បើ​មាន​ ៦​ចំណុច​នេះ មាន​ន័យ​ថា​អ្នក​​ជា​មនុស្ស​ដែល​មាន​សមត្ថភាព​ផ្លូវ​អារម្មណ៍​ខ្ពស់ហើយ​ (EQ)

អ្នក​ប្រហែល​ជា​ធ្លាប់​បាន​ឮ​ពាក្យ EQ ឬ​យ៉ាង​ហោច​ណាស់ IQ។ EQ និង​IQ​គឺ​មាន​ការ​ពាក់ព័ន្ធ​យ៉ាង​ខ្លាំង​ក្នុង​ការ​រស់​នៅ​ប្រចាំថ្ងៃ​របស់​យើង​។ យ៉ាង​ណា​មិញ​ការ​សិក្សា​ស្រាវជ្រាវ​មួយ​ដែល​ចំណាយ​ពេល​អស់​រយៈ១ទសវត្ស​បាន​បង្ហាញ​ថា​មនុស្ស​ដែល​មាន​សមត្ថភាព​ក្នុង​ការ​ធ្វើ​ការ​ខ្ពស់​៩០​ភាគ​រយ​ជា​មនុស្ស​ដែល​មាន​ EQ ខ្ពស់។ តើ EQ គឺ​ជា​អ្វី​ហេតុ​អ្វី​វា​មាន​សារសំខាន់​ក្នុង​ការ​រស់​នៅ​របស់​យើង​ម្ល៉េះ។

EQ គឺ​ជា​សមត្ថភាព​ខាង​ផ្នែក​ផ្លូវ​អារម្មណ៍​ដែល​សំដៅ​ទៅលើ​សមត្ថភាព​ក្នុង​ការ​គ្រប់​គ្រង​អារម្មណ៍​របស់​ខ្លួន និង​ការ​យល់​ពី​អារម្មណ៍​របស់​អ្នក​ដទៃ​ជាដើម។ EQ មាន​សារៈសំខាន់​ខ្លាំង​ណាស់​នៅ​ក្នុង​ការ​ដឹកនាំ​ដែល​មាន​ដូចជា៖សមត្ថភាព​ក្នុង​ការ​លើក​ទឹក​ចិត្ត​អ្នក​ដទៃ ការ​យល់​ពី​អ្នក​ដទៃ ការ​យល់​ពី​ខ្លួន​ឯង សមត្ថភាព​ក្នុង​ការ​គ្រប់​គ្រង​អារម្មណ៍​ខ្លួន​ឯង និង​ជំនាញ​សង្គម។ ខាង​ក្រោម​នេះ​គឺ​ជា​ចំណុច​មួយ​ចំនួន​ដែល​បង្ហាញ​ថា​អ្នក​គឺ​ជា​មនុស្ស​ដែល​មាន​ EQ ខ្ពស់។

ចូល​ចិត្ត​ជួយ​អ្នក​ដទៃ

ពួកគេ​មាន​សមត្ថភាព​ក្នុង​ការ​ធ្វើ​ឲ្យ​អ្នក​ដទៃ​មាន​អារម្មណ៍​ថា​គួរ​ឲ្យ​ទុក​ចិត្ត​បាន​ និង​អាច​ប្រាប់​ពី​ទុក្ខ​លំបាក​ផ្សេងៗ​ទៅ​កាន់​ពួក​គេ។ ពួកគេ​ចូល​ចិត្ត​ស្ដាប់​ពី​បញ្ហា​របស់​អ្នក​ដទៃ​ហើយ​ជួយ​ផ្ដល់​យោបល់​ល្អ​ៗ​ទៅ​កាន់​ពួក​គេ។ ពួកគេ​ក៏​ចូល​ចិត្ត​ផ្សារភ្ជាប់​ទំនាក់ទំនង​ជាមួយ​អ្នក​ដទៃ មិនថា​មិត្តភ័ក្ដិ ក្រុម​គ្រួសារ ឬ​សូម្បី​តែ​មនុស្ស​មិន​ដែល​ស្គាល់​គ្នា ពួកគេ​នឹង​អង្គុយ​ស្ដាប់​អ្នក​មិន​ដែល​ស្គាល់​គ្នា​និយាយ​ពី​ដំណើរ​ជីវិត​របស់​បុគ្គល​នោះ​ទៀត​ផង។

ដឹង​ពី​ភាព​ខ្លាំង​ និង​ភាព​ខ្សោយ​របស់​ខ្លួន​ឯង

មនុស្ស​ដែល​មាន​សមត្ថភាព​ខាង​ផ្នែក​ផ្លូវ​អារម្មណ៍​ខ្ពស់​ដឹង​ពី​អ្វី​ដែល​ពួក​គេ​ពូកែ និង​អ្វី​ដែល​ពួក​គេ​មិន​ពូកែ។ ពួក​គេ​ថែម​ទាំង​ដឹង​ពី​កត្តា​ពាក់ព័ន្ធ​ក្នុង​ការ​ធ្វើ​រឿង​មួយ​ឲ្យ​បាន​ជោគជ័យ​ថែម​ទៀត​ផង។ មនុស្ស​ដែល​មាន EQ ខ្ពស់​យល់​ពី​របៀប​ក្នុង​ការ​ប្រើ​ប្រាស់​ភាព​ខ្លាំង​របស់​ពួក​គេ​ដើម្បី​​ទាញ​វា​ចេញ​ជា​ប្រយោជន៍​សម្រាប់​ជីវិត​ពួក​គេ។

ពួក​គេ​ចង់​ដឹង​ចង់​ឮ​ពី​អ្នក​ដទៃ

ពួក​គេ​ចំណាំ​គ្រប់យ៉ាង​ រាប់​តាំង​ពី​ភាព​ស្ទាក់ស្ទើរ​របស់​អ្នក​ដទៃ​មុន​ពេល​និយាយ។ ពួកគេ​យល់​ពី​ស្ថានភាព​របស់​អ្នក​ដទៃ​តាម​រយៈ​ការ​យក​ចិត្ត​ទុក​ដាក់​ និង​សង្កេត​ពេល​នៅ​ជា​មួយ​អ្នក​នោះ។ ពួកគេ​លើក​ទឹក​ចិត្ត និង​តែង​តែ​ចង់​ដឹង​ចង់​ឮ​រឿង​គ្រប់​យ៉ាង​ពី​មនុស្ស​ដែល​គេ​ស្រលាញ់។

ពួក​គេ​ពូកែ​មើល​មនុស្ស

មនុស្ស​ដែល​មាន​សមត្ថភាព​ខាង​ផ្នែក​ផ្លូវ​អារម្មណ៍​ខ្ពស់​ភាគ​ច្រើន​ជា​មនុស្ស​ដែល​យល់​ពី​សង្គម។ ដោយសារ​ពួកគេ​ចូល​ក្នុង​សង្គម​ច្រើន​ទើប​ធ្វើ​ឲ្យ​ពួកគេ​មាន​សមត្ថភាព​ក្នុង​ការ​មើល​មនុស្ស​ ពួកគេ​ដឹង​ពី​មនុស្ស​នោះ និង​ថែមទាំង​ដឹង​ពី​អ្វី​ដែល​ពួកគេ​ធ្លាប់​ឆ្លង​កាត់។

ពួកគេ​ពេញ​ចិត្ត​ចំពោះ​អ្វី​ដែល​ពួកគេ​មាន

ប្រសិន​បើ​អ្នក​ជា​មនុស្ស​ដែល​ងប់ងុល​នឹង​អ្វី​ដែល​អ្នក​មិន​ទាន់​មាន​ អ្នក​ប្រហែល​ជា​មិន​ទាន់​មាន​ EQ ខ្ពស់​នៅ​ឡើយ។ មនុស្ស​ដែល​មាន​សមត្ថភាព​ខាង​ផ្នែក​ផ្លូវ​អារម្មណ៍​ខ្ពស់​ជា​មនុស្ស​ដែល​ពេញ​ចិត្ត​នូវ​អ្វី​ដែល​ពួកគេ​មាន។ ពួកគេ​មាន​គោលដៅ​ដូច​អ្នកដទៃ​ដែរ​ ប៉ុន្តែ​ពួកគេ​ដាក់ខ្លួន​ និង​រស់នៅ​ក្នុង​ស្ថានភាព​ជាក់ស្ដែង។

ពួកគេ​មិន​អនុញ្ញាត​ឲ្យ​នរណា​ម្នាក់​មក​កំណត់​ក្ដី​សុខ​របស់​ពួកគេ​ទេ

មនុស្ស​ដែល​មាន​ EQ ខ្ពស់​មិន​អនុញ្ញាត​ឲ្យ​នរណា​ម្នាក់​មក​សម្រេច​ក្ដី​សុខ​របស់​គេ​ឡើយ​។ នៅ​ពេល​ដែល​ពួក​គេ​ពេញ​ចិត្ត​ក្នុង​ការ​ធ្វើ​អ្វី​មួយ​ ពួកគេ​នឹង​ធ្វើ​វា​ដោយ​មិន​ខ្វល់​ថា​អ្នក​ដទៃ​ថា​យ៉ាង​ម៉េច​ឡើយ។ ពួកគេ​មិន​ខ្វល់​ពី​ការ​គិត​របស់​អ្នក​ដទៃ​ទៅ​លើ​ពួក​គេ​ឡើយ​ ព្រោះ​ពួក​គេ​យល់​តម្លៃ​នៃ​ខ្លួនឯង​ច្បាស់ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​