បន្ថែមអាជីពមួយទៀតក្រៅពីតារាសម្ដែង លឹម ជាឡាយ ចូលប្រឡូកក្នុងវិស័យជំនួញ ក្លាយជា CEO ផលិតផលថែរក្សាសម្រស់

តារា​សម្ដែង​ប្រុស លឹម ជាឡាយ បាន​ចូល​ប្រឡូក​ក្នុង​វិស័យ​សិល្បៈ​អស់​រយៈពេល ២០ ឆ្នាំ​ហើយ ដោយ​មាន​ទាំង​ស្នាដៃ​ថ្មី​ចាស់​ច្រើន ហើយ​ក៏​ជា​តារា​មាន​បទពិសោធន៍​ក្នុង​កិច្ចការ​ជំនួញ​ដែរ។

ថ្មី​ៗ​នេះ​លោក លឹម ជាឡាយ តួឯក​ប្រុស​រឿង “ថ្ងៃមុនស្អប់ ថ្ងៃនេះស្រឡាញ់” បាន​សម្រេច​ចិត្ត​បោះ​ជំហាន​​ចូល​ក្នុង​ពិភពជំនួញ ដោយ​ខ្លួន​លោក​ផ្ទាល់​ជាអគ្គនាយក (CEO) នៃ​ផលិតផល​ថែរក្សា​សម្រស់ ALIKA ក្នុងគោលបំណងនាំយកផលិតផលមានគុណភាពស្តង់ដារមកជូនប្រជាជនកម្ពុជា និង​ចូលរួម​ចំណែក​ជំរុញ​សេដ្ឋកិច្ច​ជាតិ តាម​រយៈ​ការ​នាំ​ចូល​ផ្ទាល់។

លឹម ជាឡាយ បាន​ប្រាប់ឱ្យអ្នកសារព័ត៌មានដឹងថា ការបង្កើតប្រេន ALIKA នេះ មិន​មែន​ធ្វើឡើងតាមការនឹកឃើញភ្លាមៗនោះទេ ប៉ុន្តែ​លោក​និង​ក្រុមការងារ​បាន​ចំណាយ​ពេល​សិក្សា​ស្រាវជ្រាវ​យ៉ាង​ហ្មត់ចត់​អស់​ពេល​ច្រើន​ខែ។ Freshie Boy ចំណាត់ថ្នាក់លេខ ១ ជំនាន់​ទី​៤ ឆ្នាំ ២០០៥ បាន​បញ្ជាក់​ថា «គោលដៅ​របស់​ខ្ញុំ គឺ​មិនមែន​គ្រាន់តែ​បង្កើត​ផលិតផល​មក​លក់ ដើម្បី​ចំណេញ​នោះ​ទេ ប៉ុន្តែ​អ្វី​ដែល​សំខាន់​បំផុត​គឺ​គុណភាព។ ALIKA គឺជាចំណងដៃរូបមន្តកូនខ្មែរ ១០០% ដែល​ផលិតនៅរោងចក្រខ្នាតធំនៅប្រទេសចិន ស្របតាម​ស្តង់ដារ​គុណភាព​សហរដ្ឋ​អាមេរិក»។

បច្ចុប្បន្ន ផលិតផលដំបូងដែលត្រូវបានដាក់លក់ រួមមាន ហ្វមលាងមុខ និងស្កាប់ (Scrub) ហើយ​បន្ទាប់​ទៅទៀត លោកក៏មានផែនការនាំយកផលិតផលដែលមានគុណភាពខ្ពស់ផ្សេងៗទៀត ដើម្បីបម្រើតម្រូវការរបស់ប្រជាជនកម្ពុជា។

ការ​បោះ​ជំហាន​ចូល​ក្នុង​វិស័យ​ផលិតផល​ថែរក្សា​សម្រស់​នា​ពេលនេះ ក៏​ចំ​ពេល​ដែល​ចរន្ត​នៃ​ការ​គាំទ្រ​ផលិតផល​ក្នុង​ស្រុក​កំពុង​មាន​សន្ទុះ​ខ្លាំង ខណៈ​ប្រជាជន​ខ្មែរ​មួយ​ភាគ​ធំ កំពុង​ងាក​មក​ប្រើប្រាស់​ផលិតផល​ដែល​មាន​ប្រភព​ច្បាស់លាស់​ជំនួស​ឱ្យ​ផលិតផល​នាំ​ចូល​ពី​ប្រទេស​ជិតខាង។ តារា​ប្រុស​វ័យជិត ៤០ ឆ្នាំ លឹម ជាឡាយ បាន​សង្កត់​ធ្ងន់ថា នេះ​ជា​ឱកាស​ល្អ​បំផុត​ក្នុង​ការ​បង្ហាញ សក្ដានុពល​កូន​ខ្មែរ​ថា អាច​បង្កើត​ផលិតផល​ដែល​មាន​គុណភាព​មិន​ចាញ់​ផលិតផល​​​ប្រទេស​ក្រៅ​ឡើយ។

