បុរសម្នាក់ស៊ូរត់ ១១០០គីឡូដី ដើម្បីធ្វើវីដេអូគំនូរជីវចល ២៧វិនាទីចេញពីផ្លូវដែលខ្លួនរត់ប្រចាំថ្ងៃ

ត្បិតជាវីដេអូមនុស្សពាក់មួករាំប្រវែងត្រឹម ២៧វិនាទីក្ដី តែលោក​ Duncan McCabe បានចំណាយពេលរត់រហូតដល់ទៅ ១០ខែ ជាមួយការរត់លើចម្ងាយដីសរុប​ ១១២៦គីឡូម៉ែត្រ ដោយប្រើប្រាស់កម្មវិធី Strava ជាអ្នកកត់ត្រារូបភាព មុននឹងក្លាយជាវីដេអូដ៏ល្បីល្បាញមួយនេះ។

បុរសវ័យ ៣២ឆ្នាំខាងលើ បានចាប់ផ្ដើមបេសកម្មរបស់ខ្លួនតាំងតែពីថ្ងៃទី១ ខែមករា ដល់ថ្ងៃទី២៥ ខែតុលា ឆ្នាំ២០២៤ រហូតមិត្តរួមការងាររបស់លោកនឹកស្មានថា លោកកំពុងតែហ្វឹកហាត់សមសម្រាប់ការប្រកួតរត់ម៉ារ៉ាតុងទៅហើយ។ តែការពិតគណនេយ្យកររូបនេះបានចំណាយពេលរាប់ម៉ោងក្នុងមួយសប្ដាហ៍ គ្រាន់តែដើម្បីធ្វើវីដេអូគំនូរជីវចលខ្លី ដោយគ្មានគោលបំណងថានឹងទៅប្រកួតប្រជែងនៅទីណាបន្តិចឡើយ។​

កន្លងមកកម្មវិធី Strava ដែលមានមុខងារជួយកត់ចំណាំផ្លូវដែលអ្នកបានឆ្លងកាត់ ធ្លាប់ទាក់ទាញអ្នកប្រើប្រាស់ជាច្រើនរូបរួចមកហើយ ឱ្យរត់ហាត់ប្រាណ​ និងបង្កើតជារូបភាពនានាជាសន្លឹក។ ដោយឡែកសម្រាប់ Duncan McCabe លោកចង់ធ្វើអ្វីដែលលើសពីនេះ ដោយព្យាយាមសន្សំរូបភាពដែលខ្លួនរត់ម្ដងមួយៗរហូតអាចផ្គុំគ្នាបានជាវីដេអូមនុស្សពាក់មួក រាំបទ Purple Hat របស់ Sofi Tukker បានយ៉ាងជោគជ័យ។​

ត្បិតជាវីដេអូខ្លីក៏ពិតមែន តែវាទាមទារឱ្យ Duncan McCabe មានការតាំងចិត្ត និងរៀបចំគម្រោងទុកមុខច្រើន ទើបអាចផលិតវីដេអូមួយនេះចេញមកបាន។ លោកបានប្រាប់សារព័ត៌មាន​ CTV News Toront ថា បើទោះបីជាមេឃភ្លៀង ឬអាកាសធាតុមិនសូវល្អក្ដី ក៏លោកមិនអាចបញ្ឈប់ការរត់របស់ខ្លួនបានដែរ ព្រោះលោកចង់ឱ្យគម្រោងនេះជោគជ័យដូចអ្វីដែលខ្លួនបានប៉ង។

ត្រឹមវីដេអូ ២៧វិនាទី​ តែ Duncan McCabe បានរត់មិនក្រោម ១២០ដងនោះទេ ហើយពេល១វិនាទីៗដែលអ្នកទស្សនាបានឃើញ គឺលោកត្រូវចំណាយកម្លាំងមិនតិចប៉ុន្មាននោះទេ។ លោកបានរៀបរាប់ថា ៖ “បើអ្នកពិនិត្យវីដេអូនេះទៅ មួយវិនាទីគឺមានរូបភាពមនុស្សចំនួន ៥សន្លឹក។​​ មានន័យថា ដើម្បីធ្វើវីដេអូបានមួយវិនាទី ខ្ញុំត្រូវរត់ប្រមាណ ៥០ ទៅ ៦០គីឡូម៉ែត្រ វាឆ្ងាយជាងការរត់ប្រណាំងម៉ារ៉ាតុងទៅទៀត”។

បច្ចុប្បន្ន Sofi Tukker ម្ចាស់ចម្រៀងដែល Duncan McCabe បានប្រើប្រាស់ក្នុងវីដេអូដ៏ល្បីល្បាញខាងលើ​ បានដឹងពីដំណឹងមួយនេះហើយ។ មិនត្រឹមតែប៉ុណ្ណេះទេ អ្នកចម្រៀង duo រូបនេះក៏បានលើសំណើរគួរឱ្យចាប់អារម្មណ៍ទៅកាន់កម្មវិធី Strava ផងដែរថា៖ “Strava តើនឹងមានអ្វីកើតឡើង បើសិនជារឿងហៅអ្នករត់គ្រប់រូបមករួមគ្នា ហើយផលិតជាវីដេអូចម្រៀងតាមរយៈរូបភាពផ្លូវដែលពួកគេបានរត់… កីឡាករ… តើអ្នកនឹងចូលរួមទេ?”។

ក្រោយសំណើនេះបានលើកឡើងភ្លាម អ្នករត់ជាច្រើនរូបកំពុងតែរំជើបរំជួលពីគម្រោងមួយនេះ ដោយគេគិតថា វាអាចជាការចាប់ផ្ដើមបង្កើតស្នាដៃសិល្បៈថ្មីមួយ កើតចេញពីការរត់ហាត់ប្រាណ។

គួរបញ្ជាក់ផងដែរថា នេះមិនមែនជាវីដេអូទី ១របស់ Duncan McCabe ទេ។ ជាក់ស្ដែង កាលពីឆ្នាំ២០២៣ លោកបានធ្វើវីដេអូប្រភេទតែមួយនេះ ចេញជាសកម្មភាពរបស់សត្វនានា៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *