មក​ស្គាល់​បឹង​បៃកាល់ បឹង​ជ្រៅ​បំផុត​លើ​ផែនដី​ពោរពេញ​ដោយ​រឿង​អស្ចារ្យ

រាល់​បឹង​ទាំង​អស់​ប្រៀប​ដូច​ឆ្នាំង​បាយ​ត​ជំនាន់​ និង​ប្រភព​ម្ហូប​អាហារ​សម្រាប់​មនុស្ស​អ៊ីចឹង ជាក់​ស្ដែង​ដូច​ជា​បឹង​ទឹក​សាប​ធំ​បំផុត​នៅ​អាស៊ីអាគ្នេយ៍​ដែល​កម្ពុជា​មាន​គឺ​បឹងទន្លេសាប ជា​អាងស្តុកទឹក ជួយ​ដល់​វិស័យ​ជល​ផល កសិកម្ម​ សេដ្ឋកិច្ច និង​បរិស្ថាន ដែល​ចិញ្ចឹម​ពលរដ្ឋ​កម្ពុជា​រាប់​លាន​អ្នក។ គ្រាន់​ជា​បឹង​មួយ​ធំ​បំផុត​ក្នុង​តំបន់​មាន​ប្រយោជន៍​ប៉ុន​នេះ​ទៅ​ហើយ​ ចុះ​ទម្រាំ​បឹង​ធំ​បំផុត​?

ជា​ផ្នែក​មួយ​នៃ​ចំណេះ​ដឹង និង​កម្សាន្ត​អារម្មណ៍​ យើង​មក​ស្វែង​យល់​ពី​​មួយ​ជា​ បឹង​ទឹក​សាប​ធំ​បំផុត​ ជ្រៅ​បំផុត​ ចំណាស់​បំផុត​ លើ​ភព​ផែន​ដី និង​ជា​បឹង​បេតិកភណ្ឌ​ពិភពលោក​ នោះ​គឺ​បឹង បៃកាល់ (Baikal)។

បឹង​បៃកាល់ ជា​បឹង​ដ៏​ស្រស់​ស្អាត​ដែល​ស្ថិត​នៅ​ភាគ​ខាងត្បូង​នៃ​តំបន់​ស៊ីបឺរី នៃ​ប្រទេស​រុស្សី លាត​សន្ធឹង​ប្រមាណ​ជាង ៣១ ០០០ គីឡូម៉ែត្រ​ការ៉េ កាន់​កាប់​កំណត់​ត្រា​បឹង​ទឹក​សាប​ធំ​បំផុត​ និង​ជា​បឹង​ជ្រៅ​បំផុត​ដែល​មាន​ជម្រៅ​រហូត​ទៅ​ដល់​ ១៦៤២ ម៉ែត្រ​ជា​បឹង​ជ្រៅ​បំផុត។

តើ​បឹង​បៃកាល់​ស្តុក​ទឹក​បាន​ប៉ុនណា?

បឹង​បៃកាល់​ស្តុក​ទឹក​សាប​ច្រើន​ជាង​បឹង​ទាំង​អស់​លើ​ផែនដី ដែល​បឹង​មួយ​នេះ​កាន់​កាប់​ទឹកសាប​រហូត​ដល់ ២២ភាគរយ​នៃ​ទឹកសាប​សរុប ស្មើ​នឹង​ ២ម៊៉ឺន ៣ពាន់​ គីឡូម៉ែត្រ​គូប​។ ទឹក​សាប​ដែល​បឹង​យក្ស​មួយ​នេះ​មាន​ស្មើ​ទៅ​នឹង​ទឹក​សាប​ដែល​ បឹង​ Superior បូក​បញ្ចូល​គ្នា​ ២ដង​ឯណោះ​ និង​បឹង​មីឆីហ្គែន​សរុប​ ៥ដង​ឯណោះ ហើយ​ច្រើន​ជាង​បឹង​សរុប​នៃ​ភាគ​ខាង​ជើង​សហរដ្ឋ​អាមេរិក​បូក​បញ្ចូល​គ្នា​ទៅ​ទៀត។

តើ​បឹង​បៃកាល់​​ចំណាស់​ប៉ុនណា?

បើ​យោង​ទៅ​តាម​អ្នក​ជំនាញ បឹង​បៃកាល់​ត្រូវ​បាន​គេ​ប៉ាន់ស្មាន​ថា​មាន​អាយុ​ចន្លោះ​ពី​ ២៥លាន​ឆ្នាំ​ ទៅ ៣០លាន​ឆ្នាំ។ វា​ពិត​ជា​កម្រ​ខ្លាំង​ណាស់​ដែល​បឹង​អាច​មាន​អាយុ​កាល​លើស​ពី ១០​លាន​ឆ្នាំ ហើយ​សម្រាប់​ភស្តុតាង​ដែល​បញ្ជាក់​ពី​អាយុកាល​នៃ​បឹង​មួយ​នេះ​គឺ​ច្រើន​លើស​លុប​បើ​យោង​តាម​អ្នក​ជំនាញ។ ឯ​បឹង​ចំណាស់​ផ្សេង​ទៀត​មាន​ដូចជា​បឹង​ Issyk-Kul និង បឹង Maracaibo ប៉ុន្តែ​សុទ្ធ​តែ​ជា​បឹង​ទឹក​ប្រៃ​ជាជាង​បឹង​ទឹក​សាប​។

តើ​បឹង​បៃកាល់​ពិសេស​ប៉ុនណា?

បាត​បឹង​បៃកាល់​មាន​កម្ពស់ទាប​ជាង​កម្រិត​ទឹក​សមុទ្រ​ ប្រមាណ​១គីឡូ​ម៉ែត្រ​ ហើយ​នឹង​បន្ត​ចុះ​ជ្រៅ​ជា​ប្រចាំ​ទៅ​ទៀត​នេះ​បើ​យោង​ទៅ​តាម​អ្នក​ស្រាវជ្រាវ។ លើស​ពី​នេះ​បៃកាល់​ មិន​ត្រឹម​ជា​បឹង​តែ​សំបក​នោះ​ទេ បឹង​មួយ​នេះ​ជា​ប្រភព​នៃ​សត្វ​កម្រ​ប្រមាណ​ ២០០០ប្រភេទ ដែល​ទី​កន្លែង​ផ្សេង​គ្មាន​ឡើយ ព្រម​ទាំង​ជា​តំបន់​ការពារ​របស់​បេតិកភណ្ឌ​ពិភពលោក៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​