បុរសចិនម្នាក់ ចាយលុយ ២៨០ ដុល្លារលេងហ្គេមបោះកង ចុងក្រោយឈ្នះរង្វាន់ធំ ​បានរថយន្តតម្លៃជាង ២៣ម៉ឺនដុល្លារត្រលប់ទៅផ្ទះវិញ

បុរសជនជាតិចិនម្នាក់ បានចំណាយពេល ៣ម៉ោង និងទឹកប្រាក់ចំនួន ២០០០យន់ ឬប្រមាណ ២៨០ដុល្លារអាមេរិកដើម្បីលេងល្បែងបោះកងនៅក្នុងផ្សាររាត្រីមួយកន្លែង ឯទីក្រុង Shangqiu ប្រទេសចិន តែចុងក្រោយលោកទទួលបានលទ្ធផលជាទីគាប់ចិត្ត គឺរថយន្ត Sport ម៉ាក Maserati តម្លៃ ២៣៥០០០ដុល្លារអាមេរិក។

ជាក់ស្ដែង ល្បែងបោះកងនេះ ជាល្បែងដ៏ពេញនិយមមួយនៅក្នុងប្រទេសចិន ដោយលក្ខន្តិកៈនៃល្បែងនេះ គឺទាមទារឱ្យអ្នកលេង បោះកងឱ្យទាក់ទៅនឹងរង្វាន់ដែលខ្លួនចង់បាន ទើបអាចចាត់ទុកថាឈ្នះបាន។ ក៏ប៉ុន្តែ កន្លែងបោះកងនៅផ្សាររាត្រីក្នុងទីក្រុង Shangqiu មួយនេះ មានភាពពិសេសខុសប្លែកពីកន្លែងដោយដទៃ ត្រង់ថាទីតាំងមួយនេះហ៊ានដាក់រថយន្តម៉ាក Maserati មកធ្វើជារង្វាន់ ជាមួយនឹងគ្នានឹងរង្វាន់ប្លែកៗដទៃទៀត ដូចជាសត្វគោ និង សត្វចៀម ស្របពេលដែលទីតាំងដទៃតែងនិយមដាក់រូបចម្លាក់ របស់ក្មេងលេង ឬរង្វាន់ដែលមានតម្លៃទាបជាងនេះ។

យោងតាម South China Morning Post បានរាយការណ៍ថា បុរសដែលជាសមាជិកត្រកូល Wang រូបនេះ បានធ្វើដំណើរពីខេត្ត Shandong ភាគខាងកើតប្រទេសចិន មកលេងល្បែងបោះកង នៅឯផ្សាររាត្រីក្នុងទីក្រុង Shangqiu ខេត្តហៃណាន កាលពីថ្ងៃទី១៤ ខែកុម្ភៈកន្លងទៅ។

ដោយលោកបានប្រាប់ថា លោកបានចំណាយប្រាក់ ២០០០ យន់ ឬប្រមាណ ២៨០ដុល្លារអាមេរិកដើម្បីទិញកងបោះចំនួន ៨០០០កង និងចំណាយពេលជាង ៣ម៉ោង ទើបអាចឈ្នះរង្វាន់ឡានទំនើបនេះបាន ក៏ប៉ុន្តែលោកគិតថា ការឈ្នះនេះកើតចេញពីសំណាងតែប៉ុណ្ណោះ។ លោកបាននិយាយថា៖ “ខ្ញុំបានបោះអស់រាប់ពាន់កង រហូតដល់មានអារម្មណ៍ថាឈឺដៃតិចៗ។ ដំបូង ខ្ញុំគ្រាន់តែចង់សាកល្បងវាទេ ហើយខ្ញុំគិតថា ការឈ្នះនេះ ភាគច្រើនមកពីសំណាងច្រើនជាង”។

យ៉ាងណាមិញ លោកក៏បានឱ្យដឹងបន្ថែមដែលថា លោកគឺជាមនុស្សម្នាក់ដែលចូលចិត្តលេងបាល់បោះ ហើយពីមុនមកលោកក៏ឧស្សាហ៍លេងល្បែងបោះកងនេះដែរ​ ដោយបានរៀបរាប់ពីរង្វាន់ដែលធ្លាប់ទទួលបាននៅពេលកន្លងមកថា៖ “ខ្ញុំធ្លាប់លេងបោះកងនេះ និងឈ្នះរង្វាន់ញឹកញយដែរ។ តួយ៉ាង កាលពីចូលឆ្នាំចិននេះ ខ្ញុំបានចាយប្រាក់ ១៥០យន់ (២០ដុល្លារអាមេរិក) ហើយឈ្នះក្ងាន ៦ក្បាល”។

ការឈ្នះរថយន្តដែលមានតម្លៃ ២៣៥០០០ដុល្លារអាមេរិក បានបង្កភាពភ្ញាក់ផ្អើលក្នុងចំណោមអ្នកប្រើប្រាស់បណ្ដាញទំនាក់ទំនងសង្គមចិន។ ក៏ប៉ុន្តែក្រោយមក មានព័ត៌មានលេចឮថា ការឈ្នះរង្វាន់ម៉ាក Maserati មួយគ្រឿងនេះ បុរសត្រកូល Wang មិនទទួលបានសិទ្ធិជាម្ចាស់កម្មសិទ្ធិ ១០០ភាគរយនោះទេ តែលោកបែរជាទទួលបានសិទ្ធិក្នុងការប្រើប្រាស់ត្រឹមពេល ១ឆ្នាំតែប៉ុណ្ណោះ។

ទាក់ទងនឹងរឿងរ៉ាវខាងលើនេះ លោកបានឱ្យដឹងបន្ថែមថា ក្នុងករណីបែបនេះ លោកកំពុងតែចរចាធ្វើការប្ដូរយកប្រាក់ជំនួសវិញ ដោយសារតែម្ចាស់ទីតាំងក៏ត្រូវការឡានដើម្បីធ្វើការរកស៊ីបន្ត ហើយការយកឡានចុះមកពីទីខ្ពស់បែបនេះក៏ជារឿងពិបាកផងដែរ។​

ទន្ទឹមគ្នានេះ អ្នកប្រើប្រាស់បណ្ដាញទំនាក់ទំនងសង្គមមួយចំនួន បានបង្ហាញការមិនពេញចិត្តនឹងលក្ខន្តិកៈនៃការប្រើប្រាស់រង្វាន់ខាងលើនេះ ដោយពួកគេបានយល់ថា ការឱ្យសិទ្ធិប្រើប្រាស់ត្រឹមពេល ១ឆ្នាំបែបនេះជារឿងមិនសមហេតុផល ហើយវានឹងក្លាយជាបន្ទុកទៅកាន់ម្ចាស់រង្វាន់ទៅវិញ បើសិនជាឡាននោះខូច៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *