រូបថតក្នុងឈុតកូនក្រមុំពណ៌សរបស់តារាបង្ហាញម៉ូត និងសម្ដែង ថៃ នារីសុជាតា ហៅ ហ្វីយ៉ាតា បានកំពុងធ្វើឱ្យបណ្ដាអ្នកគាំទ្រស្រីស្រស់រូបនេះមានមន្ទិលសង្ស័យថា ជារូបថត Pre-wedding និងបុរសជាគូស្នេហ៍ ហាក់ឱ្យតម្រុយថាអ្នកទាំងពីរត្រៀមចូលរោងការឆាប់ៗ។

យ៉ាងណាមិញ ម្សិលមិញនេះតារាសម្ដែងសិចស៊ី ហ្វីយ៉ាតា បានបង្ហោះរូបភាពក្នុងឈុតកូនក្រមុំជាច្រើនសន្លឹកភ្ជាប់ជាមួយខេបស៊ិន «Stay tuned…. Soon….» នៅលើផេកផ្លូវការរបស់អ្នកនាង។ តាមរយៈរូបថតច្រើនសន្លឹកទាំងនេះបានធ្វើឱ្យបណ្ដាអ្នកដែលនិយមគាំទ្រអ្នកនាងមិនដាក់ការសង្ស័យមិនបាននោះទេ ខណៈរូបថតដែលបានបង្ហាញនោះជារូបថតក្នុងឈុតរ៉ូបកូនក្រមុំពណ៌ស ថែមទាំងមានវត្តមានកូនកំលោះដែលត្រូវបានដាក់ Blur មិនសូវឱ្យឃើញមុខច្បាស់។ តែទោះជាយ៉ាងនេះ ហ្វេនៗដែលបានដាក់ការសង្ស័យថាអ្នកនាង និងគូស្នេហ៍ថាអាចត្រៀមចូលរោងការឆាប់ៗក៏កំពុងរង់ចាំការបញ្ជាក់ជាផ្លូវការពីសាមីខ្លួនផ្ទាល់។





ក្រោយបង្ហាញទំនាក់ទំនងឱ្យមហាជនបានដឹងអតីត Freshie Girl ហ្វីយ៉ាតា និងគូស្នេហ៍រូបសង្ហាតែងបណ្ដើរគ្នាត្រសងចូលរួមកម្មវិធីតូចធំ ទាំងក្នុង និងក្រៅសិល្បៈ មិនតែប៉ុណ្ណោះអ្នកទាំងពីរតែងបង្ហាញភាពស្និទ្ធស្នាល និងផ្អែមល្ហែម ហើយក៏ទើបនាំគ្នាមកពីដើរលេងនៅអឺរ៉ុប៕
























Account
Security
Favourite Content