fbpx

ធ្លាប់​មើល​អស់​នៅ? ភាពយន្ត ១០ រឿងរបស់ DreamWorks ដែល​រក​ចំណូល​បាន​ច្រើន​បំផុត

Dream Work គឺ​ជា​អ្នក​ផលិត​ខ្សែ​ភាពយន្ត គំនូរជីវចល ដែល​មាន​កេរ្តិ៍ឈ្មោះ​ល្បីល្បាញ​តាំង​ពី​ឆ្នាំ ១៩៩០ រហូត​មក​ដល់​ពេល​បច្ចុប្បន្ន​នេះ។ Studio Dreamworks ដំណើរការ​មក​អស់​រយៈពេល ២១ ឆ្នាំ​និង​ផលិត គំនូរជីវចល បាន​ជាង ៣០រឿង​រួច​មក​ហើយ។ Studio dream work រក​ចំណូល​បាន​ពី​ការ​ផលិត​ខ្សែភាពយន្ត គំនូរជីវចល បាន​រហូត​ទៅ​ដល់ ១២,៥ប៊ីលានដុល្លា។ ថ្ងៃនេះ​យើង​នឹង​មក​បង្ហាញ​ពី​ខ្សែភាពយន្ត គំនូរជីវចល ទាំង ១០​រឿង​របស់ DreamWorks ដែល​រក​ចំណូល​បាន​ច្រើន​បំផុត។ ចង់ដឹង​ថា​មាន​ភាពយន្តអ្វីខ្លះតោះ​យើងទៅ​ទស្សនា​ទាំង​អស់គ្នា៖

លំដាប់​ទី ១០៖ រឿង Puss In Boots

មក​ចាប់​ផ្តើមពី​ភាពយន្តដែល​រក​ចំណូល​បាន​ច្រើនដំបូង​បំផុត​របស់ Dream​Works។ ជាមួយ​នឹង​រឿងរ៉ាវ​របស់អ្នក​ក្លាហាន​ស្បែកជើង Boots។ នេះជា​ការ​ផ្សងព្រេង​របស់ Puss ជាមួយ​នឹង​កញ្ញាឆ្មា រួម​ជាមួយ​នឹង ក្មេង​ប្រុស​រូបរាង​ជា​ស៊ុត ដែល​ជា​មិត្ត​សម្លាញ់​របស់​គេ។ពួកគេ​ត្រូវ​ចេញ​ស្វែង​រក​កំណប់​ទ្រព្យ​មហាសាល​នៅលើ​មេឃ។ ភាពយន្ត​នេះចាក់​បញ្ចាំង​នៅ​ក្នុង​ឆ្នាំ ២០១១ ហើយ​រក​ចំណូល​បាន  ៥៥៤,៩លានដុល្លារ ដោយ​ចំណាយ​ដើមទុន​ក្នុង​ការ​ផលិត​អស់​ចំនួន ១៣០លានដុល្លារ។

លំដាប់​ទី ៩៖ រឿង The Croods

នេះជា​ភាពយន្ត គំនូរជីវចល បែប​លក្ខណៈ​ផ្សងព្រេងរបស់​រឿងរ៉ាវគ្រួសារ Croods ដែល​ជាគ្រួសារ​របស់​មនុស្ស​លោក​ដំបូងគេបង្អស់។ ពួកគេ​ត្រូវគេច​ខ្លួនពីគ្រោះមហន្តរាយដែលកើត​មានពីការរំកិលនៃស្រទាប់ផែនដី​ដែលអាចធ្វើឲ្យពួកគេស្លាប់​ដាច់ពូជពី​លើលោក​នេះ​បាន។  ពួកគេ​បានធ្វើដំណើរ​ផ្សងព្រេងទៅ​គ្រប់ទីកន្លែងដើម្បីគេច​ឲ្យផុតពី​គ្រោះមហន្តរាយ​គ្រានេះ។ ភាពយន្តនេះ​ចាក់បញ្ចាំង​នៅ​ក្នុង​ឆ្នាំ ២០១៣ ហើយ​រកចំណូលបាន ៥៨៧,២លានដុល្លារ ដោយ​បានចំណាយដើម​ទុនក្នុង​ការ​ផលិត​អស់​ចំនួន ១៣៥លានដុល្លារ។

