នៅថ្ងៃទី២៩ ខែមករា ឆ្នាំ២០២៤ “គិតទៅដល់ ARMY” ឬ ”Thinking of ARMY” បានឡើង trend ខ្លាំងបំផុតនៅលើបណ្ដាញសង្គម X នៅប្រទេសកូរ៉េខាងត្បូង។ Thinking of ARMY គឺសារដ៏ផ្អែមល្ហែមពី Jin ដោយបានបង្ហាញអំពីរបៀបដែលលោកបានចំណាយពេលប៉ុន្មានថ្ងៃរបស់លោកមុនពេលចូលបម្រើកងទ័ព។ ក្រោយទទួលបានសារមួយនេះហើយ អ្នកគាំទ្ររបស់លោកជាច្រើនបានសម្ដែងអារម្មណ៍រំភើបជាខ្លាំង។

ជាមួយគ្នានេះផងដែរ នៅក្នុងសារដ៏ផ្អែមល្ហែមមួយនេះ Jin បានបង្ហាញពីពេលវេលាដែលលោកតែងតែនឹកដល់អ្នកគាំទ្រគឺ៖
- ម៉ោង ៨:០០-៩:០០ នាទីព្រឹក៖ លោកទៅធ្វើការ និងគិតដល់ ARMY។
- ម៉ោង ៩:០០ នាទីព្រឹក-៩:០០ នាទីល្ងាច៖ លោកត្រូវធ្វើការ ធ្វើខនសឺត ស្វែងរកមាតិកា ថត ចូលរួមប្រជុំ និងពង្រាងគម្រោងផ្សេងៗ។ ជាពិសេសលោកមិនភ្លេចគិតដល់ ARMY។
- ម៉ោង ១០:០០ នាទីយប់៖ លោកទៅផ្ទះ និងគិតដល់ ARMY។
- ម៉ោង ១១:០០ នាទីយប់-ម៉ោង ២:០០ នាទីយប់៖ លោកចាប់ញ៉ាំអាហារមុនពេលចូលគេង និងធ្វើធុរៈផ្ទាល់ខ្លួន ហើយក៏គិតទៅដល់ ARMY ។
- ម៉ោង ២:០០ នាទីយប់ – ម៉ោង ៨:០០ នាទីព្រឹក៖ លោកគេង និងគិតទៅដល់ ARMY ។

ក្រោយបញ្ចេញសារមួយនេះហើយ អ្នកលេងអ៊ីនធឺណេតបានសម្ដែងអារម្មណ៍រំភើបផ្សេងៗគ្នាដោយមិនថា Jin នៅទីណានោះទេគឺពួកគេតែងតែនៅក្នុងចិត្តរបស់លោកជានិច្ច។ មិនត្រឹមប៉ុណ្ណេះ អ្នកគាំទ្រជាច្រើនបាននិយាយថាពួកគេស្ទើរតែមិនអាចរងចាំឱ្យ Jin វិលត្រលប់មកវិញបាននោះទេ។
គួរបញ្ជាក់ផងដែរថា Jin បានចូលបម្រើកងទ័ពនៅថ្ងៃទី១៣ ខែធ្នូ ឆ្នាំ២០២២ និងរំពឹងថាលោកបញ្ចប់កាតព្វកិច្ចនៅខែមិថុនា ឆ្នាំ២០២៤ ខាងមុននេះហើយ។ នេះមិនមែនជាលើកទីមួយឡើយដែល Jin ផ្ញើសារជូនអ្នកគាំទ្រ មានន័យលោកតែងតែមានផ្ញើសារ ឬវីដេអូសម្រាប់ជូនអ្នកគាំទ្រជារៀងរាល់ខែរហូតដល់ថ្ងៃលោកត្រលប់មកវិញ៕


























Account
Security
Favourite Content