តើ​រៀន​ផង​ធ្វើ​ការ​ផង​ និង​រៀន​សុទ្ធ​មួយ​ណា​ល្អ​ជាង​?

ការ​សម្រេច​ចិត្ត​ដ៏​ពិបាក​បំផុត​មួយ​ជាពិសេស​សម្រាប់​​និស្សិត​សកលវិទ្យាល័យ​​ថា​តើ​រៀន​ផង​ធ្វើ​ការ​ផង​ និង​ការ​ផ្ដោត​​លើ​​រៀន​តែ​មួយ​មុខ​គួរ​ជ្រើសរើស​មួយ​ណា។ ដើម្បី​ជា​ជំនួយ​ដល់​ការ​សម្រេច​ចិត្ត​​របស់​ទាំង​អស់​គ្នា ថ្ងៃ​នេះ AMS សូម​បង្ហាញ​​គុណសម្បត្តិ ​និង​គុណ​វិបត្តិ​នៃ​ការ​រៀន​ផង​ធ្វើការ​ផង​​ដូច​ខាង​ក្រោម​នេះ៖​​​​

គុណសម្បត្តិ

​១​ មាន​ចំណូល​ផ្ទាល់​ខ្លួន

មិន​ថា​អ្នក​ជា​បុគ្គលិក​ហាត់​ការ​ឬ​ធ្វើ​ការ​ពេញ​ម៉ោង​នោះ​ទេ​អ្នក​ប្រាកដ​ជា​ទទួល​បាន​ចំណូល​ខ្លះ​ដែល​​អាច​ប្រើ​ប្រាស់​សម្រាប់​ចំណាយ​ប្រចាំ​ថ្ងៃ​តិច​តួច​ឬ​ពេល​ខ្លះ​អ្នក​​អាច​ទទួល​បាន​ប្រាក់​ខែ​សមរម្យ​មួយ​ដោយ​មិន​ពឹង​ផ្អែក​លើ​គ្រួសារ​ទាំង​ស្រុង​ដូច​មុន​ក៏​ថា​បាន។​ ម្យ៉ាង​ទៀត​អ្នក​នឹង​បាន​យល់​ពី​តម្លៃ​លុយ​កាន់​តែ​ច្បាស់​ និង​យល់​ពី​ផល​វិបាក​នៃ​ការ​រក​លុយ​ផង​ដែរ​។​

២ ទំនាក់​ទំនង​​សង្គម​​មាន​លក្ខណៈ​ទូលាយ​ជាង​មុន

​ពេល​​រៀន​​នៅ​​សាលា​​ក្រុម​​មនុស្ស​ដែល​អ្នក​ត្រូវ​​ប្រាស្រ័យ​ទាក់​ទង​ជា​មួយ​​មាន​តែ​​ ២ក្រុម​ប៉ុណ្ណោះ​គឺ​មិត្ត​រួម​ថ្នាក់ និង​លោក​គ្រូ​អ្នក​គ្រូ​។ ក៏​ប៉ុន្តែ​បើ​សិន​ជា​អ្នក​រៀន​ផង​ធ្វើ​ការ​ផង​នោះ​ក្រុម​មនុស្ស​ដែល​អ្នក​ត្រូវ​​ទំនាក់ទំនង​ជាមួយ​មាន​ទំហំ​ធំ​ជាង​មុន​ឆ្ងាយ​អាច​ជា​មិត្ត​រួម​ការងារ​ផង​ អតិថិជន​ផង​ដែល​ពួក​គេ​ជា​ក្រុម​មនុស្ស​ដែល​ពោរពេញ​ទៅ​ដោយ​ចំណេះ​ដឹង​និង​បទ​ពិសោធន៍​ដែល​អាច​ឲ្យ​អ្នក​រៀន​សូត្រ​ពី​ពួក​គាត់​បាន​ជា​ប្រចាំ។​​

៣​ បទពិសោធន៍

គ្រាន់​តែ​ឈាន​ជើង​ចូល​កន្លែង​ធ្វើ​ការ​ភ្លាម​អ្នក​នឹង​ទទួល​បាន​បទ​ពិសោធន៍​បាត់​ទៅ​ហើយ​ រាប់​តាំង​ពី​បទ​ពិសោធន៍​ជីវិត​នឹង​បទ​ពិសោធន៍​ការងារ​។​ ម្យ៉ាង​ទៀត​បទពិសោធន៍​ពី​ការ​ធ្វើ​ការ​អំឡុង​ពេល​ការ​សិក្សា​នេះ​វា​នឹង​ជា​ប្រយោជន៍​សម្រាប់​អ្នក​អាច​ទទួល​បាន​ការងារ​ដែល​មាន​ប្រាក់​ខែ​ខ្ពស់​ឬ​កម្រិត​ណា​មួយ​ទៅ​តាម​បទ​ពិសោធន៍​ដែល​អ្នក​មាន​នេះ​​​បន្ទាប់ពី​​បញ្ចប់​ការ​សិក្សា​ភ្លាម។​​

៤ ចេះ​គ្រប់​គ្រង​ពេល​វេលា

ពាក្យ​ចាស់​ពោល​ថា​ធ្វើ​ច្រើន​ចេះ​ច្រើន​ នៅ​ពេល​ដែល​អ្នក​ចាប់​ផ្ដើម​ធ្វើ​ការ​ផង​និង​រៀន​ផង​នោះ​ការងារ​ជា​ច្រើន​នឹង​ធ្លាក់​មក​ទាំង​ការងារ​ និង​កិច្ចការ​សាលា​។​ វា​​នឹង​បង្ខំ​អ្នក​ឲ្យ​ចេះ​បែក​ចែក​
​​ពេល​វេលា​ថា​ពេល​ណា​សម្រាប់​ធ្វើ​កិច្ច​ការ​ណា ដូច្នេះ​ហើយ​យូរ​ទៅ​វា​នឹង​បង្រៀន​អ្នក​ឲ្យ​ចេះ​បែក​ចែក​ពេល​​វេលា​​ឲ្យ​មាន​តុល្យភាព។

គុណវិបត្តិ

១ ស្ត្រេស

ការ​រៀន​តែ​មួយ​មុខ​នៅ​តែ​ស្រេ្តស​ ចុះ​ទម្រាំ​បន្ថែម​ការងារ​មួយ​ទៀត។ ការងារ​កាន់​តែ​ច្រើន​ឡើង​ៗ​ ជា​កត្តា​ចម្បង​ធ្វើ​​​ឲ្យ​អ្នក​ធ្វើ​កិច្ចការ​សាលា​ដល់​​យប់​ជ្រៅ​ជា​ហេតុ​ធ្វើ​ឲ្យ​ស្ត្រេស​កើត​មាន​ឡើង​។​ ម្យ៉ាង​ទៀត​អំឡុង​ពេល​ត្រៀម​សម្រាប់​ការ​ប្រឡង​ជា​​ដើម​វា​អាច​​នឹង​​ធ្វើ​ឲ្យ​អ្នក​បារម្ភ ខ្វាយខ្វល់​និង​​ត្រូវ​ការ​ពេល​វេលា​កាន់​តែ​ច្រើន​បន្ថែម​ទៀត​ដើម្បី​រៀបចំ​ខ្លួន​។

២ មិន​មាន​ពេល​វេលា​គ្រប់​គ្រាន់​

ប្រសិន​បើ​អ្នក​ធ្វើ​ការ​ពេញ​ម៉ោង​ ហើយ​រៀន​ពេល​ល្ងាច​ឬ​យប់​នោះ​អ្នក​សឹង​តែ​គ្មាន​​ពេល​​នៅ​សេស​សល់​សោះឡើយ​ក្នុង​មួយ​ថ្ងៃ​ៗ។​ ដូច្នេះ​ហើយ​អ្នក​អាច​នឹង​មិន​មាន​ពេល​វេលា​ច្រើន​ដូចមុន​ឡើយ​​សម្រាប់​ខ្លួន​ឯង​ ដូចជា​ការ​ធ្វើ​អ្វី​ដែល​ខ្លួន​ចូល​ចិត្ត​ប៉ុន្តែ​អ្នក​ក៏​អាច​មាន​ពេល​ខ្លះ​ដែរ​នា​ថ្ងៃ​ឈប់​សម្រាក​​របស់​អ្នក​។

៣ មិន​មាន​ពេល​វេលា​ចូល​រួម​កម្មវិធី​សង្គម​ផ្សេងៗ

អ្នក​ត្រូវ​ប្រាកដ​ចិត្ត​ថា​អ្នក​នឹង​ប្រហែល​ជា​មិន​អាច​ចូល​រួម​កម្មវិធី​សង្គម​ផ្សេងៗ​ឡើយ​ដោយ​សារ​តែ​ពេល​វេលា​ដែល​អ្នក​មាន​ក្នុង​មួយ​សប្ដាហ៍​​ៗ ​បាន​ចំណាយ​ទៅ​លើ​ការ​សិក្សា​និង​ការងារ​ស្ទើរ​តែ​អស់​ទៅ​ហើយ។

ខាង​លើ​នេះ​ជា​គុណសម្បត្តិ និង​គុណវិបត្តិ​​មួយ​​ចំនួន​ដែល​អ្នក​អាច​យក​ទៅ​ពិចារណា​បាន​​​បើ​សិន​ជា​បង​ប្អូន​ស្ថិត​ក្នុង កាលៈទេសៈ​មួយ​​ដែល​តម្រូវ​ឲ្យ​​ជ្រើស​រើស​រវាង​ជម្រើសទាំង២នេះ។ ជា​រួម​មក​ជម្រើស​ទាំង​ពីរ​សុទ្ធ​តែ​ជា​ជម្រើស​ល្អ​ដូច​គ្នា​ ដោយ​សា​រ​មនុស្ស​ម្នាក់ៗ​​មាន​ស្ថានភាព​ផ្សេង​គ្នា​ដូច្នេះ​ហើយ​អ្នក​គួរ​តែ​ជ្រើស​រើស​វា​ទៅ​តាម​ស្ថានភាព​ជាក់​ស្ដែង​របស់​អ្នក​ថា​តើ​ជម្រើស​មួយ​ណា​ដែល​មាន​ប្រយោជន៍​ច្រើន​បំផុត​​សម្រាប់​អ្នក ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​