ក្ដី​ស្រមៃ​ និង​គោលដៅ​អ្នក​គ្មាន​ថ្ងៃ​​សម្រេច​បាន​ឡើយ បើ​នៅ​តែ​ធ្វើ​រឿង ៥យ៉ាង​នេះ

ក្ដី​ស្រមៃ! មនុស្ស​គ្រប់​រូប​សុទ្ធ​តែ​មាន​ក្ដី​ស្រមៃ។ ប៉ុន្តែ​ដើម្បី​អាច​សម្រេច​ក្ដី​ស្រមៃ​មួយ​បាន​វា​មិន​មែន​ជា​រឿង​ងាយ​ស្រួល​នោះ​ទេ បើ​សិន​ជា​ក្ដី​ស្រមៃ​ងាយ​ស្រួល​នឹង​សម្រេច​នោះ​យើង​គ្រប់​គ្នា​ប្រហែល​ជា​ក្លាយ​ជា​មហាសេដ្ឋី ឬ​អ្នក​វិទ្យា​សាស្ត្រ​បាត់​ទៅ​ហើយ។ យ៉ាង​ណា​មិញ​យើង​ក្រឡេក​មក​មើល​កត្តា​មួយ​ចំនួន​ដែល​អាច​ធ្វើឲ្យ​អ្នក​មិន​អាច​ឈោង​ចាប់​ក្ដី​ស្រមៃ​អ្នក​បាន។

រង់​ចាំ​ទាល់​តែ​ខ្លួន​ឯង​មាន​អារម្មណ៍​ថា​រួច​រាល់

ប្រសិន​បើ​អ្នក​ឲ្យ​ពេល​ខ្លួនឯង​ពីរ​ថ្ងៃ​ក្នុង​ការ​បោស​ផ្ទះ​អ្នក​ប្រាកដ​ជា​ប្រើ​ពេល​ពីរ​ថ្ងៃ តែ​បើ​អ្នក​ឲ្យ​ពេល​ខ្លួន​ឯង​ពីរ​ម៉ោង​ អ្នក​ប្រាកដ​ជា​ធ្វើ​ហើយ​ក្នុង​រយៈ​ពេល​ពីរ​ម៉ោង។ កុំ​រង់​ចាំ​រហូតដល់​អ្នក​មាន​អារម្មណ៍​ថា​ខ្លួន​ឯង​មាន​អារម្មណ៍​ថា​រួចរាល់ ១០០​ភាគរយ​មុន​ពេល​កសាង​ក្តី​ស្រមៃ​អ្នក​ឲ្យ​ក្លាយ​ជា​ការ​ពិត​ព្រោះ​ថា​វា​ប្រើ​ពេល​យូរ​ណាស់។

ដំណោះស្រាយ៖ កែប្រែ​ការ​គិត​របស់​អ្នក​ និង​ព្យាយាម​អនុវត្ត​ដោយ​ការ​ចាប់​ផ្ដើម​ធ្វើ​វា​ភ្លាមៗ។

មើល​ឃើញ​កំហុស​ថា​ជា​បរាជ័យ

នៅ​ក្នុង​ដំណើរ​ការ​ធ្វើ​រឿង​អ្វី​មួយ​តែង​តែ​មាន​កំហុស​កើត​ឡើង​ ​គ្មាន​អ្វី​ដែល​ល្អ​ឥត​ខ្ចោះ​នោះ​ទេ។​ ក៏​ប៉ុន្តែ​មនុស្ស​មួយ​ចំនួន​យល់​ថា​រាល់​កំហុស​ដែល​កើត​មាន​ឡើង​ជា​បរាជ័យ​ដែល​ធ្វើ​ឲ្យ​ពួក​គេ​ឆាប់​បោះបង់​គោលដៅ​របស់​ខ្លួន។

ដំណោះស្រាយ៖ ទទួល​ស្គាល់​ថា​វា​អាច​មាន​កំហុស​ និង​ភាព​រញ៉េរញ៉ៃ​ខ្លះ​នៅ​អំឡុង​ពេល​ធ្វើ។ ចៀសវាង​ការ​ប្ដូរ​គោលដៅ យល់​ល្អ​គួរ​យក​ពេល​ទៅ​រៀប​ចំ​ផែនការ​ថ្មី​ដើម្បី​សម្រេច​គោលដៅ​នោះ​ម្ដង​ទៀត។

​ភ័យ​ខ្លាច​

ភាព​ភ័យ​ខ្លាច​គឺ​ជា​ហេតុ​ផល​មួយ​ក្នុង​ចំណោម​ហេតុផល​ធំ​ៗ​ដែល​អាច​ធ្វើឲ្យ​មនុស្ស​យើង​មិន​ហ៊ាន​ធ្វើ​អ្វី​តាម​ក្ដី​ស្រមៃ​របស់​ខ្លួន ឬ​ឆាប់​បោះបង់​អ្វី​ដែល​ខ្លួន​ពិត​ជា​ចង់​បាន​ក្នុង​ជីវិត។ ​ភ័យខ្លាច​ក្នុង​ការ​បរាជ័យ ​ភ័យ​ខ្លាច​ការ​បដិសេធ ឬ​សូម្បី​តែ​ការ​ភ័យខ្លាច​ភាព​ជោគជ័យ។

ដំណោះស្រាយ​៖ សួរ​ខ្លួន​ឯង​ថា​ខ្ញុំ​ពិត​ជា​ស្ថិត​ក្នុង​ស្ថានភាព​គ្រោះថ្នាក់​មែន​ឬ? ហើយ​មើល​បរាជ័យ​គឺ​ជា​មេរៀន​ដែល​ជួយ​អ្នក​ទៅ​ថ្ងៃ​ក្រោម។

ប្រៀបធៀប​ខ្លួន​ឯង​ជាមួយ​អ្នកដទៃ

ពេល​ដែល​អ្នក​មើល​ទៅ​កាន់​មនុស្ស​ជុំវិញ​ខ្លួន​ដែល​កំពុង​ធ្វើ​រឿង​ដូច​អ្នក ទទួល​បាន​ជោគជ័យ ពេល​នោះ​អ្នក​នឹង​ចាប់​ផ្ដើម​​ប្រៀបធៀប​គេ​ជាមួយ​នឹង​ខ្លួន​ឯង​ដោយ​វាយ​តម្លៃ​ខ្លួន​ឯង​ថា​មិន​ទាន់​ល្អ​គ្រប់​ ថែមទាំង​មាន​ការ​សង្ស័យ​នឹង​សមត្ថភាព​ខ្លួន​ឯង។

ដំណោះស្រាយ៖ គួរ​មាន​ចក្ខុវិស័យ​ច្បាស់លាស់​ចំពោះ​គោលដៅ​ខ្លួន ផ្ដោត​លើ​ការ​អភិវឌ្ឍន៍​ខ្លួន និង​ជំនួស​ឲ្យ​ការ​ប្រៀបធៀប​ជាមួយ​អ្នកដទៃ គួរ​តែ​ប្រៀបធៀប​ជា​មួយ​ខ្លួន​ឯង​កាល​ពី​ម្សិល​មិញ​ល្អ​ជាង។

គ្មាន​ផែនការ

មាន​គោលដៅ ឬ​ក្ដី​ស្រមៃ​តែ​គ្មាន​ផែនការ មិន​អាច​ធ្វើ​ឲ្យ​អ្នក​ទៅ​បាន​ឆ្ងាយ​ឡើយ។ ឧបមា​ថា​អ្នក​មាន​គោលដៅ​ចង់​ទៅ​ខេត្ត​សៀមរាប ប៉ុន្តែ​អ្នក​មិន​ស្គាល់​ផ្លូវ​ហើយ​ព្រមទាំង​គ្មាន​ផែនទី​ទៀត​។ សាក​គិត​ទៅ​មើល​ថា​អ្នក​អាច​ទៅ​ដល់​ខេត្ត​ក្នុង​ក្ដី​ស្រមៃ​មួយ​នេះ​ទេ។

ដំណោះស្រាយ៖ អ្នក​គួរ​តែ​មាន​ផែនការ​ច្បាស់​លាស់​មួយ​ដែល​មាន​កំណត់​ពេល​វេលា​នឹង​វិធី​ច្បាស់លាស់។

ជា​រួម​មក​​គ្មាន​អ្វី​ដែល​អាច​សម្រេច​បាន​ដោយ​ងាយ​នោះ​ទេ​ក្នុង​លោក​នេះ បើ​សិន​ជា​បំណង​ប្រាថ្នា​របស់​លោក​អ្នក​មិន​ទាន់​បាន​សម្រេច ឬ​វា​មិន​ទាន់​ជោគជ័យ​ដូច​ការ​រំពឹង​ទុក​សូម​កុំ​បោះ​បង់​។ បន្ត​ខិត​ខំ​ប្រឹងប្រែង និង​ព្យាយាម​ឲ្យ​អស់​ពី​លទ្ធភាព​ ថ្ងៃ​ណា​មួយ​ការ​ខិត​ខំ​ប្រឹង​ប្រែង​របស់​អ្នក​នឹង​ចេញ​ជា​លទ្ធផល​មិន​ខាន​ដរាប​អ្នក​មិន​បោះ​បង់ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​