អាហារ ៦ មុខប្រឆាំងភាពចាស់ អ្នកមានអាយុចាប់ពី ៣០ ឆ្នាំញ៉ាំច្រើនកាន់តែល្អ

ការជ្រើសរើសរបបអាហារមិនត្រឹមតែជួយឱ្យរាងកាយទាំងមូលមានរឹងមាំនោះទេ ប៉ុន្តែអត្ថប្រយោជន៍នៃការជ្រើសរើសអាហារសុខភាពក៏អាចជួយចិញ្ចឹមស្បែកឱ្យមានសំណើម កាត់បន្ថយស្នាមជាំ ស្នាមអុជខ្មៅ ស្នាមក្រហម និងស្នាមជ្រីវជ្រួញជាដើម។ ដូច្នេះថ្ងៃនេះយើងនឹងចែករំលែកនូវអាហារ ៦ មុខដែលអាចជួយប្រឆាំងភាពចាស់ ជាពិសេសអ្នកមានអាយុពី ៣០ ឆ្នាំឡើងទៅញ៉ាំកាន់តែច្រើន កាន់តែល្អ៖

១. ត្រីសាលម៉ុន

ត្រីសាលម៉ុនសម្បូរទៅដោយអាស៊ីតខ្លាញ់អូមេហ្គា ៣ ដែលជួយប្រឆាំងអុកស៊ីតកម្ម ការរលាក និងធ្វើឱ្យស្បែកមានសុខភាព។ តាមការសិក្សាបានបង្ហាញថាអាស៊ីតខ្លាញ់អូមេហ្គា ៣ នៅក្នុងត្រីសាលម៉ុនក៏អាចជួយការពារស្បែកពីការបាត់បង់ខូឡាជែន និងកាត់បន្ថយហានិភ័យនៃជំងឺមហារីកស្បែកដែលបណ្តាលមកពីពន្លឺកាំរស្មី UV ផងដែរ។

២.​ ស៊ុត

ស៊ុតគឺជាប្រភពប្រូតេអ៊ីនដែលល្អសម្រាប់ស្បែក។ យោងតាមការស្រាវជ្រាវ អ្នកដែលញ៉ាំប្រូតេអ៊ីនតិចគឺងាយនឹងឡើងស្នាមជ្រួញ។ ប្រូតេអ៊ីនបានមកពីអាហារនឹងជួយជំរុញឱ្យរាងកាយផលិតខូឡាជែន និងអេឡាស្ទីនដែលជាគន្លឹះក្នុងការថែទាំស្បែកឱ្យមានភាពរឹងមាំ និងទន់រលោង។ មិនតែប៉ុណ្ណោះ វីតាមីន A ក្នុងស៊ុតក៏ជាសារធាតុចិញ្ចឹមមួយដ៏សំខាន់សម្រាប់ស្បែកដែលអាចជួយកាត់បន្ថយស្នាមមុន ភាពស្ងួត និងស្នាមជ្រីវជ្រួញផងដែរ ខណៈសារធាតុផ្សេងៗដូចជាបាយអូទីនដែលល្អសម្រាប់ការលូតលាស់សក់ និង choline ល្អសម្រាប់មុខងារខួរក្បាល។

៣. តៅហ៊ូ

តៅហ៊ូត្រូវបានផលិតចេញពីសណ្តែកសៀងដែលមានប្រយោជន៍ច្រើនសម្រាប់ស្បែក។ ជាពិសេសសម្រាប់មនុស្សស្រីដែលមានបញ្ហារដូវព្រោះកម្រិតអរម៉ូនអ៊ឹស្ត្រូសែននឹងធ្លាក់ចុះយ៉ាងឆាប់រហ័ស ហើយជះឥទ្ធិពលយ៉ាងខ្លាំងលើស្បែក។ ការធ្លាក់ចុះនៃអរម៉ូនអឹស្រ្តូសែននឹងធ្វើឱ្យស្បែកយារធ្លាក់ ស្នាមជ្រីវជ្រួញ និងស្នាមអុចខ្មៅលេចឡើងកាន់តែច្បាស់។ ដូច្នេះញ៉ាំតៅហ៊ូ​គឺជួយគ្រប់គ្រងអរម៉ូន និងកាត់បន្ថយឥទ្ធិពលមិនល្អនៃការអស់រដូវលើស្បែក។

៤. ប៉េងប៉ោះ

ប៉េងប៉ោះគឺជាប្រភពនៃលីកូពីនជាសារធាតុចិញ្ចឹមដ៏មានឥទ្ធិពលដែលជួយគ្រប់គ្រងកម្រិតសំណើមនៅក្នុងកោសិការាងកាយ ប្រឆាំងការរលាក ធ្វើឱ្យស្បែកភ្លឺថ្លា និងកាត់បន្ថយការរមាស់ក្រហមផងដែរ។ ការទទួលទានផ្លែប៉េងប៉ោះក៏អាច​ជួយ​ឱ្យ​ស្បែក​ទន់​រលោង បង្កើន​ភាព​យឺត និង​ជួយ​កាត់​បន្ថយ​សារជាតិ​ពណ៌​ខ្មៅលើស្បែក​បានដែរ។ ក្រៅ​ពីអាចប្រឆាំងភាពចាស់ ប៉េងប៉ោះ​ក៏​មាន​អត្ថប្រយោជន៍​សុខភាព​ដូចជាអាចកាត់បន្ថយហានិភ័យនៃជំងឺមហារីកមួយចំនួនជាដើម។

៥. ផ្លែក្រូច

ផ្លែក្រូចគ្រប់ប្រភេទសុទ្ធតែជាប្រភពនៃវីតាមីន C ដែលមានកំហាប់ខ្ពស់អាចបង្កើនសមត្ថភាពរបស់រាងកាយក្នុងការផលិតខូឡាជែនបានយ៉ាងល្អ។ លើសពីនេះទៅទៀត វីតាមីន C គឺជាសារធាតុប្រឆាំងអុកស៊ីតកម្មដ៏ខ្លាំងក្លាអាចជួយការពាររ៉ាឌីកាល់សេរីដែលបំផ្លាញស្បែក និងជួយឱ្យស្បែកកាន់តែមានភាពស្រស់ស្អាត រួមទាំងសុខភាពល្អផងដែរ។

៦. ការ៉ុត

ការ៉ុតសម្បូរទៅដោយសារធាតុប្រឆាំងអុកស៊ីតកម្មហៅថាបេតាការ៉ូទីនដែលជាសារធាតុមួយនៅក្នុងក្រុមវីតាមីន A។ នៅពេលយើងទទួលទានបេតាការ៉ូទីន រាងកាយរនឹងបំប្លែងវាទៅជាវីតាមីន A ហើយបញ្ជូនវាទៅផ្ទៃស្បែកដែលអាចសារធាតុប្រឆាំងអុកស៊ីតកម្ម និងកាត់បន្ថយការរលាកផ្សេងៗ។ បន្ថែមលើនេះការ៉ុតក៏មានអត្ថប្រយោជន៍ល្អសម្រាប់សុខភាពភ្នែក និងមុខងារខួរក្បាលទាក់ទងនឹងការចងចាំផងដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​