គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់ ដោយគ្រឿងលម្អដ៏វិចិត្រនេះ ធ្លាប់ជាសម្បត្តិខុសច្បាប់របស់ឈ្មួញជួញដូរវត្ថុបុរាណ លោក Douglas Latchford។

ផ្អែកតាមអត្ថបទរបស់លោក Andy Brouwer គេបានឃើញឈុតគ្រឿងអលង្ការមាសខ្មែរដ៏កម្រនេះ ជាលើកដំបូងនៅក្នុងសៀវភៅ “Adoration and Glory: The Golden Age of Khmer Art” ដែលចេញផ្សាយនៅឆ្នាំ ២០០៤ ដោយ Douglas Latchford និង Emma Bunker។

នៅក្នុងនោះ អ្នកនិពន្ធទាំងពីររូបបានបញ្ជាក់ថា វាគឺជាកម្មសិទ្ធិរបស់អ្នកប្រមូលផ្ដុំឯកជន។ តាមពិតទៅ គ្រឿងអលង្ការដែលមានតម្លៃមិនអាចកាត់ថ្លៃបានទាំងនេះ ត្រូវបានគេយកទៅតុបតែងលើរូបចម្លាក់ថ្មព្រះសិវៈ ដែលតាំងនៅក្នុងលំនៅឋានឯកជនរបស់ Latchford ក្នុងទីក្រុងឡុងដ៍។

លុះដល់ឆ្នាំ ២០០៨ អ្នកនិពន្ធទាំងពីរបានលើកយកគ្រឿងអលង្ការ និងរូបភាពទាំងនោះមកដាក់លើក្របសៀវភៅទី ២ របស់ខ្លួនក្រោមចំណងជើងថា “Khmer Gold: Gifts for the Gods” ដោយបញ្ជាក់ថាជាទ្រព្យសម្បត្តិរបស់ឈ្មួញជួញដូរវត្ថុបុរាណអង់គ្លេស Douglas Latchford។

ក្រោយមក នៅខែមេសា ឆ្នាំ ២០១៧ គ្រឿងអលង្ការមួយឈុតនេះត្រូវបានប្រគល់ជូនមន្ត្រីខ្មែរនៅទីក្រុងឡុងដ៍ ដោយលោក Jonathan Tucker និងអ្នកស្រី Antonia Tozer មកពីក្រុមហ៊ុន Asian Art ដោយបុគ្គលទាំងពីររូបនេះ មានទំនាក់ទំនងយូរឆ្នាំជាមួយសកម្មភាពខុសច្បាប់របស់ Latchford។ ពួកគេព្យាយាមលក់គ្រឿងអលង្ការមួយឈុតនេះ ដែលរួមមាន គ្រឿងលម្អក្បាល គ្រឿងលម្អទ្រូងមួយគូ ក្រវិលមួយគូ ខ្សែក ខ្សែដៃមួយគូ និងខ្សែក្រវាត់ចង្កេះទាំងលើទាំងក្រោម។

Douglas Latchford និង Emma Bunker បានអះអាងថា គ្រឿងអលង្ការមាសនេះ ត្រូវបានរកឃើញក្នុងពាងដីជិតតំបន់កោះកេរ។ យ៉ាងណាមិញ ការអះអាងដែលចេញពីអ្នកទាំងពីរនេះ គឺជាអ្វីដែលអ្នកអានគួរប្រុងប្រយ័ត្ន។

បន្ទាប់ពីបញ្ជូនមកដល់រាជធានីភ្នំពេញ នៅខែធ្នូ ឆ្នាំ ២០១៧ គ្រឿងអលង្ការទាំងនេះត្រូវបានដាក់តាំងនៅសារមន្ទីរជាតិនៅខែបន្ទាប់ ក្រោមប្រធានបទ “គ្រឿងលម្អសម្រាប់ទេវតា និងមនុស្ស” ជាមួយនឹងគ្រឿងមាសសម្រាប់ព្រះមហាក្សត្រផ្សេងទៀតដែល Latchford បានបរិច្ចាគជូនផងដែរ។

គ្រឿងអលង្ការនេះត្រូវបានដាក់តាំងបង្ហាញម្ដងទៀត នៅវិមានសន្តិភាព ក្នុងខែមីនា ឆ្នាំ ២០២៣ និងនៅក្នុងពិព័រណ៍ “រូបចម្លាក់ខ្មែរដែលត្រូវបានបញ្ជូនត្រឡប់មកវិញ” នាសារមន្ទីរជាតិ ក្នុងឆ្នាំ ២០២៤ ដោយក្នុងការតាំងបង្ហាញ គ្រឿងអលង្ការឈុតនេះ ត្រូវបានបំពាក់លើបដិមាទេពបុរសសម័យបាពួន (សតវត្សរ៍ទី១១) ដែលបានបន្ថែមផ្នែកក្បាល និងដៃឆ្វេងផ្នែកខាងលើជារបស់ថ្មី។

យោងតាមការពិពណ៌នារបស់ Latchford និង Bunker ក្នុងសៀវភៅ Khmer Gold គ្រឿងអលង្ការមាសសម្រាប់បំពាក់លើរូបចម្លាក់ដែលអ្នកទាំងពីរថាបានរកឃើញនៅក្បែរកោះកេរនេះ រួមមាន មកុដ គ្រឿងលម្អរាងផ្កាមួយគូ គ្រឿងលម្អត្រចៀកមួយគូ ខ្សែកពាក់លើទ្រូង ខ្សែពាក់ជុំវិញដងខ្លួនមួយគូ និងខ្សែពាក់ដៃមួយគូ។

គេសន្និដ្ឋានថា គ្រឿងមាសទាំងនេះមានអាយុកាលស្ថិតនៅក្នុងត្រីមាសទី ៣ នៃសតវត្សរ៍ទី ១០ ដោយធៀបនឹងចម្លាក់ក្នុងរចនាប័ទ្មបន្ទាយស្រីដំណាក់កាលចុងក្រោយ។ ខណៈទំហំតូច គែមស្រួច និងភាពផុយស្រួយនៃគ្រឿងអលង្ការទាំងនេះ គឺជាភស្តុតាងដែលបញ្ជាក់ថា វត្ថុដ៏មានតម្លៃនេះគឺផលិតឡើងសម្រាប់តែបំពាក់លើរូបចម្លាក់ប៉ុណ្ណោះ ពុំមែនសម្រាប់មនុស្សពាក់នោះទេ។

បើចង់ទស្សនាគ្រឿងអលង្ការដ៏វិចិត្រទាំងនេះដោយផ្ទាល់ ប្រិយមិត្តអាចចូលរួមនៅក្នុងពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ រហូតដល់ថ្ងៃអាទិត្យ ទី២២ ខែវិច្ឆិកា។ ព្រឹត្តិការណ៍នេះរៀបចំឡើងដើម្បីអបអរសាទរកិច្ចប្រជុំកំពូលហ្វ្រង់កូហ្វូនីលើកទី ២០ និងខួបលើកទី ៧៥ នៃការចូលជាសមាជិកអង្គការយូណេស្កូ៕

រូបភាព៖ Andy Brouwer



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