តារាចម្រៀងប្រុសប្រចាំផលិតកម្ម សាន់ដេ ឆាយ វីរៈយុទ្ធ បានប្ដូររូបនៅលើប្រូហ្វាល់ហ្វេសបុក ដើម្បីកាន់ទុក្ខអ្នកម្ដាយជាទីស្រលាញ់ដែលបានលាចាកលោកដោយគ្មានថ្ងៃវិលត្រឡប់កាលពីយប់ម្សិលមិញនេះ។

មុននេះបន្តិចតារាចម្រៀងប្រុសរូបនេះបានប្ដូរប្រូហ្វាល់កាន់ទុក្ខភ្ជាប់ជាមួយសារក្រៀមក្រំទាំងព្រឹកព្រលឹមអំពីដំណើរចាកចេញនៃអ្នកម្ដាយបង្កើតរបស់លោកដោយបានសរសេររៀបរាប់ថា៖ «អ្នកម៉ែ ( គង់ ស៊ឹង ) អនិច្ចកម្ម ថ្ងៃអាទិត្យ ៨ កើត ខែ មិគសិរ ឆ្នាំ រោង ឆស័ក ពុទ្ធសករាជ ២៥៦៨ ត្រូវថ្ងៃទី ០៨ ខែ ធ្នូ ឆ្នាំ២០២៤ វេលាម៉ោង ០៨ : ៤៥ យប់។» តាមរយៈដំណឹងកាន់ទុក្ខនេះមហាជនអ្នកប្រើប្រាស់បណ្ដាញសង្គមហ្វេសបុកបានខមិនចូលរួមរំលែកទុក្ខអំពីការបាត់បង់សមាជិកគ្រួសារដែលត្រូវជាអ្នកម្ដាយបង្កើតរបស់លោកជាហូរហែ។



មុនអ្នកមានគុណលាចាកលាមួយរយៈនេះ ឃើញ ឆាយ វីរៈយុទ្ធ បានបង្ហោះរូបភាពអ្នកម្ដាយលោក សម្រាកព្យាបាលនៅមន្ទីរពេទ្យ។ តែទោះជាយ៉ាងណា អ្នកគាំទ្របានឃើញពីភាពកតញ្ញូរបស់ម្ចាស់បទ «កុំភ្លេចប្រាប់គេថាអូនជាសង្សារបង» បានមើលថែ និងនៅក្បែរម្ដាយជាប់។
ចំពោះដំណឹងមរណភាពដ៏សែនក្រៀមក្រំនេះដែរ ភរិយាតារាចម្រៀងប្រុស ឆាយ វិរៈយុទ្ធ ក៏បានផ្លាស់ប្ដូរប្រូហ្វាល់ដើម្បីកាន់ទុក្ខអ្នកម្ដាយក្មេក ដែលបានចាកទៅដោយពុំមានថ្ងៃវិលត្រឡប់៕



















































Account
Security
Favourite Content