ឈិន ឡុង ចេញរិះគន់ចំៗថា តារាសម្ដែងចិនជំនាន់ក្រោយមិនចេះតស៊ូ

កាលពីពេលថ្មីៗកន្លងទៅនេះតារាសម្ដែងជើងចាស់ដែលគ្រប់គ្នាស្គាល់ថា Jackie Chan ឬ ឈិន ឡុង បានចេញមុខនិយាយចំៗដល់តារាសម្ដែងចិនជំនាន់ក្រោយៗថាមិនចេះស៊ូខ្លាចមុខខ្លាចក្រោយនិងធ្វើឫកធំចាំតែគេបម្រើឆ្វេងស្ដាំនៅកន្លែងថត។

ក្នុងបទសម្ភាសជាមួយខាង CCTV កាលពីដើមខែ មករា ឆ្នាំ ២០២២ លោកបាននិយាយថា៖  លោកមានការព្រួយបារម្ភជាខ្លាំងចំពោះវិស័យសិល្បៈចិននៅថ្ងៃអនាគត។ បើអស់ពីតារាសម្ដែងចាស់ៗទៅតើនឹងទៅជាយ៉ាងជាណា? បើភាគច្រើនធ្វើការមិនប្រឹងប្រែងអស់ពីចិត្តយ៉ាងដូច្នេះ។

តារាវ័យ ៦៧ ឆ្នាំបានបន្ដថា៖ លោកធ្លាប់បានរួមការងារជាមួយតារាវ័យក្មេងជាច្រើនដែលមិនគោរពការងាររបស់ខ្លួន ហើយពិតជាធុញថប់ខ្លាំងក្នុងការសហការជាមួយមនុស្សដែលខ្ជិលច្រអូសនិងរឹងរូស។ ពិតជាឆ្ងល់មែនទែនហេតុអ្វីបានជាពួកគេមានចរិតក្មេងខ្ចីយ៉ាងអ៊ីចឹង។

អ្វីដែលធ្វើឲ្យលោកហួសចិត្តខ្លាំងបំផុតឡើងចំហមាត់ធ្លុងនោះគឺអ្នកខ្លះខ្លាចក្ដៅ ខ្លាចបែកញើស ខ្លាចរបួស ខ្លាចគគ្រិច​ រអ៊ូច្រើន ប៉ុន្ដែចង់បានលទ្ធផលល្អនិងឈុតចេញមកឡូយទាក់ចិត្តមហាជន។ បើលោកជាអ្នកដឹកនាំគឺច្បាស់ជាដកចោលឈប់ឲ្យសម្ដែងជាក់ជាមិនខាន។

លើសពីនេះអ្នកខ្លះមកដល់កន្លែងថតយឺតជាងគេជាងឯងប៉ុន្ដែចេញទៅផ្ទះវិញលឿនស្លេវមុនគេមិនគោរពក្រុមការងារនិងអាជីពខ្លួនឯងទាល់តែសោះ។ ហើយថែមទាំងហ៊ាននិយាយក្នុងបទសម្ភាសយកមុខថាខ្លួនជាមនុស្សស្រឡាញ់ការងារទៀត។

បន្ថែមពីនេះ រឿងដែលធ្វើឲ្យលោកឡើងគ្រវីក្បាលហួសចិត្តគឺលោកធ្លាប់បានធ្វើការជាមួយតារាសម្ដែងប្រុសម្នាក់គ្រាន់តែរបួសរលាត់ស្បែកបន្ដិចក៏ស្រែកឡើងផ្អើលកន្លែងថតតែម្ដង។ រហូតដល់ក្រុមការងារទាំងមូលត្រូវឈប់និងមើលរបួសរបស់គេចុងក្រោយក៏សុំសម្រាកមិនថត។ មិនតែប៉ុណ្ណោះតារាប្រុសម្នាក់នោះគឺខ្លាចគ្រប់យ៉ាងសឹងតែធ្វើអ្វីមិនកើត។

លោកបានបន្ដថា៖ សម័យនេះពិតជាពិបាករកតារាសម្ដែងដែលខិតខំប្រឹងអស់ពីចិត្តណាស់ពោលអាងលើរូបសម្រស់តែមិនព្រមខិតខំប្រឹងប្រែងដោយចង់បានភាពល្បីល្បាញស្រួលៗមិនធ្វើអ្វីសោះ ហើយបើចង់ឲ្យអាជីពខ្លួនជោគជ័យនិងក្លាយខ្លួនជាតារាដែលគេមិនអាចបំភ្លេចបានគឺមិនអាចធ្វើអត្ដចរិតធុនៗនេះទេ។

ជាចុងក្រោយ លោក ឈិន ឡុង ក៏បាននិយាយថា៖ លោកមិនបានសុំឲ្យតារាទាំងអស់នោះសម្ដែងទាំងប្រថុយជីវិតដូចកាលជំនាន់មុនឡើយព្រោះបច្ចេកវិទ្យាសម័យនេះគឺកាន់តែទំនើប CG ពិតជាជួយសម្រាលបានច្រើន។ ប៉ុន្ដែសុំឲ្យតារាទាំងអស់នោះចេះគោរពការងារខ្លួនឯង ស្គាល់ថាអ្វីជាការសម្ដែងពិតប្រាកដមិនធ្វើឲ្យរួចតែពីដៃ។ ជាពិសេសធ្វើវាចេញពីចិត្តនិងក្ដីស្រឡាញ់៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​