ចំណូលក្រុមហ៊ុនលក់ Labubu ស្ទុះឡើងខ្លាំង ខណៈ Gen Z មានទំនោរជះលុយទិញតុក្កតាថ្លៃៗបំពេញក្ដីសុខផ្លូវចិត្ត

ក្រុមហ៊ុន POP MART ដែលជាក្រុមហ៊ុនលក់រាយតុក្កតា ‘Blind Box’ ឈានមុខគេពីប្រទេសចិន និងជាក្រុមហ៊ុនពីក្រោយតុក្កតា Labubu បានប៉ាន់ប្រមាណថាប្រាក់ចំណូលនៅក្នុងត្រីមាសទី ៣ របស់ខ្លួនអាចកើនឡើងចន្លោះ ១២០-១២៥% បើទោះជាសេដ្ឋកិច្ចចិនពេលនេះកំពុងជួបវិបត្តិក៏ដោយ។ តួលេខនេះត្រូវបានអ្នកវិភាគមួយចំនួនយល់ថា គឺជាលទ្ធផលដែលយុវជនជំនាន់ថ្មី ឬ Gen Z មានទំនោរចូលចិត្តទិញផលិតផលបំពេញតម្រូវការផ្លូវចិត្តរបស់ពួកគេ ទោះបីជាផលិតផលទាំងនោះអាចមើលទៅ ‘ឥតប្រយោជន៍’ និងថ្លៃខ្លាំងក៏ដោយ។

យោងតាមរបាយការណ៍របស់ South China Morning Post បានឱ្យដឹងថា Gen Z នៅក្នុងប្រទេសចិនដែលមានចំនួនប្រហែល ២៨០ លាននាក់កំពុងជំរុញនិន្នាការ “Emotional Consumption” ឬ ‘ការទិញតាមអារម្មណ៍’ ដោយសារតែពួកគេសុខចិត្តចំណាយលើផលិតផលដែលបង្កើតក្ដីសុខ ការកម្សាន្ត ឬឆ្លុះបញ្ចាំងពីខ្លួនរបស់ពួកគេ ដូចជាប្រដាប់ប្រដាក្មេងលេង តុក្កតាប្រអប់អាថ៌កំបាំង គ្រឿងអលង្ការ និងសម្ភារតុបតែងផ្សេងៗ។

លោក Mo Daiqing អ្នកវិភាគនៅមជ្ឈមណ្ឌលស្រាវជ្រាវពាណិជ្ជកម្មអេឡិចត្រូនិករបស់ប្រទេសចិនបាននិយាយ៖ “Gen Z ឆាប់ប៉ះពាល់ផ្លូវអារម្មណ៍ ដោយសារតែពួកគេត្រូវរស់នៅ និងធ្វើការក្នុងល្បឿនដ៏មមាញឹក និងស្ថិតក្រោមសម្ពាធខ្ពស់ ដែលនាំឱ្យពួកគេហ៊ានចាយលុយលើសម្ភារបំពេញអារម្មណ៍ទាំងនោះ” ។

POP MART ត្រូវបានគេស្គាល់សម្រាប់ការលក់ម៉ូដែលតុក្កតាពីអ្នកឌីហ្សាញនានា ដោយជាធម្មតាត្រូវបានលក់ក្នុងប្រអប់ចៃដន្យ ដែលបង្កើតអារម្មណ៍រំភើប និងចង់ដឹងចង់ឃើញមួយកម្រិតទៀតក្នុងចំណោមអ្នកទិញ។ នៅក្នុងត្រីមាសទី៣ ក្រុមហ៊ុនមានការលក់ខ្លាំងទាំងនៅក្នុងបណ្តាញ online និង offline រួម​ទាំង​ចំណូល​ពី​ទីផ្សារ​បរទេស​ដែល​​កើន​ឡើងដូចគ្នា។

គួររំឭកថា សម្រាប់ឆមាសទីមួយនៃឆ្នាំនេះ ប្រាក់ចំណេញប្រតិបត្តិការរបស់ Pop Mart នៅក្នុងប្រទេសចិនបានកើនឡើង ៧៧ ភាគរយ ដល់ ៨៩០ លានយន់ (១២០ លានដុល្លារ) ខណៈដែលប្រាក់ចំណូលសរុបបានកើនឡើង ៣២ ភាគរយដល់ ៣,២ ពាន់លានយន់ (៤៥០ លានដុល្លារ) ។ ប្រាក់ចំណេញប្រតិបត្តិការរបស់ក្រៅប្រទេសបានកើនឡើង ៤០៧ ភាគរយដល់ ៤០០ លានយន់ ហើយប្រាក់ចំណូលបានកើនឡើង ២៦០ ភាគរយដល់ ១,៥ ពាន់លានយន់។ ប្រអប់តុក្កតារបស់ POP MART ជាធម្មតាមានតម្លៃប្រហែល ១០ ដុល្លារ ខណៈប្រអប់ធំៗអាចមានតម្លៃរហូតដល់រាប់រយដុល្លារ។

ក្រៅពី POP MART ក្រុមហ៊ុន Jellycat ដែលជាម៉ាកតុក្កតាមកពីប្រទេសអង់គ្លេស ក៏បានទទួលជោគជ័យនៅក្នុងទីផ្សារប្រទេសចិនផងដែរ។ ទោះបីជាមានតម្លៃខ្ពស់ក៏ដោយ ប៉ុន្តែហាងរបស់ Jellycat នៅតែសម្បូរទៅដោយអតិថិជន ហើយការកក់ទុកនៅតែបន្តកើនឡើង។

យោងតាមការស្ទង់មតិរបស់ Seashell Finance បង្ហាញថា ជិត ៣០% នៃយុវជននៅក្នុងប្រទេសចិន មានឆន្ទៈក្នុងការចំណាយលើផលិតផលដែលមានតម្លៃខាងវិញ្ញាណ ឬអារម្មណ៍។

សមាគមអ្នកប្រើប្រាស់ចិន (CCA) បានចង្អុលបង្ហាញថា ក្រៅតែពីការស្វែងរកគុណភាពសមនឹងតម្លៃ ការផ្ដល់ក្ដីសុខផ្លូវអារម្មណ៍នឹងក្លាយជាកត្តាសំខាន់ដែលប៉ះពាល់ដល់ការសម្រេចចិត្តរបស់អ្នកប្រើប្រាស់ Gen Z ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *