ហាត់ប្រាណហើយ កុំភ្លេចហាត់ផ្លូវចិត្តផង! Emotional Fitness បង្វឹកសុខភាពផ្លូវចិត្ត ឱ្យរឹងមាំដូចសាច់ដុំ

ពេលដែលយើងចង់បានរាងកាយរឹងមាំ យើងតែងតែជ្រើសរើសហូបអាហារល្អៗ និងចូលហាត់ប្រាណ តាំងតែពីរាងកាយនៅដំណើរការល្អ មិនមានបញ្ហាអ្វី។ ប៉ុន្តែពេលនិយាយពីសុខភាពផ្លូវចិត្តវិញ យើងបែរជាជ្រើសរើសធ្វើផ្ទុយគ្នាទៅវិញ។ ពោល គឺរង់ចាំដល់តែមានបញ្ហា ដូចជាអស់កម្លាំងចិត្ត ឬតានតឹងជាមុនសិន ទើបប្រញាប់ទៅរកវិធីដោះស្រាយ។

Dr. Emily Anhalt សហស្ថាបនិករបស់ Coa ដែលជាកន្លែងហ្វឹកហាត់សុខភាពផ្លូវចិត្តទី ១ លើពិភពលោក មានគោលបំណងចង់ឱ្យយើងគ្រប់គ្នាផ្លាស់ប្ដូរនូវទស្សនៈនេះឡើងវិញ។ អ្នកជំនាញចិត្តសាស្ត្ររូបនេះ បានលើកឡើងថា យើងតែងតែគិតថា មនុស្សដែលមិនមានជំងឺផ្លូវចិត្ត គឺសុទ្ធសឹងតែជាមនុស្សដែលមានសុខភាពផ្លូវចិត្តល្អឥតខ្ចោះតែម្ដង ក៏ប៉ុន្តែការពិតជាក់ស្ដែងមិនដូច្នេះទេ ស្ថានភាពផ្លូវចិត្តរបស់មនុស្សភាគច្រើន គឺស្ថិតនៅចន្លោះកណ្ដាលនៃស្ថានភាពទាំងពីរនេះ។

នោះហើយជាមូលហេតុដែលយើងត្រូវងាកមកថែទាំសុខភាពផ្លូវចិត្ត ដែលប្រៀបដូចជាការដែលយើងចូលទៅកន្លែងហាត់ប្រាណដើម្បីហ្វឹកហាត់រាងកាយឱ្យរឹងមាំ និងអាចបត់បែនបានដូច្នេះដែរ។ Emotional Fitness នឹងជួយឱ្យយើងអាចបង្កើតប្រព័ន្ធការពារភាពតានតឹង និងសម្ពាធផ្សេងៗ មុនពេលដែលអ្វីៗហួសពេល។

ភាពរឹងមាំខាងផ្លូវចិត្ត មិនមែនជាទេពកោល្យពីធម្មជាតិទេប៉ុន្តែជាជំនាញដែលអាចហ្វឹកហាត់បាន

មនុស្សជាច្រើនអាចយល់ច្រឡំថា អ្នកដែលអាចទប់ទល់នឹងភាពតានតឹងបានល្អ គឺដោយសារតែពួកគេជាមនុស្សរឹងមាំតាំងពីកំណើត។ ប៉ុន្តែក្នុងវិទ្យាសាស្ត្រ និងចិត្តសាស្ត្រ ភាពរឹងមាំផ្នែកផ្លូវចិត្តនេះ គឺជាជំនាញដែលអាចរៀនសូត្រ និងហ្វឹកហាត់បាន មិនខុសពីការហ្វឹកហាត់យកសាច់ដុំនោះទេ។

Dr. Emily Anhalt បានសិក្សា ដោយសម្ភាសអ្នកចិត្តសាស្ត្រ និងម្ចាស់អាជីវកម្មជាង ២០០ នាក់ ដើម្បីរកចម្លើយថា តើមនុស្សដែលមានសុខភាពផ្លូវចិត្តរឹងមាំល្អឥតខ្ចោះមានលក្ខណៈបែបណា? តាមការសិក្សានេះ អាចឱ្យ Dr. Emily Anhalt ឈានដល់ការសន្និដ្ឋានចេញមកជា ៧ ចំណុចសំខាន់ៗ ដែលហៅថា 7 Traits of Emotional Fitness ដែលជួយអភិវឌ្ឍខួរក្បាល និងការគិតរបស់យើងឱ្យរឹងមាំឡើង។

១. Self-Awareness

Self-Awareness ឬការស្គាល់ខ្លួនឯង គឺជាសសរគ្រឹះសំខាន់បំផុតនៃសុខភាពផ្លូវចិត្ត។ អ្វីដែលយើងអាចធ្វើបាននោះ គឺការសង្កេត ពិចារណាលើគំនិត និងអារម្មណ៍របស់ខ្លួនជាប្រចាំ ដើម្បីដឹងថា ចំណុចណាខ្លះជាចំណុចរសើប ចំណុចណាខ្លះដែលងាយនឹងធ្វើឱ្យអារម្មណ៍របស់អ្នកមានប្រតិកម្ម និងចំណុចណាខ្លះដែលជាភាពខ្លាំងរបស់អ្នក។

២. Empathy

ហ្វឹកហាត់យកខ្លួនឯងទៅឈរនៅចំណុចរបស់អ្នកដទៃ ដើម្បីមានអារម្មណ៍ដូចអ្វីដែលមនុស្សម្នាក់នោះកំពុងជួបប្រទះ។ Dr. Emily Anhalt បានពន្យល់ថា ជាទូទៅយើងយល់ពីស្ថានភាពរបស់អ្នកដទៃតាមរយៈតែខួរក្បាលប៉ុណ្ណោះ ប៉ុន្តែមិនបានមានអារម្មណ៍រួមនឹងបុគ្គលនោះទេ។ ការណ៍នេះបានត្រឹមតែធ្វើឱ្យយើងអាណិតអាសូរ (Sympathy) មិនមែនជាការយល់ចិត្ត (Empathy) ឡើយ។

បើយើងចង់យល់ពីអ្នកដទៃបានល្អ យើងត្រូវចាប់ផ្តើមពីការហ៊ានប្រឈមមុខ និងទទួលយកអារម្មណ៍សោកសៅ ឬខឹងរបស់ខ្លួនឯងឱ្យបានជាមុនសិន។

៣. Mindfulness

ការអាចរក្សាស្មារតី និងអារម្មណ៍នៅចំពោះមុខហេតុការណ៍ជាក់ស្ដែង គឺជាដំណើរការមួយដែលជួយឱ្យអ្នកអាចរស់នៅជាមួយនឹងភាពមិនស្រណុកខាងផ្លូវអារម្មណ៍បានល្អជាងមុន។

សមត្ថភាពនេះនឹងជួយឱ្យអ្នកអាចអង្គុយពិភាក្សារឿងដែលស្មុគស្មាញ ឬអង្គុយដោះស្រាយបញ្ហាក្នុងស្ថានភាពដែលមានសម្ពាធបាន ដោយមិនព្យាយាមរត់គេច បោះបង់ ឬព្យាយាមបង្វែរអារម្មណ៍តានតឹង ដោយសកម្មភាពអវិជ្ជមានដូចជា ការទទួលទានគ្រឿងស្រវឹងជាដើម។

៤. Curiosity

នៅពេលដែលមាននរណាម្នាក់មករិះគន់ ឬស្ដីបន្ទោស សភាវគតិរបស់យើងតែងតែប្រញាប់ដោះសា ឬនិយាយការពារខ្លួនឯងវិញភ្លាមៗ។ ប៉ុន្តែអ្នកដែលមានផ្លូវចិត្តរឹងមាំនឹងប្រើប្រាស់ Curiosity ដែលជាការចង់ដឹងចង់ឮមកនាំផ្លូវ តាមរយៈការសួរត្រឡប់ឱ្យបុគ្គលម្នាក់ទៀតពន្យល់បន្ថែមពីបញ្ហា ដើម្បីទទួលយកព័ត៌មាន និងមើលបញ្ហាពីជ្រុងម្ខាងទៀត។

៥. Playfulness

ជីវិតមិនមែនត្រូវតែនឹងធឹង និងហ្មត់ចត់គ្រប់ពេលទេ។ ការចេះលេងសើចខ្លះ ក្នុងជីវិតប្រចាំថ្ងៃ នឹងជួយជំរុញដល់គំនិតច្នៃប្រតិដ្ឋ និងកាត់បន្ថយការថប់បារម្ភបានយ៉ាងល្អ។ ជាងនេះទៅទៀត ការសិក្សាក៏បានរកឃើញថា មនុស្សដែលលេងសើច ឬសប្បាយរីករាយជាប្រចាំ នឹងមានអាយុវែងជាងអ្នកផ្សេងទៀត។

៦. Resilience

ការចេះបត់បែនផ្លូវចិត្ត ឬ Resilience ដោយអាចងើបឡើងវិញ និងបោះជំហានទៅមុខបន្ត បន្ទាប់ពីជួបភាពបរាជ័យ ឬកំហុសឆ្គង ហើយចេះរៀនសូត្រពីបញ្ហានោះដើម្បីរីកចម្រើនទៅមុខ វាជារឿងដែលយើងត្រូវតែមាន។

៧. Communication

សមត្ថភាពក្នុងការរៀបរៀង និងនិយាយប្រាប់ពីតម្រូវការ អារម្មណ៍ ឬការរំពឹងទុករបស់ខ្លួនឯងឱ្យមនុស្សជុំវិញខ្លួនយល់បានយល់យ៉ាងសមរម្យ ដោយមិនប្រើអារម្មណ៍ ឬកំហឹងនាំមុខ ក៏ជារឿងសំខាន់ដូចគ្នា៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *