ជាការពិតការបាត់បង់របស់មានតម្លៃមិនមែនត្រឹមតែជាការលួច ប្លន់ ឬជោគជតាតែមួយមុខនោះទេ។ ពេលខ្លះការធ្វេសប្រហែសដោយមិនដឹងជាប្រយោលរបស់យើងក៏អាចជាមូលហេតុដែលបាត់បង់របស់មានតម្លៃក្នុងជីវិតបានដែរ។ ដូច្នេះចង់ដឹងថាតើការធ្វេសប្រហែសទាំងនោះមានអ្វីខ្លះ? មកតាមដានជាមួយ AMS ទាំងអស់គ្នា៖
១. ចិត្តសប្បុរស
មិនខុសនោះទេមនុស្សដែលមានចិត្តល្អតែងតែមានញាតិមិត្តជាច្រើនស្រឡាញ់ ចូលចិត្ត រាប់អានមិនដាច់ឡើយ។ ម្យ៉ាងវាក៏ជាគន្លឹះមួយដែលនាំឱ្យមានសុភមង្គលដល់ខ្លួនឯង និងមនុស្សជុំវិញខ្លួនផងដែរ។ ប៉ុន្តែទង្វើល្អរបស់យើងគឺមិនអាចប្រើជាមួយមនុស្សគ្រប់គ្នាបាននោះទេ ពោលគឺមនុស្សមួយចំនួននឹងយកសន្ដានចិត្តរបស់យើងធ្វើជាឈ្នាន់ដើម្បីចាប់យកផលប្រយោជន៍ផ្ទាល់ខ្លួនជាមិនខាន។ ដូច្នេះមុនពេលប្រើទឹកចិត្តទៅកាន់អ្នកណាម្នាក់គួរតែពិចារណាឱ្យច្បាស់ បើពុំនោះយើងនឹងត្រូវបាត់បង់របស់មានតម្លៃណាមួយដោយសារការបន្លំពីមនុស្សមិនល្អជាមិនខាន។


២. ពាក្យសម្ដីផ្អែមល្ហែម
ច្បាស់ណាស់គ្មានមនុស្សណាម្នាក់ដែលចូលចិត្តស្ដាប់ពាក្យសម្ដីគ្រោតគ្រាត មិនទន់ភ្លន់ និងមិនកក់ក្ដៅនោះទេ។ ប៉ុន្តែក្នុងកាលៈទេសៈខ្លះយើងចាំបាច់ត្រូវប្រុងប្រយ័ត្នឱ្យបានខ្ពស់នូវពាក្យសម្ដីផ្អែមល្ហែមដែលគេប្រើដើម្បីលួងលោមយើង។ ពិតណាស់បើស្ដាប់ទៅពាក្យសម្ដីគាប់ត្រចៀកខ្លាំងរហូតអាចធ្វើឱ្យយើងបាត់បង់ម្ចាស់ការផងដែរ តែបង្កប់ទៅដោយចេតនាអាក្រក់តែម្ដង។ ដូច្នេះហើយមិនមែនរាល់ពាក្យសម្ដីផ្អែមល្ហែមសុទ្ធតែមានចេតនាល្អទាំងអស់នោះទេ។
៣. ទង្វើល្អ
ជាក់ស្ដែងមានមនុស្សមួយចំនួនបានសម្ដែងហាក់ធ្វើដូចជាចង់ជួយក្នុងពេលដែលយើងធ្លាក់ចូលស្ថានភាពពិបាកណាមួយ។ ប៉ុន្តែការពិតនៅពីក្រោយទង្វើនោះគឺការមើលឃើញផលប្រយោជន៍អ្វីម្យ៉ាងដែលគេអាចកេងចំណេញពីយើងទៅវិញនោះទេ។ ពួកគេមានជំនាញមែនទែនក្នុងការសម្ដែងដើម្បីទាក់ទាញចិត្តរបស់យើងឱ្យទោរទន់ទៅតាម វាក៏ជាឱកាសដ៏ល្អសម្រាប់គេក្នុងការលួចយករបស់មានតម្លៃណាមួយចេញពីយើងដែរ។ ដូច្នេះការទុកចិត្តលើទង្វើល្អរបស់មនុស្សណាម្នាក់មិនមែនជារឿងធ្វេសប្រហែសឡើយ៕


























Account
Security
Favourite Content