Into The New World ពីចម្រៀងខេប៉ុប ក្លាយជាបទដែលយុវវ័យកូរ៉េខាងត្បូងប្រើប្រាស់ក្នុងពេលបាតុកម្ម

ស្របនៅពេលដែលបាតុកម្មស្នើសុំឱ្យដកតំណែងលោក​ប្រធានាធិបតី Yoon Suk Yeol កំពុងតែមានភាពជ្រួលច្របល់កាន់តែខ្លាំងនៅក្នុងប្រទេសកូរ៉េខាងត្បូង បាតុករវ័យក្មេងបានកែប្រែភាពគួរឱ្យភ័យខ្លាចនេះ ឱ្យមានសភាពប្រសើរជាងមុនតាមរយៈការប្រើប្រាស់តន្រ្តីខេប៉ុបជាជំនួយ។​

នៅក្នុងបាតុកម្ម ដែលបាន និងកំពុងកើតឡើងនៅជិតរដ្ឋសភា ក្នុងទីក្រុងសេអ៊ូល បាតុករបានផ្លាស់ប្ដូរមុខមាត់ថ្មីនៃជម្លោះដ៏តានតាំង ដោយត្រឡប់មកច្រៀងចម្រៀងខេប៉ុបជាការតវ៉ា ដើម្បីទាមទារអ្វីដែលខ្លួនត្រូវការ។ ជាក់ស្ដែង បាតុករទាំងនេះកំពុងតែប្រើប្រាស់បទចម្រៀងដំបូងរបស់ Girls’ Generation “Into the New World” ជាផ្នែកមួយនៃការទាមទារ។

យោងតាម Melon កម្មវិធីស្ដាប់ចម្រៀងដ៏ធំមួយរបស់កូរ៉េខាងត្បូង ចម្រៀងដែលចេញតាំងតែពីឆ្នាំ ២០០៧មួយនេះ ចាប់ផ្ដើមទទួលបានប្រជាប្រិយភាពម្ដងទៀត ជាមួយនឹងកំណើននៃការចូលស្ដាប់រហូតដល់ទៅ ២៣ភាគរយ ក្រោយពីមួយសប្ដាហ៍ដែលលោក​​ប្រធានាធិបតី Yoon Suk Yeol ប្រកាសប្រើប្រាស់ច្បាប់អាជ្ញាសឹកកាលពីថ្ងៃទី៣ ខែធ្នូកន្លងទៅ។

ត្បិតអាចជាបរិបទមួយថ្មីសម្រាប់វិស័យនយោបាយ តែ The Korea Times បានរាយការណ៍ថា Into the New World ជាចម្រៀងមួយបទដែលសិស្សានុសិស្សបានលើកមកច្រៀងនៅពេលដែពួកគេធ្វើបាតុកម្មនៅក្នុងសាកលវិទ្យាល័យ Ewha Womans កាលពីឆ្នាំ ២០១៦ រហូតដល់មានការចែករំលែកពាសពេញបណ្ដាញទំនាក់ទំនងសង្គម។

អ្នកជំនាញមួយរូបបានលើកឡើងថា មូលហេតុដែលវត្តមានចម្រៀងខេប៉ុបមួយនេះ អាចលេចចេញនៅចំកណ្ដាលជម្លោះផ្នែកនយោបាយបាន ក៏ដោយសារតែទំនុកច្រៀងដែលមានកម្លាំងឥទ្ធិពល។​ តួយ៉ាង ដូចជាឃ្លាដែលច្រៀងថា លាហើយភាពសោកសៅដែលតែងតែកើតឡើងនៅក្នុងពិភពមួយនេះម្ដងហើយម្ដងទៀត។​  ​

លោក Kim Hern-sik អ្នកវិភាគវប្បធម៌ប៉ុបម្នាក់របស់កូរ៉េខាងត្បូង យល់ឃើញថា៖ “ចំណុចលេចធ្លោនៃបទនេះ គឺអត្ថន័យដែលបញ្ចូលស្មារតីដោះស្រាយបញ្ហា និងប្ដេជ្ញាចិត្តក្នុងការឈានទៅមុខដោយមិនបោះបង់ក្ដីសង្ឈឹម។ វាជួយសម្រាលភាពតប់ប្រមល់ និងបង្កើនការយល់ចិត្តគ្នា ក៏ដូចជាសាមគ្គីភាពជាដើម។ លើសពីនេះទៀត ចម្រៀងមានឥទ្ធិពលលើសពីការធ្វើបាតុកម្មដោយផ្ទាល់ តែវាក៏ជាការចែករំលែកដែលអាចឱ្យអ្នកឯទៀតអាចយល់ដឹងពីរឿងហេតុមួយនេះដូចគ្នា”។

តាមរយៈប្រភពដដែល ក្រៅពីបទរបស់ Girls’ Generation នៅមានបទដទៃទៀតដែលបាតុករបានច្រៀងនៅក្នុងចម្រូងចម្រាសមួយនេះ ដូចជាបទ APT. របស់ Rosé, Whiplash របស់ aespa និង Ring Ding Dong របស់ SHINee ជាដើម។

លើសពីនេះទៀត បាតុករក៏បានប្រើប្រាស់ Light Stick ជំនួសទៀន ដែលធ្លាប់បានប្រើប្រាស់ក្នុងបាតុកម្មកន្លងមក។ បើទោះបីជាទិដ្ឋភាពជារួម មិនសូវជាខុសគ្នានឹងការដែលពួកអ្នកគាំទ្រទៅមើលការប្រគំតន្ត្រីរបស់តារាក្នុងដួងចិត្តរបស់ខ្លួនក៏ពិតមែន តែវាជាសកម្មភាពមួយដែលមានបង្កប់សារនយោបាយយ៉ាងច្បាស់លាស់។

យ៉ាងណាមិញ ក្នុងហេតុការណ៍តែមួយនេះ ប្រភពខាងលើបានរាយការណ៍បន្ថែមថា វាក៏ជាការផ្សារភ្ជាប់រវាងពលរដ្ឋដែលមានគម្លាតវ័យផ្សេងគ្នាមកជួបគ្នាផងដែរ។ ជាក់ស្ដែង ស្របពេលដែលមនុស្សវ័យកណ្ដាល និងវ័យចំណាស់ព្យាយាមសិក្សាពីវប្បធម៌ និងចម្រៀងដូចជា Into the New World របស់យុវវ័យ​ ពួកគាត់ក៏មានព្យាយាមផ្សព្វផ្សាយចម្រៀងដែលខ្លួនធ្លាប់បានប្រើប្រាស់ក្នុងចលនាប្រជាធិបតេយ្យរបស់ប្រទេសកូរ៉េ កាលពីទសវត្សរ៍ឆ្នាំ ១៩៧០ ដល់ទសវត្សរ៍ឆ្នាំ ១៩៩០ ផងដែរ។

សូមបញ្ជាក់ដែរថា ត្បិតការប្រើប្រាស់ចម្រៀងខេប៉ុបនៅក្នុងបាតុកម្មអាចជាវិធីសាស្រ្តថ្មី ដែលយុវវ័យលើកយកប្រើប្រាស់សម្រាប់ការតវ៉ា តែកន្លងមកក៏មានបទចម្រៀងខេប៉ុបខ្លះដែរដែលត្រូវបានយកកែសម្រួលដើម្បីប្រើប្រាស់ក្នុងការឃោសនានៅពេលដែលមានការបោះឆ្នោតម្ដងៗ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *