ថ្មីៗនេះថៅកែស្រីវ័យក្មេងដែលជាម្ចាស់ផលិតផលថែរក្សាសម្រស់ ហើយក៏ជាអ្នកផលិតមាតិកាល្បីឈ្មោះ ពេជ្រ ពិសី និងគូដណ្ដឹងដឹកដៃគ្នាទៅលឈុតរៀបការ ត្រៀមសម្រាប់ថ្ងៃពិសេសនៃអ្នកទាំង ២។ អ្នកគាំទ្រឃើញហើយ ក៏បានជូនពរជាហូរហែ អបអរថ្ងៃជយមង្គលដែលឈានមកដល់ក្នុងពេលឆាប់ៗខាងមុខនេះ។


បណ្ដុំរូបភាពរបស់គូស្នេហ៍អ្នកផលិតមាតិកាក្នុងស្រុក ពេជ្រ ពិសី កំពុងចែកចាយពេញបណ្ដាញសង្គមពីសំណាក់អ្នកគាំទ្រ។ អ្នកទាំង ២ បានកសាងមុខរបរមួយរួមគ្នាដោយបើកហាងលក់ផលិតផលថែសម្រស់បន្ថែមពីលើការបង្កើតមាតិកាចែកចាយលើបណ្ដាញសង្គម។ ជាមួយគ្នានេះដែរ អ្នកទាំង២ ក៏ទើបតែសម្រេចបំណងប្រាថ្នាធំៗដោយបានទិញផ្ទះ និងឡានក្នុងក្ដីស្រមៃផងដែរ។






ដោយឡែក ម្សិលមិញនេះម្ចាស់ប្រេនផលិតផលសម្រស់និងគូរដណ្ដឹងបាននាំគ្នាទៅលឈុតបុរាណច្រើនឈុតត្រៀមសម្រាប់ថ្ងៃពិសេសដែលខិតជិតមកដល់។ រីឯសម្អាងការដែលអ្នកទាំងពីរសម្រេចជ្រើសរើសត្រូវបានមហាជនដឹងថាជាហាងរបស់ម្ដាយបង្កើតអ្នកផលិតមាតិកាសម្រស់ ជា ស្រីនា ដែលមានឈ្មោះថាប្រណិតនារី សម្អាងការ។ ប្រមាណជា ១ខែមុនអ្នកទាំងពីរបានទៅប្រឹក្សាយោបល់ដោយផ្ទាល់ជាមួយអ្នកនាង សុភក្រ កុសុម៉ា ដើម្បីរៀបចំក្រុមតន្ត្រីជូនពួកគេក្នុងថ្ងៃអាពាហ៍ពិពាហ៍៕
រូបភាព ៖ FB Pich Pisey























Account
Security
Favourite Content