សុខៗមានមនុស្សសួរសំណួរចាក់ដោត «ឥឡូវធាត់ម្ល៉េះ» គួរធ្វើបែបណា?

ជាការពិតទៅមិនមែនមនុស្សគ្រប់គ្នាដែលលើកយកសំណួរថា «ឥឡូវធាត់ម្ល៉េះ?» ទៅសួរអ្នកឯទៀតសុទ្ធសឹងតែឈ្លើយឬគ្មានសុជីវធម៌ឡើយ។ ពោលគឺអាចមានមូលហេតុច្រើនយ៉ាងដូច្នេះកុំទាន់ខឹងច្រឡោតភ្លាមៗមួយរំពេច ផ្ទុយទៅវិញត្រូវព្យាយាមសង្កេតមើលថាតើទឹកមុខកាយវិការនិងសម្លេងអ្នកដែលសួរមានលក្ខណៈបែបណា? មកក្នុងបំណងល្អឬអាក្រក់។ អ៊ីចឹងអ្នកអាចនឹងត្រៀមខ្លួនឆ្លើយតបទៅវិញដោយមានក្រមសីលធម៌បំផុត។

១. បារម្ភយកចិត្តទុកដាក់

ប្រសិនបើមនុស្សដែលមកសួរពិតជាបារម្ភនិងយកចិត្តទុកដាក់ចំពោះអ្នកមែនច្បាស់ណាស់គេនឹងព្យាយាមប្រើប្រាស់ពាក្យសមរម្យបំផុតធ្វើយ៉ាងណាមិនឲ្យប៉ះពាល់ដល់អារម្មណ៍ឡើយ។ ជាពិសេសគេនឹងរកកន្លែងណាស្ងាត់ៗនិយាយតែពីរនាក់ដើម្បីកុំឲ្យអ្នកមានអារម្មណ៍ខ្មាស់អៀនមនុស្សជុំវិញ។ មួយវិញទៀតគេមិនសួរនាំរបៀបអូសបន្លាយស៊ាំត្រប៉ែបែបឌឺដងឡើយគឺសួរម៉ាត់ៗតែមិនឈ្លើយនិងប្រាប់ពីហេតុផលមួយ ពីរ ដើម្បីឲ្យអ្នកយល់ពីបំណងរបស់គេ។ ដូចនេះ​ហើយកុំភ្លេចឆ្លើយតបថា៖ អរគុណខ្ញុំនឹងខិតខំប្រឹងប្រែងតាមដានគីឡូរបស់ខ្លួនដើម្បីសុខភាព។

២. ចង់វាយប្រហារផ្លូវអារម្មណ៍

មនុស្សជាច្រើនចាត់ទុករូបសម្រស់ជារឿងសំខាន់ខ្លាំងប្រសិនបើមាននរណាមកនិយាយមិនល្អនឹងធ្វើឲ្យអារម្មណ៍ល្អក់កករភ្លាមៗតែម្ដង។ អ៊ីចឹងហើយទើបជនឆ្លៀតឱកាសមួយចំនួនដែលមិនចូលចិត្តអ្នកប្រើវិធីស្មោគគ្រោកនេះមកវាយប្រហារទឹកចិត្តរបស់អ្នក ដោយព្យាយាមដេញតាមសួរនាំដើម្បីឲ្យអ្នកមានអារម្មណ៍ឥតបានការស្អប់ខ្លួនឯង ភ័យខ្លាចមិនហ៊ានប្រឈមមុខជាមួយមនុស្សជុំវិញ។ កុំចុះចាញ់នឹងពាក្យសម្ដីអត់ប្រយោជន៍របស់មនុស្សធន់ៗហ្នឹងមិនសមឲ្យអ្នកទៅចំណាយពេលឈឺចាប់ជាមួយឡើយ។​ អ្នកគ្រាន់តែញញឹមជាការឆ្លើយតបនិងបង្ហាញទឹកមុខអាណិតអាសូរពួកគេដែលទំនេរមិនចេះហត់តាមចាក់ តាមព្យាបាទអ្នកគ្រប់ពេលវេលាទៅជាការស្រេច។

៣. ចង់បង្ហាញថាខ្លួនស្អាតជាង

មនុស្សខ្លះកើតមកមានសំណាងបានរាងស្រឡូនស្អាតក៏ចេះតែមានកូនចិត្តមួយគិតថាខ្លួនពិសេសនិងស្អាតជាងគេ។ នៅពេលដែលឃើញអ្នកផ្សេងមានមាឌធាត់ទ្រាំមិនបានចេះតែសួរបញ្ឈឺជាន់អ្នកដទៃច្រំដែលៗដើម្បីចង់បង្អួតឬបង្ហាញថាខ្លួនអស្ចារ្យជាង។ គិតៗទៅគ្មាននរណាបង្កើតច្បាប់ថាទាល់តែស្គមទើបស្អាតផងអ៊ីចឹងហើយហេតុអ្វីអ្នកត្រូវឈឺចាប់នឹងពាក្យសម្ដីរបស់មនុស្សចង់ផ្ចាញ់ផ្ចាល់អ្នក?

អ្នកស្គមស្អាតបែបអ្នក ខ្ញុំធាត់ស្អាតបែបខ្ញុំ ហិហិតែប៉ុណ្ណឹងចប់។

៤. អត្ដចរិតពីកំណើត

អ្នកខ្លះមិនមែនមានបំណងអាក្រក់អ្វីឡើយប៉ុន្ដែអត្ដចរិតពីកំណើតជាមនុស្សមាត់រអិលនិយាយស្ដីមិនសូវគិតបានគ្រប់ជ្រុងជ្រោយមុននិយាយដូច្នេះពាក្យសម្ដីតែងតែប៉ះពាល់ដល់មនុស្សជុំវិញ។ អាចនិយាយបានថាជាមនុស្សឃើញអ្វីនិយាយហ្នឹងមិនសូវចេះបត់បែន។ អ៊ីចឹងហើយបើកចិត្តទូលាយកុំប្រកាន់ទោសចំពោះមនុស្សទាំងនោះអីព្រោះធម្មជាតិបង្កើតពួកគេមកបានតែប៉ុណ្ណឹង នៅពេលគេនិយាយចប់ដើរចេញទៅបានហើយ។

ចាំណា ប្រិយមិត្ត កុំឲ្យពាក្យសម្ដីមើលងាយរបស់អ្នកដទៃផ្ដួលអ្នកបានឲ្យសោះរឹងមាំឡើង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​