស់ខ្លួនដើម្បីគាំទ្រដល់វិស័យអប់រំ ការអានរបស់កុមារ សុខាភិបាល ការសង្គ្រោះគ្រោះមហន្តរាយ និងវិស័យជាច្រើនទៀត។

ការចាកចេញរបស់ Dolly Parton នៅក្នុងវ័យ ៨០ ឆ្នាំនេះ លោកស្រីបានចាកចេញតែខ្លួនប៉ុណ្ណោះ ក៏ប៉ុន្តែកេរតំណែលនៃទឹកចិត្តដ៏សប្បុរសរបស់លោកស្រីនៅតែបន្ត ដ្បិតសាមីខ្លួនលែងមានដង្ហើមក្ដី។ ខាងក្រោមនេះ គឺសកម្មភាពជួយសង្គមរបស់តារាចម្រៀងចិត្តបុណ្យរូបនេះ ផ្អែកតាមការចុះផ្សាយរបស់ Billboard៖

១៩៨៨ – មូលនិធិDollywood Foundation

Dolly Parton បានបង្កើតអង្គការនេះឡើងនៅស្រុក Sevier រដ្ឋ Tennessee ដែលជាស្រុកកំណើតរបស់លោកស្រី ជាមួយគោលបំណងកាត់បន្ថយអត្រាបោះបង់ការសិក្សារបស់សិស្សវិទ្យាល័យ។ បន្ទាប់មក លោកស្រីបានចាប់ផ្តើមកម្មវិធី Buddy Program ដែលបានផ្តល់ប្រាក់រង្វាន់ ៥០០ ដុល្លារ ដល់សិស្សថ្នាក់ទី ៧ និងទី ៨ ទាំងអស់ដែលបានបញ្ចប់ការសិក្សានៅវិទ្យាល័យ។

យោងតាមតួលេខពីអង្គការផ្ទាល់ គំនិតផ្ដួចផ្ដើមនេះទទួលបានជោគជ័យ ដោយអត្រាបោះបង់ការសិក្សាបានធ្លាក់ចុះពី ៣៥ ភាគរយ មកត្រឹម ៦ ភាគរយប៉ុណ្ណោះ។

១៩៨៩ – អាហារូបករណ៍ ៥០០ ដុល្លារ

Dolly Parton បានផ្តល់អាហារូបករណ៍ជាទឹកប្រាក់ ៥០០ ដុល្លារ ដល់សិស្សគ្រប់រូបក្នុងស្រុក Sevier ដែលមានបំណងចង់ចូលរៀននៅមហាវិទ្យាល័យ Hiwassee College។

១៩៩១ – កន្លែងអភិរក្សEagle Mountain Sanctuary នៅ Dollywood

Eagle Mountain Sanctuaryគឺជាជាជម្រកទំហំ ៣០ ០០០ ហ្វីតការ៉េរបស់ “ឥន្ទ្រី Bald Eagles ប្រភេទមិនអាចដោះលែងឱ្យមានសេរីភាពបាន” ដែលមានចំនួនតន្រ្ទីច្រើនជាងគេបំផុត គ្រប់គ្រងដោយមូលនិធិ American Eagle Foundation ។ កិច្ចខិតខំរបស់ Dolly Parton ក្នុងការអភិរក្សឥន្ទ្រីនេះ បាននាំមកនូវពានរង្វាន់ Partnership Award ពី U.S. Fish and Wildlife Service ជូនលោកស្រីក្នុងឆ្នាំ ២០០៣។

១៩៩៥ – កម្មវិធីImagination Library

កើតឡើងដោយគិតដល់ពីឪពុករបស់ខ្លួនដែលមិនចេះអាន និងសរសេរអក្សរ កម្មវិធី Imagination Library របស់មូលនិធិ Dollywood Foundation បានចាប់ផ្តើមផ្ញើសៀវភៅមួយក្បាលក្នុងមួយខែដល់កុមារដែលបានចុះឈ្មោះចូលរួមក្នុងបណ្ណាល័យ និងរស់នៅក្នុងស្រុក Sevier ចាប់ពីពេលកើតរហូតដល់ចូលរៀន។

២០០០ – អាហារូបករណ៍Dolly Parton Scholarship

ជារៀងរាល់ឆ្នាំ អាហារូបករណ៍ Dolly Parton Scholarship នឹងផ្ដល់ទឹកប្រាក់ ១៥ ០០០ ដុល្លារ ដល់សិស្សថ្នាក់ទី ១២ ចំនួន ៥ នាក់ក្នុងស្រុក Sevier រដ្ឋ Tennessee។ យោងតាមមូលនិធិ Dollywood Foundation អាហារូបករណ៍នេះនឹងប្រគល់ជូនដល់សិស្សដែលមាន “ក្តីស្រមៃដែលពួកគេចង់សម្រេច ជាមួយផែនការ និងការប្តេជ្ញាចិត្តក្នុងការសម្រេចក្តីស្រមៃនោះឱ្យជោគជ័យ”។

២០០៧ – កម្មវិធីប្រគំតន្ត្រីសប្បុរសធម៌សម្រាប់មន្ទីរពេទ្យថ្មីក្នុងស្រុកSevier

ការប្រគំតន្ត្រីនេះបានរៃអង្គាសប្រាក់សរុបចំនួន ១ លានដុល្លារអាមេរិក ដោយមាន ៥ សែនដុល្លារពីការប្រគំតន្រ្តី និង ៥ សែនដុល្លារទៀតពីការបរិច្ចាគរួមគ្នាពីសួនកម្សាន្ត Dollywood និងរោងមហោស្រព Dixie Stampede dinner theater របស់ Dolly Parton ផ្ទាល់។

ជាលទ្ធផល ទឹកប្រាក់បរិច្ចាគនេះបានបង្កើតឱ្យមានមជ្ឈមណ្ឌលវេជ្ជសាស្ត្រ LeConte Medical Center ដែលជាមន្ទីរពេទ្យ និងមជ្ឈមណ្ឌលជំងឺមហារីកថ្មីក្នុងស្រុក Sevier បើកដំណើរការក្នុងឆ្នាំ ២០១០។ ទន្ទឹមគ្នា​នឹងមជ្ឈមណ្ឌលសុខភាពស្ត្រី Dolly Parton Center for Women’s Services ផងដែរ។

២០១៦ – កម្មវិធីរៃអង្គាសប្រាក់សម្រាប់គ្រោះអគ្គិភ័យឆេះព្រៃ នៅភាគខាងកើតរដ្ឋTennessee

កម្មវិធីទូរទស្សន៍ Smoky Mountains Rise: A Benefit for the My People Fund ដែលមានគោលបំណងជួយដល់ជនរងគ្រោះកម្រិតខ្លាំងជាងគេនៅទីក្រុង Gatlinburg និង Pigeon Forge បានរៃអង្គាសប្រាក់បានជាង ១៣ លានដុល្លារ ដោយមានវត្តមានសិល្បករជាច្រើនរូបបានចូលរួម។

២០១៦ – មូលនិធិMy People Fund

ដើម្បីបន្តជួយជនរងគ្រោះពីភ្លើងឆេះព្រៃនេះ Dolly Parton បានបង្កើតមូលនិធិ My People Fund ដែលបានផ្តល់ប្រាក់ ១ ០០០ ដុល្លារក្នុង ១ ខែ សម្រាប់រយៈពេល ៦ ខែ ដល់គ្រួសារដែលខូចខាតផ្ទះសម្បែងទាំងស្រុងព្រោះគ្រោះធម្មជាតិ។

បន្ថែមពីនេះ មូលនិធិតែមួយក៏បានបរិច្ចាគប្រាក់ប្រហែល ៨.៩ លានដុល្លារដល់ជនខ្វះខាតផ្សេងទៀត។ គំនិតផ្ដួចផ្ដើមនេះនៅតែបន្តជួយប្រជាពលរដ្ឋក្នុងការបង់ថ្លៃឈ្នួលផ្ទះ និងថ្លៃទឹកភ្លើង ព្រមទាំងម្ហូបអាហារ និងផ្គត់ផ្គង់ដល់ធនធានសុខភាពផ្លូវចិត្តផងដែរ។

២០១៦ – អាហារូបករណ៍Special Merit Scholarship

Dolly Parton បានប្រគល់អាហារូបករណ៍ចំនួន ៣០ ០០០ ដុល្លារ ដល់កុមារីវ័យ ២ ឆ្នាំ Evey Johns ដោយទឹកប្រាក់នេះនឹងផ្ដល់ជូនកុមារីរូបនេះនៅពេលដែលនាងចូលរៀននៅមហាវិទ្យាល័យ។ ការផ្ដល់អំណោយនេះធ្វើឡើង ដើម្បីអបអរសាទរដល់សមិទ្ធផលរបស់កម្មវិធី Imagination Library ដែលបានផ្ញើសៀវភៅដល់ដៃកុមារចំនួនមួយលានក្បាលក្នុងមួយខែ។

២០១៧ – ការបរិច្ចាគប្រាក់ ១ លានដុល្លារដល់មន្ទីរពេទ្យកុមារ

បន្ទាប់ពីការចេញផ្សាយអាល់ប៊ុមចម្រៀងកុមារ I Believe in You តារាចម្រៀងចិត្តបុណ្យរូបនេះបានបរិច្ចាគប្រាក់ ១ លានដុល្លារដល់មន្ទីរពេទ្យកុមារ Monroe Carell Jr. Children’s Hospital នៅមជ្ឈមណ្ឌលវេជ្ជសាស្ត្រសាកលវិទ្យាល័យ Vanderbilt ដើម្បីជាការអរគុណដល់ក្មួយស្រីរបស់គាត់ដែលធ្លាប់បានទទួលការព្យាបាលជំងឺមហារីកគ្រាប់ឈាមនៅមន្ទីរពេទ្យនេះ។

២០២០ – ការប្រយុទ្ធប្រឆាំងនឹងជំងឺកូវីដ-១៩

Parton បានបរិច្ចាគប្រាក់ ១ លានដុល្លារសម្រាប់ការស្រាវជ្រាវវីរុសកូរ៉ូណា នៅសាកលវិទ្យាល័យ Vanderbilt ដែលជួយផ្តល់មូលនិធិដល់ការអភិវឌ្ឍវ៉ាក់សាំងកូវីដ-១៩ របស់ក្រុមហ៊ុន Moderna។ យោងតាមទិន្នន័យដំបូង វ៉ាក់សាំងរបស់ក្រុមហ៊ុន Moderna មានប្រសិទ្ធភាព ៩៤.៥ ភាគរយ ប្រឆាំងនឹងជំងឺកូវីដ-១៩។

២០២១ – ការសង្គ្រោះទឹកជំនន់នៅរដ្ឋTennessee

Dolly Parton និងអាជីវកម្មជាច្រើនរបស់លោកស្រីនៅក្នុងតំបន់ Smoky Mountain បានរៃអង្គាសប្រាក់ចំនួន ៧ សែនដុល្លារ ដើម្បីជួយប្រជាពលរដ្ឋដែលរងផលប៉ះពាល់ដោយគ្រោះទឹកជំនន់នៅភាគកណ្តាលរដ្ឋ Tennessee។

២០២២ – ការជំរុញឱ្យបុគ្គលិករបស់ខ្លួនទទួលបានការសិក្សា

ក្រុមហ៊ុន Dollywood Co. បានប្រកាសក្នុងខែកុម្ភៈ ឆ្នាំ២០២២ ថាខ្លួននឹងចំណាយ ១០០ ភាគរយលើថ្លៃសិក្សា ថ្លៃសេវា និងថ្លៃសៀវភៅសម្រាប់បុគ្គលិកណាម្នាក់ដែលចង់បន្តការសិក្សារបស់ពួកគេ។ កម្មវិធីនេះបានផ្ដល់អាហារូបករណ៍សរុបដល់ទៅ ២៥០ កន្លែងលើជំនាញចម្រុះ ដោយបុគ្គលិកគ្រប់រូប មិនថាជាបុគ្គលិកក្រៅម៉ោង ឬពេញម៉ោង អាចចុះឈ្មោះចូលរៀនក្នុងកម្មវិធីនេះចាប់តាំងពីថ្ងៃដំបូងនៃការងារ។

២០២២ – ការបរិច្ចាគសម្រាប់ការស្រាវជ្រាវជំងឺឆ្លងកុមារ

Parton បានបរិច្ចាគប្រាក់ ១ លានដុល្លារដល់មជ្ឈមណ្ឌលវេជ្ជសាស្ត្រសាកលវិទ្យាល័យ Vanderbilt ក្នុងទីក្រុង Nashville ដោយផ្តោតលើការស្រាវជ្រាវជំងឺឆ្លងកុមារ។

២០២៣ – ការបរិច្ចាគប្រាក់ ១ លានដុល្លារដល់អង្គការThe Salvation Army

ក្នុងខែធ្នូ ឆ្នាំ២០២៣ Dolly Parton បានបរិច្ចាគប្រាក់ ១ លានដុល្លារដល់អង្គការ The Salvation Army ជាជំនួយដល់កម្មវិធីម្ហូបអាហារ និងគ្រឿងទេសនៅទូទាំងសហរដ្ឋអាមេរិក។ អង្គការនេះបាននិយាយថា ប្រាក់បរិច្ចាគនេះនឹងផ្តល់អាហារប្រហែល ២.៥ លានពេល ដល់អ្នកដែលត្រូវការជំនួយ។

២០២៤ – ការបរិច្ចាគប្រាក់ ២ លានដុល្លារ សម្រាប់ជំនួយព្យុះHurricane Helene

ក្រោយគ្រោះព្យុះ Hurricane Helene នៅតំបន់ភាគខាងត្បូងនៃសហរដ្ឋអាមេរិក Parton បានផ្តល់ប្រាក់ ១ លានដុល្លារពីមូលនិធិផ្ទាល់ខ្លួនជូនដល់មូលនិធិ Mountain Way’s Foundation សម្រាប់ផ្ដល់ជំនួយដល់ជនរងគ្រោះពីទឹកជំនន់។ លើសពីនេះ លោកស្រីក៏បានសន្យាថា អាជីវកម្មនៅភាគខាងកើតរដ្ឋ Tennessee និងមូលនិធិ Dollywood Foundation របស់លោកស្រីនឹងរួមគ្នាបរិច្ចាគ ១ លានដុល្លារពីលើទៀត។

២០២៥ – កម្មវិធីImagination Library ឈានដល់ការបរិច្ចាគសៀវភៅចំនួន ៣០០ លានក្បាល

កម្មវិធី Imagination Library របស់ Parton បានបរិច្ចាគសៀវភៅជាង ៤០.៣ លានក្បាលដល់កុមារក្នុងឆ្នាំ ២០២៥ ដែលមានការកើនឡើង ៩.៩ ភាគរយពីឆ្នាំមុន និងនាំឱ្យចំនួនសៀវភៅសរុបដែលបានផ្តល់ជូនចាប់តាំងពីការចាប់ផ្តើមក្នុងឆ្នាំ ១៩៩៥ ឡើងដល់ជាង ៣០៤.៥ លានក្បាល។ កម្មវិធីដែលផ្តល់សៀវភៅឥតគិតថ្លៃដល់កុមារចាប់តាំងពីកើតរហូតដល់អាយុ ៥ ឆ្នាំនេះ ក៏បានប្រារព្ធខួបលើកទី៣០ របស់ខ្លួនក្នុងឆ្នាំ ២០២៥ ផងដែរ។

ក្នុងខែកក្កដា ឆ្នាំ២០២៦ Parton បានថ្លែងអំណរគុណដល់ Taylor Swift និង Travis Kelce ចំពោះការបរិច្ចាគប្រាក់ ២ លានដុល្លារដល់កម្មវិធី Imagination Library ដោយនិយាយថាគាត់ “មានការរំជួលចិត្ត និងរីករាយជាខ្លាំង” ចំពោះអំណោយនេះ៕

“We will always love you”



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *