តារាស្រីវ័យក្មេង ៣ រូប ជម្នះចិត្តគ្រួសារ ឈោងចាប់ក្តីស្រមៃក្នុងវិថីសិល្បៈ

ជាការពិតណាស់ មនុស្សម្នាក់ៗដែលកើតមកនៅលើលោកនេះ រមែងមានក្តីសុបិនដែលខ្លួនប៉ងប្រាថ្នាខុសៗគ្នា មិនថាជាការងារតូចធំ ឬខ្ពស់ទាបនោះឡើយ។ ហើយយើងគ្រប់គ្នាប្រាកដជាចង់ឱ្យវាសម្រេចបាននៅពេលណាមួយ ក្នុងមួយឆាកជីវិតជាក់ជាមិនខាន។ ចំណែកតារាស្រី ៣ ដួង ខាងក្រោមនេះ សុទ្ធតែមានក្តីស្រមៃដែលត្រូវឈោងចាប់នៅលើផ្លូវតែមួយ នោះគឺវិថីនៃការក្លាយជាតារាសិល្បៈ ដោយពួកគេបានឆ្លងកាត់​រឿងរ៉ាវ និងឧបសគ្គជាច្រើនរាប់មិនអស់ ទម្រាំដើរមកដល់ចំណុចជោគជ័យមួយ ដូចដែលមហាជនបានឃើញនាពេលបច្ចុប្បន្ន។ រនាំងឧបសគ្គដ៏ធំបំផុតសម្រាប់ពួកគេ គឺការជម្នះចិត្តគ្រួសារខ្លួនឯងតែម្តង។

១. តារាសម្តែង យ៉ែម ស្រីពេជ្រ៖ តារាស្រីវ័យ ២៦ ឆ្នាំ  យ៉ែម ស្រីពេជ្រ ដែលមហាជនបានស្គាល់តាមរយៈខ្សែភាពយន្តភាគខ្មែររឿង “នេះឬជីវិត” របស់ស្ថានីយទូរទស្សន៍កងយោធពលខេមរភូមិន្ទប៉ុស្តិ៍លេខ៥ នាងក៏​ត្រូវបានហាមប្រាមយ៉ាងខ្លាំងពីសំណាក់ក្រុមគ្រួសារមិនឱ្យចូលសិល្បៈ ព្រោះមើលឃើញថាការងារសិល្បៈជាការងារដែលមិននឹងន​ ហើយពុំអាចធ្វើឱ្យកូនស្រីថ្កុំថ្កើងបាន។

ក្រោយបញ្ចប់ថ្នាក់វិទ្យាល័យនៅឆ្នាំ២០១៤ ដោយក្តីស្រលាញ់ ស្រីពេជ្របានលួចដាក់ពាក្យចូលប្រឡងកម្មវិធី Freshie Girl និងហាត់រៀនធ្វើការលើផ្នែកម៉ូដែល រហូតមានអ្នកដឹកនាំរឿងពីផលិតកម្មក្នុងស្រុកមួយ ចាប់អារម្មណ៍ចង់ឱ្យនាង Casting សម្តែងនៅក្នុងភាពយន្តរបស់ខ្លួន។ នៅត្រង់ចំណុចនេះ យ៉ែម ស្រីពេជ្រ ធ្លាប់បានទម្លាយឱ្យអ្នកគាំទ្រដឹងថា រាល់ពេលទៅ Casting ម្តងៗ នាងទទួលរងពាក្យមាក់ងាយជាច្រើនអំពីរូបសម្រស់ និងសមត្ថភាពលើការសម្តែងយ៉ាងខ្លាំង។

ពាក្យសម្តីទាំងអស់នោះ មិនបានធ្វើឱ្យនាងបាក់ទឹកចិត្តឡើយ បែរជាកាន់តែជំរុញឱ្យតារាស្រីរូបនេះតស៊ូ និងឈ្មុសឈ្មុលជាច្រើនលើកច្រើនសារ ដើម្បីដើរតាមក្តីស្រមៃធ្វើជាតារាសម្តែងអាជីពឱ្យខានតែបាន។ ឆន្ទៈដែលមិនព្រមបោះបង់វិថីសិល្បៈមួយនេះ ហើយវានៅតែមានក្នុងចិត្តនាងជានិច្ច ព្រោះតែកញ្ញាធ្លាប់សន្យាជាមួយខ្លួនឯងថា “ថ្ងៃណាមួយគ្រួសាររបស់ខ្ញុំ នឹងទទួលស្គាល់ខ្ញុំ ហើយខ្ញុំនឹងធ្វើឱ្យពួកគាត់មើលឃើញពីភាពជោគ័យរបស់ខ្ញុំជាក់ជាមិនខាន”។

ឆ្នាំ ២០១៨ ស្រីពេជ្រ ត្រូវបានស្ថានីយទូរទស្សន៍កងយោធពលខេមរភូមិន្ទប៉ុស្តិ៍លេខ៥ ផ្តល់ឱកាសឱ្យថតខ្សែភាពយន្តភាគលើកដំបូងចំណងជើងថា “នេះឬជីវីត” ដែលជារឿងភាគដំបូងគេធ្វើឱ្យនាងមានកេរ្តិ៍ឈ្មោះល្បីល្បាញក្នុងវិថីសិល្បៈ និងក្លាយជាតារាសម្តែងកុងត្រាប្រចាំប៉ុស្តិ៍លេខ៥ ទៀតផង។ ចាប់តាំងពីពេលនោះមក អតីតបេក្ខភាព Freshie Girl ឆ្នាំ ២០១៥ រូបនេះ ក៏លេចវត្តមានក្នុងរឿងភាគរបស់ទូរទស្សន៍ក្នុងស្រុកជាច្រើនបន្តបន្ទាប់គ្នា។

មកដល់ឆ្នាំ ២០១៩ កញ្ញា យ៉ែម ស្រីពេជ្រ បានសម្រេចបំណងធំមួយទៀតក្នុងឆាកជីវិត ដោយទទួលបានការបោះឆ្នោតគាំទ្រពីមហាជនឱ្យក្លាយជា “តារាសម្តែងស្រីឆ្នើមមួយរូបប្រចាំកម្ពុជា” ពីខ្សែភាពយន្តខ្មែរខ្នាតធំរឿង នាឡិកាដាស់វិញ្ញាណ ឬហៅថា The Clock។ នៅឆ្នាំ២០២០ នាងទទួលថតឱ្យខ្សែភាពយន្តភាគក្នុងស្រុកបានតែមួយចំនួនប៉ុណ្ណោះ រហូតអាក់ខានដោយសារជំងឺកូវីដ១៩។ យ៉ាងណាមិញសម្រាប់ឆ្នាំ២០២២ យ៉ែម ស្រីពេជ្រ ក៏នឹងត្រៀមផ្តល់ចំណីអារម្មណ៍ថ្មីជាការចាប់ដៃគូសម្តែងជាមួយលោក ឆឹម សក្កដា ក្នុងរឿងភាគ “ពូជមួយត្រួយបី” ដែលបានបញ្ចប់ការថតកាលពីឆ្នាំមុននេះ។

២. តារាសម្តែង រចនា រ៉ាវាឌី៖ បច្ចុប្បន្នជាតារាសម្តែងកុងត្រាប្រចាំផលិតកម្មសាស្រ្តាហ្វៀម ដែលកំពុងទទួលបានការគាំទ្រខ្លាំងពីប្រិយមិត្តយុវវ័យតាមរយៈខ្សែភាពយន្តខ្នាតធំ និងរឿងភាគជីវិតជាច្រើន។ 

មុនសម្រេចបានជោគជ័យក្នុងនាមជាតារាសម្តែងអាជីពម្នាក់ តារាស្រីវ័យ ២៣ ឆ្នាំរូបនេះ ក៏មានអ្នកឃាត់ឃាំងមិនឱ្យចូលសិល្បៈដូចគ្នា ហើយអ្នករារាំងនោះគឺជាបងប្រុសបង្កើតរស់នាងផ្ទាល់។ រ៉ាវាឌី ធ្លាប់ផ្តល់បទសម្ភាសន៍ពីប្រវត្តិចូលសិល្បៈរបស់ខ្លួនឱ្យអ្នកសារព័ត៌មានដឹងថា៖ មុនចូលសិល្បៈ គ្រួសាររបស់ខ្ញុំក៏មានផ្នត់គំនិតហាមឃាត់ដូចអ្នកសិល្បៈដទៃទៀតដែរ ប៉ុន្តែអ្នកដែលនាងខ្ញុំត្រូវជម្នះខ្លាំងជាងគេគឺបងប្រុសរបស់ខ្ញុំ។ ដោយឡែកលោកឪពុកអ្នកម្តាយ គាត់មិនសូវជាប្រកែកប៉ុន្មានឡើយ។ នាងបង្ហើបទៀតថាពេលនោះបងប្រុសរបស់នាង សឹងតែកាត់ការនាងចោលទៀតផង។ ប៉ុន្តែដោយការស្រលាញ់វិស័យសិល្បៈ ហើយក៏ជាក្តីសម្រៃមួយក្នុងចំណោមបំណងប្រាថ្នាផ្សេងទៀតរបស់នាង រចនា រ៉ាវាឌី បានចូលប្រឡូកក្នុងអាជីពជាតារាបង្ហាញម៉ូត​ជាចំណុចចាប់ផ្តើម​លើវិថីសិល្បៈ។ ក្រោយមកនៅឆ្នាំ ២០១៦ ស្រីស្រស់រូបនេះ ក្តោបបានឱកាសថតខ្សែភាពយន្តភាគមួយក្រោមចំណងជើងថា “ភ្លើងស្នេហ៍ភ្លើងឫស្យា” ដោយទទួលបានការគាំទ្រយ៉ាងច្រើនពីទូរទស្សនិកជន។

៣. តារាសម្តែង ឈិន មុន្នីនាថ៖ ជាក្មេងស្រីម្នាក់ធំធាត់ក្នុងគ្រួសារអ្នកសិល្បៈក៏ពិតមែន ប៉ុន្តែ នាថ បែរជាពុំមានការជ្រោមជ្រែងពីសាច់ញាតិឱ្យបំពេញក្តីស្រមៃលើវិថីសិល្បៈទៅវិញ។ ឪពុករបស់នាថ មានបំណងចង់ឱ្យកូនស្រីសំណព្វក្លាយជាបុគ្គលិកធ្វើការក្នុងការិយាល័យនៅពេលរៀនចប់។ លោកព្រួយបារម្ភថាកូនស្រីអាចនឹងជួបរឿងមិនល្អៗមួយចំនួននៅពេលដើរលើគន្លងនេះ។ ជាភាពចៃដន្យកូនស្រីតារាចម្រៀង ឈិន កុសល ត្រូវបានគេជ្រើសរើសឱ្យថតស្បតពាណិជ្ជកម្មមួយកាលអាយុ ៧ ឆ្នាំ។ ខណៈពេលឈានចូលដល់វ័យជំទង់ ក្មេងស្រីដែលមានឈាមជ័រ និងស្រលាញ់ផ្នែកតន្រ្តីរូបនេះ បានលួចទៅប្រឡងចម្រៀងមិនឱ្យអ្នកផ្ទះដឹងឡើយ។ 

រហូតមកដល់ឆ្នាំ ២០១៧ ឈិន មុនីនាថ ទទួលបានឱកាសសម្តែងឱ្យស្ថានីយទូរទស្សន៍ហង្សមាសក្នុងរឿងភាគ “សិសិររដូវក្នុងបេះដូង” និងក្លាយជាតួឯកស្រីដំបូងនៅក្នុងរឿង “អ្នកម៉ាក់វ័យក្មេង” របស់ទូរទស្សន៍ភីអិនអិន កាលពីឆ្នាំ ២០២០ ផងដែរ។

គួរបញ្ជាក់ថា ឈិន មុនីនាថ ជាកូនស្រីរបស់ លោក ឈិន កុសល តារាចម្រៀងជើងចាស់ម្នាក់នៅកម្ពុជា និងត្រូវជាក្មួយស្រីរបស់ពិធីការិនី ឈិន សុធារី ឈិន រីយ៉ា។ យុវតីវ័យ ១៩ រូបនេះ បានសាងស្នាដៃសិល្បៈជាច្រើន​​ ធ្វើឲ្យអ្នកគាំទ្រកោតសរសើរចំពោះភាពប៉ិនប្រសព្វរបស់នាងទាំងនៅវ័យក្មេង និងទេពកោសល្យនៃការបកស្រាយចម្រៀងបានយ៉ាងពីរោះទៀតផង។

តាមរយៈកិច្ចសម្ភាសន៍មួយក្នុងកម្មវិធី Laugh And Love Talk Show មុន្នីនាថ បានរៀបរាប់អំពីការតស៊ូរបស់នាងតាំងពីនៅក្មេង ពោលគឺចាប់តាំងពីអាយុ ១៦ ឆ្នាំ គឺនាងបានក្លាយជាបុគ្គលដែលត្រូវរ៉ាប់រងបន្ទុកក្នុងគ្រួសារ ដោយកាលនោះលោកឪពុករកចំណូលមិនបានក្នុងវិស័យសិល្បៈ រីឯអ្នកម្តាយមានកូនតូចម្នាក់ទៀត។

នាថលើកឡើងទាំងក្តុកក្តួលថា៖ “ជីវិតរបស់ខ្ញុំខុសប្លែកពីយុវ័យមួយចំនួនដែលមានអាយុប្រហែលខ្ញុំ ក៏ព្រោះតែខ្ញុំមិនអាចយកពេលវេលារីករាយសម្រាប់ខ្លួនឯងបានទេកាលគ្រានោះ។ រឿងតែមួយគត់ដែលខ្ញុំត្រូវគិត គឺត្រូវរកប្រាក់ ដើម្បីចិញ្ចឹមបីបាច់ក្រុមគ្រួសារ ព្រោះខ្ញុំមិនចង់ឱ្យលោកឪពុកអ្នកម្តាយរងការលំបាកទៀតឡើយ”។



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​