ទោះបី​កំពុង​មមាញឹក​ក្នុង​តួ​នាទី​ជា CEO លឹម ជាឡាយ បាន​បញ្ជាក់​ថា លោក​នឹង​មិន​បោះបង់​អាជីព​សិល្បៈ​ដែល​ជា​ចំណូលចិត្ត​តាំង​ពី​ដើម​នោះ​ឡើយ។ ផ្ទុយទៅវិញ លោក​មាន​គម្រោង​ពង្រីក​វិសាលភាព​សិល្បៈ​បន្ថែម​ទៀត ដោយ​ក្នុង​ពេល​ឆាប់​ៗ​នេះ លោក​នឹង​បង្ហាញ​វត្តមាន​ក្នុង​ខ្សែ​ភាពយន្ត​ថ្មី​ដែល​ទទួល​បាន​ការ​ឧបត្ថម្ភ​គាំទ្រ​ដោយ​ផ្ទាល់​ពី ALIKA Cambodia។

ពិធី​សម្ពោធ​ជា​ផ្លូវការ​នៃ​ផលិតផល ALIKA ត្រូវ​បាន​រៀបចំ​ឡើង​យ៉ាង​ឱឡារិក​នៅ​ផ្សារ​ទំនើប ជីប ម៉ុង ២៧១ មេហ្គាម៉ល កាលពី​ពេល​ថ្មី​ៗ​នេះ ដោយ​មាន​ការ​ចូលរួម​យ៉ាង​កុះករ​ពី​សំណាក់​មិត្តភ័ក្ដិ​ក្នុង​រង្វង់​សិល្បៈ និង​អតិថិជន​ជាច្រើន។ កម្មវិធី​នោះ ក៏​មាន​ការ​លេងហ្គេម​កម្សាន្ត ចែក​រង្វាន់​មាស និង​ការ​បញ្ចុះ​តម្លៃ​ពិសេស ដើម្បី​ជា​កាដូ​ដល់​អ្នក​គាំទ្រ​ផង​ដែរ។

លើសពីនេះ លោកក៏មានចក្ខុវិស័យវែងឆ្ងាយក្នុងការជ្រើសរើសសិល្បករ-សិល្បការិនី​ជំនាន់​ក្រោយ​ឱ្យ​មក​ចូលរួម​ការងារជាមួយក្រុមហ៊ុន ដើម្បីផ្ដល់ឱកាសការងារ និង​ជួយ​ជ្រោមជ្រែង​វិស័យ​សិល្បៈ​ខ្មែរ​កាន់តែ​រីកចម្រើន៕

រូបភាព៖ ALIKA Cambodia



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង

ទម្រាំប៉ាក់ចេញស្បៃខ្មែរមួយផ្ទាំងៗ ត្រូវចំណាយពេលជាង ១ ខែ រាប់តាំងពីថ្ងៃដំឡើង

នៅ​ក្នុង​សង្គម​ខ្មែរ កាលពី​អតីតកាល ដូនតា​បាន​ប្រើប្រាស់​ស្បៃ ​ក្នុង​គោលបំណង​ចម្បង២។ ទី១ ប្រើប្រាស់​ក្នុង​សកម្មភាព​ប្រចាំថ្ងៃ​សម្រាប់​គ្រប​ដណ្តប់​កាយ ឬ​បំបាត់​

ជីវិត Sad ស្រាប់ហើយ ហេតុអ្វីនៅតែចូលចិត្តមើលរឿង Sad ទៀត?

តើធ្លាប់ដែរទេ? ពេលខ្លះជីវិតកំពុងតែមានទុក្ខទារុណទោម្នេញដួងចិត្តណាស់ទៅហើយ ក៏ប៉ុន្តែយើងបែរជាសម្រេចចិត្តជ្រើសរើសមើលរឿងបង្ហូរទឹកភ្នែក ដើម្បីលួងលោមខ្លួនឯងទៅវិញ។



Leave a Reply

Your email address will not be published.Required fields are marked *