កុំទុកចិត្តឲ្យ​សោះ! មនុស្ស ៥ប្រភេទដែលគេអាចយកលុយទិញបាន

ជាធម្មតាការរស់នៅក្នុងសង្គមគឺជៀសមិនផុតពីការប្រាស្រ័យទាក់ទងជាមួយនឹងមនុស្សជុំវិញខ្លួននោះទេ។ ប៉ុន្តែច្បាស់អត់ថាមនុស្សដែលយើងបាននិងកំពុងតែរាប់អានសុទ្ធសឹងជាមនុស្សអាចទុកចិត្តបាន ហើយនឹងមិនជ្រើសរើសយកការបំផ្លាញយើងដើម្បីតែផលប្រយោជន៍ផ្ទាល់ខ្លួនក្នុងឱកាសណាមួយដែលអំណោយផលដល់ពួកគេ។​ មានមនុស្សជាច្រើន ដើម្បីលុយ អំណាច និងបុណ្យសក្ដិខ្លួនឯង ពួកគេហ៊ានសូម្បីតែសម្លាប់មនុស្សជុំវិញខ្លួន បើទោះបីជាអ្នកនោះមានទំនាក់ទំនងជិតស្និទ្ធិរាប់អានគ្នាមកជាច្រើនឆ្នាំក៏ដោយ។​ តើមនុស្សប្រភេទណាខ្លះដែលងាយទាក់ទាញដោយទឹកលុយបាន?

១. មនុស្សអាត្មានិយម

ប្រភេទមនុស្សនេះតែងតែធ្វើអ្វីចូលចិត្តគិតប្រយោជន៍ខ្លួនឯងជាធំ ចូលចិត្តខ្សែលើគេដោយមិនក្រែងចិត្តអ្នកណាទាំងអស់។ ពួកគេចូលចិត្តអែបអប និងរាប់អាននរណាម្នាក់ដោយគ្រាន់តែសម្លឹងមើលឃើញផលប្រយោជន៍តែប៉ុណ្ណោះ បើគ្មានប្រយោជន៍វិញសូម្បីមុខក៏គេខ្ពើមមើលដែរ។

២. មនុស្សលោភលន់

មនុស្សគ្រប់គ្នាសុទ្ធតែដឹងថាមនុស្សលោភលន់ជាអ្នកដែលស្រឡាញ់អំណាច ស្រឡាញ់ឋានៈ និងស្រឡាញ់លុយជាទីបំផុត។ ពួកគេហ៊ានបំផ្លាញ ហ៊ានបោះបង់ចោល និងហ៊ានកម្ចាត់មនុស្សទាំងអស់នៅជុំវិញខ្លួន សូម្បីតែមនុស្សជាទីស្រឡាញ់ ឬក្រុមគ្រួសារដែលចូលមករារាំងផលប្រយោជន៍របស់គេ។

៣. មនុស្សចូលចិត្តហ៊ឺហារ

ប្រសិនបើការហ៊ឺហានោះសមស្របទៅតាមលទ្ធភាពនិងសមត្ថភាពរបស់ខ្លួន វាមិនមែនជារឿងអាក្រក់នោះទេ។ ប៉ុន្តែប្រសិនបើមនុស្សម្នាក់គ្មានលុយ​តែចង់ឡូយឆាយ ចង់ហ៊ឺហា ចង់សម្ញែងបង្អួតគេ ​​ច្បាស់ណាស់ម្នាក់នោះងាយនឹងត្រូវបានគេយកលុយទៅទិញជាទីបំផុត។ ពួកគេគិតថាមានតែលុយប៉ុណ្ណោះដែលធ្វើឱ្យគេអស្ចារ្យបាន។

៤. មនុស្សខ្វះខាតការយល់ដឹង

មិនប្រាកដថាមនុស្សដែលមានចំណេះដឹងខ្ពស់ហើយការយល់ដឹងនឹងខ្ពស់ដែរនោះទេ។ អ្នកខ្លះមានចំណេះដឹងខ្ពស់មែនទែន តែការគិតរបស់ពួកគេមិនបានវែងឆ្ងាយនោះទេ។ ពួកគេបានយល់ច្រឡំថាមានតែលុយ អំណាច និងរបស់ថ្លៃៗតែប៉ុណ្ណោះទើបធ្វើឱ្យពួកគេក្លាហាន និងមានទំនុកចិត្តបាន។ ប៉ុន្តែនៅពេលពួកគេបានជួបជាមួយនឹងមនុស្សដែលមានការយល់ដឹងខ្ពស់ជាងខ្លួន នោះទំនុកចិត្តរបស់គេអាចនឹងបាត់បង់ទៅវិញផងដែរ។ ទោះជាយ៉ាងណាពួកគេនៅតែអាចឆ្លៀតឱកាសយកលុយ និងអំណាចដែលខ្លួនកំពុងមានទៅគៀបសង្កត់មនុស្សដែលនៅក្រោមឱវាទខ្លួនបានដដែល។

៥. មនុស្សចង់ជោគជ័យផ្លូវកាត់

គ្មានមនុស្សណាម្នាក់ដែលទទួលបានភាពជោគជ័យដោយមិនឆ្លងកាត់រឿងលំបាករយៈពេលយូរនោះទេ។ មនុស្សដែលមានក្ដីស្រមៃច្បាស់លាស់ ពួកគេនឹងតស៊ូជម្នះឧបសគ្គគ្រប់បែបយ៉ាងដើម្បីសម្រេចគោលដៅ ហើយលុយក៏មិនអាចទិញក្បាលពួកគេបានដែរ។ ប៉ុន្តែមានតែមនុស្សចង់ស្រួល ចង់មានបានលឿន ចង់ជោគជ័យលឿនទេទើបពួកគេងាយត្រូវបានទិញដោយលុយ ហើយនឹងអាចក្លាយជាឧបករណ៍បម្រើផលប្រយោជន៍អ្នកដទៃបាន។ មនុស្សបែបនេះតែងតែមានគំនិតថាពេលណាបើកភ្នែកឡើងមកត្រូវតែមាននូវអ្វីៗគ្រប់យ៉ាងដែលបានមកដោយងាយស្រួល។ ភាពជោគជ័យតាមផ្លូវកាត់របស់ពួកគេជានិច្ចកាលអាចនឹងបង្កជាផលប៉ះពាល់យ៉ាងខ្លាំងដល់មនុស្សដែលខំតស៊ូដើម្បីភាពជោគជ័យពិតប្រាកដ។ បើក្នុងសង្គមមានមនុស្សប្រភេទនេះច្រើនគឺកាន់តែគួរឱ្យខ្លាច។ ថាខ្មោចគួរឱ្យខ្លាចតែមនុស្សប្រភេទខាងលើនេះគួរឱ្យខ្លាចជាងខ្មោចទៅទៀត។

សរុបមក មនុស្សដែលគេអាចយកលុយទៅទិញបានភាគច្រើនមិនដែលមានចេតនាស្មោះត្រង់ជាមួយនឹងនរណាម្នាក់នោះទេ។ ពួកគេចូលចិត្តសម្ដែងទឹកចិត្ត ប្រើពាក្យសម្ដីផ្អែមហើយទន់ភ្លន់ដើម្បីទាក់ទាញចំណាប់អារម្មណ៍ ខណៈពួកគេសម្លឹងឃើញផលប្រយោជន៍ផ្សេង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​