ស្ដាយមែន! តារាប្រុសល្បី ៤ រូបប៊ិះនឹងសម្ដែងជាតួឯកក្នុងរឿង Descendants of the Sun តែបែរជាបដិសេធទៅវិញ  

រំលឹកទៅឆ្នាំ ២០១៦ រឿងភាគកូរ៉េ Descendants of the Sun ពិតជាមានភាពល្បីល្បាញខ្លាំងមិនត្រឹមតែកូរ៉េនោះទេ គឺសឹងតែទូទាំងពិភពលោកតែម្ដង។ ភាពល្បីល្បាញរបស់រឿងភាគនេះក៏បានធ្វើឱ្យតួឯកប្រុសស្រីទាំង ២ លោក Song Joongki និង Song Hyekyo កាន់តែមានប្រជាប្រិយភាពកាន់តែខ្លាំងថែមមួយកម្រិតទៀត។

តែយ៉ាងណាមិញ បើតាមការបញ្ជាក់ប្រាប់ពីក្រុមការងារ និងអ្នកដឹកនាំផ្ទាល់របស់រឿងភាគ Descendants of the Sun មុននឹងតួអង្គឯកប្រុស Captain Yoo ShiJin ធ្លាក់ទៅលើតារាសម្ដែងប្រុស Song Joongki គឺមានតារាប្រុសល្បីៗ ចំនួន ៤ រូបផ្សេងទៀតដែលត្រូវគេជ្រើសរើស ប៉ុន្ដែដោយសារហេតុផលនានាពួកគេសុទ្ធសឹងតែបដិសេធមិនចូលរួមសម្ដែងទាំងអស់។ ចុងក្រោយ គេក៏ជ្រើសយកតារាប្រុស Song Joongki តែម្ដង។

សម្រាប់ជម្រើសដំបូងរបស់តួឯកប្រុស Yoo ShiJin គឺត្រូវបានទៅលើតារាសម្ដែងប្រុសល្បីប្រចាំប្រទេសកូរ៉េគឹលោក Wonbin។ សម្រាប់មូលហេតុដោយសារតែ Descendants of the Sun ជារឿងភាគដែលត្រូវថតចប់ឱ្យអស់ទើបចាក់ផ្សាយតាមក្រោយខុសពីរឿងកូរ៉េទូទៅថតបណ្ដើរចាក់ផ្សាយបណ្ដើរ។ ដូច្នេះមហាជនជឿថា តារាប្រុសវ័យ ៤៣ ឆ្នាំ បដិសេធព្រោះខ្លាចថាបើសាច់រឿងមិនត្រូវចិត្តអ្នកទស្សនាគឺមិនអាចកែប្រែអ្វីឡើយដូច្នេះបើមានកំហុសឆ្គងគឺនឹងខ្ទេចមួយរឿងតែម្ដង។ ជាទូទៅរឿងភាគកូរ៉េគឺថតបណ្ដើរចាក់ផ្សាយបណ្ដើរ អ៊ីចឹងនៅពេលដែលមានបញ្ហាអ្វីមួយក្រុមការងាររឿងភាគអាចកែប្រែកំហុសឆ្គង ឬកែសាច់រឿងទៅតាមចិត្តអ្នកទស្សនាបាន។

បន្ទាប់ពីតារាប្រុស Wonbin បដិសេធ តួអង្គ Yoo ShiJin ក៏ត្រូវបង្វែរទៅរកតារាប្រុសល្បី Jo InSung។ តែក៏ត្រូវបានតារាប្រុសវ័យ ៤០ ឆ្នាំនេះបដិសេធដូចគ្នាតែមិនបានបញ្ជាក់ពីហេតុផលឡើយ។ ក្រោយមកក្រុមការងាររឿងភាគក៏បានដាក់សំណើនេះទៅតារាប្រុសល្បី GongYoo ម្ដង តែក៏ត្រូវខកចិត្តជាលើកទី ៣ ព្រោះតារាប្រុសវ័យ ៤២ ឆ្នាំនេះ បដិសេធទៀតក្រោមហេតុផលលោកមិនចង់ស្នាក់នៅក្រៅប្រទេសយូរពេក និងមិនចង់កាត់សក់របស់ខ្លួនឱ្យខ្លីពេក។ ថ្វីបើ GongYoo បានបដិសេធមិនសម្ដែងក្នុងរឿង Descendants of the Sun តែលោកបានបង្ហាញខ្លួនក្នុងរឿង Guardian: The Lonely and Great God ដែលមានភាពល្បីល្បាញមិនចាញ់គ្នាប៉ុន្មាន។


តារាប្រុសទី ៤ ដែលត្រូវបានគេស្នើឱ្យមកសម្ដែងជា Captain Yoo ShiJin គឺជាតារាប្រុស Kim Woobin តែជាលទ្ធផលក៏ត្រូវតារាប្រុស ៣២ ឆ្នាំនេះបដិសេធដូចគ្នា។ ចំពោះមូលហេតុមានច្រើនដោយក្នុងនោះលោកមិនសូវពេញចិត្តសាច់រឿងទាក់ទងនឹងទាហាន និងផ្សេងៗទៀត។ ចុងក្រោយ តារាប្រុស Song Joongki គឺជាតារាប្រុសដែលហ៊ានប្រថុយទទួលយករឿងភាគមួយនេះមកសម្ដែង។

ក្រោយពីបានដឹងដំណឹងនេះ អ្នកគាំទ្រជាច្រើនសុទ្ធតែបញ្ចេញមតិខុសគ្នាដែលភាគច្រើនពួកគេសុទ្ធសឹងតែលើកឡើងថា តើមានរឿងអ្វីកើតឡើងទៅបើតារាប្រុស ៤ នាក់ខាងលើសុទ្ធតែទទួលសម្ដែងក្នុងរឿង Descendants of the Sun ? ជាពិសេសពួកគេចង់ឃើញតារាប្រុស Wonbin សម្ដែងជា Captain Yoo ShiJin ខ្លាំងមែនទែន។

គួរបញ្ជាក់ មកទល់ពេលនេះរឿង Descendants of the Sun នៅតែជាប់ជារឿងដែលទទួលបាន rate ខ្ពស់បំផុតប្រចាំប្រវត្ដិសាស្ដ្ររបស់ស្ថានីយទូរទស្សន៍ KBS ដោយទទួលបានដល់ទៅ ៣៨.៨ ភាគរយអំឡុងពេលចាក់ផ្សាយកាលពីឆ្នាំ ២០១៦៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​