ចូលចិត្តប៉ុណ្ណាក៏ដោយ ហ៊ានតែនិយាយរឿងអស់នេះគេធុញស្អប់មិនខាន

ការនិយាយស្ដីគឺជារឿងសំខាន់មួយព្រោះវាអាចបង្ហាញពីអត្ដចរិតរបស់មនុស្សម្នាក់ៗបានយ៉ាងច្បាស់។ មនុស្សជុំវិញគោរព និងចូលចិត្តអ្នកក៏មួយផ្នែកគឺតាមរយៈពាក្យសម្ដីនេះដែរ។ ដូច្នេះបើពេលខ្លះសម្ដីរបស់អ្នកចេញមកហាក់ដូចជាមើលងាយ និយាយមិនសូវចេះគិត ឬសាំត្រប៉ែពេកនឹងធ្វើឲ្យគេគ្រប់គ្នាធុញទ្រាន់ជាមិនខាន។ បើចៀសបានកុំនិយាយរឿងអស់នេះប្រយ័ត្នគេស្អប់មើលងាយ និងលែងរាប់រក៖

១. និយាយចាក់ចំណុចខ្សោយអ្នកដទៃ

មនុស្សមួយចំនួនចូលចិត្តនិយាយបញ្ឍឺអ្នកជុំវិញ ព្រោះពួកគេមានអារម្មណ៍ថាសប្បាយរីករាយខ្លាំង។ ឧទាហរណ៍៖ ដូចជាពេលខ្លះដឹងថាអ្នកក្បែរខ្លួនគ្មានឪពុកម្ដាយប៉ុន្ដែបែរប្រឹងអួតថាគ្រួសារខ្លួនកក់ក្ដៅណាស់ឳពុកម្ដាយស្រឡាញ់ ធ្វើដូចនេះអ្នកកំពុងចាក់ចំរបួសរបស់អ្នកដទៃហើយបើគេមិនចូលចិត្តអ្នកក៏មិនមានអ្វីប្លែកដែរ។

២. និយាយរឿងលុយ

មនុស្សគ្រប់គ្នាសុទ្ធតែត្រូវការប្រាក់ដើម្បីជីវភាពប្រចាំថ្ងៃ ប៉ុន្ដែកុំមួយម៉ាត់លុយ ពីរម៉ាត់លុយ ព្រោះអ្នកកំពុងបង្ហាញពីភាពលោភលន់របស់ខ្លួនទៅកាន់មនុស្សជុំវិញ។ គេនឹងគិតថាអ្នកជាមនុស្សលុយទិញបាន អ្វីក៏ហ៊ានធ្វើឲ្យតែបានលុយអ៊ីចឹងគេមិនឲ្យតម្លៃអ្នកទេ។

៣. និយាយសាំ ឬអត់ប្រយោជន៍

មនុស្សខ្លះជាមនុស្សសាំញ៉ាំចូលចិត្តនិយាយច្រំដែលអត់ទៅមុខដូចគ្រាន់តែរឿងបាត់របស់តូចតាចមួយនៅសួរដេញដោលជម្រេញនៅត្រង់ហ្នឹង រំខានគេគ្រប់គ្នាមិនឲ្យធ្វើអ្វីបាន។ មិនមែនថាជាអ្នកមានបាត់របស់មិនស្ដាយទេ ប៉ុន្ដែត្រូវមើលអ្នកជុំវិញផងមិនមែនគេគ្រប់គ្នាទំនេរជួយគិតដោះស្រាយអ្នករហូតទេចេះបត់បែនខ្លះផង។  

ជាពិសេសរឿងមានប្រយោជន៍ឬសំខាន់មិនដែលឃើញលូកមាត់សោះដល់រឿងអត់ប្រយោជន៍សម្បូរនិយាយមិនអស់ ពោលបានតែនិយាយចេញមករកចំណុចល្អត្រឹមត្រូវគ្មាន។

៤. និយាយអួត

ជាធម្មតាគ្មាននរណាម្នាក់ចូលចិត្តមនុស្សអួតឡើយ។  អ្នកខ្លះអួតមិនចេះមើលប្រាណ ឬខុសពីការពិតពេកដែលធ្វើឲ្យគ្រាន់តែបើកមាត់និយាយមក អ្នកជុំវិញដឹងថាកុហកដូចជា ខ្ញុំពូកែមុខវិជ្ជាភាសាខ្មែរប៉ុន្ដែអក្សរខ្មែរសរសេរខុសសឹងគ្រប់ជួរ។​

៥. និយាយភ្លាវ ឬមិនដឹងកាលៈទេសៈ

អ្នកខ្លះគិតថាខ្លួននិយាយគ្រាន់តែចង់លេងសើចប៉ុន្ដែភ្លេចយកខួរមកគិត និងពិចារណា។ ឧទាហរណ៍៖ សុខៗ ទៅសួរអ្នកដទៃ ម៉េចហើយអត់កើតកូវីដទេ? រីឯពេលខ្លះដឹងថា អ្នកក្បែរខ្លួនចូលចិត្តកាហ្វេតែបែរជានិយាយក្ដែងៗ ថាខ្លួនស្អប់ឬពុលក្លិនកាហ្វេ ជាដើមដែលធ្វើឲ្យភាគីម្ខាងទៀតមានអារម្មណ៍ទើសទាល់ខ្លាំង។

៦. និយាយត្អូញត្អែរ

អ្នកខ្លះជួបមុខពេលណាគិតតែពីនិយាយតម្អូញតម្អែរ អួយខ្ញុំធ្វើនេះ ខ្ញុំធ្វើនោះ អួយហត់ណាស់ ពិបាកណាស់ តែគោលបំណងកំពុងចង់បង្ហាញប្រាប់អ្នកដទៃថាខ្លួនធ្វើរឿងអស្ចារ្យណាមួយចង់ឲ្យគេសរសើរ។ មនុស្សគ្រប់គ្នាមានភ្នែក ពេលខ្លះមិនចាំបាច់និយាយក៏អាចមើលឃើញ។ គ្មាននរណាមកអង្គុយទំនេរស្ដាប់អ្នកនិយាយទេណាមួយគេក៏ចេះធុញដែរ។

ជារួម ប្រិយមិត្ត គួរតែប្រយ័ត្នជាមួយពាក្យសម្ដីរបស់ខ្លួនឲ្យបានច្រើន សម្ដីតែនិយាយចេញមកគឺមិនអាចលេបទុកយកទៅវិញទេកុំនិយាយស្ដីមិនចេះគិតនាំទុក្ខដល់ខ្លួន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​