មន្ទីពេទ្យក្នុងប្រទេសចិន “យកមនុស្សជា” ក្លែងធ្វើជា “អ្នកជំងឺវិកលចរិត” ដើម្បីបោកយកប្រាក់ធានារ៉ាប់រ៉ង

មន្ទីរពេទ្យវិកលចរិតមួយចំនួននៅភាគកណ្តាលនៃប្រទេសចិន បានប្រើប្រាស់ល្បិចលួងលោមមនុស្សមានសុខភាពល្អឱ្យមកធ្វើជាអ្នកជំងឺ ក្នុងគោលបំណងបន្លំយកប្រាក់ពីធានារ៉ាប់រង ប្តូរនឹងការរស់នៅដែលមានតម្លៃទាប។

យោងតាមរបាយការណ៍ស៊ើបអង្កេតសម្ងាត់របស់កាសែត Beijing News អ្នកជំងឺភាគច្រើននៅក្នុងមន្ទីរពេទ្យវិកលចរិតឯកជន ក្នុងទីក្រុង Xiangyang ខេត្ត Hubei មិនបានបង្ហាញអាកប្បកិរិយាមិនប្រក្រតីណាមួយឡើយ ខណៈពួកគេទទួលបានការព្យាបាលតិចតួចបំផុត។

បុគ្គលដែលមានសុខភាពល្អទាំងនោះបានប្រាប់អ្នកកាសែតថា ពួកគេស្នាក់នៅទីនោះដោយសារតែទទួលបានការសន្យាថា ពួកគេអាចសម្រាកព្យាបាលដោយឥតគិតថ្លៃ និងមិនគិតថ្លៃស្នាក់នៅឡើយ។ នេះគឺស្របទៅនឹងស្ថានភាពជាក់ស្ដែងនៅក្នុងប្រទេសចិន ដោយអ្នកជំងឺត្រូវបង់ប្រាក់ព្យាបាលត្រឹមមួយផ្នែកតូចប៉ុណ្ណោះ ខណៈចំណាយដែលនៅសល់ គឺជាបន្ទុករបស់ធានារ៉ាប់រង។

សារព័ត៌មាន South China Morning Post បានចុះផ្សាយថា​ ក្រោយពីបុគ្គលទាំងនោះបានចូលសម្រាកនៅក្នុងមន្ទីរពេទ្យ ពួកគេមិនមែនជាអ្នកជំងឺទេ តែគឺជា “ម៉ាស៊ីនផលិតលុយ” ពីព្រោះស្ថាប័នទាំងនោះបានប្រើប្រាស់ព័ត៌មានផ្ទាល់ខ្លួនរបស់អ្នកទាំងនោះ និងប្រតិដ្ឋការព្យាបាលក្លែងក្លាយ ដើម្បីបោកបញ្ឆោតយកប្រាក់ពីគម្រោងធានារ៉ាប់រង។

ការស៊ើបអង្កេតបានបន្តនៅក្នុងទីក្រុង Xiangyang ដែលមានមន្ទីរពេទ្យវិកលចរិតច្រើនជាង ២០​ កន្លែង ដែលភាគច្រើនទើបតែបើកដំណើរការក្នុងរយៈពេលប៉ុន្មានឆ្នាំចុងក្រោយនេះប៉ុណ្ណោះ។​ នៅពេលអ្នកកាសែតធ្វើពុតជាសាច់ញាតិអ្នកជំងឺ ហើយបានទៅសាកសួរព័ត៌មានពីមន្ទីរពេទ្យជាង ១០ទីតាំង មន្ទីរពេទ្យទាំងនោះប្រាប់ថា ពួកគេនឹងមិនយកថ្លៃសេវាពីអ្នកជំងឺឡើយ ហើយគាត់គ្រាន់តែត្រូវបង់ប្រាក់បន្តិចបន្តួចសម្រាប់ថ្លៃរស់នៅប៉ុណ្ណោះ។

កាលពីដើមខែធ្នូ ឆ្នាំ ២០២៥ អ្នកកាសែតម្នាក់បានបន្លំខ្លួនធ្វើជាគិលានុបដ្ឋាក និងចូលបម្រើការនៅមន្ទីរពេទ្យវិកលចរិត Xiangyang Hongan ដែលមានអ្នកជំងឺប្រហែល ៥០ នាក់។ គិលានុបដ្ឋាកជាន់ខ្ពស់ម្នាក់បានប្រាប់គាត់ថា អ្នកជំងឺភាគច្រើនមិនមានរោគសញ្ញា ឬមានរោគសញ្ញាស្រាលបំផុត។

គិលានុបដ្ឋាកជាន់ខ្ពស់រូបនេះបានឱ្យដឹងបន្ថែមថា អ្នកខ្លះបានចាត់ទុកមន្ទីរពេទ្យទាំងនោះជាមជ្ឈមណ្ឌលថែទាំមនុស្សចាស់ ពីព្រោះវាមានតម្លៃថោកជាងមណ្ឌលថែទាំធម្មតាឆ្ងាយ ដោយពួកគេទទួលមនុស្សចាស់ឱ្យមកស្នាក់នៅ​ ជាជាងអ្នកជំងឺវិកលចរិតពិតប្រាកដ។