លំដាប់ទី ៨៖ រឿង Madagascar: Escape 2 Africa

នេះ​គឺជាវគ្គទី​ពីរ​របស់​ភាពយន្តរឿង Madagascar ។ ក្រោយពីពួកសត្វដែលមកពី New York ត្រូវ​បាន​ទុកចោលនៅ​លើកោះ ​ពួកគេ​ក៏បានព្យាយាម​រកវិធីផ្សេងៗបែប​ចម្លែកៗដើម្បីចាកចេញពីកោះនោះ។ តែវិធី​ចម្លែក​របស់​ពួកគេក៏ទទួលបានផល ដោយ​ពួកគេ​បានជួសជុលយន្តហោះ​បាក់បែកឲ្យ​ត្រឡប់មកប្រើ​ការវិញបាន​សម្រេច។ ក្រោយពីធ្វើការហោះហើរ​ចេញ​ពីកោះយន្តហោះក៏បាន​ធ្លាក់នៅចំ​ដែលដី Africa ធ្វើឲ្យពួក​គេបាន​ជួបជាមួយ​នឹងក្រុមសត្វ​ដទៃទៀតជាច្រើន។ រឿងនេះ​ចាក់បញ្ចាំង​នៅក្នុងឆ្នាំ ២០០៨ហើយរកចំណូលបាន ៦០៣,៩លានដុល្លារ ដោយបានចំណាយ​ដើមទុនក្នុងការផលិតអស់ចំនួន ១៥០លានដុល្លារ។

លំដាប់ទី ៧៖ រឿង How to Train Your Dragon 2

នេះក៏ជាខ្សែភាពយន្តដែលទទួលបានជោគជ័យមួយរឿងទៀតរបស់ DreamWorks ។ វគ្គនេះដំណើររឿងតពីវគ្គមុនក្រោយ​ពីក្រុមមនុស្សអាចសម្របខ្លួន​រស់នៅជាមួយ​នឹងហ្វូង​សត្វនាគ​បានហើយ។ ពួកគេក៏ត្រូវជួបប្រទះជាមួយនឹងឧបសគ្គថ្មីមួយទៀត ដោយពួកគេ​ត្រូវប្រឈមមុខ​និងតតាំងជាមួយហ្វូងសត្វនាគមួយក្រុមផ្សេងទៀត។ រឿង​នេះ​ចាក់បញ្ចាំងនៅក្នុងឆ្នាំ ២០១៤ រកចំណូលបាន ៦២១,៥លានដុល្លារ ដោយ​បានចំណាយ​ដើមទុនក្នុងការផលិតអស់ចំនួន ១៤៥លានដុល្លារ។

លំដាប់ទី ៦៖ រឿង Kung Fu Panda

ខ្សែភាពយន្ត​នេះក៏ជា​សមិទ្ធផល​ជោគជ័យ​មួយ​ទៀតរបស់ DreamWorks ដែល​មានការគាំទ្រយ៉ាង​ច្រើនទូទាំងសកលលោក។​ ជាមួយនឹងរឿងរ៉ាវរបស់ Panda ដែលមានមាឌ​ធំមាំមួនតែ​សស្លក់​សស្លើត​តែរូប​មានចិត្ត​ស្រឡាញ់​ក្បាច់គុនកុងហ្វូយ៉ាងខ្លាំង។ ថ្ងៃមួយគេត្រូវបានជ្រើសតាំងឲ្យធ្វើជា​អ្នក​ចម្បាំងនាគរាជ ព្រមទាំងតម្រូវឲ្យគេត្រូវហ្វឹកហាត់​វិជ្ជាគុន​កុងហ្វូ​ឲ្យបានសម្រេចដើម្បី​ប្រឈមមុខជាមួយនឹងគ្រោះថ្នាក់ដែលកំពុងតែមកដល់ក្នុងពេលខាង​មុខនេះ។ ភាពយន្ត​នេះចាក់​បញ្ចាំងនៅក្នុងឆ្នាំ ២០០៨ រកចំណូលបាន ៦៣១,៧លានដុល្លារ ដោយ​បានចំណាយ​ដើមទុនក្នុងការផលិតអស់ចំនួន ១៣០លានដុល្លារ។

លំដាប់ទី ៥៖ រឿង Kung Fu Panda 2

Kung Fu Panda នៅតែគ្រង​តំណែងជាខ្សែភាពយន្ត គំនូរជីវចល ដែលរក​ចំណូល​បានច្រើន​បំផុតរបស់ DreamWorks ។ ក្រោយ​ពីតួរអង្គ Panda របស់យើង​ត្រូវបានគេទទួល​ស្គាល់ថាជាអ្នក​ចម្បាំង​នាគរាជ​ហើយ​នោះ អ្នកចម្បាំង​នាគរាជ​និងអ្នកក្លាហាន​ទាំង៥រូបត្រូវធ្វើដំណើរទៅនគរ កុងមឿន ដើម្បីប្រយុទ្ធជាមួយសត្រូវ និងស្វែង​រកការពិតនៃ​ដើមកំណើតរបស់​ខ្លួនឯង។ ភាពយន្ត​នេះចាក់បញ្ចាំងនៅក្នុងឆ្នាំ ២០១១ រកចំណូលបាន ៦៦៥, ៦លានដុល្លារ ដោយបានចំណាយដើមទុនក្នុងការផលិតអស់ចំនួន ១៥០លានដុល្លារ។

លំដាប់​ទី ៤៖ រឿង Madagascar 3: Europe´s Most Wanted

ក្រោយពី​បញ្ចប់​ដំណើរ​ផ្សងព្រេង​នៅ​អាហ្វ្រិក​រួចរាល់​ហើយ បណ្តាក្រុម​សត្វ​ទាំង​ឡាយ​ក៏ចង់វិល​ត្រឡប់ទៅផ្ទះរបស់គេ​វិញនៅឯ New York។ តែពួកគេត្រូវ​តាមរក​គ្នីគ្នារបស់គេមួយ​ចំនួនទៀត​ដែលបានបែកគ្នាកាលពីមុននោះ។ ព្រោះ​សត្វទាំងពីរ​ក្រុមទៀត​នេះគឺ​ជា​អ្នក​ដែល​អាច​ជួយឲ្យពួកគេវិលត្រឡប់ទៅផ្ទះវិញបាន។ ធ្វើឲ្យ​ពួកគេ​ត្រូវ​ជួប​ជាមួយនឹង​ការផ្សងផ្សេងជាថ្មីម្តងទៀតនៅអ៊ឺរ៉ុប។ ភាពយន្ត​នេះចាក់​បញ្ចាំង​នៅក្នុងឆ្នាំ ២០១២ រកចំណូល​បាន ៧៤៦,៩លានដុល្លារ ដោយបាន​ចំណាយ​ដើមទុនក្នុងការ​ផលិត​អស់​ចំនួន ១៤៥លានដុល្លារ។

លំដាប់ទី ៣៖ រឿង  Shrek Forever After

ខ្សែភាពយន្ត​រឿងនេះអាច​និយាយ​បាន​ថា​ជា​ខ្សែភាពយន្ត​ដែល​សាង​កេរ្តិ៍​ឈ្មោះឲ្យ DreamWorks តែម្តងក៏ថាបាន។ គ្រប់វគ្គដែលបាន​ផលិតចេញ​មកគឺរកចំណូលបានយ៉ាងច្រើនមហាសាល។ Shrek Forever After  គឺជាវគ្គទី៤នៃរឿងនេះ។ ជាមួយនឹងរឿងរ៉ាវរបស់ Shrek ដែល​បាន​ឆ្លងកាត់ឩបសគ្គមកជាច្រើន​ទាំងបី​វគ្គ នៅក្នុងវគ្គនេះ​គេ​ក៏​បាន​ក្លាយ​ទៅ​ជា​ឪពុក​របស់​គេ។ ប្រើ​ជីវិត​រស់​នៅ​ក្នុង​គ្រួសារ​កក់​ក្តៅ​មួយ​មើលថែកូនៗទាំងបីរបស់គេ។ តែក្នុង​ចិត្ត​របស់​គេនៅ​តែលួច​នឹក​គិត​ទៅដល់​អតីតកាល​របស់​ខ្លួនដែល​ធ្លាប់​ជា​យក្ស​រស់​នៅ​ក្នុង​បាត​បឹង​ហើយ​មនុស្សម្នាជាច្រើនខ្លាចរអារូប​គេ​ជាខ្លាំង។ ធ្វើឲ្យ Shrek យល់ព្រម​ទៅចុះ​កិច្ចសន្យា​មួយ​ដើម្បីឲ្យរូបគេអាចវិលត្រឡប់ទៅ​ដូចពីមុនវិញ តែ​រឿងរ៉ាវ​មិន​បានដូចជា​ការ​គិត។ គ្រប់យ៉ាងប្រែ​ទៅជា​រញ៉េរញ៉ៃ ធ្វើឲ្យ Shrek ត្រូវព្យាយាម​ធ្វើគ្រប់វិធីដើម្បី​ឲ្យគ្រប់យ៉ាងវិលត្រឡប់មក​កាន់សភាព​ដើមវិញ។ រឿងនេះបានចាក់បញ្ចាំងនៅក្នុងឆ្នាំ ២០១០ រកចំណូល​បាន ៧៥២,៦លានដុល្លារ និងបាន​ចំណាយដើមទុនក្នុងការ​ផលិតអស់ចំនួន ១៦៥លានដុល្លារ។

លំដាប់ទី ២៖ រឿង Shrek The Third

ក្នុងវគ្គទី៣នេះមានរឿងរ៉ាវជាច្រើនដែលបានកើតឡើងនៅពេលដែល Shrek មិនចង់​ឡើងធ្វើ​ជាស្តេច។ ទើបធ្វើឲ្យគេ​ត្រូវ​ចេញ​ដំណើរទៅ​ស្វែង​រក​រាជ​ទាយាទ​ពិត​ប្រាកដ​ដែល​ត្រូវជាប្អូន​ប្រុសរបស់ភរិយាគេ។ ភាពយន្ត​នេះ​ចាក់​បញ្ចាំង​នៅ​ក្នុង​ឆ្នាំ ២០០៧ រក​ចំណូលបាន ៨១៣,៣លានដុល្លារ ដោយបាន​ចំណាយ​ដើម​ទុនក្នុងការផលិតអស់ចំនួន ១៦០លានដុល្លារ។

លំដាប់ទី ១៖ រឿង Shrek 2

Shrek នៅតែគ្រងតំណែងជាខ្សែភាពយន្ត គំនូរជីវចល ដែលរកចំណូលបានខ្ពស់បំផុតរបស់ DreamWorks ។ រឿងរ៉ាងតពីភាគដំបូងក្រោយពីតស៊ូជាមួយនាគភ្លើង ហើយអាចយកឈ្នះចិត្តរបស់ព្រះនាងបាន។ នៅក្នុងវគ្គនេះគេត្រូវប្រឈមមុខជាមួយនឹងការសាកល្បងដ៏ខ្លាំងក្លាបំផុតនោះគឺឪពុកម្តាយក្មេងរបស់គេ។ Shrek ត្រូវត្រឡប់ទៅសួរសុខទុកឪពុកម្តាយរបស់ព្រះនាង ដែលជាព្រះមហាក្សត្រ ដោយអ្នកទាំងពីរមិនធ្លាប់បានដឹងមកពីមុនទេថាការរៀបការរបស់ពួកគេអាចធ្វើឲ្យផែនការរបស់ឪពុកក្មេងត្រូវរលាយ។ រឿងនេះចាក់បញ្ចាំងនៅក្នុងឆ្នាំ ២០០៤ រកចំណូល​បានខ្ពស់បំផុតដល់ទៅ ៩២៨,៧លានដុល្លារ ដោយបានចំណាយដើមទុនក្នុងការផលិតអស់ចំនួន ១៥០លានដុល្លារ ៕


តារាល្បីៗ, ព័ត៌មានកម្សាន្ត, ព្រឹត្តិការណ៍

ធ្វើរឿងងាយ ២ យ៉ាងនេះ ទទួលបានរាងស្រឡូនស្អាតដូចអ្នកម៉ាក់សម័យថ្មី សិទ្ធី នីកា

ថ្វី​បើ​កំពុង​មមាញឹក​ខ្លាំង​ជាមួយ​ការងារ​សិល្បៈ និង​មាន​កូន​ប្រុស​គួរ​ឱ្យ​ស្រលាញ់​ម្នាក់​ហើយ​ក៏​ពិត​មែន ក៏​អ្នក​ម៉ាក់​សម័យ​ថ្មី អ្នកនាង សិទ្ធី នីកា នៅតែ​ស្រស់​ស្អាត​ខ្លាំង និង​មាន​រាង​ស្លីម​ស្រឡូន ចង្កេះ​មួយ​ក្តាប់
ទស្សនាចរ, ព័ត៌មានរសនិយម, ព្រឹត្តិការណ៍

តំបន់ទេសចរណ៍ ៥ ក្នុងខេត្តរតនគិរី ដែលកំពុងតែមានសក្ដានុពល

ចង់​ទៅ​លេង​ខេត្ត​រតនគិរី តែ​មិន​ដឹង​ថា​គួរ​ទៅ​លេង​នៅ​កន្លែង​ណា​ត្រូវ​អត់​? មិន​បាច់​បារម្ភ​ទៀត​ទេ សម្រាប់​ប្រិយមិត្ត​ដែល​ចូលចិត្ត​ធ្វើ​ដំណើរ​កម្សាន្ត​ទៅ​កាន់​កន្លែង​ថ្មី​ៗ ប្លែកៗ បែប​ធម្មជាតិ​ៗ AMS សូម​ណែនាំ​
ព័ត៌មានរសនិយម, ព្រឹត្តិការណ៍, ស្នេហានិងទំនាក់ទំនង

វិធីថែរក្សាទំនាក់ទំនងមិត្តភាព កុំឲ្យក្លាយជាស្នេហា

តើ​មាន​មនុស្ស​ប៉ុន្មាន​អ្នក​ដែល​ធ្លាក់​ក្នុង​អន្លង់​ស្នេហ៍​មិត្តភ័ក្ដិ​ខ្លួនឯង ហើយ​បាន​សារភាព តែ​ត្រូវ​ម្ខាង​ទៀត រហូត​ធ្វើឲ្យ​មើល​មុខ​គ្នា​លែង​ចំ។ ជា​ដំបូន្មាន សម្រាប់​អ្នក​ដែល​មាន​មិត្តភក្ដិ​ខ្លួនឯង គួរ​មក​ដឹង​ពី​៥
តារាល្បីៗ, ព័ត៌មានកម្សាន្ត, ព្រឹត្តិការណ៍

សេង រដ្ឋា ពីតួឯក មកនៅត្រឹមតួរងក៏បាន ឱ្យតែថ្មី ប្លែក សម្រាក់ទស្សនិកជន

អតីត​បវរកញ្ញា​រាង​ខ្ពស់​ស្រឡះ សម្បុរ​ស្រអែម​ស្រស់ សេង រដ្ឋា ត្រូវ​គេ​ដឹង​ថា ទើប​បោះ​ជំហាន​ចូល​វិស័យ​ភាពយន្ត​កាល​ពី​ពេល​ថ្មី​ៗ​នេះ​ដែរ​ទេ តែ​ក្តោប​បាន​តំណែង​តួឯក​ស្រី​ជា​ក្នុង​រឿង «បាប​ស្នេហ៍​អតីត»
ព័ត៌មានរសនិយម, ព្រឹត្តិការណ៍, ស្នេហានិងទំនាក់ទំនង

បើ​​ឆ្លង​ផុត​ការ​ឈឺ​ចាប់​​ ៣​ ​យ៉ាង​នេះ​បាន អ្នក​នឹង​ក្លាយ​ជា​មនុស្ស​រឹងមាំ​អាច​ទប់ទល់​បាន​គ្រប់​ឧបសគ្គ​

នារីៗ​ដែល​បាន​ឆ្លងកាត់​ភាព​ឈឺចាប់​ទាំង​ ៣​ ខាង​ក្រោម​នេះ​ហើយ​ នឹង​ដឹង​ថា​ខ្លួន​មាន​ភាពរឹងមាំ​កម្រិត​ណា។​ ពេល​ឆ្លងកាត់​លើក​ដំបូង​ពិត​ជា​ឈឺចាប់​ និង​ធ្ងន់ធ្ងរ​ណាស់​សម្រាប់​យើង​ជា​មនុស្ស​ស្រី
ព័ត៌មានកម្សាន្ត, ព្រឹត្តិការណ៍, ភាពយន្តនិងតន្រ្តី

ផលិតករ ហ៊ុយ យ៉ាឡេង ពេញចិត្តឱ្យគេហៅថា «ផលិតករសុំទាន»

មាន​ការ​ភ្ញាក់ផ្អើល​មួយ​បាន​កើតឡើង ដោយ​ថ្មី​ៗ​នេះ​គេ​បាន​ឃើញ លោក ហ៊ុយ យ៉ាឡេង ដែល​ជា​ផលិតករ និង​ជា​អ្នក​ដឹក​នាំ​រឿង បាន​ហៅ​ខ្លួនឯង​លើ​បណ្តេញ​សង្គម​ហ្វេសប៊ុក​ថា «ខ្ញុំ​ជា​ផលិតករ​សុំ​ទាន»។
ចង់ដឹងរឿងគេ, ព័ត៌មានកម្សាន្ត, ព្រឹត្តិការណ៍

គួរឲ្យស្ដាយ! យឹម តាស្រង់ សម្រេចចិត្តដើរចេញពី Galaxy

លោក យឹម តាស្រង់ ដែល​ជា​អ្នក​និពន្ធ​បទ​ចម្រៀង ហើយ​ក៏​ជា​អ្នក​គ្រប់គ្រង​ផលិតកម្ម Galaxy បាន​សម្រេចចិត្ត​ចាកចេញ​ពី​ផលិតកម្ម ដើម្បី​ឈាន​ទៅ​បើក​អាជីវកម្ម និង​បើក​ជា​ក្រុមហ៊ុន​ផ្ទាល់​ខ្លួន។ នេះ​បើ​
ព័ត៌មានកម្សាន្ត, ព័ត៌មានកម្សាន្តប្លែកៗ, ព្រឹត្តិការណ៍

មក​ស្គាល់​សត្វ​មួយ​ប្រភេទ ដែល​ដេក​បើក​ភ្នែក​មួយ​ចំហៀង

សត្វ Dophins ត្រូវ​បាន​គេ​ស្គាល់​ថា​ជា​សត្វ​ដ៏​ឆ្លាត​វៃ​បំផុត​មួយ​នៅ​លើ​ភព​ផែនដី ​ដោយ​សារ​តែ​ពួក​វា​មាន​សមត្ថភាព​រក្សា​ថាមពល​ក្នុង​ខួរក្បាល​របស់​ពួកវា។ សត្វ Dophins មាន​របៀប​ដេក​ខុស​គ្នា​ឆ្ងាយ​ពី​របៀប​ដែល…
DIY, ព័ត៌មានរសនិយម, ព្រឹត្តិការណ៍

ការ​ពិត​មួយ​ដែល​អ្នក​គួរ​ដឹង បើ​ដាក់​អីវ៉ាន់​ពេញៗ​ទូ​ទឹកកក

ទូទឹកកក​គឺ​ជា​ឧបករណ៍​ប្រើប្រាស់​ថាមពល​ដ៏​ច្រើន​បំផុត​មួយ​នៅ​ក្នុង​ផ្ទះ ខណៈ​បច្ចុប្បន្ន​នេះ​ក្រុមហ៊ុន​ផលិត​ទូរ​ទឹកកក​ម៉ាក​ថ្មីៗ​កំពុង​ច្នៃ​ប្រឌិត​ឥត​ឈប់ឈរ​​ដើម្បី​សន្សំ​សំចៃ​ថាមពល​តាម​ដែល​អាច​ធ្វើ​ទៅ​បាន។ ទូរ​ទឹកកក​​មិន​ត្រឹមតែ…
ព័ត៌មានរសនិយម, ព្រឹត្តិការណ៍, សុខភាពនិងសម្រស់

ទម្លាប់​អាក្រក់​ទាំង ៤ ដែល​ធ្វើ​ឱ្យ​អ្នក​តែងតែ​អស់​កម្លាំង

ការ​ហត់​នឿយ​ផ្លូវ​ចិត្ត និង​ផ្លូវ​កាយ និង​ភាព​នឿយហត់​គឺ​ជា​រឿង​ធម្មតា​សម្រាប់​មនុស្ស​គ្រប់​គ្នា ដែល​វា​កើត​ឡើង​ពី​ទង្វើ​មិន​ល្អ​មួយ​ចំនួន​ដែល​អ្នក​បាន​ធ្វើ។ តែ​យ៉ាង​ណា​បើ​ទង្វើ​មួយ​នោះ​ក្លាយ​ទៅ​ជា​ទម្លាប់​វិញ…