ធ្លាប់តែតាមដានរឿងកូរ៉េ ឥឡូវមកស្គាល់ ៨ កន្លែងពិតៗល្បីអមនុស្សតាមបន្លាចនៅកូរ៉េខាងត្បូងម្ដង!

និយាយដល់ប្រទេសកូរ៉េខាងត្បូងអ្វីដែលគ្រប់គ្នានឹកឃើញដល់មុនគេប្រហែលជាតារា K-POP និងរឿងភាគនានា។ តែមែនទៅ ក្រៅពីវិស័យចម្រៀង និងភាពយន្ដកុន ប្រទេសមួយនេះក៏ជាប្រទេសមួយដែលសម្បូររឿងអាថ៍កំបាំង និងព្រឺព្រួចផងដែរ។ ថ្ងៃនេះនឹងនាំប្រិយមិត្តមកស្គាល់កន្លែងចំនួន ៨ ល្បីមានពពួកអមនុស្សដេញតាមលងបន្លាច។ តោះទៅមើលថាជាកន្លែងអ្វីខ្លះ៖

១.មន្ទីរពេទ្យ Gongjiam

Gongjiam (Gongjiam Psychiatric Hospital) ជាមន្ទីរពេទ្យសម្រាប់មើលថែអ្នកជំងឺវិកលចរិតស្ថិតនៅខេត្ត Gyeonggi។ តែក្រោយមកដោយសារអ្នកជំងឺស្លាប់ជាបន្ដបន្ទាប់ដោយគ្មានមូលហេតុមន្ទីរពេទ្យនេះក៏ត្រូវបានបិទ និងបោះបង់ចោលក្នុងឆ្នាំ ១៩៩៦។ យោងតាមពាក្យចចាមអារ៉ាមខ្លះបានលើកឡើងថា ម្ចាស់មន្ទីរពេទ្យផ្ទាល់ក៏មានជំងឺវិកលចរិត ព្រមទាំងសម្លាប់អ្នកជំងឺក្នុងមន្ទីរពេទ្យថែមទៀត។ បើតាមសម្ដីអ្នកធ្លាប់លួចចូលទៅទីនោះបាននិយាយថា បរិយាកាសក្នុងមន្ទីរពេទ្យពិតជាគួរឱ្យខ្លាច ងងឹតក៏ងងឹត សម្ភារៈពេទ្យរាយប៉ាយ និងឧស្សាហ៍ឮសំឡេងចម្លែកផងដែរ។ រឿងរ៉ាវមន្ទីរពេទ្យ Gongjiam ក៏ធ្លាប់បានផលិតជារឿងកុនក្រោមឈ្មោះដដែលក្នុងឆ្នាំ ២០១៨។ សម្រាប់អ្នកទស្សនាហើយពិតជាភ័យខ្លាចសឹងតែមិនហ៊ានចូលបន្ទប់ទឹក។

២.ផ្ទះខ្មោច YeongDoek

ផ្ទះខ្មោចYeongDoek(YeongDoekHuanted House)មានភាពល្បីល្បាញស្ថិតក្នុងតំបន់ GyeongSang។ ផ្ទះនេះធ្លាប់ត្រូវបានគេនិយាយតៗគ្នាថា តែងតែមានវិញ្ញាណចេញមកលងបន្លាចមិនថាពេលថ្ងៃ ឬក៏ពេលយប់ឡើយ ហើយវិញ្ញាណទាំងនោះជាទាហានដែលពលីជីវិតក្នុងសម័យសង្រ្គាម។ កាន់តែរន្ធត់ ម្ចាស់ផ្ទះនេះពីមុនត្រូវបានស្លាប់ដោយគ្មានមូលហេតុ និងអាថ៍កំបាំងបំផុត។

៣.សួនកម្សាន្ដ Yongma

បកត្រលប់ទៅឆ្នាំ ២០១១ ធ្លាប់មានក្មេងស្រីម្នាក់ស្លាប់បាត់បង់ជីវិតនៅសួនកម្សាន្ដ Yongma ( Yongma Land Theme Park) ស្ថិតក្នុងតំបន់ Mangubon-Dong ទីក្រុង Seoul ដោយសារតែឧបករណ៍កម្សាន្ដមានបញ្ហាបច្ចេកទេសដាច់ចុះក្រោម។ ហេតុការណ៍អាក្រក់នេះ បានធ្វើឱ្យសួនកម្សាន្ដ Yongma ត្រូវបានបិទទ្វារ ហើយជារឿយៗ គេតែងឃើញវិញ្ញាណក្មេងស្រីនោះនៅអង្គុយលេង ឬជិះឧបករណ៍កម្សាន្ដផ្សេងៗ ក្នុងសួន។ តែកន្លែងនេះ ក៏ជាកន្លែងល្បីមួយដែលក្រុមខេប៉ុបមួយចំនួនមកថតវីដេអូចម្រៀងផងដែរ។ បើទោះជាសួនកម្សាន្ដនេះបិទទ្វារមែន ប៉ុន្ដែវានៅតែជាកន្លែងដែលអាចរកប្រាក់ចំណូលបានប្រសិនបើប្រិយមិត្តចង់សាកល្បងដើរចូលកម្សាន្ដអាចទិញសំបុត្រក្នុងតម្លៃជាង ៤ ដុល្លារអាមេរិក។

៤.ច្រកទ្វារ Independence

ច្រកទ្វារ Independence (The Independence Gate) ត្រូវបានសាងសង់ក្នុងឆ្នាំ ១៨៩៤ នៅពេលដែលសង្រ្គាមចិន-ជប៉ុនបានបញ្ចប់ និងឈប់ជះឥទ្ធិពលលើប្រទេសកូរ៉េ។  សព្វថ្ងៃទេសចរជាច្រើនបានទៅលេង និងទស្សនានៅច្រកទ្វារនេះ។  ប៉ុន្ដែក៏មានរឿងតំណាលជាច្រើនថាមានពពួកអារក្សឈរយាម និងមើលថែរក្សា ប្រសិនបើមនុស្សណាធ្វើខុសឆ្គង ឬមិនសមរម្យពួកគេនឹងចេញមកកាត់ក្បាលចោលតែម្ដង។ ច្រកទ្វារនេះមានទីតាំងស្ថិតនៅតំបន់ Mangubon-dong ទីក្រុងសេអ៊ូល។

៥.ទន្លេ Han  

ថ្វីបើសព្វថ្ងៃទន្លេ Han (The Han River) ជាតំបន់ទេសចរណ៍ទាក់ទាញមួយក្ដី តែកាលពីជំនាន់ដើមតំបន់នេះជាកន្លែង សំពៅ ឬកប៉ាល់បើកឆ្លងកាត់។ មែនទែនទៅ ធ្លាប់មានក្រុមចោរប្លន់សម្លាប់អ្នកជិះកប៉ាល់ជាច្រើន ហើយទម្លាក់សពទាំងនោះចូលទន្លេ។ ហេតុដូច្នេះធ្វើឱ្យព្រលឹងជាច្រើនវិលវល់នៅទីនោះក្លាយជាខ្មោចទឹក និងតាមលងបន្លាចអ្នកណាដែលមានរាសីមិនល្អ។

៦.ភូមិ Yongin       

ភូមិ Yoogin (Yongin Village) ស្ថិតនៅតំបន់ Gihueng-Gu ខេត្ត Gyeonggi-Do។ កាលពីដើមមានដំណាលរឿងថា មាននារីក្រមុំម្នាក់ក្នុងភូមិនោះឈ្មោះ Cheonyeo Gwishin បានស្លាប់ដោយគ្មានមូលហេតុ ក្រោយមកព្រលឹងរបស់នាងនៅតែមិនព្រមទៅណានៅដើរវិលវល់ក្នុងភូមិរហូតដល់បច្ចុប្បន្ន។ មនុស្សដែលធ្លាប់ត្រូវបាននាងលងបន្លាចបានឱ្យដឹងថា នាងតែងតែលេចមុខមកក្នុងសម្លៀកបំពាក់ប្រពៃណីកាន់ទុក្ខពណ៌សជាមួយសក់វែងអូសដីបាំងមុខ។

៧.កោះ Yeongpyeong    

កោះ Yeongpyeong (Yeongpyeong Island) គឺស្ថិតនៅក្បែរខ្សែបន្ទាប់ព្រំដែនប្រទេសកូរ៉េខាងជើង។ ក្នុងកំឡុងឆ្នាំ ១៩៥០ សម័យសង្គ្រាមកោះមួយនេះរងការទម្លាក់គ្រាប់បែករាប់មិនអស់ និងជាតំបន់យោធាផងដែរ។  ដោយសារតែបែបនេះទើបធ្វើឱ្យមានមនុស្សជាច្រើនស្លាប់ ក្រោយមករដ្ឋាភិបាលក៏សម្រេចជម្លៀសមនុស្សចេញ។ បើតាមសម្ដីអ្នកធ្លាប់រស់នៅទីនោះបានឱ្យដឹងនៅពេលយប់គេតែងតែឮសំឡេងចម្លែកចេញពីក្នុងព្រៃ ជួនកាលថែមទាំងមានស្រមោលមនុស្សរត់កាត់ទៅមកដូចកំពុងបាញ់ប្រហារគ្នាទៀតផង។

៨. រោងលេងសៀកនៅកោះ Jeju

កោះ Jeju ជាតំបន់ទេសចរណ៍ដ៏ទាក់ទាញមួយក្នុងប្រទេសកូរ៉េខាងត្បូង ដោយសារតែមានទេសភាពដ៏ស្រស់ស្អាត ឆ្នេរសមុទ្របែបរ៉ូមែនទិច។ ប៉ុន្ដែដើមឡើយ កោះ Jeju ក៏ធ្លាប់ជាតំបន់សម្លាប់មនុស្សរង្គាលផងដែរដោយសារតែការប្រឆាំងនឹងរដ្ឋាភិបាលក្នុងការបែងចែកកូរ៉េជាពីរមុនសម័យសង្គ្រាមក្នុងឆ្នាំ ១៩៤៨។ បើទោះជាបច្ចេកវិទ្យាកាន់តែទំនើបប៉ុន្ដែមនុស្សមួយចំនួននៅតំបន់នោះនៅតែមានជំនឿលើវិញ្ញាណ និងពពួកអមនុស្ស ដោយអ្នកខ្លះធ្លាប់បានលើកឡើងថាពួកគេធ្លាប់បានឃើញព្រលឹងដ៏កម្សត់ទាំងនោះទៀតផង។

ក្រឡេកមកមើលរោងលេងសៀក Saebyeol Oreum Circus នៅកោះ Jeju វិញក៏ល្បីថាជាកន្លែងគួរឱ្យខ្លាចមួយដែរក្នុងប្រទេសកូរ៉េខាងត្បូង។ មែនទែនទៅគេមិនដឹងច្បាស់ពីមូលហេតុដែលរោងសៀកនេះត្រូវបានគេបោះបង់ចោលឡើយ ប៉ុន្ដែកន្លែងមួយនេះត្រូវបានហាមឃាត់មិនឱ្យមនុស្សចូលផ្ដេសផ្ដាសឡើយ ព្រោះមានហេតុការណ៍ចម្លែកផ្សេងៗ ដល់អ្នកដែលលួចចូលទៅដូចជាឮសំលេងអ៊ូអរខ្លាំង តែមួយភ្លែតក៏បាត់ទៅវិញ។

សម្រាប់ប្រិយមិត្តមួយណាគួរឱ្យខ្លាចជាងគេ?  



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​