លោកគ្រូសាន សុជា និងគូដណ្ដឹងអ្នកនាង ឡៅ ដានេ បានចូលរោងមង្គលរៀបអាពាហ៍ពិពាហ៍កាលពីថ្ងៃទី០៥ ខែវិច្ឆិកា ឆ្នាំ២០២៣ កន្លងទៅថ្មីៗនេះ នៅសាលមង្គល លំដាប់ថ្មី ផ្លូវក្រវាត់ក្រុង ភូមិក្រសាំង សង្កាត់ជ្រាវ ក្រុងសៀមរាប ខេត្តសៀមរាប។ ពីធីមង្គលការនេះបានរៀបចំឡើងយ៉ាងអធឹកអធម មានភ្ញៀវកិត្តិយសចូលរួមមិនតិចជាង ១០០តុឡើយ អ្វីដែលគួរឱ្យចាប់អារម្មណ៍នោះ គឺវត្តមានព្រះសង្ឃជាច្រើនអង្គ មានទាំងព្រះតេជគុណ គូ សុភាព ព្រះតេជគុណ ហាក់ សៀងហៃ ក៏បាននិមន្តចូលរួម ដើម្បីសម្ដែងធម្មទេសនានាថ្ងៃនោះដែរ។
តាមប្រភពពីទំព័រហ្វេសប៊ុកផេក ពន្លឺព្រះពុទ្ធសាសនា និងសង្គម បានឱ្យដឹងថា ចំណងដៃដែលលោកគ្រូ សាន សុជា ទទួលបានពីភ្ញៀវកិត្តិយសថ្ងៃមង្គលការ បានធ្វើការបរិច្ចាគទៅដល់សង្គមជាច្រើនចំណែក អស់ប្រមាណជិត ១ម៉ឺនដុល្លារ។ ក្នុងនោះរួមមាន៖
១. ឧបត្ថម្ភមន្ទីរពេទ្យគន្ធរបុប្ផា ១០លានរៀល
២. ឧបត្ថម្ភមន្ទីរពេទ្យកុមារអង្គរ ១០លានរៀល
៣. ឧបត្ថម្ភគ្រូបង្រៀនវត្តមណីរ័ត្ន ១០០០$ (មួយពាន់ដុល្លា)
៤. ឧបត្ថម្ភអង្គការកុមារកម្ពុជាអូស្រ្តាលី ៥០០$ (ប្រាំរយដុល្លា)
៥. ឧបត្ថម្ភមេភូមិចាក់ដីធ្វេីផ្លូវ ៣០០$ (បីរយដុល្លា)
៦. ឧបត្ថម្ភសាលាហ៊ុនសែនប្រាសាទបាគងសម្រាប់ទិញទូរទស្សន៍បញ្ចាំងslid ៨០០$ (ប្រាំបីរយដុល្លា)
៧. ឧបត្ថម្ភកុមារកំព្រា ៥០០$ (ប្រាំរយដុល្លា)
៨. ឧបត្ថម្ភសាលាឃុំមានជ័យ ៥០០$ (ប្រាំរយដុល្លា) សម្រាប់ទិញComputer