[កំណត់ហេតុស្នេហ៍] ស្នេហ៍គ្រាដំបូងក្លាយជាស្នេហ៍ចុងក្រោយ ពិតជាមានមែនណា៎!

កាលពីមុន​ពេល​គេ​និយាយ​ថា «អ្នក​ជា​ស្នេហ៍​ដំបូង ហើយ​ក៏​ជា​ស្នេហ៍​ចុង​ក្រោយ​របស់​ខ្ញុំ» ខ្ញុំ​មិន​ដែល​ជឿ​សោះ​ឡើយ​ថា វា​អាច​មាន​ក្នុង​ជីវិត​ពិត…មាន​អារម្មណ៍​ថា ​វា​មាន​តែ​ក្នុង​រឿង​កុន​ស្នេហា​ដែល​អ្នក​និពន្ធ​តាក់តែង​ឡើង​តែ​ប៉ុណ្ណោះ។

រហូត​ដល់…បាន​ជួប​ខ្លួនឯង​​ផ្ទាល់ ទើប​ខ្ញុំ​ជឿ​ហើយ​ចង់​ប្រាប់​ដល់​គ្រប់​គ្នា​ថា វា​អាច​មាន​ពិតមែន!!! D ជា​មនុស្ស​ដំបូង​​ដែល​យក​បាន​បេះដូង​ខ្ញុំ​កាល​ពី​ថ្នាក់​វិទ្យាល័យ ហើយ​ថ្ងៃនេះ គេ​ក៏​ជា​មនុស្ស​ដដែល​អាច​ឱ្យ​ខ្ញុំ​ផ្ញើ​វាសនា និង​អនាគត​ជាមួយ។ ចាំ​បាន​ថា…កាល​នៅ​ថ្នាក់​ទី ១០ យើង​បាន​ស្គាល់​គ្នា​តាម FB ក្នុង​ឋានៈ​ជា​មិត្តភក្ដិ​ជជែក​អនឡាញ​ធម្មតា​ៗ ដោយ​ខ្ញុំ​នៅ​ភ្នំពេញ ហើយ​គេ​ជា​កូន​អ្នក​ខេត្ត។

ពី​មួយ​ថ្ងៃ​ទៅ​មួយ​ថ្ងៃ យើង​ទាំងពីរ​នាក់​ស្គាល់​គ្នា​កាន់តែ​ច្បាស់ មាន​រឿង​អ្វី​ក៏​ប្រាប់​គ្នា​ឱ្យ​ដឹង ​មាន​បញ្ហា​អ្វី​ក៏​ពិភាក្សា​គ្នា ឆ្ងល់​មេរៀន​អ្វី​ក៏​ជួយ​បង្រៀន​គ្នា…ស្និទ្ធស្នាល​ដល់​ថ្នាក់​ពួកម៉ាក​ស្រី​ៗ​​ដែល​ដឹង​រឿង​របស់​យើង​នាំ​គ្នា​បង្អាប់​ថា សង្ស័យ​តែ​បន្តិច​ទៀត​ប្តូរ​ពី Internet friend មក​ជា Boyfriend ណាស់។

ក្រោយ​ពី​ឆាត​ជាមួយ​គ្នា​គ្រប់​ពេល​រាល់​ថ្ងៃ​ប្រហែល ១ ឆ្នាំ​ជាង D បាន​សារភាព​ស្រលាញ់​ខ្ញុំ​លើក​ទី​មួយ​នៅ​ថ្ងៃ​បុណ្យ​នៃ​ក្តី​ស្រលាញ់។ ទោះបី​ពេល​នោះ​​ខ្ញុំ​ដឹង​ថា ខ្លួនឯង​មាន​ចិត្ត​លើ​គេ​ដូចគ្នា​ក៏​ដោយ តែ​ខ្ញុំ​បាន​ឆ្លើយ​ថា «ចង់​មើល​ចិត្ត​គ្នា​ទៀត​សិន…ស្គាល់​គ្នា​យូរ​គ្រាន់​ពិត​មែន តែ​មិន​ទាន់​បាន​ជួប​មុខ​គ្នា​ម្តង​ផង ហើយ​ណា​មួយ​ជិត​ដល់​ឆ្នាំ​ប្រឡង​បាក់ឌុប​ផង»។

D ក៏​ព្រម​ចាំ…ព្រម​បន្ត​មើលថែ និង​បង្ហាញ​ក្តី​ព្រួយបារម្ភ ព្រម​ទាំង​ចិត្ត​ស្រលាញ់​ពី​ចម្ងាយ​ដូច​ដែល​គេ​បាន​សន្យា…រហូត​ដល់​ពេល​ប្រឡង​បាក់ឌុប​ចប់​សម័យ​ដូចគ្នា​រួច គេ​ក៏​ប្រាប់​ខ្ញុំ​ថា​ចង់​សុំ​ជួប​គ្នា​លើក​ទី​មួយ ពេល​គេ​មក​លេង​ភ្នំពេញ។

អារម្មណ៍​ពេល​នោះ ភ័យ​ផង​រំភើប​ផង តែ​ក៏​ទើសទាល់​ខ្លាំង​ដំបូង​ៗ ព្រោះ​ធ្លាប់​តែ​និយាយ​តាម​ទូរសព្ទ និង​ឆាត​កន្លង​មក…ប៉ុន្តែ​ខ្ញុំ​អាច​ដឹង​បាន​ថា ពេល​នៅ​ក្បែរ​គេ ខ្ញុំ​មាន​អារម្មណ៍​កក់ក្តៅ…នៅ​ជិត​គេ ខ្ញុំ​មាន​អារម្មណ៍​សុវត្ថិភាព…និយាយ​ជាមួយ​គេ ខ្ញុំ​មាន​អារម្មណ៍​ស្និទ្ធស្នាល។

ទំនាក់ទំនង​ជា​គូស្នេហ៍​ក៏​ចាប់ផ្តើម​ក្នុង​ឆ្នាំ​ទី​៣ នៃ​ការ​ស្គាល់​គ្នា…ហើយ​ដំណើរ​ជា​គូ​ជីវិត ក៏​ចាប់ផ្តើម​ក្នុង​ឆ្នាំ​ទី​៦…ទោះបី​ខ្ញុំ​មិនមែន​ជា​មនុស្ស​ដំបូង​របស់ D តែ​ខ្ញុំ​នៅតែ​មាន​មោទនភាព​ដែល​បាន​ក្លាយ​ជា​ស្នេហ៍​ចុង​ក្រោយ ពិសេស​ជា​មនុស្ស​ដែល​គេ​កាន់ដៃ​ជា​ផ្លូវការ​​ទទួល​ពរជ័យ​ពី​មេបា​ទាំង​សងខាង។

ខ្ញុំ​ជឿ​ថា….ពួក​យើង​នៅ​ជាមួយ​គ្នា​បាន​យូរ​យ៉ាង​នេះ មិនមែន​មកពី​យើង​មាន​អ្វី​ដែល​ដូចគ្នា​ច្រើន​ឡើយ…តែ​យើង​មាន​ចំណុច​ដែល​អាច​បំពេញ​ចន្លោះ​គ្នា ទើប​ធ្វើឱ្យ​ស្នេហា​មួយ​​នេះ​អាច​រឹងមាំ និង​ឋិតឋេរ​រហូត​ទៅ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​