បន្តផ្ទុះការវែកញែក ក្រោយស្ថាប័ន Miss Grand រតនគីរី ច្រានដំណឹង ម៉ាច ដាវី ធ្លាប់រៀបការ និងក្លែងអាយុ

ទំព័រហ្វេសប៊ុកផ្លូវការ Miss Grand Ratanakiri កាលពីល្ងាចថ្ងៃទី១០ ខែមិថុនា ម្សិលមិញ បានបង្ហោះសេចក្តីជូនដំណឹងមួយ ដោយបានធ្វើការច្រានចោលព័ត៌មានមិនពិតជុំវិញ​មង្គលការ និងការក្លែងអាយុរបស់ ​ម៉ាច ដាវី បេក្ខភាពតំណាងខេត្តរតនគីរី ក្នុងការប្រកួត Miss Grand Cambodia 2024។

យោងតាមសេចក្តីប្រកាសខាងលើនេះ បញ្ជាក់ឱ្យដឹងថា លិខិតបញ្ជាក់ភាពនៅលីវរបស់ ម៉ាច ដាវី  នឹងត្រូវបង្ហាញក្នុងពេលឆាប់ៗនេះ ដើម្បីបញ្ជាក់ភាពស្អាតស្អំជូនបវរកញ្ញារូបនេះ។ 

សេចក្តីប្រកាសរបស់ស្ថាប័ន Miss Grand Ratanakiri បង្ហោះឡើង កាលពីល្ងាចថ្ងៃទី១០ ខែមិថុនា ឆ្នាំ២០២៤

សេចក្តីជូនដំណឹងខាងលើនេះមិនអាចបញ្ឈប់ការវែកញែករបស់ហ្វេនៗ និងអ្នកស្នេហាវិស័យបវរកញ្ញាបានឡើយ ដោយពួកគេនៅបន្តធ្វើការវែកញែកផ្សេងៗគ្នាលើរឿង ម៉ាច ដាវី ធ្លាប់រៀបការ និងក្លែងអាយុនេះ។ 

អ្នកខ្លះប្រកាន់ជំហរការពារ ដាវី ឱ្យរួចផុតពីរឿងនេះ និងជូនពរឱ្យសំណាងល្អក្នុងការប្រកួត ខណៈដែលអ្នកខ្លះទៀតបន្តទាមទារ និងទទូចឱ្យនាងទទួលស្គាល់ការពិត ព្រោះភស្តុតាងពិធីមង្គលការ និងក្លែងអាយុមានច្រើន ទោះយកលិខិតបញ្ជាក់ភាពនៅលីវក៏បង្ហាញក៏មិនអាចកែប្រែការពិតបានដែរ។

ការវែកញែកផ្សេងៗគ្នារបស់អ្នកប្រើប្រាស់បណ្តាញសង្គម

សូមជម្រាបផងដែរថា រឿងអាស្រូវ ម៉ាច ដាវី ធ្លាប់រៀបការ និងការក្លែងបន្លំអាយុ ត្រូវបានបែកធ្លាយឡើង ក្រោយចប់ការប្រកួតឈុតតំណាងជាតិ កាលពីថ្ងៃទី៨ ខែមិថុនា កន្លងទៅ ស្របពេលដែល ដាវី កំពុងលេចធ្លោក្នុងការប្រកួត ព្រោះមាន PD ចាំជួយជ្រោមជ្រែងគ្រប់ច្រកល្ហក។ ជាក់ស្តែង គ្រាន់តែថ្ងៃប្រកួតឈុតតំណាងជាតិ លោក ភួង វណ្ណា ហៅ AB Vanna ជា PD ប្រចាំខេត្តរតនគីរី បានប្រើប្រាស់រថយន្តស៊េរីទំនើប ២គ្រឿង សម្រាប់ដឹកឈុតតំណាងជាតិ «ពឺគក្រាក់ម៉ែគតាំងឡាតេះព្រីទៀកនៃភូមិភាគឥសាន្ដ» និងបវរកញ្ញាចូលរួមប្រកួត ថែមទាំងប្រកាសក្តែងថា ម៉ាច ដាវី នឹងជិះ ឧទ្ធម្ភាគចក្រចូលប្រកួតថ្ងៃប្រកួតផ្តាច់ព្រ័ត្រទៀតផង។

ក្រៅពីការបង្ហោះច្រានចោលដំណឹងរបស់ទំព័រហ្វេសប៊ុកផ្លូវការ Miss Grand Ratanakiri បេក្ខភាពតំណាងខេត្តរតនគីរី ម៉ាច ដាវី នៅរក្សាភាពស្ងៀមស្ងាត់ និងគ្មានប្រតិកម្មអ្វីំចំពោះរឿងដ៏ក្តៅគគុកកំពុងកើតឡើងនេះឡើយ ប៉ុន្តែនាងរសៀលថ្ងៃទី១០ មិថុនា ម្សិលមិញ នាងបានបង្ហោះរូបថតជាច្រើនសន្លឹក ភ្ជាប់ជាមួយ Caption ថា «ក្នុង​កាលៈទេសៈ​ខ្លះ​វាពិតជាលំបាក​ តែអ្នកគាំទ្រជាទីស្រលាញ់របស់នាងខ្ញុំគ្រប់គ្នា​ គឺជាកម្លាំងជម្រុញចិត្តដែលអាចអោយនាងខ្ញុំបោះជំហានដេីរទៅមុខបានដោយភាពកក់ក្តៅ​» ដែលការបង្ហោះនេះមិនបានធ្វើឱ្យរឿងនេះស្ងប់ស្ងាត់ត្រឹមនេះឡើយ ខណៈស្ថាប័ន Miss Grand Ratanakiri អះអាងថា នឹងបង្ហាញលិខិតបញ្ជាក់ភាពនៅលីវ ប៉ុន្តែអ្នកប្រើប្រាស់បណ្តាញសង្គមហាក់គ្មានទំនុកចិត្តលើរឿងនេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​