រឿងភាគបែប BL និង GL ក្លាយជា Soft Power សំខាន់របស់ថៃ រំពឹងកើបចំណូលជាង ២០០ លានដុល្លារក្នុងមួយឆ្នាំ

ភាពយន្តភាគទូរទស្សន៍បែប Girls’ Love (GL) និង Boys’ Love (BL) ដែលផ្តោតលើទំនាក់ទំនងស្នេហារវាងតួអង្គស្រីនិងស្រី ឬប្រុសនិងប្រុស កំពុងទទួលបានប្រជាប្រិយភាពខ្លាំងនៅក្នុងប្រទេសថៃ និងអាចរកចំណូលបានដល់ទៅ ៦,៩ ពាន់លានបាត (ជាង ២០៥ លានដុល្លារ) សម្រាប់សេដ្ឋកិច្ចជាតិក្នុងមួយឆ្នាំ។ នេះបើផ្អែកតាមការចុះផ្សាយរបស់សារព័ត៌មានថៃ The Nation។

តាមរយៈបទសម្ភាសន៍កាលពីថ្ងៃទី១៧ ខែមីនា លោកស្រី Kiatiya Saisanan ជាសាស្ត្រាចារ្យផ្នែកសារព័ត៌មាន និងសារគមនាគមន៍នៅសកលវិទ្យាល័យ Thammasat បានកត់សម្គាល់ថា ភាពយន្តប្រភេទ GL ជាប់ចំណាត់ថ្នាក់ក្នុងចំណោមប្រធានបទដែលមានការពិភាក្សាច្រើនបំផុតទាំង ១០ នៅលើប្រព័ន្ធផ្សព្វផ្សាយសង្គមថៃក្នុងឆមាសទីពីរនៃឆ្នាំ ២០២៤ ខណៈក្នុងឆ្នាំដដែលនេះនៅថៃមានការផលិតភាពយន្តភាគ GL ជាង ៧០ រឿង។

សាស្ត្រាចារ្យរូបនេះបាននិយាយថា រឿងភាគ GL ដូចជា “Love Bully” និង “The Secret of Us” បង្ហាញពីជីវិត និងសិទ្ធិរបស់ក្រុម LGBTQ+ នៅក្នុងសង្គមថៃ ដោយបន្ថែមថាក្រុមហ៊ុនផលិតកម្មកាន់តែច្រើនបង្ហាញចំណាប់អារម្មណ៍ក្នុងការបង្កើតមាតិកាប្រភេទនេះ។ ទន្ទឹមនោះ សាស្ត្រាចារ្យ Kiatiya បានព្យាករថាមាតិកា GL អាចបង្កើតចំណូលសេដ្ឋកិច្ចបានរហូតដល់ ២ ពាន់លានបាតក្នុងមួយឆ្នាំ និងរំពឹងថានឹងកើនឡើងបន្តទៀតក្នុងរយៈពេល ២ទៅ៣ឆ្នាំខាងមុខ។

លើសពីនេះ កាលពីខែមករា មជ្ឈមណ្ឌលស្រាវជ្រាវសេដ្ឋកិច្ចរបស់ធនាគារថៃ SCB (SCB EIC ) ក៏បានបញ្ចេញសេចក្ដីរាយការណ៍ព្យាករថា ទីផ្សារភាពយន្តភាគ BL នឹងអាចរកចំណូលបានជាង ៤,៩ ពាន់លានបាត (ប្រហែល ១៤៤,៨ លានដុល្លារ) នៅឆ្នាំ ២០២៥ និងបានណែនាំឱ្យមានការគាំទ្របន្ថែមពីរដ្ឋាភិបាលដើម្បីបង្កើនការប្រកួតប្រជែងរបស់ប្រទេសថៃនៅក្នុងទីផ្សារពិភពលោក។

យោងតាម ​​SCB EIC រឿងភាគ BL របស់ថៃទទួលបានប្រជាប្រិយភាពយ៉ាងឆាប់រហ័សនៅក្នុងប្រទេសផ្សេងៗដោយសារតែ ខ្លឹមសារបើកចំហរសម្រាប់ទំនាក់ទំនង LGBTQ+ ខ្លឹមសារប្រកបដោយភាពច្នៃប្រឌិត និងគុណភាពខ្ពស់ ភាពពេញនិយមនៃបណ្ដាញ Streaming និងការផលិតក្នុងបរិមាណនាំមុខគេក្នុងតំបន់អាស៊ី។

គិតត្រឹមដើមឆ្នាំនេះ ប្រទេស​ថៃ​បាន​ផលិត​ភាពយន្ត BL ប្រមាណ ៣៤០ ចំណងជើងហើយ ទាំងរឿងភាគ រឿងកុន និងរឿងខ្លី។ នៅឆ្នាំ ២០២៤ ប្រទេសថៃបាននាំមុខទីផ្សារ BL អាស៊ីដោយបានផលិតច្រើនជាងពាក់កណ្តាលនៃភាពយន្ត BL ទាំងអស់ដែលបានចាក់ផ្សាយនៅអាស៊ី។

ភាពជោគជ័យជាសាកលនៃរឿងភាគ BL របស់ថៃក៏បានបើកទ្វារសម្រាប់ឧស្សាហកម្មផ្សេងទៀតដើម្បីរីកចម្រើនជាមួយគ្នាដែរ។ ឧទាហរណ៍ជាក់ស្ដែងដូចជា ឧស្សាហកម្មបោះពុម្ពសៀវភៅប្រលោមលោក ឧស្សាហកម្មព្រឹត្តិការណ៍ដូចជាការប្រគំតន្ត្រី និង Fan Meeting ឧស្សហកម្មផ្សាយពាណិជ្ជកម្ម ព្រមទាំងឧសហកម្មផ្សេងៗទៀតដែលប្រើប្រាស់ឥទ្ធិពល Soft Power ដូចជាវិស័យទេសចរណ៍ សណ្ឋាគារ ភោជនីយដ្ឋាន ផ្សារទំនើប និងក្រុមហ៊ុនអាកាសចរណ៍ ខណៈអ្នកគាំទ្រអន្តរជាតិតែងធ្វើដំណើរទៅប្រទេសថៃ ដើម្បីស្វែងយល់ពីទីតាំងថតរឿង ឬចូលរួមក្នុងព្រឹត្តិការណ៍នានាទាក់ទងនឹងរឿងភាគ BL/GL ដែលរួមចំណែកយ៉ាងសំខាន់ដល់សេដ្ឋកិច្ចក្នុងស្រុក ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *