ចិនត្រៀមដំឡើងពន្ធលើស្រោមអនាម័យ ដើម្បីដោះស្រាយបញ្ហាអត្រាកំណើតទាប

ប្រទេសចិនប្រកាសយកពន្ធអាករលើតម្លៃបន្ថែម (VAT) ១៣ ភាគរយលើស្រោមអនាម័យ និងថ្នាំពន្យារកំណើត ក្នុងគោលបំណងបង្កើនអត្រាកំណើត និងធ្វើទំនើបកម្មច្បាប់ស្តីពីសារពើពន្ធ។ នេះបើយោងតាមសារព័ត៌មាន The Guardian។

ក្រោយពីលើកលែងពន្ធអស់ពេលជាង ៣០ឆ្នាំ ពោលគឺចាប់ពីឆ្នាំ ១៩៩៣ ប្រទេសចិននឹងចាប់ផ្ដើមយកពន្ធអាករលើតម្លៃបន្ថែម (VAT) ១៣ ភាគរយលើស្រោមអនាម័យ និងថ្នាំពន្យារកំណើតចាប់ពីថ្ងៃទី ១ ខែមករា ឆ្នាំ២០២៦ តទៅ។ សេចក្ដីប្រកាសនេះបានបង្កើតជាការជជែកវែកញែក និងរិះគន់យ៉ាងទូលាយនៅលើបណ្ដាញសង្គមចិន ខណៈប្រជាជនចិនមួយចំនួនបានចោទសួរទាក់ទាងនឹងវិធានការខ្លាំងៗដែលរដ្ឋាភិបាលបានដាក់សម្ពោធឱ្យពួកគេយកកូន។

ដោយស្រោមអនាម័យជាធម្មតាមានតម្លៃប្រមាណ ៥ ទៅ ៩ដុល្លារក្នុងមួយប្រអប់ ស្របពេលដែលថ្នាំពន្យារកំណើតមួយបន្ទះដែលអាចប្រើប្រាស់បានរយៈពេល ១ខែ មានតម្លៃប្រមាណ ៧ ទៅ ១៩ដុល្លារអាមេរិក លោក Yun Zhou សាស្ត្រាចារ្យរងផ្នែកសង្គមវិទ្យានៅសាកលវិទ្យាល័យ Michigan បានយល់ឃើញថា ការដំឡើងពន្ធនេះអាចនឹងមិនមាន​ផលដល់ការសម្រេចចិត្តក្នុងការយកកូនរបស់ប្រជាជនទេ តែគឺជាការបញ្ជូនសារថា​ រដ្ឋាភិបាលមិនបានគាំទ្រដល់ការពន្យារកំណើតបន្តទៅទៀត។

យ៉ាងណាមិញ​ លោកបានប្រាប់ទៀតថា បើសិនប្រជាជនពិបាកក្នុងការពន្យារកំណើតជាងមុន ផលប៉ះពាល់អវិជ្ជមានភាគច្រើននឹងធ្លាក់ទៅលើស្ត្រី ជាពិសេសក្រុមដែលមានជីវភាពខ្វះខាត និងខ្វះលទ្ធភាពក្នុងការស្វែងរកធនធាន។

គួរឱ្យដឹងថា នៅចន្លោះឆ្នាំ ១៩៧៩ ដល់ឆ្នាំ ២០១៥ ប្រទេសចិនបានអនុវត្តគោលនយោបាយឱ្យប្រជាជនយកកូនតែម្នាក់ប៉ុណ្ណោះ រហូតនាំឱ្យចិនបានជួបប្រទះនឹងវិបត្តិប្រជាជនធ្លាក់ចុះ ៣ ឆ្នាំជាប់គ្នា ព្រោះបញ្ហាអត្រាកំណើតទាប ខណៈប្រទេសចិនបានឈានចូលក្នុងសង្គមមនុស្សចាស់។

ដើម្បីដោះស្រាយបញ្ហានេះ ក្នុងរយៈពេលមួយទសវត្សរ៍កន្លងមក ចិនបានបង្កើតវិធានការផ្សេងៗដើម្បីលើកទឹកចិត្តឱ្យប្រជាជនយកកូន ក្នុងគោលបំណងដោះស្រាយបញ្ហាអត្រាកំណើតទាប ដូចជា ការអនុញ្ញាតឱ្យប្ដីប្រពន្ធ ១គូអាចមានកូន ៣នាក់ ការបញ្ចុះតម្លៃលើសេវាកម្មបង្កកំណើតបែបវិទ្យាសាស្រ្ត IVF ហើយនៅឆ្នាំ ២០២៥ ចិនក៏បានចំណាយប្រាក់ជាង ៩០ប៊ីលានយ៉ន់ ប្រមាណ ១២.៧ពាន់លានដុល្លារអាមេរិក លើកម្មវិធីផ្ដល់ប្រាក់ឧបត្ថម្ភចំនួន ៣ ៦០០យ៉ន់ ឬប្រមាណ​ ៥១០ ដុល្លារអាមេរិកក្នុងមួយឆ្នាំ ដល់កុមារដែលមានអាយុ ៣ឆ្នាំចុះក្រោមផងដែរ។

បន្ថែមពីនេះ វិធានការជាច្រើនទៀត រួមមានការអនុញ្ញាតឱ្យប្ដីប្រពន្ធថ្មីថ្មោងទទួលបានថ្ងៃឈប់សម្រាកបន្ថែម​ តែនៅតែទទួលបានប្រាក់ឈ្នួលដូចដើម ក៏បានរៀបចំឡើងដើម្បីលើកចិត្តឱ្យប្រជាជនរៀបអាពាហ៍ពិពាហ៍ច្រើនជាងមុនផងដែរ។ ក៏ប៉ុន្តែវិធានការទាំងនេះ ទទួលបានផលតិចតួច ខណៈកាលពីឆ្នាំ ២០២៤ អត្រាកំណើតរបស់ប្រទេសចិនមានចំនួន ៦,៧៧ នាក់ប៉ុណ្ណោះក្នុងចំណោមប្រជាជន ១០០០ នាក់។

នៅគ្រាដែលវិធានការលើកទឹកចិត្តមិនបានផល ក៏មានការព្រួយបារម្ភថា រដ្ឋាភិបាលអាចនឹងប្រើប្រាស់វិធានការចាប់បង្ខំ ដើម្បីដោះស្រាយបញ្ហានេះ ព្រោះកន្លងមក ស្ត្រីមួយចំនួនក៏ធ្លាប់បានប្រាប់ថា ពួកគេធ្លាប់ត្រូវបានមន្ត្រី្កក្នុងតំបន់សាកសួរទាក់ទងនឹងថ្ងៃខែមករដូវផងដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *