ស្រីៗកុំអន់ចិត្តនឹងខ្លួនឯង បើ​មាន ៥​ចំណុច​នេះ​លើ​រាងកាយ មានន័យ​ថា​អ្នក​សំណាង​ទៅ​វិញ​ទេ!

មនុស្សស្រីភាគច្រើនគិតថាភាពស្រស់ស្អាតទាល់តែត្រូវជាមួយស្ដង់ដាទើបល្អ។ ជាឧទាហរណ៍ អ្នកខ្លះគិតថាច្រមុះធំ ឬមាត់ធំមិនស្អាតទេព្រោះមើលទៅចម្លែងពីគេពេក។ តាមការសិក្សាពីសាកលវិទ្យាល័យ IOWA នៅសហរដ្ឋអាមេរិចបានរកឃើញថាច្រមុះធំ​និងមាត់ធំអាចជួយកាត់បន្ថយឱកាសនៃការកើតជម្ងឺផ្ដាសាយ។ ពួកគេបានធ្វើការពិសោធន៍ទោះលើច្រមុះនិងមាត់សប្បនិម្មិត ជាលទ្ធផលច្រមុះធំស្រូបភាគល្អិតនៃធូលីតិចជាងច្រមុះតូច ៦.៥% និងមាត់ធំស្រូបភាគល្អិតតិចមាត់តូច ៣.២%។ ចុះក្រៅពីច្រមុះនិងមាត់នៅមានកន្លែងណាផ្សេងទៀតអត់?

១. ស្បែកមុខខ្លាញ់

ប្រភេទស្បែកមុខខ្លាញ់គឺជាអ្វីដែលគួរឱ្យខ្លាចបំផុតសម្រាប់ជាង ឬអ្នកចូលចិត្តផាត់មុខដោយសារវានឹងធ្វើឱ្យម្សៅផាត់អណ្ដែតឡើង និងមិនជ្រាបចូលស្បែក។ ម្យ៉ាងវិញទៀត វានឹងធ្វឱ្យមុខមើលទៅដូចជាកំពុងយកខ្លាញ់មកលុបមុខអ៊ីចឹង។ តាមពិតទៅ អ្នកដែលមានស្បែកមុខខ្លាញ់មានសំណាងទៅវិញទេដោយសារស្បែកប្រភេទនេះមិនងាយឡើងស្នាមជ្រួញទេ។ តាមគ្រូពេទ្យជំនាញខាងស្បែកបាននិយាយស្រ្តីអាស៊ីមានស្បែកស្អាតនិងល្អជាងស្រ្តីអ៊ឺរ៉ុប ដោយសារតែស្រ្តីអាស៊ីភាគច្រើនមានស្បែកមុខខ្លាញ់ដែលមិនងាយស្ងួត ប្រេះ និងជ្រួញ។ បើទោះបីជាស្បែកមុខខ្លាញ់ងាយនឹងកើតមុនពិតមែន តែវាបង្ហាញថាស្បែកមានសមត្ថភាពខ្លាំងក្នុងការបង្កើតជាលិកា។

២. ដើមទ្រូងតូច

មានស្រ្តីជាច្រើនមិនសប្បាយចិត្តនឹងខ្លួនឯងពីទំហំនៃដើមទ្រូង ដោយគិតថាវាមិនស្អាត មិនទាក់ទាញ ឬមិនសិចស៊ីដូចគេ។ កុំទាន់តូចចិត្តដើមទ្រូងតូចមិនមែនអត់ប្រយោជន៍ឯណា តាមការសិក្សានៅប្រទេសទួរគីបានបង្ហាញថាស្រ្តីដែលមានដើមទ្រូងធំងាយនឹងមានឱកាសកោងខ្នង ឬជម្ងឺណាមួយដែលទាក់ទងនឹងឆ្អឹងខ្នង។ មូលហេតុដែលងាយនឹងមានបញ្ហាឆ្អឹងខ្នងបែបនេះដោយសារតែដើមទ្រូងកាន់តែធំនោះឆ្អឹងខ្នងកាន់តែខំប្រឹងទប់នឹងទម្ងន់សុដន់។

៣. ស្លឹកត្រចៀកធំ

នៅពេលគេឃើញថាស្រ្តីម្នាក់ណាមានត្រចៀកនិងស្លឹកត្រចៀកធំ គេតែងតែបង្អាប់ថាមិនស្អាត ឬទ្រចៀកធំដូចជាដំរីជាដើម។ តាមការស្រាវជ្រាវរបស់អ្នកវិទ្យាសាស្រ្តមួយចំនួនលើការធ្វើតេស្ដកម្លាំងសម្លេងនៃត្រចៀកមួយដែលមានទំហំពីរខុសគ្នា ជាលទ្ធផលត្រចៀកធំកម្រិតស្ដាប់ឡើងដល់ 10dB។ នេះមានន័យថាស្លឹកត្រចៀកកាន់តែធំការស្ដាប់កាន់ច្បាស់និងឮជាងមនុស្សមានស្លឹកត្រចៀកតូច។ យោងតាមការស្រាវជ្រាវចុងក្រោយរបស់លោកវេជ្ជបណ្ឌិត Ralph Holm ជនជាតិអង់គ្លេស មនុស្សដែលមានស្លឹកត្រចៀកធំមិនងាយជួបនឹងបញ្ហាថ្លង់នៅពេលចាស់ទៅនោះទេ។

៤. ទំហំចង្កេះធំ

មានអ្នកខ្លះដើម្បីឱ្យបានចង្កេះតូចស្អាត សុខចិត្តទៅវះកាត់សាច់ផង កាត់ឆ្អឹងជំនីផង។ សម្រាប់អ្នកដែលមានចង្កេះធំតែងតែត្រូវគេបង្អាប់ថាដូចធុងទឹក។ តាមការចុះផ្សាយរបស់​ Journal of Clinical Endocrinology ក្រោមចំណងជើងថា «ទំហំចង្កេះរបស់ស្រ្តីអាចកាត់បន្ថយហានិភ័យនៃការបាក់ឆ្អឹងជាមួយនឹងបរិមាណខ្លាញ់ត្រឹមត្រូវ» ដែលក្នុងនោះអ្នកជំនាញបានធ្វើការសិក្សាទៅលើស្រ្តីដែលមានអាយុចាប់ពី ៥០ ឆ្នាំឡើងចំនួន ១១២៦ នាក់ក្នុងរយៈពេលជិត ៥ ឆ្នាំ។ បន្ទាប់មកគេក៏បានសន្និដ្ឋានថាពេលខ្លាញ់នៅចង្កេះនិងពោះមានបរិមាណត្រឹមត្រូវមិនតូចពេកមិនធំពេក នោះឱកាសនៃការបាក់ឆ្អឹងក៏កាន់តែតិចដែរ។

៥. គូទធំ​ ឬត្រគាកធំ

មានមនុស្សស្រីខ្លះមិនពេញចិត្តនឹងខ្លួនឯងនៅពេលគេបង្អាប់ថាត្រគាកធំណាស់ ឬគូទធំណាស់។ ប៉ុន្តែយោងតាមការចេញផ្សាយរបស់ទស្សនាវដ្តី International Journal of Obesity បានបង្ហាញថាអ្នកដែលមានទម្រង់ត្រគាក​និងគូទបែបនេះច្រើនតែមានសុខភាពល្អ។ ដោយសារតែនៅក្នុងនោះមានផ្ទុកនៅជាតិខ្លាញ់ល្អដែលអាចចាប់យកនូវអាស៊ីតខ្លាញ់លើសនៅក្នុងរបបអាហារ ជួយការពារការលើសជាតិមេតាប៉ូលីស និងការពារសរសៃឈាមបេះដូងដែលបណ្តាលមកពីជាតិខ្លាញ់លើស៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

​ស៊ីន ជេននី ​ចាប់បានផ្កាក្នុងពិធីមង្គលការ ស្រីនា និង វិសាល ថែមបានកាដូពិសេស​ទៀត

យប់មិញបណ្ដា​តារា​ស្រី​ ប្រុស​ល្បី​​ៗ​ក្នុង​ប្រទេស​ អ្នក​ផលិត​មាតិកា​ក្នុង​ស្រុក​ជា​ច្រើន​​ តារា​ចម្រៀង​ តារា​សម្ដែង​ ​បាន​មក​ប្រមូល​ផ្ដុំ​កក​កុញ​ចូល​រួម​ជា​ភ្ញៀវ​កិត្តិយស​ក្នុង​កម្មវិធី​មង្គល​ការ ​​

សរុបសម្លៀកបំពាក់កូនក្រមុំ ជា ស្រីនា ថ្ងៃមង្គការជាង ១០ ឈុត មួយណាក៏ប្រណីតដែរ!

មង្គលការ​របស់ Influencer ល្បី​ទាំង២ ហេង សុខវិសាល និង ជា ស្រីនា កាលពី​ម្សិលមិញ​ពិតជា​កក្រើក​អស់​អ្នក​សិល្បៈ បុគ្គល​ល្បី​ៗ​ក្នុង​សង្គម។ ការ​ចូលរួម​របស់​ភ្ញៀវ​កិត្តិយស​ទាំង​អស់​ក្នុង​កម្មវិធី​មង្គល​

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Tour Guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​