ប្រាសាទអង្គរវត្ត ឬអង្គរតូច មានច្រកចូលសំខាន់ៗចំនួន ២ គឺច្រកខាងលិច និងច្រកខាងកើត ក្នុងចំណោមច្រកទាំង ២ មានច្រកមួយដែលអាចផ្ដិតយកទិដ្ឋភាពដ៏ស្រស់ស្អាតនៃកំពូលប្រាសាទអង្គរវត្ត ដោយគ្រាន់តែឈរនៅចំអ័ក្សកណ្ដាលនៃច្រកទ្វារនោះ។

ច្រកចូលខាងកើតនៃប្រាសាទអង្គរវត្តបានក្លាយជាទីចាប់អារម្មណ៍និងពេញនិយមសម្រាប់ភ្ញៀវបរទេស និងភ្ញៀវខ្មែរក្នុងការទៅផ្ដិតយកទិដ្ឋភាពដ៏អស្ចារ្យនៃកំពូលប្រាសាទអង្គរវត្តដ៏ស្រស់ស្អាត។ ច្រកចូលដែលស្ថិតនៅភាគខាងកើតនៃអច្ឆរិយប្រាសាទមួយនេះមានចំណុចពិសេសជាច្រើនដែលអាចទាក់ចិត្តទេសចរឱ្យជាប់ចិត្ត ដោយមានដើមឈើដុះជាជួរបន្តកន្ទុយគ្នាយ៉ាងយ៉ាងត្រឈឹងត្រឈៃផ្ដល់ជាម្លប់ដល់បណ្ដាទេសចរដែលចូលទៅទស្សនាប្រាសាទអង្គរវត្ត ព្រមជាមួយស្ពានឈើថ្មើរជើងដែលសាងសង់ឡើងលើកសិន្ធុអង្គរ។ ពិសេសទៅទៀតនោះ គឺប្លង់ថតរូបដ៏ស្រស់ស្អាតនៃកំពូលប្រាសាទអង្គរវត្តដែលស្ថិតនៅចំអ័ក្សកណ្ដាលនៃច្រកទ្វារបុរាណមួយនេះ។
គួរបញ្ជាក់ថា ច្រកទ្វារខាងកើតនៃប្រាសាទអង្គរវត្តបានដាក់ឱ្យដំណើរការប្រើប្រាស់នៅថ្ងៃទី ១ ខែ មេសា ឆ្នាំ ២០២៥ កន្លងទៅ ក្រោយការជួសជុលដើម្បីអាចឱ្យទេសចរបន្តចូលទស្សនាបាន៕




រូបភាព ផ្ដល់ជូនដោយ ក្រុមប្រមាញ់រូបភាពចម្រុះកម្ពុជា/កឹម សុវណ្ណា


























Account
Security
Favourite Content