ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
តំបន់ កោះស្ដេច កំពុងក្លាយជាទីចាប់អារម្មណ៍ពីសំណាក់អ្នកលេងក្នុងបណ្ដាញសង្គមហ្វេសបុកចូលខមិនថេកដៃគូឱ្យជូនទៅលេង ហោចណាស់ឱ្យបានម្ដងក្រោយបានឃើញទិដ្ឋភាពដ៏ស្រស់ស្អាត និងទាក់ទាញនៅក្នុងភូមិនៃតំបន់កោះមួយនេះ។
ថ្មីៗនេះផេកមួយដែលមានឈ្មោះថា Hea Raa – ហ៊ា រ៉ា បានបង្ហោះរូបភាពជាច្រើនសន្លឹកបង្ហាញពីតំបន់ទេសចរក្នុងស្រុកមួយកន្លែងក្នុងខេត្តកោះកុង។ តាមរយៈរូបភាពដែលកំពុងទទួលបានប្រជាប្រិយភាពយ៉ាងក្រាស់ក្រែលមួយនេះស្ថិតក្នុងភូមិ កោះស្ដេច ឃុំកោះស្ដេច ស្រុកគីរីសាគរ ខេត្តកោះកុង ដែលតំបន់កោះមួយនេះត្រូវបានរៀបចំឱ្យក្លាយជាតំបន់ទេសចរណ៍បែបអ្នកកោះយ៉ាងស្រស់ស្អាតទាក់ចិត្តភ្ញៀវទេសចរទាំងជាតិ និងអន្តរជាតិ។ ប្រសិនបើអ្នកបានទៅលេងកោះស្ដេចហើយបានចូលទៅលេងនៅក្នុងភូមិរបស់អ្នកកោះមួយនេះអ្នកប្រាកដជាប្លែកអារម្មណ៍ជាមួយទិដ្ឋភាពនៃការរស់នៅរបស់អ្នកភូមិនៃតំបន់កោះមួយនេះ។
ជាមួយគ្នានេះដែរ នៅក្នុងភូមិកោះស្ដេចប្រជាជនប្រកបរបរនេសាទ និងលក់ដូរដើម្បីចិញ្ចឹមជីវិតរបស់ពួកគេ។ ទិដ្ឋភាពនៃការលក់ដូរនំចំណីអាហារបែបអ្នកភូមិមួយនេះបានកំពុងទាក់ភ្នែកទាក់ចិត្តរាល់អ្នកដែលបានឃើញឱ្យបបួលគ្នីគ្នាដាក់ទៅលេងជុំគ្នាឱ្យបានម្ដង។ ដោយឡែក ក្រៅអំពីការទស្សនាក្នុងភូមិ និងភ្លក់អាហារតាមតំបន់រួចមកអ្នកទេសចរណ៍អាចបន្តដំណើរទៅទស្សនាតំបន់អណ្ដូងបុរាណដែលមានទឹកស្អាតមិនចេះដាច់នៅលើតំបន់កោះមួយនេះ។ អណ្ដូងទឹកសាបមួយនោះមានជម្រៅប្រមាណ ៥០ សង់ទីម៉ែត្រនេះគឺជាប្រភពយ៉ាងសំខាន់ក្នុងការទ្រទ្រង់ការរស់នៅរបស់អ្នកភូមិកោះស្ដេច និងត្រូវបានអ្នកភូមិហៅតំណាលតៗគ្នាថាជា អណ្ដូងព្រះស្ដេច។
យ៉ាងណាមិញ នៅមានកន្លែងកម្សាន្តជាច្រើនទៀតក្នុងតំបន់កោះស្ដេចអាចឱ្យអ្នកទេសចរណ៍ទទួលយកនូវអារម្មណ៍មួយប្លែកដែលមិនមែនត្រឹមការរស់នៅរបស់អ្នកភូមិកោះប៉ុណ្ណោះទេ តែជាការបន្តរក្សានូវទំនៀមទម្លាប់រស់នៅតជំនាន់មកទល់ពេលបច្ចុប្បន្ននេះឯង៕
ប្រភពរូបភាព ៖ Hea Raa – ហ៊ា រ៉ា
Account
Security
Favourite Content