គិលានុបដ្ឋាកម្នាក់ទៀត ដែលធ្វើការជាមួយអ្នកកាសែតក្លែងខ្លួននោះ បាននិយាយថា មន្ទីរពេទ្យក៏បានដាក់ឈ្មោះគាត់ឱ្យសម្រាកព្យាបាលនៅមន្ទីរពេទ្យដែរ ដោយព័ត៌មានផ្ទាល់ខ្លួនរបស់គាត់គឺស្ថិតនៅក្នុងបញ្ជីអ្នកជំងឺ។ បុគ្គលរូបដដែលនេះ និយាយថា៖ “ខ្ញុំមិនចាំបាច់លេបថ្នាំ ឬទទួលការព្យាបាលអ្វីទេ។ ខ្ញុំអាចចេញចូលមន្ទីរពេទ្យបានដោយសេរី។ ខ្ញុំធ្វើការដូចអ្នកដទៃធម្មតា ប៉ុន្តែខ្ញុំសហការជាមួយពួកគេ ដើម្បីបោកប្រាស់ធានារ៉ាប់រង”។

អ្នកកាសែតតែមួយនេះបានរកឃើញទៀតថា ការសម្រាកព្យាបាលរយៈពេល ៩០ថ្ងៃមានតម្លៃ ១២ ៤២៦ យ័ន ឬ ១ ៨០០ ដុល្លារអាមេរិក ដោយក្នុងនោះមាន ៥០០ យ័ន ឬ ៧០ ដុល្លារ សម្រាប់ថ្នាំពេទ្យ និងចំណាយលើសពី ៦០០០ យ័ន ឬ ៩០០ ដុល្លារ សម្រាប់ការព្យាបាលផ្សេងៗ។ យ៉ាងណាមិញ អ្នកជំងឺបានប្រាប់ថា គាត់គ្រាន់តែលេបថ្នាំប៉ុណ្ណោះ ហើយមិនដែលឮអំពីការព្យាបាលផ្សេងៗទៀតឡើយ។

កាលណាអ្នកជំងឺក្លែងក្លាយទាំងនោះស្នាក់នៅកាន់តែយូរ មន្ទីរពេទ្យក៏អាចរកចំណូលបានកាន់តែច្រើនដូចគ្នា ខណៈមន្ទីរពេទ្យក៏បានផ្ដល់ប្រាក់លើកទឹកចិត្តចន្លោះ ៦០ ទៅ ១៤៥ ដុល្លារអាមេរិក បើបុគ្គលិករូបណាអាចបញ្ចុះបញ្ចូលអ្នកជំងឺថ្មីឱ្យមកសម្រាកព្យាបាលបាន។  

យ៉ាងណាមិញ ការបន្លំខ្លួនជាអ្នកជំងឺក្លែងក្លាយនេះ ក៏មិនអាចរស់នៅសុខស្រួលដែរ ដោយអ្នកខ្លះត្រូវទទួលរងអំពើហិង្សានានា ដូចជា ការទះកំផ្លៀង ទាត់ និងវាយដោយទុយោទឹកជាដើម។ មន្ទីរពេទ្យខ្លះ ថែមទាំងរឹបអូសទូរស័ព្ទដៃរបស់អ្នកជំងឺ កំណត់ពេលវេលាដែលអ្នកជំងឺអាចទាក់ទងជាមួយក្រុមគ្រួសារ និងព្យាយាមរារាំងមិនឱ្យអ្នកជំងឺចេញពីមន្ទីរពេទ្យទៀតផង។  

អ្នកជំងឺម្នាក់ដែលបានស្នាក់នៅមន្ទីរពេទ្យ Yiling អស់រយៈពេល ៥ ឆ្នាំ បានប្រាប់អ្នកសារព័ត៌មានថា៖ “ច្បាប់នៅទីនេះតឹងរ៉ឹងណាស់។ ខ្ញុំគ្មានសេរីភាពទេ។ វាមានអារម្មណ៍ដូចជាជាប់គុកអស់រយៈពេល ៥ ឆ្នាំអញ្ចឹង”។

លោក Xu Yucai អ្នកជំនាញផ្នែកកំណែទម្រង់វេជ្ជសាស្ត្រនៅខេត្ត Shaanxi បានប្រាប់អ្នកកាសែតថា មន្ទីរពេទ្យវិកលចរិតទាំងនេះអាចបោកប្រាស់ធានារ៉ាប់រងបាន ព្រោះតែទីតាំងនោះបានបើកដំណើរការបែប Closed-door Operation ដែលមិនអាចឱ្យសាធារណជនត្រួតពិនិត្យបាន។ យ៉ាងណាមិញ បច្ចុប្បន្ននេះ អាជ្ញាធរសុខាភិបាលទាំងនៅក្នុងទីក្រុង Xiangyang និង Yichang កំពុងតែចាប់ផ្ដើមការស៊ើបអង្កេតលើបញ្ហានេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ



Leave a Reply

Your email address will not be published.Required fields are marked *