ដឹងអត់ប៉ុន្មានឆ្នាំនេះ តារាណាខ្លះធ្លាប់បាក់ទឹកចិត្ត? ពួកគេព្យាបាលបែបណា?

ជឿជាក់ថាប្រិយមិត្តអ្នកអានច្បាស់ជាបានដឹងហើយថា ប៉ុន្មានឆ្នាំចុងក្រោយនេះមានបុគ្គលអ្នកសិល្បៈជាច្រើនបានបើកបង្ហាញឱ្យដឹងពីស្ថានភាពជំងឺផ្លូវចិត្តដែលពួកគេបានជួបប្រទះ ដោយភាគច្រើននៃសិល្បករដែលបានជួបបញ្ហាផ្លូវចិត្តនោះ សុទ្ធសឹងតែបានសម្រាកពីការងារសិល្បៈមួយរយៈដើម្បីព្យាបាល រួចទើបត្រឡប់មកបង្ហាញខ្លួនវិញជាធម្មតា។ គ្រប់ពេលដែលត្រឡប់វិញ គ្រប់គ្នាតែងតែចែករំលែកពីស្ថានភាពផ្លូវចិត្តរៀងៗខ្លួន និងបានចែករំលែកពីវិធីដែលពួកគេប្រើសម្រាប់ព្យាបាលថែមទៀតផង។

ខាងក្រោមជាសិល្បករខ្មែរមួយចំនួនដែលធ្លាប់សារភាពថា ធ្លាប់ជួបបញ្ហាផ្លូវចិត្តកាលពីពេលកន្លងទៅ៖

១. តារាចម្រៀងឯករាជ្យ Nikki Nikki៖ អំឡុងពាក់កណ្ដាលឆ្នាំ ២០១៨ តារាចម្រៀងឯករាជ្យរូបនេះ ធ្លាប់ប្រកាសជាសាធារណៈលើទំព័រហ្វេសប៊ុកថា នាងមានជំងឺបាក់ទឹកចិត្ត។ ក្នុងវីដេអូប្រមាណជាង៦ នាទី Nikki បានបញ្ជាក់ថាខ្លួនធ្លាប់មានជំងឺបាក់ទឹកចិត្ត បណ្ដាលឱ្យនាងធ្លាក់ខ្លួនឈឺ និងស្រកទម្ងន់នៅសល់ត្រឹម ៣៥ គីឡូប៉ុណ្ណោះ។

អំឡុងពេលកើតមានជំងឺនោះ ជីវិតនាងហាក់គ្មានសិរីសួស្ដី និងហាក់លែងមានន័យអ្វីទាំងអស់ រហូតធ្លាប់គិតធ្វើអត្តឃាតទៀតផង តែរឿងទាំងនោះ មិនមាននរណាដឹងឡើយ។ Nikki ធ្លាប់ដើរលេងរាំតាមបារ និងក្លិបពេលរាត្រី ធ្លាប់សេពសុរា ជក់បារីទៀតផង តែគ្រប់យ៉ាងមិនបានជួយឱ្យនាងធូរស្បើយទេ។ ជំងឺនេះបានជះឥទ្ធិពលលើដល់ការរស់នៅនាងយ៉ាងខ្លាំងដូចជា ឆាប់យំ មួម៉ៅ ពិបាកចិត្ត កម្សត់ និងមានអារម្មណ៍ជីវិតគ្មានន័យជាច្រើនលើកច្រើនសារ។

សម្រាប់ការព្យាបាល Nikki ណែនាំថា បើសិនអ្នកចង់យំ អ្នកកុំឃាត់យំចុះ ព្រោះថាការយំអាចជួយអ្នកបាន ក្រោយមកត្រូវពិគ្រោះយោបល់ជាមួយគ្រូពេទ្យជំនាញជំងឺផ្លូវចិត្ត ឬក៏ពិភាក្សាជាមួយឪពុកម្ដាយ។ ការនិយាយចែករំលែកបទពិសោធន៍ ជាមួយគ្រួសារជួយអ្នកឱ្យទទួលបានគំនិតល្អៗ និងដោះស្រាយបញ្ហាជាមួយគ្នាបានយ៉ាងមានប្រសិទ្ធភាព។ បច្ចុប្បន្ន Nikki ហាក់ប្រសើរឡើងច្រើនពីជំងឺនេះហើយ និងមានការងារសិល្បៈពេញដៃ ថែមទាំងមានជំនួញក្រៅសិល្បៈជារបស់ខ្លួនឯងទៀតផង។

២. តារាចម្រៀង អាន គុណកូឡា៖ តារាចម្រៀងរូបនេះបានបាត់មុខពីវិស័យចម្រៀងអំឡុងឆ្នាំ ២០១៨ ដោយសារតែជំងឺបាក់ទឹកចិត្ត។ ជំងឺនេះបានកើតឡើងលើលោកអំឡុងពេលលោកធ្លាក់ប្រជាប្រិយភាព ដែលធ្វើឱ្យលោកមិនចង់ធ្វើអ្វី មិនចង់ជួបនរណា រហូតគិតថាលែងចង់ធ្វើជាអ្នកសិល្បៈទៀតផង ទោះមានខាងកម្មវិធីអញ្ជើញឱ្យចូលរួមក៏លោកបដិសេធដែរ និងធ្លាប់គិតចង់បញ្ចប់ជីវិតទាំងវ័យក្មេងទៀតផង។

សម្រាប់ការព្យាបាល គឺលោកបើកចិត្តចេញក្រៅជួបមនុស្សថ្មីៗ បានស្ដាប់ការណែនាំ ពាក្យពេចន៍ល្អៗតាមរយៈកម្មវិធីលើកទឹកចិត្ត បានធ្វើឱ្យលោកអាចក្រោកឈរ និងចាប់ផ្ដើមសាជាថ្មីបាន។ បច្ចុប្បន្ន តារាចម្រៀងរូបនេះបានត្រឡប់មកវិញហើយ ដោយចាប់ផ្ដើមចេញមុខតាមកម្មវិធីសិល្បៈមួយចំនួន លោកបានរៀបការសាងគ្រួសារ និងមានកូនម្នាក់ជាចំណងដៃ។ យ៉ាងណាលោកហាក់នៅរអាចំពោះការវិលមកកាន់អាជីពជាតារាចម្រៀងដូចពីមុន ដោយមិនទាន់ដាច់ចិត្តបញ្ចេញបទចម្រៀងថ្មីសម្រាប់អ្នកគាំទ្រនៅឡើយទេ។

៣. តារាចម្រៀងឯករាជ្យ ចិត្ត កញ្ចនា៖ តារាស្រីរូនេះ ធ្លាប់ប្រកាសប្រាប់ថានាងមានធ្លាប់មានជំងឺផ្លូវចិត្ត ដែលវាកើតឡើងចំពោះនាងដោយសារការ Bully លើរូបរាងកាយធាត់របស់នាង។ ក្រោយប្រកាសថា កើតមានជំងឺនេះ គឺឃើញតារាស្រីរូបនេះ បានជម្នះការ Bullyទាំងនោះ ដោយចាប់ផ្ដើមហាត់ប្រាណ តមអាហារ សម្រកយករូបរាងមានសភាពតូចជាងពីមុន។

បន្ទាប់ពីឆ្លងកាត់ជំងឺនេះ កញ្ចនា បានផលិតចម្រៀងច្រើនបទបង្ហាញពីជំងឺបាក់ទឹកចិត្ត ថែមទាំងធ្វើការលើកទឹកចិត្តឱ្យអ្នកដទៃកុំឱ្យកើតជំងឺនេះដូចនាងទៀតផង។ បច្ចុប្បន្ន តារាចម្រៀងឯករាជ្យមានស្នាមញញឹម រស់នៅពោរពេញដោយក្ដីស្រលាញ់ពីមនុស្សជុំវិញខ្លួន និងបន្តផលិតបទចម្រៀងថ្មីៗជាបន្តបន្ទាប់សម្រាប់អ្នកគាំទ្រកញ្ញា។

៤. តារាចម្រៀងឯករាជ្យ អេដា៖ នៅពាក់កណ្ដាលឆ្នាំ ២០២១ ម្ចាស់បទ «ភ្លើង» កញ្ញា អេដា បានប្រកាសឱ្យដឹងថា នាងបានឱបនូវជំងឺបាក់ទឹកចិត្ត និងថប់បារម្ភ ស្ទើរតែមួយជីវិតរបស់នាងហើយ។ អេដា មិនបានបញ្ជាក់ឱ្យដឹងពីហេតុផលដែលនាំឱ្យនាងកើតជំងឺនេះទេ តែដំណាក់កាលដែលកើតមានជំងឺនោះ គឺនាងនិយាយរកតែគូស្នេហ៍ និងមនុស្សជិតស្និទ្ធប៉ុណ្ណោះ ហើយបានសុំអនុញ្ញាតឈប់សម្រាកពីអ្វីគ្រប់យ៉ាងទាំងអស់ ថែមទាំងបានលុបចោលរូបថតពីលើបណ្ដាញសង្គមហ្វេសប៊ុក និងអ៊ីស្រ្តាក្រាមនាងទៀតផង។

ជាវិធីសាស្ត្រ អេដា បានជួបប្រឹក្សាផ្លូវចិត្តជាមួយអ្នកចិត្តសាស្ត្រ និងបានប្រើប្រាស់ថ្នាំ ដើម្បីព្យាបាល។ ពេលនេះ អេដា បានប្រសើរឡើងពីជំងឺនេះហើយ ដោយនាងបានបង្ហាញខ្លួនក្នុងសង្គមវិញជាធម្មតា និងចូលរួមកម្មវិធីផ្សេងៗដូចកាលពីមុន ជាមួយវត្តមានគូស្នេហ៍ជនជាតិបរទេសរបស់នាង។ ក្រោយជាសះស្បើយ អេដា ក៏បានចូលរួមចែករំលែកបទពិសោធន៍នៃជំងឺនេះ និងបន្ថែមជាមួយប្រធានបទBully ទៀតផង។

៥. ពិធីករ វី យ៉ារ៉ូ៖ កាលពីចុងឆ្នាំ ២០២១ ពិធីករល្បីឈ្មោះរូបនេះ បានប្រកាសលើបណ្ដាញសង្គមថាលោក មានជំងឺខ្លាចបរិយាកាសខាងក្រៅ (Anxiety)។ លោកកើតមានជំងឺនេះ ដោយសារតែមានបញ្ហាជាច្រើនទាំង បញ្ហាគ្រួសារ មិត្តភ័ក្ដិ និងស្នេហា ជាដើម រហូតក្លាយជាមនុស្សលែងចង់និយាយស្ដី ខ្លាចចិត្តអ្នកដទៃ។ ពិធីកររូបនេះលាក់អាថ៌កំបាំងជំងឺនេះប្រមាណជាង ២ ឆ្នាំមកហើយ ទម្រាំដាច់ចិត្តទៅរកអ្នកប្រឹក្សាឱ្យបានធូរស្បើយនៅឆ្នាំ ២០២១។ យ៉ារ៉ូ បានបាត់មុខពីការងារសិល្បៈមួយរយៈធំ ដោយសំងំនៅតែក្នុងផ្ទះ មិនចង់ជួបនរណា មិនចង់ធ្វើអ្វី រហូតគិតចង់សម្លាប់ខ្លួនទៀតផង។ លោកបានចំណាយពេលធ្វើដំណើរឆ្លងទ្វីប ទៅសហរដ្ឋអាមេរិក ដោយមានដំណើរកម្សាន្តតំបន់មួយដែលមានអត្រាអ្នកជំងឺបាក់ទឹកចិត្តច្រើនបំផុត ដើម្បីសិក្សាស្វែងយល់ពីការរស់នៅប្រជាជនទៅទីនោះ។

ការធ្វើដំណើរកម្សាន្តជាផ្នែកមួយនៃការព្យាបាលរបស់លោក និងផ្នែកមួយទៀតគឺលោកបានរកពេទ្យផ្លូវចិត្ត ដើម្បីប្រឹក្សា ហើយវាពិតជាទទួលបានផលពិតមែន។ ស្ថានភាពលោកពេលនេះបានប្រសើរឡើងច្រើនហើយ ដោយលោកទទួលការងារសិល្បៈវិញធម្មតា ប៉ុន្តែយ៉ាងណាលោកនៅតែស្ថិតក្នុងដំណាក់កាលព្យាបាលខ្លួនឯង និងធ្វើអ្វីឱ្យខ្លួនឯងបានប្រសើរឡើង។

៦. តារាសម្ដែងនិងពិធីការិនីកូនកាត់អាល្លឺម៉ង់ម៉ៃយ៉ា៖ ក្នុងកម្មវិធី V Talk កាលពីពេលថ្មីៗ ម៉ៃយ៉ា រៀបរាប់ថា នាងធ្លាប់មានជំងឺបាក់ទឹកចិត្តតាំងពីក្មេងមកម្ល៉េះ ដោយរស់នៅទាំងតូចចិត្ត តាំងពីតូចមកដល់ពេលនេះ ដោយនាងនៅតែចិញ្ចឹមចិត្តនឹករលឹកដល់ប៉ាជាខ្លាំង ដែលតែងតែនិយាយថានឹងមកជួប ប៉ុន្តែមិនដែលមកម្ដងណាសោះ ទើបធ្វើឱ្យនាងមានបញ្ហាផ្លូវចិត្តខ្លាំង។ កាលពីនៅតូច ម៉ៃយ៉ា ពុំដឹងថាខ្លួនឯងកើតជំងឺផ្លូវចិត្តនោះទេ តែគ្រប់ពេលនាងពិបាកចិត្ត គឺតែងតែសំងំនៅក្នុងបន្ទប់ ស្ដាប់ចម្រៀង ហើយគេងច្រើនជាងញ៉ាំ និងចង់នៅតែម្នាក់ឯងអត់ចង់ចេញក្រៅ ឬទៅកន្លែងមានអ្នកដទៃ តែពេលទៅជួបពេល ទើបគ្រូពេទ្យលើកឡើងថានាងប្រហែលកើតជំងឺផ្លូវចិត្ត។ ម៉ៃយ៉ា ឆាប់ភ័យ ឆាប់រំភើប ឆាប់តក់ស្លុត និងយំរាល់ថ្ងៃតែម្នាក់ឯងរហូតគេងលក់។

ម៉ៃយ៉ា ចាកចេញពីជំងឺនេះបាន នៅពេលចាប់ផ្ដើមមានការងារធ្វើ ហើយនាងងាកមកផ្ដោតលើការងារ តែយ៉ាងណានាងមិនចង់ឱ្យនរណាធ្លាក់ក្នុងស្ថានភាពជំងឺនេះឡើយ ហើយព្យាយាមហាត់ប្រាណឱ្យបានច្រើន ចេញក្រៅជួបមនុស្សជុំវិញខ្លួន រៀនទទួលបទពិសោធន៍ល្អៗ ពេលនោះជំងឺនឹងទៅចោលម្ដងបន្តិចៗ។

៧. តារាសម្តែង ឌី សូនិត្តា៖ ពាក់កណ្ដាលឆ្នាំ ២០២០ នាងបានទម្លាយឱ្យដឹងថា ធ្លាប់កើតជំងឺបាក់ទឹកចិត្តខ្លាំងដោយសារមនុស្សម្នាក់ តែនាងមិនបានបញ្ជាក់ឈ្មោះឡើយ។ តាមអ្វីដែលនាងបានបង្ហោះលើបណ្ដាញសង្គមកន្លងទៅ នាងធ្លាប់ញញឹមទាំងទឹកភ្នែក ស្រក់មក ម្ដងៗស្ទើរក្លាយជាឈាម កើតជំងឺបាក់ទឹកចិត្តក៏នៅតែស៊ូ ឈឺចាប់ រហូតដល់ឆ្អែត ឆ្អែតរហូតដល់ចាប់ផ្ដើមប្រឹងម្តងទៀតសាជាថ្មី ទម្រាំតែរកខ្លួនឯងត្រឡប់មកវិញបាន ស្ទើរតែចុះចាញ់ ម្ដងៗ។

សូនិត្តា មិនធ្លាប់រំលឹកពីរឿងនោះទៀតទេ ដោយពេលនេះនាងមានជីវិតរស់នៅយ៉ាងមានសុភមង្គលជាមួយកូនស្រីបណ្ដូលចិត្ត ជាដំណក់ឈាមជាមួយលោក អេឡិច ហ្សូរ៉ា។

៨. តារាចម្រៀងនិងសម្ដែងអ្នកនាង ទូច ស្រីល័ក្ខ៖ អ្នកនាងបានប្រកាសប្រាប់ថា នាងមានជំងឺបាក់ទឹកចិត្តរហូតលេបថ្នាំព្យាបាល បន្ទាប់ពីជីវិតគ្រួសាររបស់ត្រូវបានបែកបាក់ នាំមកជាមួយបញ្ហាស្មុគស្មាញជាច្រើន។ អ្នកនាងបានចំណាយពេលជាច្រើនធ្វើលំហាត់ប្រាណ និងបង្ហាញសកម្មភាពវិជ្ជមានក្នុងជីវិត។

ពេលនេះនាងបានជាសះស្បើយហើយ តែអ្នកនាងធ្លាប់ឱ្យដឹងថា នាងហាក់មិនដូចពីមុនទេ ប៉ុន្តែនឹងព្យាយាមរកខ្លួនឯងឱ្យត្រឡប់មកវិញដូចពីមុន។

៩. តារាសម្តែង អេដវីន៖ លោកធ្លាប់ប្រកាសប្រាប់ថាលោកធ្លាប់កើតមានជំងឺបាក់ទឹកចិត្ត កាលពីអំឡុងឆ្នាំ ២០២០ ដោយសាររងសម្ពាធពីគ្រួសារ បងប្អូន ស្នេហា មិត្តភ័ក្ដិ និងការងារ។ ក្រោយមកលោកក៏បានឆ្លងកាត់រឿងក្ដីក្ដាំពីសំណាក់អតីតគូស្នេហ៍ រហូតត្រូវជាប់ពន្ធនាគារទៀតផង ប៉ុន្តែពេលនេះលោកបានចេញមកវិញហើយ និងបានកំពុងសំងំធ្វើជាគ្រូហាត់ប្រាណ តែសម្រាប់ការងារសិល្បៈវិញនោះ គេនៅពុំទាន់ឃើញលោកទទួលវិញនៅឡើយទេ។

១០. ពិធីការនី Pancake៖ ពិធីការិនីរូបនេះ ធ្លាប់កើតមានជំងឺបាក់ទឹកចិត្ត ដោយសារតែស្ថានភាពសេដ្ឋកិច្ចអំឡុងពេលស្រុកទេសកើតមានជំងឺកូវីដ១៩ដំបូងៗ។ ពេលនេះស្ថានភាព Pancake មើលទៅហាក់ធូរស្បើយបន្តិច ដោយចាប់ផ្ដើមទទួលបានការងារវិញដូចធម្មតា។

១១. ពិធីការិនី និងតារាចម្រៀង កញ្ញា សុភ័ក្រ កុសុម៉ា៖ កុសុម៉ា ធ្លាប់ប្រាប់ឱ្យដឹងថា នាងធ្លាប់មានសម្ពាធផ្លូវចិត្តធ្ងន់ធ្ងរ រហូតមានចិត្តចង់សម្លាប់ខ្លួនម្ដងៗ តែដោយសារមានកម្លាំងចិត្តពីគ្រួសារ នាងអាចក្រោកឈររឹងមាំបានមកដល់ពេលនេះ។ ពេលនេះនាងជាមនុស្សស្រីរឹងមាំម្នាក់ ជាបុគ្គលកំពុងជោគជ័យលើវិថីសិល្បៈ ថែមទាំងមានជំនួញផ្ទាល់ខ្លួនទៀតផង៕

កញ្ញា យ៉ាដា | Ms. Yada

ជីវប្រវត្តិ: មានបទពិសោធន៍ជាអ្នកសរសេរពត៌មានផ្នែកសិល្បៈកម្សាន្តក្នុងស្រុកច្រើនឆ្នាំ រួមមាន សិល្បៈបុរាណ និង សិល្បៈសហសម័យ។ យ៉ាដា ធ្លាប់បម្រើការងារឱ្យក្រុមហ៊ុនប្រព័ន្ធផ្សព្វផ្សាយដូចជា វេបសាយ និងទូរទស្សន៍។

របាយការណ៍ថ្មីៗ

មើលទាំងអស់ ➧

រដូវភ្លៀងមកដល់ អ្នកមានកូនតូច អាចប្រើប្រាស់វិធីសាស្រ្តទាំង ៥នេះ ដេញមូសបានតាមបែបធម្មជាតិ

បំណិនជីវិត, បទយកការណ៍, សុខភាពនិងសម្រស់

• 09/04/2026

ត្រឹម ២០២៥ មួយឆ្នាំ G-Dragon រកចំណូលបានជាង ៤៤ លានដុល្លារ

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 08/04/2026

យោងតាមរបាយការណ៍របស់ក្រុមហ៊ុន Galaxy Corporation បានបង្ហាញថា កាលវិលត្រឡប់មកក្នុងវិស័យខេប៉ុបជាថ្មីរបស់ G-Dragon អាចបង្កើតចំណូលឱ្យតារាប្រុសរូបនេះយ៉ាងហោចណាស់ ៦៥ ប៊ីលានវ៉ុន ឬ ៤៤លាន

ពេលវេលាទាំង ៥ ដែលអ្នកមិនគួរងូតទឹក ព្រោះអាចមានផលប៉ះពាល់ដល់សុខភាព

បំណិនជីវិត, បទយកការណ៍, សុខភាពនិងសម្រស់

• 10/03/2026

សមនឹងកេរ្តិ៍ឈ្មោះមែន! តារាចម្រៀង ៨ រូបនេះ ជាសេដ្ឋីនីសម្បូរទ្រព្យសម្បត្តិច្រើនបំផុតលើពិភពលោក

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 19/08/2025

មកស្គាល់តារា K-pop ដើមកំណើតជាជនជាតិចិនទាំង ៩រូប ល្បីល្បាញលំដាប់ពិភពលោក

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 19/08/2025

កុំជឿពាក្យមនុស្សប្រុសបោក បើមាត់និយាយថាស្រឡាញ់តែមិនបង្ហាញទង្វើទាំង ៥ នេះ

បទយកការណ៍, របាយការណ៍រសនិយម, ស្នេហានិងទំនាក់ទំនង

• 19/08/2025

មានហេតុផលបែបនេះទើបក្រុមហ៊ុននីមួយៗហាមប្រាមមិនឱ្យតារាខេប៉ុបមានស្នេហា

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 14/08/2025

ឈុត cute cute ពេជ្រ សូលីកា ពេលឡើងឆាក ស័ក្តិសមនឹងរូបរាងតូចទ្រមែ

បទយកការណ៍, ព័ត៌មានកម្សាន្ត, របាយការណ៍ព័ត៌មានកម្សាន្ត

• 14/08/2025

អត្ថបទកម្សាន្ត

មើលទាំងអស់ ➧

ភាពយន្តភាគ “ស៊ុនអ៊ូខុង” AI កំពុងផ្ទុះខ្លាំងនៅចិន ខណៈមានអ្នកមើលជិត ៣០០ លានដងក្រោយចេញបានត្រឹម ៥ ភាគ

ព័ត៌មាន, ព័ត៌មានកម្សាន្ត, ព្រឹត្តិការណ៍

• 22/09/2026

ភាពយន្តភាគ AI ខ្នាតវែងដំបូងបង្អស់របស់ប្រទេសចិន រឿង «ស៊ុនអ៊ូខុង វគ្គបន្ត» ឬ «Sequel to Journey to the West» ទទួលបានចំនួនទស្សនាជិត ៣០០ លានដង សម្រាប់ត្រឹម

ពិព័រណ៍ គំនិត – សិល្បៈ ពន្លឺ ដាក់បង្ហាញស្នាដៃសិល្បៈចម្រុះមកពីតំបន់ផ្សេងៗជាច្រើនលើពិភពលោក

ព័ត៌មាន, ព័ត៌មានកម្សាន្ត, ព្រឹត្តិការណ៍

• 22/09/2026

លើសពីការតាំងបង្ហាញរូបថត «ពិព័រណ៍ គំនិត – សិល្បៈ ពន្លឺ» ជាការឆ្លុះបញ្ចាំងអំពីអនាគតដែលមនុស្ស ធម្មជាតិ វប្បធម៌ និងបច្ចេកវិទ្យា អាចរស់នៅជាមួយគ្នា

ក្រសួងវប្បធម៌ នឹងរៀបចំសិក្ខាសាលាតម្រង់ទិស ក្រោមប្រធានបទ “ស្បៃខ្មែរ និងរបៀបប្រើប្រាស់ ក្នុងទំនៀមទម្លាប់ប្រពៃណី”

ព័ត៌មាន, ព្រឹត្តិការណ៍, វប្បធម៌ ប្រពៃណី

• 22/09/2026

ក្រសួងវប្បធម៌ និងវិចិត្រសិល្បៈ បានប្រកាសជូនដំណឹងជាថ្មីម្តងទៀត ស្តីពីការរៀបចំសិក្ខាសាលា តម្រង់ទិស ក្រោមប្រធានបទ “ស្បៃខ្មែរ និងរបៀបប្រើប្រាស់ ក្នុ

មកស្ដាប់ចម្លើយម្ចាស់មកុដ Miss Universe Cambodia 2026 និងលំដាប់រងទាំង៤ ទាក់ទងនឹងបច្ចេកវិទ្យា AI

ព័ត៌មាន, ព័ត៌មានកម្សាន្ត, ព្រឹត្តិការណ៍

• 21/09/2026

កម្មវិធី Miss Universe Cambodia 2026 បានបញ្ចប់ទៅកាលពីរាត្រីថ្ងៃ ២០ ខែកញ្ញា ឆ្នាំ ២០២៦ ហើយ ដោយម្ចាស់មកុដបានទៅលើកញ្ញា MUC 14 ថាន រតនា និងលំដាប់រងទី

Wonder Film Entertainment ប្រកាសនាំយករឿង «សូម៉ា» និង «កំណើតអរូប ២» ទៅទីផ្សារភាពយន្តអាមេរិក ឆ្នាំ ២០២៦

ព័ត៌មាន, ព្រឹត្តិការណ៍, ភាពយន្តនិងតន្រ្តី

• 21/09/2026

ផលិតកម្ម Wonder Film Entertainment បានសំងំផលិតភាពយន្តប្រភេទ Sci-Fi, Drama និង Action អស់រយៈពេលប្រមាណ ២ឆ្នាំ ទីបំផុតស្នាដៃដែលសម្រិតសម្រាំងចំណងជើង «សូម៉

អាណាព្យាបាលសម្រុកនាំយកកូនៗទៅប្រឡងចូលរៀននៅសាលាជំនាន់ថ្មី

ព័ត៌មាន, ព័ត៌មានសង្គម, ព្រឹត្តិការណ៍

• 18/09/2026

សាលារៀនជំនាន់ថ្មី កំពុងត្រូវបានទាក់ទាញចិត្តអាណាព្យាបាលជាច្រើនឲ្យព្យាយាមស្វះស្វែងបញ្ជូនកូនទៅសិក្សា ដោយសារតែប៉ុន្មានឆ្នាំចុងក្រោយនេះ សិស្សដែលបញ្

សហភាពអឺរ៉ុបប្រកាសផែនការហាមឃាត់កុមារអាយុក្រោម ១៣ ឆ្នាំចូលប្រើប្រាស់បណ្តាញសង្គម

ព័ត៌មាន, ព័ត៌មានសង្គម, ព្រឹត្តិការណ៍

• 18/09/2026

ប្រធានគណៈកម្មការអឺរ៉ុប លោកស្រី Ursula von der Leyen បានប្រកាសកាលពីថ្ងៃពុធថា សហភាពអឺរ៉ុបកំពុងចាត់វិធានការហាមឃាត់ការប្រើប្រាស់បណ្តាញសង្គមសម្រាប់កុមារអាយុក្រោម

ភាពជោគជ័យនៃវប្បធម៌កូរ៉េលើឆាកអន្តរជាតិ នាំយកនិស្សិតបរទេសជាង ៥ សែននាក់មកសិក្សានៅកូរ៉េខាងត្បូង

ព័ត៌មាន, ព័ត៌មានសង្គម, ព្រឹត្តិការណ៍

• 18/09/2026

ក្រោមការផ្ទុះប្រជាប្រិយភាពនៃវប្បធម៌កូរ៉េលើឆាកអន្តរជាតិ ចំនួនជនបរទេសដែលចូលមកប្រទេសកូរ៉េខាងត្បូងក្នុងគោលបំណងសិក្សា និងបណ្តុះបណ្តាលបានកើនឡើងលើសកំណត់ត្រា

ស័ក្តិសមឥតទាស់ ទាំងសម្បុរស្បែក រូបសម្រស់ កុយ អេនណា គ្រងឈុតស្បៃនៅប្រាសាទអង្គរវត្ត ឃើញហើយគួរឲ្យគយគន់

ព័ត៌មាន, ព័ត៌មានកម្សាន្ត, ព្រឹត្តិការណ៍

• 17/09/2026

កញ្ញា កុយ អេនណា តារាសម្ដែង តារាបង្ហាញម៉ូដ និងជាអ្នកតស៊ូមតិលើកទឹកចិត្តស្ត្រីដូចគ្នា តែងតែសកម្មក្នុងការងារថែរក្សាមរតកដូនតា ដែលជាសម្បត្តិវប្បធម

នៅ សុនិតា តំណាងសមាគមសិល្បករខ្មែរ ចុះ MoU ជាមួយ រ៉ូយ៉ាល់គ្រុប វែលនេស សេនធើ ផ្តល់ជូនការគាំពារសុខុមាលភាពពិសេសជូនសិល្បករខ្មែរ

ព័ត៌មាន, ព័ត៌មានកម្សាន្ត, ព្រឹត្តិការណ៍

• 17/09/2026

អនុប្រធានអចិន្ត្រៃយ៍សមាគមសិល្បករខ្មែរ អ្នកនាង នៅ សុនិតា បានចុះ MoU ជាមួយនឹងមន្ទីរសម្រាកព្យាបាល រ៉ូយ៉ាល់គ្រុប វែលនេស សេនធើ ដែលផ្ដល់ជូនការគាំពារសុខុមាលភ

កម្មវិធីពិសេសរបស់ AMS INFOTAINMENT

មើលទាំងអស់ ➧

2026

ស្ថាបត្យកម្មសកល

កម្មវិធី ស្ថាបត្យកម្មសកល នឹងនាំទស្សនិកជនមកស្គាល់បណ្ដាសំណង់ប្លែកៗ អស្ចារ្យជុំវិញពិភពលោក និងទទួលបានបទពិសោធន៍ និងមេរៀនដ៏មានតម្លៃពីវិស័យស្ថាបត្យកម្មជុំវិញពិភពលោក។

របាយការណ៍ថ្មីៗ

អត្ថបទកម្សាន្ត

ស្ថាបត្យកម្មសកល

Learn The World

ជ្រុងមួយនៃភ្នំពេញ

ក្លឹបស្នេហ៍

មេនាំរឿង

អាថ៌កំបាំងក្រោមមេឃ

អូនខ្លាច

កម្សាន្តខ្លីៗ

រឿងពិត

តាមចិត្ត MoMo

ភាពយន្តកំប្លែង Cicada Agent

ព្រះនាងកង្កែប

វនយាត្រា

កាឡៃម៉ូដ

ចង់ដឹងរឿងគេ

ប្រអប់បៃតង

១នាទីដើម្បីសុខភាព និងសម្រស់

Studio 11

អផ្សុក

ពិតអត់

រឿង ៤យ៉ាងដែលអ្នកគួររៀនមុនឈានចូលអាយុ ២៥

រឿង ៥ យ៉ាងក្នុងជីវិត ដែលអ្នកគួរទុកជាអាថ៌កំបាំង

ប្រសិនបើគេងឧស្សាហ៍ភ្ញាក់ម៉ោង ៣-៥យប់ មានន័យបែបនេះ

គេងភ្លាមៗ បន្ទាប់ពីរៀនរួចជួយឲ្យអ្នកចាំអ្វីដែលអ្នកបានរៀននោះបានល្អ

លើលោកនេះកម្រមានគូស្នេហ៍ណា ចរិតដូចគ្នាបេះដាក់ណាស់

ស្រីៗប្រញាប់កែទម្លាប់ទាំងនេះភ្លាម បើមិនចង់ជួបសំណាងអាក្រក់ក្នុងជីវិត

ទើបតែវ័យ ២០ ឆ្នាំទេ មានរឿងអីដែលត្រូវខ្លាច?

ថែបំប៉នស្បែកឲ្យភ្លឺថ្លា និងក្មេងជាងវ័យ ត្រូវគិតដល់បន្លែ ៥ មុខនេះ

ហេតុផល ៧ រារាំងអ្នកមិនឲ្យក្លាយជាអ្នកមាន ម្នាក់ៗប្រព្រឹត្តចំណុចទី១,២ និង៣ ច្រើន

អាថ៌កំបាំងធំៗក្នុងជីវិតអាពាហ៍ពិពាហ៍ អ្នកគួរតែដឹងជាមុន!

មិនធម្មតា! តារាខេប៉ុបល្បីៗ ៧ ដួងហ្វឹកហាត់រយៈពេលខ្លីខ្លាំងតែមានសមត្ថភាពត្រូវក្រុមហ៊ុនជ្រើសឱ្យចេញច្រៀង

ត្រឹម ១ ខែ! ងាយៗ ៣ វិធីស្រកទម្ងន់ ៨ គីឡូពីអតីតសមាជិកក្រុម Sistar